استفسار ضروري بالسياره

[قرعون]

سلام عليكم ياجماعه الربع ان شاء الله الجميع بخير انا عندي مشكله قبل اسبوع تقريبا

وانا طالع من الدوام جيت ابشغل السياره والا اسمع صوت بالمكينه قوي طق طق

وانا مدري وش هو مشيت والا اهتميت ووصلت البيت ووقفت يوم الاربعاء وماشغلت

السياره الايوم الجمعه للصلاه ويوم جيت بركب فيها الا وريحه عفنه وقوويه بالسياره

وفتحت الكبوووت بغيت اموووووت من شده الريحه اللي تموت الدينا صور من قوت الريحه

الكريهه الله يكرمكم الا واكتشفت السالفه(( قطوه داخله بالمكينه)) حقت السياره يوم اني بالدوام

وقطعتها المكينه لاحول ولا قوه الا بالله ويوم جاء يوم السبت غسلت المكينه عند المغسله

بديزل يومين وري بعض والريحه خفت بنسبه بسيطه بس مازالت موجوده والله اني استحي لا ركب معي احدويشم الريحه وش السوووات يااخواني افيدوني ...الخ

فتكفوون ياجماعه الربع انكم تنصحوووني وش اسوووي العله ان السياره اللي معي جديده

جمس 2010 واي واحد يعرف وش اسوي يقوولي وسلامتكم ....

[m3ax]

حط لك كيس فحم في السيارة وتنحل المشكلة

معروف ان الفحم يمتص الروائح الكريهة وان الناس اذا سافروا يحطونه في الثلاجات حقت البيت عشان ما تطلع ريحة لين يرجعون

[قرعون]

حط لك كيس فحم في السيارة وتنحل المشكلة

معروف ان الفحم يمتص الروائح الكريهة وان الناس اذا سافروا يحطونه في الثلاجات حقت البيت عشان ما تطلع ريحة لين يرجعون

مشكووووووور اخوي على الرد بس وين احط الفحم

جوي المكينه حقت السياره يعني او وين ؟؟

[m3ax]

داخل الغمارة اخوي

[رسيس نجد]

الحل عند البنشر 0نظفه بالبستم وداخل السياره حط على الجميرات بخور وخلها فتره من الزمن

[قرعون]

الحل عند البنشر 0نظفه بالبستم وداخل السياره حط على الجميرات بخور وخلها فتره من الزمن


نظفت بستم ولا فااااااااد الريحه مازالت موجوده !!

[عمر الشريف]

الله يعينك روح لأقرب محل عود وخذ لك بخور عود ولع لك جمر وحط العود عليه وخليه نص سااعه

[ستار سات]

عليك السلام .. إذا عندك سيارة ثانية أو عند أخوانك أو تستأجر.... وقف الجمس مدة عشرين يوم بالشمس وحط معطرات قوية بالغمارة(مع تجديد المعطرات إذا انتهى مفعولها) ... والأفضل فتح غطاء المحرك بين فترة وفترة ............ والله ييسر أمرك .

[سحابة قبله]

السلام عليكم

وده لفلبيني واحرص على الفلبيني هو اللي كبده تقبل اي شي اقصد ما تهمه الريحه

وقله بتأكد من برواز المروحه واللي حوله وينظفه ويغسله ببانزين وان شاء الله تروح الريحه

[بدوي جنوبي]

المشكله ان الروائح داخل فتحات التكييف ومسكت
ما لها الا الشمس زي ما قال ستار سات .

[قرعون]

بيض الله وجيهكم على الردود اخوواني انتظر المزيد منكم ....

[دبييين]

افتح فلتر الهواء و فلترالمكيف يمكن ان يكون فيه شي دخل داخله
ومسبب الريحة

[قرعون]

يا اخووواني اللحين الريحه جوي راحت بس باقي بري اذا نزلت اشمها واذا فتحت الدريشه اشمها

بس الحمد لك ربي المكيف ماله ريحه حاليا

[قرعون]

مشكوووووووورين على الردود بيض الله وجيهكم انتظر المزيد لان الريحه موجود خارج السياره

[ابوسند9]

غسيل بستم بالديزل

[فارس الحربي1]

اذا تبي رائي اغصلها ببنزين وبعد الغزيل ببنزين اغسلها بكاس
اهم شي يكون مموارد ذات تحليل كيميائي قوي مثل مستخلصات البترول
وبعد الغسيل عرضها للشمس
فيه حاجه يسمونها الحكارته خليه يفكها لك وينضفها زين مع المروحه ورديتر المويه والمكيف علشان ينضف كل شي

[قرعون]

الله يعيني على مابلي فيني ربي احمدو ربكم على اللي اشمه يوميا وماتشموونه

[قرعون]

للرفففففففففع

[أميرالعشاق]

الله يكون في عونك اخي الكريم..والله مشكله فعلاً..وبإذن الله يفيدونك الإخوان بالمزيد من الحلول...

[بـدر]

اتوقع لازم يفركون لك المكينة واللي حولها قطعه قطعه لانه اتوقع الروائح الكريهة تجي من قطع عالقة وما شالها غسيل البستم العادي لذلك خلهم بفركون ادق التفاصيل من فوق وتحت حول المكينة فيه وفي الاديتر قطع عالقة

والله اعلم

[قرعون]

ياحبيبي من اللي بيفركها كلهم يعيووون والله قلت لم هندي لك 100 وحط راسك من تحت المكينه وقال لا!!!

[khalid1100]

اخوي انا صارت معي والسياره برادو رحت فيه للصناعيه وخليت مكانيكي يفك البلاستك اللي بين المروحه والرديتر ويشيل اي شي موجود من بقايا القطو ورحت فيها لمغسله وخليتهم ينفظونه صح ديزل ومويه قويه بعدها رجعت للمكانيكي يركب اللي فكه بعدها راحت الريحه نهائيا"
انا تعبت لين لقيت واحد يرضى يشتغل فيها لكن زود السعر وراح يوافقون
انا اخذ منى المكانيكي 200 ولو طلب اكثر عطيته والمغسله اخذ 60
اتمنى اني افدتك

[متوسد جحه]

الله يعينك


مالك الا انك تفك الوجهيه للسياره وخاصة البرواز حق المروحة والشبك يعني تفصفصها وتشوف الهواية لايصير داخل فيها شي واقعد فوق راس العمال خله يشغل زين وانتبه لاتكثر الغسيل بالديزل ترا مع الوقت يضر بالمكينة


والله ييسر امرك

[ابوميس الحلوه]

الحمد لله على السلامه
اخوي تراها صارت لي قبل على كرسيدا والله اني مالقيت احد يوخره حتى بزود فلوس
فقلت مالي الا ابعده بنفسي بعد شق الانفس والله يعينك مالك بالطويله .
اول حل انك كل يوم تروح الى اي مغسله وعلى نفس المكان ديزل بستم ان شاءالله
من 3 يوم تبي تشوف الفرق لكن تراه كان عندي على الشاص والقزوز بقايا يوم خفت الريحه رحت لمغسله حقت شاحنات وعطاها من الضغط العالي الين صارت تبرق المكينه:good2:
اخوك اصابه المصاب وهو في الجبيل والريحه معي الين الدمام والله اني صرت زي الفاقد للوعي :D