احد يعرف اضرار الجنوط التجارية تنصحوني اشتريها ولا لا

[Tamimi.fars]

طعاً فكرت وشفت الاسعار لجنوط الهلل الطقم 16 تجاري ب 700 ريال والاصلي حول 1300 وسعر التجاري مغري بس مدري هل للتجاري ضرر

والي يعرف سعر طقم جنوط مرسدس 16 اصلي وسعر التجاري الله يجزاه خير

وشكرًا

[صبي هذيل]

حسب معلوماتي البسيطه ان اضرارها في الترصيص

[Tamimi.fars]

اشكرك على الرد والتفاعل لكن الترصيص بيوذيني مره يعني غثا

[mr.3do0ol]

آخوي خذ اصلي افضلك ,,> انت ضربت العرق الحسآس ,

الكفرآت هي الي شآيله السياره كلها ,, يعني اي ضرر بالكفر , راح تؤدي لا قدر الله اضرار بالسياره وفيك ,

اصبر وآشتري اصلي , قرش على قرش = اصلي

[العقارب]

الحديد مامن ضرر كدينها وقنصنا عليها ولاجاها مايخلفها .. وسعرها حقت الكروز مبرزه او غير مبرز 500 الى 550 والمستعمل 300 الى 350
شريت مستعمله وترصيص عادي ولا شفت منها الا كل خير ..
والله يوفقك لمافيه خير

[ابوتاصر]

السلام عليكم
ترا كلها حديد ولا يضرها ان شاء الله الفرق راح يكون في الكروم
نصيحه اذا توكلت علي الله وشريت تجاري علشات تحذر من سو التصنيع خل البنشري يحط الحنط
الجديد علي مكينه الترصيص بدون كفر ولا ترصيص اذا حصلت النتيجه تحت 40 يعن يعطيك
يمين 20 يسار 10 عادي خذه بس لنه مع الكفر والترصيص راح يضبط واذا فوق ال 40 قل له يغيره
ويحط ثاني يعني خلك غثيث في الاختيار والله يوفقك لكل خير

[escape_man]

عندي موتر راح بسبة الجنوط التجارية

انقص اللحام من النص وزحف على الشبك بالخط السريع مع ان الجنوط والكفرات مالها شهرين او ثلاثة مركبها ..

600 ريال زود مهيب حسوفة على انك تكون مطمئن

[ددسن72]

شكرا للاخوان الي قالو العيوب وفيه عيب ثاني وهو ان الفتحات الي ينحط فيها البراغي تتوسع


بالعقل خذ الاصلي

شف تنقص 500 ميه او 600 ميه يمكن تخسر حياتك او السياره

ومع السلامه

[الغريب...]

فيه جنوط هلل صينيه من شركة الحامدي ممتازه مره انا امجربها على الجيب بكل مكان نفود وطريق ووجم لكن الحمد لله ما فيها عفوت ولا رجه
بغيت اشري اصلي حق الباجيرو قالوا لازم خرط وبلا وجلا ويمكن انه ينسم الى غير ذلك من المشاكل
لكن انتيه ترى سعرهن جنوط الحامدي 550

[الجني العبد]

فيه جنوط هلل صينيه من شركة الحامدي ممتازه مره انا امجربها على الجيب بكل مكان نفود وطريق ووجم لكن الحمد لله ما فيها عفوت ولا رجه
بغيت اشري اصلي حق الباجيرو قالوا لازم خرط وبلا وجلا ويمكن انه ينسم الى غير ذلك من المشاكل
لكن انتيه ترى سعرهن جنوط الحامدي 550


مجربات مع واحد من الربع ، لمده 5 سنوات على هايلوكس 2002 وإلى حزك زي الفل

[ابو منور 93]

اذا الموتر بيطول معك انصحك بالاصلي واسئل البنشري عن /الكارونة /لاتخرب

[T A Y H]

مع واحد من الربع هايلكس ومركب جنوط مرسدس تجاري وله أكثر من سنتين ولله الحمد مايشكي منه أبدآ

[Tamimi.fars]

الله يجزاكم خير ماقصرتو الله يعافيكم

صراحتًا افكر في حقت الحمادي هلل صيني وانشالله مامنه ضرر

[Tamimi.fars]

طيب الصينية ماتخالف في قطع السيول يعني ماتصدي

[قناص خلاوي]

ماقصروا الربع
انا جربت جنوط واجد قديم وجديد واصلي وتجاري عراض وسخاف 16 انش و 17
بعض التجاري خدم معي سنين وجاه كرف الويل
وبعضهن تكسرن وهن حديد من جهة المسامير ومن جهة بلف الهواء
الوكاد ما يصمل معك الا الاصلي بعد حفظ الله وانتبه لا يكون مار على مخرطة ومعدل
واذا جيت تشتري الاصلي دور لك اصلي مستعمل قيمته مناسبة ويخدمك
والله يستر على الجميع

[التعـ King ـديل]

اي جنط تحافظ عليه يحافظ عليك وتطامر به ارصفه وجروف بيتأثر

انا مااركب الا هلل تجاري مبرز على الباترول ولا اشتري الا جنوط تجاريه ولا فيها الا العافيه

[Tamimi.fars]

اشكركم والله ماقصرتو الله يجزاكم خير انا الان في صدد البحث عن اصلي مستعمل هلل 16

[7ابو نواف7]

فيه مشكلة في التجاري أن البوية تتقشر مع الحرارة والوقت...