المساعد الشخصي الرقمي

مشاهدة النسخة كاملة : الفزعه ياشبااااااااااااااااااب


دفي الوقت
17/12/2005, 10:43 AM
السلام عليكم احبتي

عندي جيب باترول موديل 95

وودي اركب له تانكي بانزين اضافي والمعلومات اللي ابيها


اسم الورشه ومكانها والتكلفه تقريبا

واخيرا يهمني رايكم هل اركب تانكي اضافي والا لا يعني وش تنصحونني فيه

وجزاكم الله خير يالغالين


واذا مافيه كلافه عليكم ابي نوع كفرات يكون عملي وبدون صوت لان اللي في موتري دنلوب بس الناس تحسبني افحط اذا لفيت علما بأنني اريد كفرات عريضه وتصبر ومالها صوت ويكون سعرها مناسب
الكونترولCONTROL
17/12/2005, 11:23 AM
انا من رايي تركب .......... و يكون من 50 ليتر او اكثر بعد ....
الطير المهاجر
18/12/2005, 09:21 AM
السلام عليكم
انت اولا وين بتركبه؟ ورى عند الباب الخلفي؟
اذا عند الباب الخلفي فأنا ما هو مؤيد للتركيب الا اذا كنت تطلع بر باليومين واكثر
اما اذا غير كذا فأنا اقول ان حرارة الشمس تخوف صراحة
تحياتي
المموه
18/12/2005, 09:36 AM
اسمع الهرج اللي يجمد على الشارب , صباح الخير
من ناحية التانكي تروح طال عمرك للصناعية ورشة المتميز ( محمد السوري ) ولو تبي تانكي بالشماسه حط لك . وتتركه يضبط لك تانكي بطرمبه وبضغطة زر .
اما من ناحية الكفرات فلم اجد حتى تاريخه افضل من ميشلان . والسلام
مغرز
18/12/2005, 10:21 AM
المواهب : صدوق وأمين ويعلمك وش الزين من الشين
المميز : اسعاره معقوله
Jazz : مااعرف عنه شي الا انه يشتغل بنفس المجال
هالثلاث محلات هم تقريباً المشهورين او الي انا اعرفهم واذا فيه محلات ثانيه الشباب يبي يفيدونك
دفي الوقت
18/12/2005, 02:25 PM
الله يعطيكم العافيه يالشقرديه بس ماعليه ابي وصف للورش اللي ذكرتوا اللي هي ورشه محمد السوري والمواهب والمميز والجاز علما بأني ساكن بالرياض بس ابي شغل محترم

الكنترول مشكوووووووووووور يالغالي
الطير المهاجر الف شكر وماقصرت وانا ابي اركبه بمكان زين
المموه ماقصرت بس ليتك تعطيني الوصف
المغرز تبين اجي اطلعك ههههههههه الله يعطيك العافيه بس ابي وصف هالورش الله لايهينك


وشكرا لتعاون الجميع
المموه
19/12/2005, 08:01 AM
الوصف . في صناعية العويضه .تنزل من كبري الصناعه والكهرباء اللي يدخل من تحته القطار ووجهك جنوب بعد اشارة شارع الامير سلمان تدخل الخدمه لحين يجيك اول ملف سايدين يمين تلف ووجهك غرب تمشي على طول لحين يجيك على اليسار تقاطع مسكر بصبات قبل التقاطع هذا بحوالي 30 متر على اليسار ورش داخل شارع صغير ديور مع اخر الشارع وادخل الشارع الصغير الورشه على اليسار
مغرز
19/12/2005, 08:55 AM
الاخ دفي الوقت : صبحك الله بالخير
لي عوده إن شاء الله بس لين اضبط الوصف همن اعلمك بالوصف الدقيق علشان ما اضيعك
وذا انت مستعجل هالورش بالصناعيه القديمه وتراهن حول بعض
والاخ المموه عطاك الزبده