:: جريدة اليوم :: تزرف صورتي لـ أكثر من 4 مرات

[هاجس]

السلام عليكم ,,,

هذه الصورة صورتها لواحد من الشباب الله يذكره بالخير ,,,

كل يوم اتفاجأ ان جريدة اليوم الي تصدر من الدمام زارفه هالصورة في صفحات الشعر الشعبي :( بدون ذكر المصدر ,,,

المهم وش رايكم لاعدمنااكم

http://www.mekshat.com/pix/upload/images12/mk7703_ra3ee.jpg

[beddo]

الاخ هاجس السلام عليكم طالب بحقوق النشر

[الدهماني]

إذا تبي راينا بالصورة فهي روعه
اما تصرف الجريدة فهو غير مسئول لكن يمكن إنهم ما يعرفون المصدر لذالك أنصحك بالكتابه لهم عن أحقيتك بهذه الصوره

بس سؤال لو سمحت

أنت مصور هذي الصوره بوادي العجمان ؟

[ابو سمر]

صورة جميلة جدا ، ويا ليت تكتب لإدارة التحرير بذلك .

[أبو أديب التميمي]

السلام عليكم ورحمه الله وبركاته :

مشكلتهم لو تلقط شي منهم لقطوك بحلقك !! وإن لقطو شي منك تهاونو في حقك !!

يعني نط في حلوقهم !! كانك مصورها !!

الدعوى لعبة ,,,,

[هاجس]

بدوو
الله المستعان ,,, والله محد حولي

الدهماني
انا عارضها في النت وعليها حقوق النشر وهم اللي يهديهم ماسحين الكتابه ,,
بخصوص موقع الصورة , مالك لوا ,,, هذي شرق مطار الدمام

أبو سمر
تسلم ياغالي ,, بحاول ان شاء الله

أبو فارس
والله مانخلص معهم ,, الله يعين :)

[دسم الشوارب]

طالبهم في ديوان المظالم يمكن يطلع لك شي وشويات

[هاجس]

دسم الشوارب
بوكلك :) ولك كل شي :)
ماني فاضي لهم وفي الاخير يبي يعطوني اشتراك للجريدة لمدة اسبوع :(

[ابو بريك]

أخوي هاجس يا مرحبا بك . الصورة جميلة جدا ومعبرة وتصلح لغلاف مجلة فواصل.وانصحك ترسلها لهم مع سعرها ولا تنسانا بلنسبة......

[هاجس]

والله صحيح !!!
وكيف اكلم فواصل ,,, <--------- (ضاعت علومه) :)
بعدين هل فواصل فيها صور نساء , اذا ايه مايشرفني اتعامل معاهم

تحياتي لك ياغالي

[مغرز]

اخوي هاجس : مساك الله بالخير مالومهم لو سرقوا الصوره بيني وبينك الصوره تستاهل ما شاء الله عليك
واطلب العوض من الله لإنه على قولك ماراح يجيك اكثر من اشتراك لمدة اسبوع ...... الله يعوض عليك إن شاء الله
اخوك : مغرز ابو منصور

[هاجس]

هلا بك ايو منصور والله يعوض خير :)

لاهنت ياغالي

[ولـد الدوادمي]

اخوي هاجس والله لو اني منك لا اطالب بحقي ولا ابن امه يتكلم فطالب بحقك ؟

اخوك / ولــ الدوادمي ــد

[هاجس]

هلا بك ياولد الدوادمي ,,
صدقني مافي الحمض أحد ,, يعني كلها تعب وفي الأخير مع الباب ,,

هذا صحيح برى السعودية أما هنا الحافظ الله ,,,

:)

[ابو شـ,,,,وق]

طالب بحقك والعن جدفهم بعد

نعنبوا جدكم العاطلين اكتبوا عن معاناتهم .... لا وظائف ولا شيء.... جيدين بلطش العالم لا بارك الله فيكم

[الكونترولCONTROL]

عليك بسؤال محامي شرعي قانوني .... إن كان يقدر يفتيك و يضمن حقك بعدد المرات اللي نشرت الجريدة بها الصورة
و انا من رايي انك لازم تثبت ..... بيقولون وين رايح وقف .... حنا ما لقينا على الصورة انها عليها حقوق نشر !!!!!!!

[هاجس]

أبو شـ,,,,وق
لاتزيد المواجع خلني قد نسيت ............ لاتقلب في قلبي صفحة الذكريات

:) :) :)

[هاجس]

الكنترول
هلا بك ,,,,
الصورة عليها حقوق في موقع للصور !

