المساعد الشخصي الرقمي

مشاهدة النسخة كاملة : الفزعه يالنشاما


فمان الله
22/05/2011, 05:18 AM
السلام عليكم

كيف الحال

فلوسي 60 وابي جيب وش تنصحوني فيه من ناحية القوة وقطع الغيار

نيسان والا تايوتا

تكفوون يالربع مالي خبرة بالسيارات ...

لاهنتم
سفاري959
22/05/2011, 06:25 AM
والله الي بدت المشاكل والطقاق بينقلب موضوعك هوشه بين اهل النيسان والتايوتا شف يالغالي الي معه تايوتا بيقولك خذ تايوتا والي معه نيسان بيقولك خذ نيسان وانا اقولك كل الأثنين زينات من كل النواحي والقرار الاول والأخير لك ولا تنسى الاستخاره قبل كل شي واحرص على النظيف الي ما مشى واجد ومبروك مقدماً
يارب عفوك23
22/05/2011, 07:55 AM
مثل ماتفضل فيه أخوي سفاري

وعليك في الاستخارهـ والاستشارهـ


والله يكتب لك الي فيه الخير ع هالصبح
عاشق السيل
22/05/2011, 09:08 AM
كلها عينين براس ،، والله ماتندم لو شريت هذا وإلا ذاك ،، التويوتا زين والنيسان بعد زين ،،

أنا أرشح باترول فتك 2002 ويكون نظيف تراه بيطربك ويوسع صدرك !!!

ولا تنس الاستخارة الله يوفقك للي فيه الخير والصلاح ....
سفيرالانسانية
22/05/2011, 09:14 AM
انا نصيحة خذ نيسان يستاهل اولا شي في الطريق راحة وما مثل النيسان توكل على الله وانا اخوك ولا تشاور احد وشف لك نظيف طبعا انا ما معي نيسان لكن جربت التيوتا ما هو زين مرة متعب على الطريق مرة مرة
وبالتوفيق
على رمشي تمشي
22/05/2011, 10:04 AM
والله كلهن بهن الخير والبركه - اهم شى التوفيق واحرص على النظيف
والله يسهل دربك ويعطيك ماتشرى من خيره ويكفيك شره
مسير عليهم
22/05/2011, 10:46 AM
غير مودك وجرب امريكي فلوسك بتجيب لك يوكون موديل2004 وفوق
النجاشي_
22/05/2011, 01:25 PM
الله يوفقك لما هو خير

اذا صملت على النيسان شف موضوعي بمعرض نيسان

باترول سوبر سفاري 2003 قير عادي
سعود الحربي
22/05/2011, 01:31 PM
بكل صراحه مافيه مثل التايوتا مع احترامي لهل النيسان

كانك تبي سياره قويه وزود عليها ماسكه قيمتها

لكن احرص على النظيف
فمان الله
23/05/2011, 12:13 PM
الله يعطيكم العافيه ,,

التايوتا الحين غالي ما راح احصل الا 98 و 99 وكمان مو نظيف .. هل راح تنزل السيارات انتظر والا اشري هالحين

النيسان سمعت ان قطع غياره غالية هل هو صحيح او لا

ا
بدر100
23/05/2011, 01:24 PM
خذ تايوتا من 92 الى 97 ان شاء الله يطربك
ساري 111
23/05/2011, 02:13 PM
اذا حدك الـ 60 دور باترول فوق 2002

مااعتقد تبي تلقى جيب تويوتا نظيف بالقيمه
بوعبدالعزيز84
23/05/2011, 03:27 PM
وعليكم السلام ورحمة الله

اخوي فلوسك مراح تجيب لك الا مستعمل والمستعمل على حسب النظافة سواء كان نيسان ولا تويوتا يمكن تاخذ تويوتا وتعبان ومستهلك وتكره التويوتا واللي صنعه والعكس صحيح تاخذ نظيف وترتاح سواء نيسان ولا تويوتا والله يوفقك ويرزقك باحسن من اللي تتمناه
بـدر
23/05/2011, 09:22 PM
انا من عشاق التويوتا

لكن على حسب معطيات موضوعك وبالنظر الى فلوسك واسعار تويوتا المبالغ فيها

فأرى والله اعلم نيسان اجد موديل لانه للاسف 60 الف تجيب تويوتا قديم وماشي الوف مالفه

لكن يمكن تجيب نيسان اجد واقل ممشى

ولو اني مكانك ادور نيسان ما مشى واجد وموديل من الجدد ولو ان جايه رفرف والا باب والا اشتري قدددديم وماشي واجد غالي عشانه نظيف

رفرف والا باب ما يضر


والله اعلم
abo_hoor
23/05/2011, 10:14 PM
وعليكم السلام
اخوي العزيز اقدر اقولك تاخذ جيب تويوتا برادو او فونشير
او اذا ماتحصل بالمبلغ اللي عندي شوفلك نيسان باثفندر ان شاء الله تحصل