قناصة الضلع صندل فلسطيني

[دواس غدراء]

السلام عليكم ورحمة الله وبركاتة

صبحكم / ماسكم الله بالخير . الموضوع باختصار صندل فلسطيني (والكرامه لكم ) غني عن التعريف لهواة الضلع لِما يتميز به هذا النوع . وبعد اذن الأدارة الموقره .
المواصفات / المقاس 41 فقط .
السعر / 140 ريال .
الموقع / الرياض .
جوال / 0506214445
الكمية محدودة جدا .. وسلامة الجميع .......


http://www.mekshat.com/pix/upload05/images217/mk43686_1.jpg



http://www.mekshat.com/pix/upload05/images217/mk43686_2.jpg

[aborajwa]

اخوي هل هو اصلي ومجرب لاني اول مرة اسمع عن الصندل الفلسطيني .. ماني خابر عندهم الا زيت الزيتون وهل هو طبي بما ان الكرتون مرسوم عليه خريطة القدم .. اذا الجواب نعم مجرب وممتاز .. اريد واحد وياليت ترسل رقم الحساب على الخاص يفضل سامبا او البلاد ..

[بشبش مكشات]

الله يرزقك
بس ماتلاحظ انها مبالغ في سعره
لانه سعره من 60 الى 70 ريال

[aborajwa]

الله يرزقك
بس ماتلاحظ انها مبالغ في سعره
لانه سعره من 60 الى 70 ريال
اخي الفاضل هل انت متأكد من السعر .. لان عرض الاخ يعتبر الدبل وهذا غير منطقي .. ارجو تدعيم قولك بالدليل محل يبيع بالسعر هذا .. او يعتبر ردك هذا فيه طرد للزبائن عن عرض الاخ ... وهذا امر لا يجوز شرعا .. كما ان لو كان كلامك صحيح يعتبر عرض الاخ فيه غبن للشاري وهو ايضا لا يجوز شرعا ..

[راااعي الحر]

انا انصح بهالصندل


لكن سعره بالحيـل غــالي

البارح كنت اسئل احد الشباب عن هذا الصندل وذكر ان سـعره بـ 70 ريال
بالجـاده في تبــوك مقابل بوفية سمـاح

[صاروخ الغطغط]

طيب اذكر مميزات الصندل وشفرقه عن الصندل العايدي المشكله بشريها ولاجيت للمسجد الجمعه اوعلى الطريق ونا مسافر بتسرق وشلفايده

[راااعي الحر]

يالغلا استخدمهم للبر بس

بالديره لاتلبسهم ^_*

[المنذراوي]

صندل يا مكشات صندل !!!!!ضاقت مواقع البضائع والمحلات ....

[قناص البدوة]

سعره غالي وانا والله العظيم موصي رجال في المدينه يشتريلي وحده وامس الاثنين بالمساء دق عليه ويقول اشتريتها ب 80 من عند المحلات اللي عند النقل الجماعي

[ابوريان القحطاني]

يااخوان الله يهديكم الرجل عرض سلعته اللي بيشري وجايزله الوضع والا الله يرزقنا واياه واياكم الجنه

[ابونايف2010]

يااخوان الله يهديكم الرجل عرض سلعته اللي بيشري وجايزله الوضع والا الله يرزقنا واياه واياكم الجنه
معليش اخوي
السعر مبالغ فيه بالحيييييييييييييييييل
اذا كان مغبون فيه واجبنا نعلمه
واذا كان بيلعب علينا فمن حقنا على هالمنتدى وسمعته نبين سعر البضاعه الاصلي
عموماً انا لي سنين استخدم هالماركة يجي منها صندل ونعلة (اعزكم الله) واسعارها من 60 الى 80 مرة ترتفع ومرة تنزل
تباع في البطحاء تحت الكبري فيه محل رادو للساعات تدخل من عنده تقريباً خامس محل على اليمين واليسار متقابلة
بالتوفيق للجميع

[دواس غدراء]

اخوي aborajwa مرحبا نعم اصلي وانواعه متشابهه اشرط انها اصليه اذا بغيت الرقم موجود اعلاء .
بشبش مكشات / مرحبابك يمكن سعرها اول لكن انا وقف شخصيا عليها في الاردن وتباع هناك بما يعادل 100 ريال سعودي وتباع في الرياض ب 140 اتوقع ان السعر ليس مبالغ فيه نا هيك عن ارتفاع الاسعار في كل شي جت على (( الصندل )) هههههههههه .
باقي الاخون الغالي يالربع علاجه سهل (( تركه )) والحمد لله من وضع هذا العرض في هذا المنتدى المحترم
لم يتبقى سوى (6) حبات فقط ولله الحمد والمنه .
تحياتي للجميع وبارك الله فيكم ..

