اهل الرايف وخبرئها مشورتكم

[ktg112]

السلام عليكم ورحمة الله وبركاته
مساكم الله بألخير أعضاء مكشات الكرام
احببت استشيركم قبل ما اتورط
وما خاب من استشار وما لنا غناة عنكم
انا مو من اهل الرايف بسراحه وتوي ما اخذه ما له اسبوع
واللي عندي رايف يورو مقاس 110 بس بسراحه ماني عرف مقاس الربل كان له ربلين واضفت الثالث
وجربته مره واحده وحاب اضيف ربل زياده اللي عندي ثلاث ربلات وابي اضيف رابع وخامس اذا امكن
والمشكله موضحه على الصوره
هل بأستطاعتي ازيد في فتحت الربلات وتغيير محل قاعدة الباجي هل التعديلات تأثر على قوة الخشب
اذا تم فيها تعديل
وشاكر لكم حسن تعاونكم
وهذي الصوره ارفعه لكم لتوضيح اكثر

http://im3.gulfup.com/2011-05-21/1305992752841.jpg (http://www.anavip.net/vb/)

[النوخذة]

والله ما أنا من أهل الرايف يالغالي
لكن عندك حلول أخرى بدل التوسيع
معظم المواقع الأجنبية تقول أستخدم ربلة واحدة بسمك 20 ملم
أو إستخدم ربلتين بسمك 16 ملم , أو 3 ربلات بسمك 14 ملم
ما أذكر وين قريت الشئ هذا لكن إن شاء الله بأدوره وبأجيبه في الموضوع
وأنا متأكد إني قريت أن الثلاث ربلات 14 ملم , أقوى من ربلتين 16 , والربلتين ال16 أقوى من الربلة ال20 .
اللي أقصده من هذا الرد , حاول يكون التعديل في سماكة الربلات وزود على كيفك , أو قصر في طول الربلات الموجودة وبذلك تكون الرمية أقوى
مجرد رأي شخصي

[قرقاع]

اخوي انصحك اذا تبغى قوه خذ اثنين 16 وواحد 20



وخذ حسابك في التصخير انا عن نفسي افضل اثنين 16 وواحد 14 يعطيك قوه ممتازه


هذا اللي عند واتمنى الاخوان يفيدونك

[nayer]

كفاااية ربلتين اش رااح تصيد حووووووت

[ktg112]

النوخذة + قرقاع
أشكر لكم تداخلكم ونصائحكم بما أجدة به انفسكم
ومنكم نستفيد والله لا يحرمنى منكم ولا يحرمكم الأجر

[ktg112]

كفاااية ربلتين اش رااح تصيد حووووووت

والله بثلاثه ربلات شديت اثنين في أخر المسدس والربل الثالث على التكايه اللي في النص
وضربت طرباني صغيره حجمها لا يتجاوز 60 سم وما اثر فيها كل اللي كان نصيبي منها
شويت حراشيف لا تتعدى الخمس قشور
وفالنا وفالك الحووووووت

[هاوووي بحر]

وعليكم السلام ورحمته الله وبركاته
ممكن شويه لقافه يالغالي :j انا ناوي ان شاء الله اخذ رايف يورو كم سعره

[ktg112]

وعليكم السلام ورحمته الله وبركاته


ممكن شويه لقافه يالغالي :j انا ناوي ان شاء الله اخذ رايف يورو كم سعره


حياك الله يا خوي وسلامة عمرك من اللقافه
الرايف يورو مقاس 110 بعد الخصم 1800
مقاس 120 بعد الخصم 1900 وعليها شويت كسور مو متاكد اعتقد في حدود 30 ريال
وكل واحد منها عليه ربلين
واماكن بيعها السنبوك اللي قريب من دوار السفن ما اعرف اسم الشارع
والبنقله فيه محل يبيعها بنفس اسعار السنبوك لانه اخذها من عند السنبوك
وبنفس السعر مع التخفيض
وهذي الاسعر تقريباً قبل اسبوع مسعرها
والله يعطيك خيرها ويكفيك شرها

[حوات جده]

عندي حركة سويتها احط 5 ربلات وما انشر الخشبه تعال عالخاص

[ktg112]

الله يعطيك الف عافيه يا عبدالله ارسلت لك على الخاص

[accentkool]

ماشاء الله عليم كم ربل بتركب بيصير سحبة شغلة ولا بتصيد حوووووووووت ههههههههههههه

[abo3omar]

السلام عليكم اخوي .
اول نصيحه اذا تبغا تضرب احجام كبيرة لازم تركب بكرة على المسدس .
ثاني نصيحه عشان الاحجام الكبيرة سيخ المسدس :
السيخ 7 ملم اسرع عند الضرب لكن قدرته على الاختراق اقل من سيخ 8 ملم لان وزنه اخف و سيخ 8 ملم ابطا في الماء لكن قدرة الاختراق اكبر و هذه اهم للسمك الكبير .
تيجي بعدين للربلات / الافضل زي ما فادوك الاخوان تغير من حجم قطر المطاط مع المحافظه على الطول الاصلي . عندك 3 انواع لمطاط الرايف من حيث القطر و هي الاساسي و يجي 9/16 و بعدين عندك الاسمك 5/8 و بعده 3/4 و هذا اسمك شي . شرط اساسي لاستخدام مقاس 3/4 ان يكون راكب عندك بالمسدس حلقة حديد على راس المسدس فوق الربلات في الفراغ اللي تدخل منه الربلات و هذه مهمه جدا لانها تحمي طبقات الخشب من انها تتفسخ و لا ينصح باستخدام اكثر من 2 في المسدس لنفس السبب لانها قوية جدا .
و مسدسك ممكن تركب عليه مطاطين 3/4 و تكون قوة الضربة قوية جدا و سريعه جدا لكن بنفس السيخ اذا كان 7 ملم صعب تخترق سمك كبير اذا المدى بعيد شوي لان السيخ 7 ملم زي ما قلت لك يفقد زخم القوة بسرعه .
و اذا تبغا نصيحه بالافضل لمسدسك هذا انك تستخدم 3 مطاطات من المقاس الوسط اللي هو 5/8 .
و اعلم اخي ان قوة الشد على السيخ اذا زادت عن حدها ممكن تاثر في استقامة السيخ بعد انطلاقه " يتحرك بشكل حلزوني بعد الانطلاق " مما يؤدي الى عدم اصابة الهدف بالدقة المطلوبة و هذه برضو سماكة السيخ لها دور كبير فيها .
ان شاء الله اني افدتك و ان شاء الله تلاقي اللي يفيدك اكثر

[The End]

يا أخوي خذ نصيحة مني الرايف يورو مو مثل بقية الرايفات خشبتة ما تتحمل قوة شد عالية إذا حاب تحط ثلاث ربلات حط مقاس 14 مع مراعاة الطول يكون مثل طول الربلات الأصلية وإذا مسدسك euro x يكون أريح بكثير في الشد ويتحمل أكثر لأن خشبته أكثر سماكة ,,,
إنت الحين حاط ثلاث ربلات مقاس 16 لو تشدهم للأخير سوف تلاحظ إنحناء بسيط في المسدس من الوسط وإذا زاد الإنحناء أكثر بينكسر راس الخشبة من تحت جهة المسمار ,,,
إذا كنت ترغب بأكبر قوة من المسدس مع المحافظة عليه إستخدم ثلاث ربلات مقاس 14 ,,,

[ابو عمار الحربي]

عندي حركة سويتها احط 5 ربلات وما انشر الخشبه تعال عالخاص

اش الاسرار هذي خلي الناس تستفيد ما اخبرك كذا يا حوات جده الله يعطيك علي كد نيتك

[ابو عمار الحربي]

والله بثلاثه ربلات شديت اثنين في أخر المسدس والربل الثالث على التكايه اللي في النص
وضربت طرباني صغيره حجمها لا يتجاوز 60 سم وما اثر فيها كل اللي كان نصيبي منها
شويت حراشيف لا تتعدى الخمس قشور
وفالنا وفالك الحووووووت

يمكن حبلك كان قصير او المسافه كانت بعيده او حربت السيخ ماهي محدووده او في وقت الضربه انحرفت السمكه وانحرف الصيخ
ثلاث ربلات لو ضربت صخره بتحفر فيها
اكثر من كذا ربل راح يفرط عندك قلب المسدس وراح تكسر الخشب نصيحه ببلاااش لا تزيد ربل اتاكد من حربت السييخ انها دايم اتكون محدووده لو ضرب سيخك في صخره راح ينعفت او ينكسر
تحيااتي

[walleed23]

ملاحظة: زيادة قوة الربلات حيأثر على قوة الارتداد و اهتزاز المسدس ومعناه ,انحراف السيخ عن الهدف

[السفريF15]

وش رايك تحط وحده 16 ووحده 18 جرب

[ظبي منصور]

كيف حالكم يااخوني ياهل الصيد عالعموم شهر7جاي اتحدي معكم اخوكم ظبي

[MOHAMMED-09]

طيب سؤال ::

هل اقدر اشد الربلين او الثلاثه على سنه وحده مثلاً أشد ربلين على السنه الأولى او اشدها على السنه الثانيه

