احترت وابطيت ما شريت

[alkltham]

السلام عليكم ورحمة الله وبركاته الله يسعد ايامكم وكل اوقاتكم
لو تكرمتو حبيت اسمع ارائكم ونصايحكم عندي مبلغ وقدره ونويت باذن الله اشتري سفاري 2010او2011 بس تفاجئت بكثير من الاصدقاء ينصحوني بان استخير واشوف غيره بس المشكله محد منهم جربه ولا جرب حتى شي اسمه جيب الا اربعه منهم المهم
انتم وش رايكم سفاري او غيره وهل يستاهل قيمته الحاليه مستعمل 180 ونازل والجديد 215 وطالع فاليت من منكم عند افادة ما يبخل

[الشقردي 999]

خذلك 2009 اما الجديد ما ينفع

[HCW]

خذلك 2009 اما الجديد ما ينفع


ممكن توضح كيف ما ينفع
هل جربت الموتر بشكل شخصي لمدة شهرين على الاقل ؟

[مجنون نحم]

N9i7h


Gxr v8 2011

[مدمن فتك]

والله تبي الكلام الزين اسأل من جربه اما التخرص مهب زين ونيسان شركة عريقه مهي مطلعه سيارة اي كلام

[ابو ابراهيم4]

وعليكم السلام ورحمة الله وبركاته
الموتر معي له تقريبا سنة الحمد الله لا اعطال(ماشاء الله) موتر ماشي تقريبا 44000الف كيلو طبعا موتري se-t3 موتر حلو من دخل كا ديكورات بس انا عندي ملاحظة على الموتر وهذي طبع قد تكون لد شخص طبيعية هي تكيف الموتر في عز الظهر تحس بحر هذا شخصيا لا ادري هو مني او من السيارة اللي قبل طبعا انا قبل الباترول كان معي اكسنت فما ادري حسيت بالفرق واجد ولا اعلم مالسبب هل هو عيب مصنعي او عشان المقصورة كبيرة
واي استفسار ان حاضرا

[ابو ابراهيم4]

قيمته الحاليه مستعمل 180 ونازل والجديد 215 وطالع فاليت من منكم عند افادة ما يبخل

انا ماادري من اين جبت معلوماتك ان المستعمل 180 ارجو التوضيح وذا كان عندك دلني علية فية واحد من الشباب يبي يشتري وذا كان نازل افضل

[درجلان الشمال]

لاتسال الا مجرب خل عنك( شركه يقولون)

[عاشق السيل]

أقولك الصراحة إني ماعمري جربته ولا حتى ركبته !! لكن لو معي قيمته أخذته وأنا مغمض !!!!!

بالله عليك نيسان باترول المعروف من سنيييييين طويلة أحد يتردد بامتلاكه ؟؟

[omar 3]

شركت قالولي قلفلت ابعد عنها

[قناص خلاوي]

انا من ملاك النيسان من قديم ولا عمري شريت جيب الا باترول بموديلاته
لكن اذا وصلت حدود 200 الف مالي واللاند كروزر
واذا تبي الموتر اللي يكد وشكل وفخامة وارخص سعر بمراحل عليك بموديلات 2007 وتحت

[الجني العبد]

لم أجربه ، ولكن لو حصلت دراهمه أبشريه على طول
والسبب لأنه أفضل منافسيه حاليا ، من حيث الفخامه والقوة والسعر المناسب
والآن بيتم السنه وإلى حزك مافيه أحد اشتكى من أعطاله

أسأل الله أن يرزقك السيارة اللي تريحك وتريحه

[ن.ن.د]

وعليكم السلام و رحمة الله و بركاته
انا اقولك ليش الناس متخوفين منه
http://t2.gstatic.com/images?q=tbn:ANd9GcQmDt7DSzMw34Oi3ue2lyTWiSorfo10b F4ISmZug64VIukFelygkA&t=1
لانه لو تلاحظ من ورا مو ((دفرنش)).... عكوس :eek:
وهذا مو بصالح الباترول:no2:

[Hwer]

لعدم انتشاره عدة اسباب ربما لغلاء ثمنه والا يوجد به عيوب
اقترح عليك زيارة موقع نيسان العربيه يعطونك العلم الوكاد

[صديق كلم رفيق]

انصحك ب gxr v8 موتر مجرررب وممتاز

الباترول الجديد ما انتشر الناس متخوفه منه ، ناظر للشارع وشف ايهم اكثر انتشار . انصحك بالاند وماراح ان شاء الله تندم .