[ابونايف2010]

معليش اخوي في الاردن ماندري عن سعره
لاكن على شان ما نبخس سلعتك اتصلت من شوي بالمورد وذكر ان الاسعار نفسها ماتغيرت بالسعودية وبامكانك تتأكد تفضل
الوكيل بجدة / 0505673942
الموزع بالرياض في البطحاء / 0554232292

[رعد الجنوب]

معليش اخوي
السعر مبالغ فيه بالحيييييييييييييييييل
اذا كان مغبون فيه واجبنا نعلمه
واذا كان بيلعب علينا فمن حقنا على هالمنتدى وسمعته نبين سعر البضاعه الاصلي
عموماً انا لي سنين استخدم هالماركة يجي منها صندل ونعلة (اعزكم الله) واسعارها من 60 الى 80 مرة ترتفع ومرة تنزل
تباع في البطحاء تحت الكبري فيه محل رادو للساعات تدخل من عنده تقريباً خامس محل على اليمين واليسار متقابلة
بالتوفيق للجميع


السلام عليكم
من تجربة اكثر من 3 سنوات الصندل ممتاز جدا للجبل والارض الوعره وقوي ويتحمل ,
كلامك صحيح انا شاريه قبل شهر من البطحاء بسعر 70 ريال ملاحظة الماركة كانت قبل فتره باسم رويال والان الوكيل غير الاسم الى روفال وبنفس المواصفات السايقه , طبعا من وزارة التجارة تقديرا لاسم ملكي ان يوضع مسما لاحذية , الوكيل اسمه احذية المتانه في جده .

سلامي للجميع

[دواس غدراء]

ابونايف مرحبابك/ اقدر حرصك واهتمامك بالموضوع لكن أنا شخصيا سعرتها في الاردن قبل فتره وليس قولت يقولوون ويجوز الكلام بدون حلف هههههههههه .
على العموم هذي سلعه مثل باقي السلع يرتفع سعرها وينزل حسب العرض والطلب . والله يرزق الجميع انا أو راعي البطحاء الله يرزق الجميع وكل حلاله معه ..
اما اللي يقول اني اللعب عليكم ومن ذا الكلام اقول الله يهديك انا عرضت سلعه تبيها والا جنب عنها .
تحياتي للجميع ..

[tot-555]

مع احترمي للجميع السعر لم يتغير 70 ومتوفرة في كل منطقة

[هوليووود]

خير ان شاء الله تلعب على هالعالم سعرا 75 ريال لا تصيرون على تطيرون مع اي واحد واطالب المشرفين بحذف الموضوع لان فيه استخفاف بعقولنا

[لبرنس14]

ما شاء الله تبارك الله

[راكان العنزي]

السلام عليكم ورحمة الله وبركاته

أخي العزيز , اي وكيل وأي جدة وأسعار ؟؟؟

هذي موجودة عندنا بنوعين :
الأول رويال وسعره 70 ريال
الثاني روكي وسعره 60 ريال
وهي صناعة فلسطينية من جلد الأبقار

[اخو سعود]

الرزق فالسماء والحسد فالارض
الي يشتري ولا يدعي للرجال بالبركه
خربتوا عرض الرجال وحستو موضوعه

الله يعينك يا صاحب العرض

[ديرتي حزره]

حنا ذبحنا شجع التجار -

هذي سلعه نعرف سعرها الطبيعي

والرجال عارضها بدبل السعر

يعني لو مانعرف سعرها ,,,؟ $$$

الصندل موجوده بسعر 70 تقدر تطلبها من اي شخص ويرسلها 15 ريال عن طريق الشحن زاجل

[هموووس]

الله يرزقك يا خوي

[الشيخ900]

الحين التجار اكلونا ولعبو بحسبتنا وهم يتكلمون بالمليارات وانتم طرتو في واحد يبي يتاجر ويترزق الله الي بيشتري يشتري والي مو شاري يدعي له بالبركه ولا تطيرون في الرجال

[مليح البآرود]

80 ريال العلم الاكيد ماركة رويال سئلت احد المحلات ووجدتها

[هضبان]

بانسبه للصندل يتحمل انا جربتهفي الجبال

[هضبان]

بالنسبه للصندل يتحمل المكده انا مجربه شريته ب55لكن جتني معلومات انه صناعه يهوديه ولله اعلم تقبلو مروري

[كاكا6]

السلام عليكم اخوي دواس الله يرزق بالمال الحلال بس ياخوي غطيت على اليمانية انت صراحة مدبل السعر ولامانع من انك تدور المكسب وراه بس الشي بالمعقول ياخوي قيمة في البطحاء بـ80 واذا كاسرت تشيله بـ 65
وترا القناقة حلوه وترزق بمكس 10 او 20 هذا شي طيب الا لازم الدبل وصحيح احنا مو مجبورين عليك بس عندك ولا عند اجانب غيرك والله يرزقك يالطيب ويوفقك وتقبل مروري