يعني احط الربلين في مكان واحد

يأثر في القوه وإنطلاق السيخ ؟؟؟؟

[ALSANBOUK]

أخى الكريم ان اى اضافات على الرايف يلغى ضمان المصنع وممكن القوة الزائده للمطاط تكسر الخشبه واذا انت تريد صيد اسماك كبيره فأنصحك برايف الالمنيوم اسود اللون مقاس 4 او 5 ممكن تجيب فيه طربانيات من 50 كجم وزياده لو اعرف انزل صور كان وريتك صور الاسماك والبندقيه واسف للتطويل عليك وشكرا

[ktg112]

السلام عليكم اخوي .
اول نصيحه اذا تبغا تضرب احجام كبيرة لازم تركب بكرة على المسدس .
ثاني نصيحه عشان الاحجام الكبيرة سيخ المسدس :
السيخ 7 ملم اسرع عند الضرب لكن قدرته على الاختراق اقل من سيخ 8 ملم لان وزنه اخف و سيخ 8 ملم ابطا في الماء لكن قدرة الاختراق اكبر و هذه اهم للسمك الكبير .
تيجي بعدين للربلات / الافضل زي ما فادوك الاخوان تغير من حجم قطر المطاط مع المحافظه على الطول الاصلي . عندك 3 انواع لمطاط الرايف من حيث القطر و هي الاساسي و يجي 9/16 و بعدين عندك الاسمك 5/8 و بعده 3/4 و هذا اسمك شي . شرط اساسي لاستخدام مقاس 3/4 ان يكون راكب عندك بالمسدس حلقة حديد على راس المسدس فوق الربلات في الفراغ اللي تدخل منه الربلات و هذه مهمه جدا لانها تحمي طبقات الخشب من انها تتفسخ و لا ينصح باستخدام اكثر من 2 في المسدس لنفس السبب لانها قوية جدا .
و مسدسك ممكن تركب عليه مطاطين 3/4 و تكون قوة الضربة قوية جدا و سريعه جدا لكن بنفس السيخ اذا كان 7 ملم صعب تخترق سمك كبير اذا المدى بعيد شوي لان السيخ 7 ملم زي ما قلت لك يفقد زخم القوة بسرعه .
و اذا تبغا نصيحه بالافضل لمسدسك هذا انك تستخدم 3 مطاطات من المقاس الوسط اللي هو 5/8 .
و اعلم اخي ان قوة الشد على السيخ اذا زادت عن حدها ممكن تاثر في استقامة السيخ بعد انطلاقه " يتحرك بشكل حلزوني بعد الانطلاق " مما يؤدي الى عدم اصابة الهدف بالدقة المطلوبة و هذه برضو سماكة السيخ لها دور كبير فيها .
ان شاء الله اني افدتك و ان شاء الله تلاقي اللي يفيدك اكثر

وعليكم السلام ورحمة الله
يشهد الله انك كفيت ووفيت بيض الله وجهك يا صاحب الوجه البشوش لم تترك شارده ووارده الأ تطرقت
لها واضوحت بكل مفهوميه رحم الله والديك وجعلهم للجنه وأكييد الكثير من لم تكن عنده معلومات
يستفيد من مداخلتك كل الشكر لك والتقدير

[ktg112]

أحب اشكر كل الاخوه الاعضاء وكلأ بأسمه الكريم الذي مر ووضع بصمات خدماته و المساعده
لي وللذين لم تكن لهم خبره في الرايفات
جزاكم الله خير كل الجزاء ورحم الله والديكم جميعاً
هذا العشم فيكم يا ابنا مكشات

[abo3omar]

وعليكم السلام ورحمة الله
يشهد الله انك كفيت ووفيت بيض الله وجهك يا صاحب الوجه البشوش لم تترك شارده ووارده الأ تطرقت
لها واضوحت بكل مفهوميه رحم الله والديك وجعلهم للجنه وأكييد الكثير من لم تكن عنده معلومات
يستفيد من مداخلتك كل الشكر لك والتقدير

الله يحيك اخوي و هذا اقل الواجب لاخواننا بالمنتدى .
و الله يسمع منك و تسلم على الدعوة و الله يكتبلنا و لك و لكل من تحب الجنة ان شاء الله .

[ابو تاليه]

السلام عليكم

يعطيكم العافيه على شرح الوافي

[ABO--OSAMA]

ياشباب انا معي يورو 110 حاولت ادخل فيه ربل 18 زياده على الربلين 16 رفض يدخل المجرى مره ضيق في الخشبه ولما حاولت بقوه حسيت زي الصدع في الخشب....فقلت انقل لكم الصوره ...