وش رايكم بكذا ؟ ارجو المشاركه

[مطر وسم]

السلام عليكم ورحمة الله وبركاته

اخواني المشرفين والاعضاء

عندي كلام بقوله وابي رايكم فيه هل انا غطان او معي حق
كنت محتاج اشري سياره عن طريق هذا المنتدى الشامخ
من خبرتي في اسعار السيارات لاحظت بعض الاعضاء هنا يعرض سيارته وياتي اعضاء اخرين يسومنها سومه خياليه الله يهديهم فوق سعرها الحقيقي
سؤالي هل الاعضاء اللي يسومون جاهلين بسعر السياره ؟
او يكون فيه اتفاق بينهم بزيادة سعر السياره بموعد مسبق ؟
اذا كنت غلطان فنبهوني واذا كان معي حق فئصلحو الحال

ولكم تحياتي

[أبو درويش]

كلامك سليم بارك الله فيك

ولا ازيد على كلامك فيه الي يرفع قيمة السلعه وما يشتري

وصاحب السلعه يزعجنا بسومة المنتدى المزيفه ..

يا حبيبي بيع وشراء مافيه سوم وكم سوم << حركات شريطيه

الي بيبيع يحدد السعر والا ينقلع بلا على السوم بلا كلام فاضي
اصلاً مالها اساس في البيع والشراء كم سيم كلمه دخيله اسسها السماسره

المزاد الي نعرفه الي يوقف عليه السعر نصيبه

يا كرهي لكلمة كم سيم والا ما سيم هههههههـ

[غدر الزمن]

اللي لمسته في هذا الموقع او مواقع اخرى ناس تسوم سومات مبالغ فيها واكثر من

السعر الواقعي للسياره... سيارات موديلات قديمه تتجاوز اسعارها على يامها وكاله

لا ندخل بالنوايا ولا نشكك بلاخرين ولكن ؟؟؟ الله المستعان

[بوتركي222]

كلامكم ما علية زود

[ابو شهد 99]

اشكرك اخوي غدر الزمن

[كشتيت]

كلامك صحيح 100% ولا عليه زود بس ما اعتقد ان لها علاج بس ما نقول الا

الله يصلحهم

[الهاجر 7002]

آخوآني كلآمكم حلو ..

لكن آذآ مآتبي آلسيآرهـ قل آلله يرزقكـ .. تدعي له ويدعي لكـ بدل مآ يدعي عليكـ

آنآ عندي موتر سومه وصل 91 ونآس يدخلون على آلموضوع يقولون بع ترآهـ جآب فوق قيمتهـ <~~
سؤآلي لهم ::/ هل شفتوآ آلموتر ولآ فحصتوووهـ ..؟
آذآ مآ آعجبكـ سعرهـ قل آلله يرزقكـ ولآ لآترد وتحرج نفسك ..


مششششششكور على آلمنآقشهـ ..
فيه سيآرآت مبآلغ بسعرهـ ولكن فيه نآس مآ عندهم آي مشكله يرفع سعرهـ عشآن يآخذهآ..
وفيه سيآرآت تستآهل آغلى من آلسوم لكن مآ يرفعووونه <~~هذي حركآت شريطيهـ

آسف على آلرد آلطويل ..

بيض آلله وجيهكم و وجه صآحب آلمنتدى

[صيادالجبيل]

كل المواقع الخاصة بالبيع والشراءيجي واحد وكأنة مسوي معروف يزيد السعروفي الاخيربعدمايسوم يقول الله يرزقك أويقولك يسوى اكثرمن كذا أسأل الله انة يصلح حال كل من سوى كذا والسوم المعروف سوم للشراء ويكون السوام جادفي الشراء مهوبس يسوم ويروح وكلامك صح100%وانا شفت الي انت شفت في حراج ومستعمل وكثيرمن منتديات البيع والشراء وليش يزيدالسعر وينحاش وهومايدري ان عليه اثم الله يصلح حاله.

[طلااالي]

كثير يقعون في النجش وهم مايعلمون والمفروض السلعه يحدها والجاد يشتري

واذا مضطرين للحراج يكون السوم في مدةة اقصاها 24 ساعه وبعدها يحذف الموضوع

[.. Anas ..]

وعليكم السلام ورحمة الله
هلا وسهلا ومرحبا
بالنسبة للسيارات وأغراضه فالبيع والشراء
قليل يأخذون الموضوع جد
يعني ما يبي يشتري بس يقول حط السومة كذا
وفيه ناس يعرض سلعة ويسومه بالأسم الثاني

أنا والله
شريت كم غرض وبعت أكثر من غرض بمكشات وبايع سيارتي هنا
بس أنا رجال أحط رقم جوالي والصامل واللي جاد يتصل ويأخذ المعلومات
ولا صار قريب جاء وشاف الغرض وبعدين يسومه
أما نظام الموضوع توهـ نازل وما فيه رقم جوال راعيه والسيارة تسوى 90 ألف مثلا
يجيك يقول 40 فتح باب ((شريطي كبير))
وإلا بـ 88 فتح باب ((نصاب من إسم ثاني))

[* ابو باسل *]

ياخواني بعض السيارات تكون نظيفه وخاصه السيارات الي تعرض في النت وانتم عارفين الشي هذا ومافيها شي اذا الواحد حب يبيع بسعر يكون اعلا من سعر المعارض لان موتره نظيف والمعارض كلهم شريطيه يبيون يشترون الموتر بارخص الاثمان ويحطه في المعرض ويحطه بسعره وكاله او انقص الف ريال لاوالله الا يعرض موتره واذا كان نضيف ويستاهل فيه من يشتريه وهو يثق في راعيه .

[النتاوي]

من حط عقله في راسه عرف خلاصة

إذا وصات السلعة لزيادة غير معقولة

ف فلوسك في مخباك وسيارته عنده ..

[مطر وسم]

اخواني مشكورين جميعا على الرد والمشاركه


وماقاله اخوي انس هو عين الصواب :good2:


بعض الاعضاء مو كلهم الله يهديهم ويصلح حالهم يعرضون
سياراتهم او اي غرض للبيع وبعضهم يكون له اسمين او ثلاثه يخش فيهم ويقعد يزود في بضاعته او يكون له ربع متفق معهم يخشون ويزاودون هذا ماكنت ابي اصل اليه اللهم اهدي الجميع


ولكم تحياتي

[أميرالعشاق]

موضوع مهم جداً ....من غشنا فليس منا....
وعلى إدارة مكشات إيقاف أي عضو يلاحظون منه التلاعب في البيع والشراء والمزايات...
وحسبنا الله على من لايخاف الله

[باسل نجد]

كلام صحيح
وأقترح يكون السوم على الجوال أو تحد السيارة حد