اريد تجهيزات للبرادو...

[ق ن ص]

السلام عليكم ورحمه الله ..... يا شباب مكشات ابغى منكم خدمه هو ان تعطوني اي تجهيزات للبرادو وجزاكم الله خير.

[الطير المهاجر]

السلام عليكم
صبحك بالخير
اولا اذا السيارة جديدة فمبروك عليك والله يعطيك خيرها ويكفيك شرها
ثانيا انت تقصد تجهيزات من اي ناحية ( الماكينة او اغراض السيارة حق الطعوس؟)
اذا حق الطعوس فاتبع الاتي :
1_ اول شي تسويه اشتر لك ماطور هواء
2_ جهاز لاسلكي ( 2100، او غيره )
3_ جي بي اس
هذي اشياء مبدائية والشباب كل واحد بيقولك شي والله يعينك على المخاسير
تحياتي

[ق ن ص]

جزاك الله خير يا الطير المهاجر.
ننتظر الشباب الباقين لايبخلون علينا.

[الشقردي]

مبروك الموتر مقدما ....
انت علمنا وين تبي توصل فيه :يعني كشتات قريبة ولا بعيدة قنص ....
أنا من ناحيتي يلزم صدام أمامي ابو عدة (ولا تركبها بأي طريقة)
وتانكي ماء (وضروري يكون ستيل), واحتمال سله فوق اللي اشوفك نشدت عنها
وشراع تنزاني داخلي لتغليف الشنطة, وان حصل تحط رف في الشنطة بعد

[الطير المهاجر]

تذكرت شي
حط مع عدة السيارة سكة حديد صغيرة او عفريتة
علشان لو غرزت لاسمح الله لاتتعطل او تطلب من احد يسحبك
تحياتي

[بو خليفه]

صحيح كلام الطير المهاجر
يفضل اشتر خليجي جميع الكسوارات موجوده فيه
أو السعودي ستدفع فوقه 10000 ريال للتجهيزات

[خالد 711]

بسم الله الرحمن الرحيم
بالبداية اسمح لي ان ادلو بدلوي
انصحك بالمرور على خيمة السيارات وتجهيزاتها الى بدايات المواضيع
ثانيا بعض التجهيزات المهمة من وجهة نظري
دعامة امامية الى يجي فيها مسحاة +فاس +معلاق ذبيحة +مطرقة هذا بالنسبة لمقدمة السيارة
الغمارة يبيلك تلبس المراتب وتكيس البيبان للمحافظة عليها
تلبيسة تحط على القير ويكون فيها مكان للجهاز الاسلكي ومكان وضع الاغراض الصغيرة وهذي تفصلها بالغرابي عند حقين الخيام
جهاز لاسلكي يفظل ايكوم 2100
جهاز gpsويفضل العربي الجديد 276يوضع على الطبلون
انصحك تنزل المراتب الخلفية بالبيت وتحطها باكياس احفظ لها من الغبار
في الخلف فية تلبيسة تكون على المرتبة الخلفية والشنطة ( موجودة بالمواضيع المميزة بالخيمة )
بالسحاب الاول تحط اشتراك سيارة +واير سحب
السحاب الثاني تحط محول كهرباء + لمبة
وبالامكان تركيب تانكي موية يتسع لحوالى 80 لتر يوضع تحت الرفرفين ( اختياري )
وبالنهاية لا تنسى الكمرة والشاحن الى يشتغل على المحول الى بالسحاب الثاني
وهالله الله بالصور والاخبار الحلوة لاهل مكشات
وسامحنا على القصولر

[ق ن ص]

جزاكم الله خير اخي الطير المهاجر و الشقردي و بوخليفه وخالد711.
بغيت اسأل سؤال للشقردي وش الفرق بين الستيل والالمنيوم وليش تفضل الستيل.
وسؤال لخالد711 وين بالضبط مكان التانكي مافهمت تحت الرفرف.

[ثرمداء]

صعبتوا السالفه

رح للقصيم بتلقا

محل السنيدي

تبي ترجع منت عارف الموتر

وكل الي تبيه بتلقا

[ق ن ص]

جزاك الله خير ثرمداء رحت لم السنيدي ما جيت الايوم الجمعه وما لقيت اشياء كثيره كنت ابيها اولها جالون حديد بنزين غير الاشياء الثانيه.

[الشقردي]

الستيل سلمك الله مجرب ولا يصدي مثل الحديد واحرص ان لحام الستيل يكون خاص بالستيل يعني مهوب لحام حديد ولا ترى يصدي عليك
والستيل ما يطلع ريحه زي الفيبر
ومن الاشياء المهمة سعرة معقول مقارنة بالالمنيوم اللي يمدحونه ولكن يقال انه ما يتحمل المطاب (بس هذا اذا كنت بتركبه في شاص)

أرجو اني ما طولت عليك وعندي سؤال البرادو اللي معك من الشكل الاخير ؟ وكم سلندر؟ ووش رايك بالموتر من ناحية سهولة الركوب يعني هل هو مرتفع بزيادة ولا عادي؟

عندي واحد متحير بينه وبين الباث فيندر عشان مسألة ارتفاعه

[ق ن ص]

جزاك الله خير يالشقردي على المعلومات الحلوه.

بالنسبه للبرادو ماشاء الله مريح وقوته ممتازه وبالنسبه للارتفاع البرادو ارفع من الباثفايندر يعني تقدر تركب بوالين عليه بدون ماترفعه بس انزل بشوي من الاندكروزر تقريبا مقاس اظفر.