المساعد الشخصي الرقمي

مشاهدة النسخة كاملة : ((ذكرى مضت يا((نقا)) ياوينها ياوين= (مالــْه) بقايا سوى القيفان نرويها ))


ريف النشاما
19/12/2005, 01:17 AM
السلام عليكم ورحمة الله وبركاته

أسعد الله أوقاتكم بكل خير ومودة ونقا وصفا ..... ميسورة مأسورة .. بين الحنايا ... تاهت بها الخطوة على سكة القوافي ....
كتبتها لكم بعد أن تأوهت بها حنايا الضمير ...... وقدمتها هدية لكم ....علها ترقى إلى أذواقكم
ولكم مني أجمل تحيه ............
http://up.bashar.cc/uploads/a6e668ef60.jpg
ياما حلا شوف المزون المراديف = يوم أقبلت مثل الجبال الشواهيق
عز الله إنه لأشهب الهم والكيف = ميسام طب وآخر الطب كيات

شفته وأنا في ضامري له مواليف = شوق الخشوف وماطرا لي مفاهيق
وقت العصير وحال حالي تواصيف= بين الغرام وبين الأقدار هيهات

ساير وسير بي على لمعة الطيف= منه على مجرور نغم المعا ليق
يتل قلبي تلة الورد بالصيف= لغروب عــد ٍ جمته فيه غرات

حسايف ٍ تاهت على كل ماشيف = عقب المسره بالونا له توافيق
تسريبها وتشوف يالموق ياحيف= ضيم الجهل عقب العلوم الزكيات

ويجيك منه كل ماصار تعريف= يحكي لك المقصود لو كنت مافيق
وتشكي عليه من الليال المظاريف = شاهد على ماقيل يثبت لك الذات

وتسري بحرفه بين ذيك المناييف= اللي لها في وصفة الروح تحقيق
وبين الحنايا يانقا الطيب والضيف= أكتب لها بين القوافي تحيات

""""

وهكذا ..............
هكذا.............تكون تلك الساعات الخوالي ........عندما تـُستثار .........

ونمشي بها يانقا مع سكة الغالين = وأحكي لك أيامها والعشب غاطيها
والليل يسدل ستاره فوقنا هانين= والحرف يملي على القيفان تاليها
يوجز لك الموجز اللي صار للتالين=ياصف على وردة الروضة ويشديها
ويعبق نسيمه شذا نويرها والعين = بدر الدجى نور صفحه حيل زاهيها
والمجذوي طارفه يضمهن ثنتين = يجلى عسام النصب ماكان حاويها
ويجذب صدى فوحها مع بهاره صنفين = نفوس ٍ على البر أولها وتاليها
هذيك هي منوتي مع خلتي سالين = وأذكر لهم قصتي بالشعر وأحكيها
ونمسي على ذكرها مع ربعنا غادين = ونصبح على المثل والمرواح يتليها
ذكرى مضت يانقا ياوينها ياوين= (مالـَـهْ) بقايا سوى القيفان نرويها

""""
""
وتقبلوا تحيتي
نقا هشال
19/12/2005, 01:27 AM
اخوي ابو عبدالعزيز

ياهلا ويامسهلا

وصح لسانك

ولاهنت

على هالقصيده

مهما ابتعدت ايام السعاده سوف تعود لاالكدر يدوم ولاالسعاده تدوم..

وكلنا برحمة الله متعلقون..

تقبل فائق تحيتي وتقديري
هاوي مقناص
19/12/2005, 01:31 AM
السلام عليكم ورحمة الله وبركاته


اصفقلك يا مشرفنا العزيز وصح السانك

علي هالقصايد الطيبه ،وصوره تشكر عليها .

وتقبل تحيتي


اخوك:الخشف
ريف النشاما
19/12/2005, 06:54 AM
السلام عليكم ورحمة الله وبركاته

أهلا وسهلا بك أخي ابو سعود وسلمك الله من كل شر

:(

وهذي تعابير للهاجوس والريح عكسيه = ولابد له عكسة بقفاي وأقبالي

:(

وتشرفت بمرورك المباشر :) حيث أضفى رونقا خاصا لهذه التؤهات :j

وعسى الله يجمعنا على الخير والتقوى

ونمشي على ذيك الدروب الخليه = مع رفقة تسوى لها عشرة أعشار :cool:

وتقبل مني أجمل تحيه صباحيه
=============

أخوي الخشف

حياك الله وبارك فيك وتشرفنا بمرورك وتصفيقك :) وأنت تستحق أكثر من هذا

وعسى الله ينور دربك

(الصورة بعدسة أخي بركان ...سوينا له مكياج :confused: :mad: )
========

تحيتي
خيال الغلبا
19/12/2005, 07:44 AM
ريف النشاما
انا اشهد انك ريف للنشاما ........حتى في مشاعرك واحاسيسك المرهفه
بركان
19/12/2005, 08:09 AM
الغالي/ ريف النشاما

