تصويت بين البراونق القديمة ام شجرة وولد والستوقر 2000 التركية ؟

[هاوي البيكال]

السلام عليكم ورحمة الله وبركاته

نبي تصويت بين البراونق القديمة ام شجرة وولد وبين الستوقر 2000 التركية من جميع النواحي
نبي التصويت من ناخية الصناعه والكد والكرف وقلة الخرابات

مع العلم ان البراونق بالكرتون ما رمت ولا فشقة وطول السبطانه 32 ام جسر

واللي يعرف عنها شيىء لا يبخل علينا

ننتظر التصويت

[فراس التميمي]

والله وانا اخوك مقارنه ليست بمحلها

لان الستوقر تشكات و30 انش وترمي الى 56

بينما البراوننق 32 انش فل تشك ولاترمي الا الى 40 بالكثير وتنكسر ابرتها على طول بس رميها حار حراره غير طبيعيه
ودايم مكينتها فيها خرابات خاصه الابره دايم تنكسر


فلذلك انا ارشح الستوقر لانها ترمي ضغوط وتتحمل

وفقك الله اخي الكريم

[نديم القهوة]

المقارانات هذي لا تؤدي إلا نتيجة :looney:
لأن المقارنات بين الشياء لابد ان تكون مرتكزه على ركيزه معينه
أما ان تقارن بالعموم اسمحلي ماراح تاخذ فايده ابداً ، وكلٌ سيعبر على هواه
وحتى يستقيم ما طلبته منا حدد لنا سبب مقارنتك وطلبك لنا للتصويت ؟
هل تود شراء أحدها مثلا ؟

[عمعوم]

أما ان تقارن بالعموم اسمحلي ماراح تاخذ فايده ابداً ، وكلٌ سيعبر على هواه
كلامك منطقي اخوي .

ياليت تحدد عناصر المقارنه مثلا :
السوق اي البندقين تسوق اكثر .
اهم المشاكل في القطع و غيرها .
بالتوفييييييق ,,,

[راشد الخلاوي]

اخوي الستوقر هي احسن بندق في العالم وانا استغفر الله

البلجيكية تقول انها بالكرتون

اذا بتبيعها البراونق البلجيكية القديمة المروحه اللى ما ترمي ضغط عالي وكخة

رد علي الله لا يهينك

اخوك راشد الخلاوي

[راعي البلجيكي]

والله انا اقدر البراوننق

[ابو محمد سوبر]

مافيه مقارنه ابدا اخوي
لكن اذا عندك نيه تبيع البراونق الرجاء ارسالي رقم جوالك وتراي شراي

[هاوي البيكال]

اخواني الكرام

انا ابي مقارنه من ناحية السوق وحرارة الرمي واساسا انا ما ارمي اكثر من 6_36

من ناحية الكرف والمد الغريب انه يذمون البراونق ام شجره وانا اعرف شخص عنده وحده لها اكثر من 15 سنه ولا عمره صلح فيها

ابي اللي يقارن يقارن على نية

وانا ابي اشتري وحده من الثنتين يا اما براونق ولا ستوقر 2000

ننتظر اهل الخبره

[براق دخنة]

^^

ألستوقر تراي اقولها لك من الحين

ترا رشها يسار الهدف بـ شبر

تراها تروح يسار

[aborajwa]

والله وانا اخوك وش جاب التركيه جنب البراوننق .. البلجيك معروف فعلها وما عمري سمعت ان احد عذرب فيها الا صاحب الرد اللي فوق يقول ان ابرتها تنكسر .. انا شريت وحده مستخدمه واستخدمتها اكثر من 12 سنه لكن محافظ عليها وماعمري غيرت فيها شيء وهي بدون شجرة او ولد الظاهر اقدم منهن .. ان كانك على ما تقول من ضغط 36 وجاي عز الله لا توخر عنها .. خذها مني .. والا خل عنك التركية وخذ بيكال على معرفك تراي بعتها واخذت بيكال 30 انش فيبر لو تبي ترمي بها حجار ما قالت لا ..

[الدين واضح]

البراونق وتوكل على الله

[عشقي دحروج]

وش جاب التركي للبراونج

التركي ان طول معك 5 سنوات لكن البلجيك مرمى وتكد عمر معك

اعرف ناس لها اكثر من 30 سنه عندهم ومن نشيط لنشيط للحين

بــــلــجــيك وبس والتركي .........:D

[محمد الهديب]

حي الله الربع ... مع احترامي للجميع وش جاب التركي للبلجيكي .. التركيات ما طلعت الا من فتره قريبه .. اما البلاجيك لها تقريبا 50 سنه .. و الافضل من جميع النواحي ( السوق , قلة الخرابات , اقوى حديد , كد و مد ) كله من صالح البلجيكي .. لكن رمي الظغوط اكثر من 40 يضرها ... اما التركيه صدقني ما تتم معك بالكثير سنه الا و انت بايعها ..