للخبرة بالترفيع باليايات الاستراليه للأهمية

[برهان1]

اخواني انا عندي برادو ورفعته من ورى 5سم بيايات استرالية المهم قال لي واحد من الشباب انه لازم اوزن الأذرعه ورى لأنه رفع السيارة بدون وزن لها وان الكفرات انمسحت الدعسه من الداخل الخلفيه طبعا بسبب انه بعد مارفع الموتر صار الكفر مايل لجوى يعني اختلفت الوزنيه فهل هذا الكلام صحيح واذا صحيح من يسويهالي شغل مضبوط انتظر اهل الخبره

والشكر مقدم للجميع

[صحيح]

ميزان الدرع الالكتروني في الصناعية القديمة يفيدونك

[باترول 4500]

انا رافع موتري بيايات استراليه 5 سم لي تقريبا سنه والحمدلله الموتر مضبوط ما مسحت الدعسه ولا شي

[برهان1]

والله يا اخوان مدري لكن البرادو من ورى دفرنس والرجال اللي قال لي معه باث فندر وهو فليور فهل يفرق هالشي

انتظر من عنده معلومه اكيده وشكرا لكل من تفاعل وسيتفاعل

[برهان1]

للرفع يا اخوان

[تركي الفيصل]

كلها دفرنسات البرادو والباثفندر
على العموم انا معي برادو وحطيت يايات استراليـــه ولا خالف
والحمد لله إلى الحين وهي تمام

[برهان1]

اخي تركي الفيصل الباث المقصود 2006 وهو ماهو دفرنس فليور عكس البرادو اشكر لك مرورك انت والجميع

[التعـ King ـديل]

انت رافعه واجد علشان كذا صار مايل

ترا مو كل السيارات ترتفع نفس الشي وخاصه البرادو

[برهان1]

مافهمت اخوي كنج التعديل انا رافعه بياي 5سم وضح الله يعافيك

[هورنت]

اخوي انا معي برادو 2009 رفعته بيايات استراليه امامي 4 سم وخلفي 5سم والكفرات الأماميه داخله لجوا ومع الوقت واكل المطبات تزين ولا تقول انا بحافظ على موتري وده ميزان المجد او العضيب يظبطونه لك

وشكرا

[سآبق الطير]

اوزن الاذرعه يا غالي

واذا رجعت البلد اوزنه ثاني مره

[ابوصنهل]

اقطع الشك باليقين ورح أفحصه إذا كان مايل ولا مهوب مايل ..
واللي اعرفه ان اللي ركبوها ماخالفت معهم

[برهان1]

اشكر كل من تفاعل مع موضوعي واسف على التأخر بالرد هو ماهو مايل بس خويي يوم قال لي اوزن اذرعه اذا رفعت بيايات استراليه شطب مخي يقول لأن الميزانيه تختل ولازم تنوزن الاذرعه واللا انا ماشوف ميل او شي قلت يمكن ذا الشي ضروري وانا ما سويته علما اني رافعه من ورى بس 4سم

[abdulrahmanfd]

والله يالغالي بخاطري افهم وش جاب باثفايندر لبرادو هل اليايات نفسها ، بعدين لا تنسى يقولون التجربة خير برهان انت شفت اختلاف بوزنية الموتر حسيت بفرق بعيب فيه ، طيب بالنسبة للكفرات علشان يرتاح بالك رح لمحل غيار زيت وقف الموتر فوق الحفرة وانزل وشف الكفرات فيها شيء باين عليها شيء اذا فيه ذيك الساعه رح لميزان المجد والا العضيب وساعتها تنحل المشكلة... والله يوفقنا واياك لكل خير

[شحرور الدهنا]

5سم ياخوي اشوفها وااااااااااااااااجد على البرادو وبعدين يمكن تطلع لك مشاكل بالقير وونه عمود وبعدين ونا اخوك البرادو رفيع يكفيه 2سم او 3سم وانت وسيارتك حر اعتبرها وجهة نظر

[قدر مكتوب]

يااخي 5 سم ارتفاع خلفي , انا بسالك الحين هل تتوقع التويوتا فيه ذيك الرساوه اللي تخليك ترفعه زود !!!

زود الاتفاع يبي ياثر عليك بالرساوه والقير والمكينه لكن الاهم رساوه الجيب والجيوب التويوتا خلقه مرتفعه وتجي انت وترفع 5 سم , اخوي جرب 3 سم معقول شوي وربي يحفظك من كل شر ومكروه

[برهان1]

يا اخوان هو مو 5 سم 4سم وتتحمل 200 كيلو لكن ما ادري اللي شاب علي ليش وليش انا يا اخوان اسأل هل يلزم اني اسوي وزن او لا وأكيد اني رفعت للحاجه لأني اذا كان الموتر محمل يطيح ويصير وجهه فوق يعني ماهب رفع بدون حاجه

اشكر كل من تفاعل

[أميرالعشاق]

الله يوفقك اخي الكريم....الآن وش المشكلة بالوزن؟؟؟اقصد ليش ما تسوي وزن وتتاكد>>ماانت خسران شيء..وفقك الله

[برهان1]

امير العشاق اشكرك على مرورك يالغالي وكلامك الطيب وهذا اللي بيصير بأذن الله

[Abu Msh3aL]

اخوي بالنسبة لرفعة الموتر من الخلف ما يصير فيها ميلان ابـد ولا فيه مجال انه يميل لان الدفرنس قطعه وحدة ممكن من الخلف اذا ارتفع الموتر زود تواجه قفلت المساعد وهي عبارة عن رجفه قويه في الموتر عند ادنى مطـب ( لو عيون قطط )

اما الميلان يكون في الامام اذا ارتفع زود يكون عندك نزول في المقصات على داخل وفي هالحاله تحتاج وزن مقصات ..

وممكن تعرف مستوى الميلان بالمسطرة ( اللي موجود فيها قزازه داخلها سائل اخضر ) .. اصلب الدركسون والموتر واقف على ارض مستويه حطها بالطول على الكفر وبتلاحظ الفقاعة اللي داخل السائل منحرفة الى اي جهه .. واذا كانت بالوسط معناته امورك تمام ..

وهالطريقة لنفسك وعشان ترتاح .. لان خذها مني اول شي بيقولونه لك حقين الميزان اي واحد ( سحب دفرنس وزن اذرعة ومقصات وتبديل كفرات وبياخذ عليك من 1500 وعليها ) ..

[برهان1]

يامال العافيه ابو مشعل هذا اللي ادور عليه كلام واضح ووافي ومقنع وهذا هو الصحيح فعلا لأن اللي نصحني موتره مقصات ورى وهذا اللي خللى الوزنيه عنده تختلف اشكرك والله يوفقك يالغالي والشكر موصول للجميع

[oneizi]

سلام عليكم شباب
تري فيها يمين ويسار حط بالك اذا كانت مركبه غلط تصير السياره مايله وسلامتكم.

[AbdulAZiz M]

انا مركب خلفي 5 سم وقدام ما تباعدها

موتري اف جي ولا شفت اي مشكله من اللي تتكلم عنها

للمعلومية الإف جي والبرادو نفس قاعدة العجلات حتى نفس اليايات الأسترالية تركب للإثنين

خذها مني وانا مجرب ولا يهونون باقي الشباب :)