احترت من اين ابدأ ومن اين انتهي
لذا قررت ان ان انتهي من حيث بدأت
قصيدة رائعة وقائلها اروع ومناسبتها اروع من الرائع
واروع الروائع صورة الروضة بخلفية نقا.!!!!
جرير
19/12/2005, 10:59 AM
صح لسانك
ومن يوم تغيب شويه نتوقع تجيب شي زين
من يوم تشوف الفياض والربيع تهيض المشاعر وتذكر الخوالي
عساك من هذا وازود ويستاهل صاحبك ويجمعكم علي خير


في روضة التنهات والخير ضافي....غطاء عليها العشب اشكال والوان

حدر عليها السيل عقب الجفافـي.......سالت بها الريضان من كل وديان

رزقٍ من المعبود ماهـوب خافـي.......وأنا أحمد اللي له معزه وله شان

وأجلس مع الخلان مهنى كلافـي......ونهرج هروجٍ من قصايد وبرهان

شب الحطب شغموم قرم سنافـي.........زهب لنا الدله من الكيف فنجـان ماهيب لي لاطشها من ....
ريف النشاما
19/12/2005, 01:39 PM
السلام عليكم ورحمة الله وبركاته

خيال الغلبا

شاكر ومقدر لك على المرور وحياك الله تشرفنا بك وبحضورك

بركان

:)

مشكور على روائعك التي غمرتنا بها وتسلم على المرور والصوره والشرطة :cool:

أخي العزيز جرير

حياك الباري وشاكر لمرورك ونشكرك على هذه الأبيات العذبه

تشرفنا بمروركم ولكم مني أجمل تحيه
الحضري
19/12/2005, 02:11 PM
اييييييييه ياريف

صح لسانك وكلك .. عزالله انك تنومس




لحظه ابقراها من جديد



تحيتي
ريف النشاما
19/12/2005, 03:57 PM
السلام عليكم ورحمة الله وبركاته

حياالله الخوي http://www.mekshat.com/vb/images/smilies/smile.gif

أولا أشكرك على على زيارتي ومشاركتك معي ونتشرف بكم يامشرفنا الغالي

وثانيا - لو تلاحظ فيه بيني وبينك توافق عجيب

بس مادوي أحربث بعلومنا قدام الربع يعني أعلمك بالعلم من خلف الكواليس

عاد ترا الأمر ياجماعه ماهناش يعني لاتحاولون تعرفون شي http://www.mekshat.com/vb/images/smilies/confused.gif

تحيتي
المرقاب
20/12/2005, 09:50 AM
ودي أقول شي بس مادري وشو.........ودي أبلع ريقي بس ما قدرت
وما أقول الاّ الله يسامحك ويجزاك بالجنة.
ابو الدواحيس
20/12/2005, 02:23 PM
يامال العافيه ياريف النشاما
صح لسانك وسلم راسك ياخوي
قصيده ولا اروع
ننتظر المزيد وياليت ماتحرمنا من جديدك وقديمك
ريف النشاما
25/12/2005, 09:58 PM
"""""""""
سلام مني على(( المرقاب)) والغالين = طيور ٍ لفت يانقا يامرحبا فيها
حلت عليه بداري ياهلا وأهلين = وألف ٍ معاها نزوده طيب كاديها
و((أبوالدواحيس))ياحياه باللافين = وأبشر بسعدك وشوفك حيل زاهيها
شوفت وسوم الخوي والحرف والحرفين = من فيّ صاحب صدوق ٍ خير مافيها
هو مسندي بالشدايد عزوة الدانين = واللي قصى لأعتزا يسعد بتاليها
رجال ٍشغاميم لاطال المدى عسرين = يسهل عليك الونا لاصرت عانيها

"""""""""""""
""""""
"
ابو طنب
02/01/2006, 06:07 PM
صح لسااااااااااااانك يا ريف النشااااما


تحياااااااااااااااتي لك

اخوك ابو طنب
ريف النشاما
24/04/2006, 11:35 PM
مشكور أخي ابو طنب على المرور وتشريف الموضوع

بيض الله وجهك وحياك ربي

وتقبل تحيتي
العطيشان
25/04/2006, 12:06 PM
أخوي ريف النشاما

صح لسانك على القصيده


تحياتي وتقدير لك
ريف النشاما
26/05/2006, 05:22 PM
السلام عليكم ورحمة الله

شكرا لك أخي العطيشان على المشاركة

ومتعك الله بالصحه

تحيتي