المساعد الشخصي الرقمي

مشاهدة النسخة كاملة : افضل عازل حراري داخل الغماره


عكس التيار
19/05/2011, 04:04 PM
السلام عليكم

اخواني انا اعاني من مشكله ارضية السياره:s


ومعروف ان الشاص حراره الشكمان تاصل للغماره بشكل غييير طبيعي :f لدرجة ان المكيف ماعد ينفع

فياليت احد جرب وركب عازل ينقل تجربته لي ولغيري اللي يعانون نفس المشكله

ملاحظه : العازل اللي يبيعونه في محلاات التنجيد المعروف بقايا اقمشه وخيوط يتم كبسها تشبه لباد الفرشات في البيوت وتباع على انها عازل ماااااينفع ابد

اتمنى الكل يشارك ويفيدني وغيري
انسانه؟
19/05/2011, 04:07 PM
ان شاء الله يفيدونك الاخوان
والله يعين على الحراره سواء شاص ولاغيره.
Abo gssar
19/05/2011, 04:24 PM
فعلا وانا اخوك العازل اللي يباع في محلات التنجيد مثل عدمه لكن شوف الرابط ذا فيه واحد من شباب مكشات في رابطة ملاك نيسان باترول القديم جاب طريقة مرة حلوة لعزل الحرارة عن الغمارة ان شاء الله تستفيد من طريقته انت وجميع الاخوان اللي يعانون من نفس المشكلة



http://www.mekshat.com/vb/showthread.php?t=378262&page=28 (http://www.mekshat.com/vb/showthread.php?t=378262&page=28)
عكس التيار
19/05/2011, 04:40 PM
انسانه

صادق الوعود

بارك الله فيكم وجزاكم الله بالخير

صادق الوعود ماشاء الله على الرجال اشتغل واستفاد وواضح انه تعبان وماراح تعبه على الفاضي

لكن ماتلاحظ ان موتره قديم وعادي يفكك ويربط

وموتري 2010 صعبه والله افك كل اللي في الغماره :D
مطيعيس
19/05/2011, 09:30 PM
عندي فكره يا عكس التيار ألا وهي : انك تروح عند المنجد ويكون ممتاز ومحله كبير لأن موترك جديد وتقول له فكك لي الغماره واتركها وبجيك بعد يوم واذا جيت جب عدتك وزين وخبص ورتب والظاهر بما انه شاص يعني غمارته صغيره ومابتاخذ الشغله الا ساعه ونص بالكثير مو مثل الربع اللي في رد تركي اللي اعطانا رابطه صادق الوعود واذا خلصت قل للمنجد ركب المراتب والسقف وغيرها ثم قله بجيك بعد يوم .
وصلى الله وسلم
وياليت تعلمني وش بتسوي لأني مهتم بموضوعك
والسلام عليكم ورحمة الله وبركاته
رسيس نجد
19/05/2011, 09:39 PM
فيه العازل الكويتي الاصفر ليش ما يستخدم في عزل حراره السياره (مجرد رئي )0
انا مستخدمه في الجزء المعدني من مشب الخيمه 0
ابوصالح77
20/05/2011, 10:31 AM
هلا بك أخوي
في الحقيقة كد جربت عازل الشينكو ( السنيكو )
لكن عيبه ما تتحكم فيه على كيفيك
وأطلعت على شغل تركي بسيارته
الحقيقة ما بعد شغل
قرم العيال
20/05/2011, 01:50 PM
فيه عاز يلف على الشكمان نفسه .. جدا ممتاز

اشوف اهل المرهمات يلفونه ويخفف من حراره الشكمان كثير

http://img.skitch.com/20090916-pgw2q1dxse8w7emnx4cq9by46r.jpg

http://www.bnitamem.com/uploadcenter/files/28526.jpg

http://www.ubtksa.com/vb/uploaded/2031_01251406623.jpg
عكس التيار
20/05/2011, 02:39 PM
مطيعيس :D حياك الله