لكن الله يعين

[ابو شكاع]

هاجس
أذكر لك صور كثيرة جميلة
إذا منيب واهم لك صورة جمال في الصحراء وكاتب أسمك بالأبيض والأسود صح أو لا ؟
بالنسبة للصورة
لو أنا منك ما أترك حقي
حتى لو ما أطلع بشي على الأقل أفعل شي
والله يعينك
وياليت تطلعنا على جديدك في التصوير

[أبو رشود]

صورة معبرة وبقوة

وأنا قد شفتها في تصميم بأحد الموقع ومكتوب عليها ( بعيد الهقاوي )

وأهنيك على حسن اختيار الزاوية

ولو بتروح تطالبهم يقولون اثبت انك مصور الصورة ... وان اثبت بيماطلون

لكن كانك معزم فارفع تقرير لجهه حكومية مثل وزارة الإعلام وغيرها وياليت ترسل التقرير لأحد المدراء عشان ما يردون له طلب ويكتب لك اعتذار في الجريدة ...

وخذ هذي درس عشان توضح توقيعك على الصورة

بعدين أبيك تسمح لي بستخدمها ببعض التصاميم هععععععععع



جزاك الله خير






أخوك/ أبو رشود

[Abu-Nawaf]

الاخ هاجس السلام عليكم طالب بحقوق النشر

[هاجس]

أبو شكاع
صح :)
وابشر باللي يرضيك ,, لكن ترى السالفه تبي تطول وتسمج مع هالجريده :)
تحياتي لك ياغالي

[هاجس]

اخوي ابو رشود
التوقيع واضح في الصورة الأصل والمنزله في النت وعلى عرض الصورة كلها ,, لكن الله على الظالم :)
بعيد الهقاوي !!!!!!!!!!!! ماأعرف عنه شي !!!
وحلالك الصورة وراعيها :)

[هاجس]

أبو نواف
هذا خارج السعودية مهوب هنيا :)
تحياتي لك يااااغالي

[النداوي HZ2AF]

الأخ هاجس
مالك الا تسوي كذى وخل عاد احد يقدر يأخذها
غيري ;)


http://www.mekshat.com/pix/upload/images12/mk14490_mk7703_ra3ee.gif



أخوك ابو عبدالله

[جهني]

اخوي هاجس
اشهد بالله العظيم اني مريت على هالصورة وقفت عندها كثير اتأملها من روعتها وجمالها من قبل اسبوعين تقريبا
تسلم يمينك
وبعدين حقوقك اطلبها من الله ما حولك احد اقل شيئ يقولك اثبت وحتى لو اثبت على قولك اشتراك او مثله
ذكرتني بقصة بنت في مطاعم امريكيا احرقتها وجبه في شفتها يعني نفطه :) واشتكت وحصلتلها كم مليون

العلوم ماش ماش ماش

[هاجس]

النداوي
:) في المرات الجايه :) وترى مااسمح لك تاخذ الصورة
<----------- واحد نحيس :) :)

[هاجس]

الجهني
اشكر لك الاطراء وتسلم ياغالي ,,,
.
.
والله يرحم الحال هذا اذا ماحصلنا شوته من الدريشه :) :) :)

[رسلان]

لأجل هذا الفعل المتكرر من الصحف بودك لو يضع المرء نصف الصورة توقيع :) ...
سبق أخي لجريدة ... أخذ عديد من الصور منها لنا ومنها لبعض الأخوة مثل الجيب الربع ونفل وغيرهم ...
ولافائدة ...
لانقول إلا ...
حسبنا الله ونعم الوكيل ...

[ابو ايمن]

حياك الله اخوي هاجس

الصورة أكثر من رائعة .

وأنصحك بمطالبتهم بحقوق الملكية . وطالب التعويض .