[alkltham]

اشكر كل شارك وافادني بكل ذمة وبالنسبة تقولي وين حصلته 180 بمعارض النسيم هذاي القيمه اكيد صاحب السيارة عارضه بأقل بس حركات المعارض اعني بتحصل بأقل

[Abo gssar]

اولا انا لي رغبة انه يكون موتري ان شاء الله بس انتظر الصورةتتكتمل عنه فياليت اللي يقول مايصلح يكون مجرب الموتر ويعلمنا وش الشي اللي ماناسبه فيه اوالعكس...
مع اني مااتحيز لشركه بعينها الا اني اكره الكلام اللي بدون دليل الواحد لايكون امعة يردد كلام الناس اذا قالوا زين قال زين واذا قالوا شين قال شين.الله يصلحكم

[المصباح السحر]

تبي الصراحه موتر ماعليه كلام

انا جربت اللاند كروزر وعائلتي من للي يدمنون الشيء هذا بس اللاند ماعاد زي اول بكل امانه الجوده ماش يعني بتطلع كشته لازم تسوي له صيانه عقبها وللي يقول للاند كلن يصللحه غلطان والله يوم خربت علي الدوده بالباحه اني طفتهم كلهم ولا واحد صلحه إلا الوكاله وانواع المماطله والنصب والصلخ
النيسان الجديد مركب شيوخ ماعليك من للي يقول انه تطيح قيمته عادي عندنا بالسعودية السيارات الفخمه تطيح قيمتها لان للي يتحكم بالسوق ناس ماعندها سالفه شريطيه ماتفهم
بس عليك من حاجتين مهمه
حسن الاستخدام ومعناه انت بتدفع 180 الف يعني اركد على الموتر لاتلعب به ولا تعطيه احد خلهم يقولون حريص ولا بخيل
الشيء الثاني بايكه لموترك تحفظه من عيون الناس والسرقات وتحافظ على ديكوراته من الشمس والحراره ولا عليك اهم شيء قناعتك اللاند مركب زين بس تراه ممل وبتكرهه بسرعه واسأل مجرب

[ابو ابراهيم4]

اشكر كل شارك وافادني بكل ذمة وبالنسبة تقولي وين حصلته 180 بمعارض النسيم هذاي القيمه اكيد صاحب السيارة عارضه بأقل بس حركات المعارض اعني بتحصل بأقل
اذ ما عليك امر نوع الموتر واسم المعرض

[alkltham]

نوع الموتر بالظبط ماني عارف بس مكينه 400 ونفاقيشن ومراتب مخمل هذا اللي اذكره وعن اسم المعرض انا اليوم بروح النسيم وبعلمك على العموم او ماتخش طريق المعارض بيجيك مكاتب التعقيب هو بعدهم برابع معرض

وابشركم شريت وعلى الطريق جاي من عمان والله يستر لاني اعرف عمان مشهوره با البريمي

[التعـ King ـديل]

عزيزي ربعنا لين الحين على سالفه السياره تويوتا والجوال نوكيا مادرو ان العالم وصل القمر وتطور والجوالات تغيرت

الموتر ماعليه كلام قوه وفخامه ولا احلا والله يطعمك من خيره ويكفيك شره

[owwn]

تدري ليش مااتشر مع الناس لان سعره غالي يعني الي يفكر يشتري جيب وبيوصل الميتين الف
يقول ياولد احطها في لاندكروزر حتى اذا ماكان مقتنع من التايوتا الناس تقنعه والسوق وإعادة البيع
بس هذا كله مايعني ان النيسان ردي بالعكس سيارات بس ناكبها وكيلها التعبان

[سفاري959]

والله يالغالي انا ما شريته لكنه مع واحد من اخوياي له سنه وفل الفل مشتريه ب 280 والرجال الصراحه جفس على الموتر وما شاء الله عليه ما اذكر انه تعطل معه بالنسبه للي يقول اللاند انا ما اعيب اللاند موتر معروف بس والله وللأمانه موتر واحد من الربع جي اكس ار 2010 جربته توقعته احسن من كذا بكثير خاصه على كلام الناس يعني من عيوب الموتر الي لاحظت مركب قاسي برغم انه 8 سلندر الا اني كنت اتوقع انه اقو من كذا خاصه فزته ديكور داخلي لون اسود والتخشيب نادر ما تحس بفخامه الموتر خاصه من داخل يعني بالمقارنه انا سايق هذا وسايق هذا وبدون تعصب لو اللاند افضل قلت لأن هذي امانه بس والله فرق بالراحه والقوه والفخامه وهذي ما يعيب اللاند ابد موتر ما عليه كلام بس اتوقع بعد التجربه ان غالب من يشتري اللاند هو من يفكر كم يجيب اذا جاء يبيعه انا اقول مر الشركه واطلب تجربه الموتر يا تقتنع وتاخذه والا يطيح من عينك وتصرف النظر عنه موفق خير يالغالي

[أطلال نجد]

أعتقد أن السبب الأول وراء عدم انتشار الباترول الجديد هو إرتفاع سعره

ثانياً سمعة الوكيل المحلي التي ليست بالمستوى المأمول من حيث خدمات الصيانة ما بعد البيع وأسعار قطع الغيار .

[سفاري959]

أعتقد أن السبب الأول وراء عدم انتشار الباترول الجديد هو إرتفاع سعره

ثانياً سمعة الوكيل المحلي التي ليست بالمستوى المأمول من حيث خدمات الصيانة ما بعد البيع وأسعار قطع الغيار .

صح لسانك وكيل نيسان هنا اسوء من السيء ما شفت وكيل لنيسان صح الا المسعودي وكيل نيسان في الامارات طبعاً الوكلاء عندنا كلهم سيئين بس الحمراني بزود