لو اطلع كبسة اوادم مافككت موتري وحسته :D

شكلك تعاني من هالمشكله يوم انك مهتم في الموضوع :(

لكن الله يسخر لنا الراي المناسب


رسيس نجد

هل اللي تقصده هو اللي يجي في المضلات

وياليت له صوره


ابو صالح

احس انه بيصير صجه عند الرجلين تكرمون يعني اتوقع كنك ملبس الارضيه اكياس اللي تجي عند البقالات
وبتشغلك


قرم العيال

اللي تقوله هذا اشوف انه يجي تيب

وشكله قوي ويعزل مادام انه يلامس الهدرزات والقزوز ومعروف ان الهدرز يغدي جمره الله يكفينا وياكم

لكن هل يجي منه رولات كبار ؟؟؟
Abo gssar
20/05/2011, 11:18 PM
انسانه

صادق الوعود

بارك الله فيكم وجزاكم الله بالخير

صادق الوعود ماشاء الله على الرجال اشتغل واستفاد وواضح انه تعبان وماراح تعبه على الفاضي

لكن ماتلاحظ ان موتره قديم وعادي يفكك ويربط

وموتري 2010 صعبه والله افك كل اللي في الغماره :D

عادي وانا اخوك ماهو لازم تفكك الموتر بامكانك تستخدم المادة من الخارج يعني ترش اسفل السيارة من تحت ومثل ماشفت المادة صناعة المانية والالمان ماعندهم شي عبث..
مطيعيس
21/05/2011, 12:15 AM
لا الحمدلله اخوي عكس التيار ماأعاني من المشكله لأن طلعاتي في الظهر قليله ولكن الله يسهل عليك
وشكرا:)
عكس التيار
21/05/2011, 04:49 PM
صادق الوعود

هل تتوقع بتصير فيه فايده لو رشيته من تحت ؟؟


مطيعيس الله يجزاك بالخير وماقصرت
عاشق vip
21/05/2011, 05:27 PM
السلام عليكم ورحمه الله وبركاته

أخوي انا أعاني من الأصوات المزعجه .. وليس الحراره .. فمن خلال بحثي عن الموضوع ..

لقيت حل لي ولك .. وإن شاء الله ينفعك وينفعني .. بس ترى للحين ما جربته .. لأن الأختبارات ع الأبواب ..

وهذا الموضوع .. من إعداد شخص مصري ( الله يجزاه بالخير ) .. وإن شاء الله تفهم الموضوع من خلال الكلام والصور .. لأني لقيت شويه صعوبه بقرايه موضوع بالمصري ههههههههههههههههه ..

أضغط هنا (http://www.nilemotors.net/Nile/210607-a.html#post3873392342)

بالتوفيق للجميييييييييييييييع
عكس التيار
21/05/2011, 11:22 PM
ماشاء الله والله ان شغله طيب

سبحان الله مايحك جلدك الا ظفرك

لكن فيه اشياء ما اتوقع اني القاها عندنا

اللي هي الجلد الاسود المتين اللي يقول انه حق الارضيات والجلد اللي ركبه في الدواسات

لكن ماتلاحظ يالغالي ان الارضيه مع هالي ركبه بترتفع شوي ؟ :)
A.B.H
22/05/2011, 12:57 AM
السلام عليكم : كان فيه واحد من ربعي معه حوض كان يعاني من الحراره الي عند الوطايات والي ورى الظهر..المهم الرجال راح لمحل في القصيم معروف يقاله الشلال ركبله عازل وفرش له الأرضية.... طلع الموتر خيال ماشاء الله خفت الحراره مرررررررره وطلع الموتر هادي مافيه ازعاج ..
عكس التيار
22/05/2011, 11:36 AM
ABH

الشلال قد سمعت به وسمعته الطيبه

لكن اتوقع واجزم ان في الرياض منهو مثله او افضل منه بس ياليت يجي احد ويدلنا عليييه