تحية عطرة

[الحضري]

السلام عليكم ورحمة الله وبركاته

هذي الصورة .. مرت علي في توقيع اخونا ابن سليم :)


وهذي هي وعليها حقوق نشر


http://www.mekshat.com/pix/upload/images10/mk2914_123.jpg




نتمنى لك التوفيق

[ضلع الرقيبه]

طالبهم في ديوان المظالم يمكن يطلع لك شي وشويات


الا اكيد الحين الاعلام والجرايد مايبون عليهم اي غلط وانا متأكد انهم بيخافون انك توهقهم خصوصاً اذا كان عندك براهين

[هاجس]

رسلان ,,
صدقت والله ,,

أبوأيمن
لاحياة لمن تنادي :) والله ماحولي أحد

لاهنتم

[هاجس]

الحضري ,,
تسلم على التوثيق ,,, ولاهنت ياغالي

[هاجس]

ضلع الرقيبه
ماأظن والله ,,,

تسلم ياغالي

[عليمي2000]

يعني هي للاخ هاجس والا للاخ ابن سليم فأنا في المنتدى من زمان وكنت اشوفها توقيع للاخ ابن سليم

[هاجس]

لي :) والاخ ابن سليم ماقصر خلا الحقوق مثل ماهي

[سعد القاسم]

طالبت بحقوقك عندهم ؟ والله مشكله ياخي؟

[أسامة]

يا حليلكم يا شباب : طالب بحقوقك وين أنتم عايشين ؟؟؟؟؟؟؟؟؟
عندنا من سبق لبق خخخخخخخخخخخخ
أقول وأنا اخوك مالك الا تخربش الصورة كلها باسمك عشان ابن امه يعرف وش هي
والا تدري لبسها نقاب :)
الله يكون في عونك وعوننا جميعا على هالحرامية

[بن سليم]

بعد التحيه والاحترام :

أخواني الكرام :

أثر الصوره الي بتوقيعي مسويه مشكله بالمنتدى والجرايد ياحليلي وأنا نايم هههههههههههههههههه .

أخوي هاجس لاتكون تبي ترفع علي دعوا ومطالب وحقوق تراني بالغي هالتوقيع عشانك هههههههههههه

بس تذكرت تراني تارك الحقوق مكتوبه بإسم رويس وترى هذه الصوره لها ذكرى طيبه

وعزيزه على قلبي وتراها جتني هديه من صديق وذكرني ببداياتي في مكشات يوم كنت شباب ههههههههههه .

تحياتي للجميع . . .

أخوكم : بن سليم

[غيّام]

ماشاء عليك اثر هالصوره لك والله منتب سهل الصدق انها جايزة لي مره وهي انتشرت انتشار النار في الهشيم لكن ماكتب عليها انها لك ولا كتبت عليها اسمك المتميز
لكن ترى لو تراسلهم وتقول اذا ماذكرتوا اسم المصدر بأشهر فيكم ( اللي يشوفك يقول انك ماشهرت) لكن جرب يمكن تستفيد

[هاجس]

اشكر كل من واساني :) في الزرفه المذكوره :)

ولاهنتم ياغااااااااااااااااااااليين

[محب الشمال]

اخوي هاجس الصورة روعة روعة روعة
صراحة ما شاء الله تبارك الله عليك صورة مرتبه لها معاني كثيرة واضحة الوكاد انها رهيبه

بالنبسة للجريدة لا تروح لها ولا شي لان زي ما قلت وقالوا الاخوان في ردودهم بيسحبون فيك كم يوم ولا كم شهر واثبت وحنا اسفين ويحرجونك بكم كلمة وانتهى الموضوع
بس طبعاً لازم تطالب بحقك بهذي الصورة واطلب حتى مليون ريال
لكن كيف
الحل قالة له الاخ الكونترول شوف لك محامي كويس وفاهم وعطه الهرجه كلها من طق طق الى السلام عليكم وهو الي رايح يفتيك في هذا الموضوع احسن ما تتعب نفسك على الفاضي

هذا رايي الخاص تاييد لاخ الكونترول
واكرر الصورة روعة وخيااااااااااااااااااااالية

والله يحفظك ويرعاك

[هاجس]

محب الشمال ,,
كلامك واقعي اخوي الغالي ,,,, ومادام فيها مليون :) :) :) :) لك عشرة آلاف :)

ولاهنت ياغالي ,,,

[Abu-Nawaf]

طالبت بحقوقك عندهم ؟ والله مشكله ياخي؟

[هاجس]

تسلم ابو نواف على المشاركه,, والله يعين

[محب الشمال]

جزاك الله خير
لكن اخوي ابي نسبة يا ليت ههههههههههههه
يا ليت يطلع لك مليونين عشان اخذ على الاقل عشرين الف

بس حاول انك تجمع معلومات بشأن اثبات الصوره انها لك

[هاجس]

ههههههههههههههه :)

مايحتاج اثبات هي اصلا مثبه في موسوعة زيزووو للصور بإسمي ,,