المساعد الشخصي الرقمي

مشاهدة النسخة كاملة : معقول تكيات الرأس للأكسبدشن كذا !!!!!


فهد 1426
22/05/2011, 12:33 AM
شريت اكسبدشن 2009 سعودي دبل

والسيارة الحقيقه رائعه وقويه ومتامسكه لاكن قاهرني تصميم تكيات الرأس لجميع المراتب ما دري وشلون تفكير مصممين الاكسبدشن التكايات ماخذه حجم ما هو طبيعي كبيره جدا


المهم يمكن هذه مقبوله

لأكن الغير مقبول ان تكيات الرأس للسواق والراكب تحركها فقط طلوع ونزول يعني ما فيه وراء وقدام والمشكله انها مثبته على قدام ومضيقه على الرأس 00


وش السالفه ما لها حل ؟؟


يعني ابيع السيارة علشان تكايات الرأس !!!

والا أقدم شكوى للشركة الأم ؟؟

علشان بفصلون لي تكايات أخرى على مقاسي

طبعا في عالم الخيال
jasser
22/05/2011, 10:16 AM
والله وانا اخوك اذا بتبيع الموتر عشان التكايه او تشتكي الشركه ريح بالك وشيلها مره وحده

وانا عني عندي نفس موديل سيارتك ولا عمري فكرت في التكايه او ضايقتني

والصراحه انا هاليومين اشوف فيه هجوم على الاكسبدشن على اشياء تافهه والنصيحه للجميع اذا منت مقتنع بالسياره بيعها او ردها للشركه وشف غيرها ... لكن انا متاكد ان راح يوم ترجع وتدور الاكسبدشن واسال مجرب .
تحياتي
ماون ماركز
04/06/2011, 10:48 AM
شريت اكسبدشن 2009 سعودي دبل

والسيارة الحقيقه رائعه وقويه ومتامسكه لاكن قاهرني تصميم تكيات الرأس لجميع المراتب ما دري وشلون تفكير مصممين الاكسبدشن التكايات ماخذه حجم ما هو طبيعي كبيره جدا

ل

التكايات مضبوطة مافيها شيء

طالع الرسومات بكتيب السلامة اللي مع السيارة
أضبط المقعد وتضبط معك التكاية

أضبط المقعد على حسب وضع التكاية خلف الرأس
يعني خل مزانية المقعد هي وزنة التكاية مع رأسك

أنا ضابطها كذا بالماونتير


والله وانا اخوك اذا بتبيع الموتر عشان التكايه او تشتكي الشركه ريح بالك وشيلها مره وحده
تحياتي

الله يرزقك الخير . أنتبه فك التكاية أكبر وأخطر حاجة على السائق

أول صدمة من الخلف تنكسر الرقبة او شلل
قناص 506
17/06/2011, 03:13 PM
اذا ما عجبتك السياره بعنيها
hytham
19/06/2011, 01:19 PM
فيه مليون حل
روح خذ لك تكايات راس من سياره ثانيه وتكون التكايه متحركه وعند اي منجد نجدها نفس اللون وفك اللي عندك وركب هذي مكانها اهم شي جربها قبل تشتري انها تدخل في الفتحه تمام وتكون مناسبه لك

او خذلك من هذي اللي تجي فيها شاشات جاهزه, فيه منها كوري وفي صيني قيمه الجوز منها حدود ال 900 الى 1100 وشغلها حلو وعليها ضمان سنه
اما اني ابيع الموتر عشان تكايه الراس هذا كلام عجيب
هههههههههه تقبلها مني بروح رياضيه واتمنى تلاقي حل لمشكلتك

اما فك التكايه والمشي بدونها فقد رد عليها الاخ ماون ماركز انها اخطر شي في السياره ففكها يعتبر اخطر شي تسويه في السياره لا قدر الله صدمه من ورا ابسط شي يسير الرقبه تتضرر اما اذا صدمه من قدام ف الايرباج راح يقوم بالمهمه على الرقبه والله الحافظ
saalh123
21/07/2011, 11:57 AM
اخوي اذا بتيع الموتر انا زبونه