لاتـبـخـل علي بذوقك...تجمل ببلاش

[9ملم]

الــــــــــــــــــــــــــــــــــــــــــــــــ ــسـلام عـــــــــلــــــــــــــــيــــــــــكــم..

اخواني الاعزاء والافاضل...تحية لجميع اعضاء هذا المنتدى اللي استفدنا منه الكثير
مايعدي علي يوم انا شخصيا الا افتح هالمنتدى,,,

ادخل بالمفيد..

ماهوو افضل لون على جمس سييرا 2011 قطع عشرة؟؟

لن انسى لكم هذا الخدمه واشكركم مقدما على فزعتكم..لاني بصراحه محتار وش افضل لون...من ناحيتي اشوف السموك سلفر شي على الموتر..:good2:

لكن لاخلا ولاعدم من مشاركاتكم..:good:


لحد يقولي اســود..انتبهوا :no2:

[GMC-2500-HD]

والله وأنا أخوك هذا لون يعني مزاج.

ما أعترف بشي أسمه اللون هذا يطلع حلو على هالسياره أما السياره الثانيه يطلع عليها اللون الثاني أحلى.

هذي قناعه شخصية وأنا أخوك. محاتسيك مافيه أمل يطلع موتر بأسمي الا وهو أسود. ولا لا يجيني ولا أشوفه.

أنا معي جي ام سي سييرا 2500 هيفي ديوتي 2011 غمارتين أسود. والي ماتنام عينه لو يرجعونه للوكاله ويعطوني دراهمي ويقولون لي وش تبي تشري لونه الحين. أبطلعه مره ثانيه بنفس اللون. لأني مقتنع بأن الأسود ملك الألوان.

بما أنك وأنا أخوك مقتنع بالفضي. اتكل على الي يقوى وقل بسم الله. ما عليك من أحد ووسع صدرك وخذ اللون الي جايز لك.

تحياتي, الله يعطيك خيره ويكفيك شره مسبقا.

[مسير عليهم]

الابيض سيد الالون ولك وللزمن

السموك حلو والاحمر احلى

[* ابو باسل *]

عندي فضي ممتاز ومقتنع فيه جداً وهو لون يجمع الون الحلو ويجمع الون الي يصبر على الشمس وعلى البر والغبار اما الاسود لون حلو بس في الشمس الله يعينك والبر جميع انواع المخوش حقت الشجر وغيرها تشوفها على مسافة كيلوا واما الابيض حلو جدا بس الي يشوفه يحسبه حق شركات وانت ومزاجك .
فيه لون رماد حلو مره صحيح غامق بس يجمع اللون الاسود والفضي وشكله سكبه .

[9ملم]

الاخ..............
GMC-2500-HD (http://www.mekshat.com/vb/member.php?u=212181)

اشكرك على المشاركة وعلى قولتك انا مقتنع باللون اللي انا ابيه ولكن من باب كل ماتشاء والبس مايشاء الناس

اشكرك على مرروك الذوق يارعي السييرا
الله يعطيك خير الطبلون ويكفيك شر التندة...

الاخ...........
مسير عليهم

اشكرك مرورك ومشاركتك وتقديرك لطلب الفزعه...
كل الالوان اللي ذكرتها شي الصراحه

اشكررر مرورك يامسير..

الاخ.............
ابو باسل

اشكر مشاركتك جدا ولايهونون الباقين خصوصا انك مدحت اللون اللي عاجبني

اشكر مرورك لبا قلبك

[walol]

اسود
جنوط شنابر
بالون
تلميعة
ااااه يانااس
هههههه
بالتوفيق واللون الفضي اكوس لون على موترك

[أبلج]

اللون الفضي (السلفر) ممتاز على السييرا
واللون الأحمر سيد ألوان الجمس :D

[ذابل الريق]

بالنسبة للجمس فاللون الاحمر هو ملك الاوان وهواللون الذي تغنى وشعر به الشعار لانه لامس وهيض قريحتهم
وشف واحكم وهذا معي اللي يقول فيه الشاعر
حماره على نور القمر كنه الياقوت تعد النجوم المرقبة فوق كبوته

http://img18.imageshack.us/img18/3592/phuppimagexiv.jpg

[Shqra]

سبحان الله شف اللون الأحمر بشكل لا أرادي يجذب عين الإنسان والسبب بأن العقل الباطني يشوف الاحمرار لون خطر ويلفت الانتباه ولذلك تجد الإشارة حمراء تعني قف وليس الأخضر وأيضاً الفرامل لونها أحمر وليس أسود أو فضي .

هذا بشكل عام للون

أم بوجه الخصوص السييرا وسيارات جي إم الونيتات الشفر والجمس لونها الأحمر له عراقه وكان من الخمسينات معروف اللون الأحمر وكان الشيوخ ماياخذون إلا الحمر

[Lover gmc]

الفضي حلو

وفيه لون موكا حلو برضه

[المتذوق]

السلام عليكم..
بالنسبة للون يختلف من سيارة الى أخرى! بعض السيارات لايليق عليها الا الوان محدده .. بالنسبة للجمس السييرا كل الالوان تليق عليه ماعندك مشكلة والافضل طبعا الاسود ثم الاحمر ثم الابيض ثم الرصاصي وهكذا..أما السلفرادو فلا يليق عليه الا الألوان الغامقه وشف اللون الفيراني الفاتح كيف يكون على السلفرادو! والله يوفقك

[أبا مجاهد]

الاحمر زين .. لكن ع الجموس القديمه .. السلفر اشوفه ممتاز وخصوص على وجه السيرا ملك