المساعد الشخصي الرقمي

مشاهدة النسخة كاملة : طلب مشوره/ابيع الجيب والا اصلحه؟؟؟


أميرالعشاق
21/05/2011, 03:41 AM
السلام عليكم ورحمة الله وبركاته وبعد...
إخواني الكرام ...
السالفه وما فيها.. إن عندي جيب تويوتا ربع موديل 95 شاريه من سنتين...
والجيب ما قصر معي ... وبيض الوجه في رحلات كثيرة بجبال الجنوب الوعرة ووديانها وعقابها ..
من الطائف الى حدود اليمن:)
....
والحين الجيب بدأت فيه أعطال ممكن تكلفني من 3000-5000 ريال وممكن اكثر بعد..
من حيث /توضيب المحرك وتركيب مكيف ودينمو جديد
وكفرات ومساعدات وتربيط وتجديد رشة البويه وتنجيد وغير ذلك....
......
المهم يا أخوان ..أبي مشورتكم ..
تنصحوني أبيع الجيب على حالته وأشتري سيارة جديده للرحلات ...
والا أصلحه واحتفظ به ..
مع العلم أن اغلب رحلاتي لمناطق شديدة الوعورة..
أتمنى ماحد يبخل علي ..
وما خاب من استشار..وفقكم الله
و لد ملهم
21/05/2011, 07:19 AM
حياك الله أخوي أنا انصحك انك تصلحه و تخليه معك لأنه شريطية المعارض يشترون منك برخيص و يبيعونك غالي و الشي الثاني اهم شي صلح الأعطال الميكانيكيه و نجد داخليته أما البويه الخارجيه موب لازم .
المهاجر انا
21/05/2011, 07:54 AM
حسب قيمة التصليح وقيمته في السوق وذهي بجيبلك افضل منه بعه على محتاج والا صلحه
عاشق السيل
21/05/2011, 08:44 AM
وعليكم السلام ورحمة الله وبركاته ،،

إذا والله عندك دراهم جيب أفضل منه بالموديل بعه ولا تتردد وطق الأفضل ،،

وإذا أنت تبي تشتري حول الموديل أنصحك تصلحه وتخليه عندك ،، وأهم شي الاستخارة والله يوفقك للي فيه الخير والصلاح ....
.أبوعبدالرحمن
21/05/2011, 09:05 AM
الآن السيارات غالية


وإذا بتبيع بيبخسون السيارة بحكم إنها تحتاج لبوية وتوضيب وغيره


رأيي لك صلحه وبعه أو صلحه وخله أما تبيعه بوضعه الراهن راح يبخسونك 100%



ولا تنسى الاستخارة
((ابوملاك))
21/05/2011, 01:29 PM
^^^

انا معاه ترا الشريطيه يدورون الزله
أميرالعشاق
21/05/2011, 02:52 PM
إخواني الكرام..
ولد ملهم..المهاجر انا..عاشق السيل..ابو عبدالرحمن الصفيّان..مجهول666
أشكر لكم مروركم ..ومشورتكم على العين والرأس ..
ولايهونون باقي الإخوان...
وبعد الاستشارة والاستخارة..قررت أصلحه واحتفظ فيه خصوصاً أني سبق وأضفت عليه بعض التجهيزات(بطارية إضافيه..
إناره كامله داخل السيارة..محول كهرباء+أفياش..إنارة خارجيه للرحلات..عازل حراري للسقف والارضية والابواب..إضافة كشافات للبر.. إضافة أدراج خاصه لادوات الرحلات..تحويل المرتبه الخلفية الى مرتبتين متقابله..إضافة تانكي بنزين ...إلخ)..

أخواني أشكركم مرةً أخرى ..وفقكم الله وجزاكم عني كل خير...