المساعد الشخصي الرقمي

مشاهدة النسخة كاملة : وش أفضل كفرات للددسن


خالد الهشال
20/12/2005, 10:57 AM
السلام عليكم

كيف حال الشباب؟؟

حبيت أسألكم وأستفيد منكم
(أنا معي ددسن غمراه 93) وش أفضل كفرات لها (للبر وللخط)

نوعه ومقاسه ووو...


وشكراً

تحياتي
خالد الهشال
أبو رشود
20/12/2005, 01:33 PM
السلام عليكم

حياك الله يابو نايف

أفضل كفرات للددسن أو الهايلكس

لا تدور غير يوكوهاما .. لأنها لينة في الرمل وتفرش مضبوط .. وفي الشعبان قوية وماتتشقق .. وأنا ما استخدم الا هي وكثيرين أعرفهم ما يستخدمون غيرها .. ونطلع عليها في الرمل ونطلع عليها للصمان والوعر

ما فيه مثلها ......

وخذ عرض 225 إذا انت راعي رمل عشان يسهل عليك ممشاها .. وكانك راعي شعبان فقط بيكفيك عرض 215

وشكراً


وهذا رأي فقط .. والشباب فيهم البركة






أخوك/ أبو رشود
سيد النشاما..
21/12/2005, 11:00 AM
وعليكم السلام ورحمة الله
أولا جنوط 14 ولا 15؟؟

المهم أنا معي ددسن 82 خصيصا للبران مركب جنوط/15 كفرات MARSHALكوري(225/75/15)راسية على الخط بس تردي العزم آخر مرة لاعبها في النفود والله إني ساحب-- ددسن 92جنوطه 14 (مغرز)--

بس تبغى كفرات لجنط 14 _خذ حجم( 215/70/14) أو(225/70/14)
أنا أدور قبل مدة (225/70/14)يقول مايجي إلا(215... )
وترى يوكوهاما :) غيرها مافيه ....ودمت سالم///أي سؤال جاهزين.. أخوي
http://www.mekshat.com/pix/upload/images12/mk21768_18012004(015).jpg

http://www.mekshat.com/pix/upload/images12/mk21768_20012004(003).jpg

http://www.mekshat.com/pix/upload/images12/mk21768_20012004.jpg
لا اله الا الله محمد رسول الله
أبو أديب التميمي
21/12/2005, 11:15 AM
تبي الراي الزين !!

خذ هانكوك !!

بتقول كوري بتقول ما هو بزين في الرمل بتقول ما هو بزين في البر بشكل عام !! بقولك غلطان

وإذا كانك تبي محل كفرات هانكوك المركز الحديث بالغرابي !! كفراتة تاريخها جديد !!

واليوكوهاما ما جربته بس يمدحونة !!
عاشق البسمه
21/12/2005, 06:11 PM
الشباب ماقصروا
لكن تبي شور الخوي خذلك ياطويل العمر كفرات اسمها سوموتمو ياباني 14*215*70 والله ان تدعي لي
ضلع الرقيبه
21/12/2005, 08:07 PM
برجستون 205 عريضه وزينه
دسم الشوارب
03/01/2006, 06:39 AM
اخوي خالد الهشال
كانك شريت كفرات كنسل الطلب وكانك مابعد شريت اسمع؛
انا معي ددسن 97 ومركب كفرات يوكوهاما وإليك المفيد:
كذا مره رحت اصيد عليه ضبان في جبال صفرا والحصا متركز اوطي عليه بسرعه غير عاديه
ولاشكى
اصدق نفسي بعض الايام اني سواق رالي واجره في البر والحصى والشوك بسرعه عاليه
ولاشكى
داخل المدينه ..ارصفه..قزاز..مسامير..هذي كل يوم بحكم الحاره اللي حنا فيها
ولاشكى
هذاك اليوم كنت في الخراره مغرز ونسمت الكفر ماخليت فيه الا 10 والله لايوريك استانست يوم شفت عز التنسيم..كني على جيب ربع..لأن اليوكوهاما يفرش مع التنسيم..والعب لعب وكل شوي اقول في خاطري انفكت الكفره من الجنط ولاصار
المهم عقب ماطاح اللي في راسي رحت لهذاك اللي عنده ماطور هوا الكبير حق البناشر
مافيه الاهو ويقول بـ10 ريال التعبيه وخمتني عناد وقلت مانيب معبي من عندك بروح للمحطه
وفعلاً حركت ورحت للمحطه وانت خابر الطريق هذاك طلعات ونزلات واظطريت اسرع لأن وراي ناس اخاف اسدعليهم..
ولاشكى
كثيراً ودائماً امسك طريق الحجاز في القيظ وقايله ومسرع
ولاشكى
مركبها يجيلي سنه وذالحين ناسي شكل البناشر ...الاما أدلها
هذي تجربتي وكيفك انت قرر
انا من جهتي كاتب في وصيتي :الله الله باليوكوهاما والنيسان تراها لكم عز وجاه ووصيتي ضحية لي ولوالدي وضحيه لجدتي هيا وضحيه للياباني اللي صنع النيسان .
والله يوفقك
محب النياق
04/01/2006, 08:45 PM
الله يقطع بليسك ......................
يادسم الشوارب ...................... :dance:
انكبت القهوه علي بسببك............... :alarm:

وبانسبه للكفرات يوكو :good2: