المساعد الشخصي الرقمي

مشاهدة النسخة كاملة : لبس الباكستانيه +++


رحّال 9
31/05/2011, 07:20 PM
السلام عليكم ورحمه الله وبركاته .

يالله حي المكشاتيين :f

طرى لي قبل كم يوم اني البس لبس باكستاني :p

مدري وش الطاري المهم رحت للخياط وقال ما عندي :mad:

الزبده :)

وين احصل خياط يفصل لبس باكستاني في الرياض للي عنده درايه ؟؟

وكم هو سعره تقريبا ؟؟

وماادري اذا المكان محله هنا ولا لا .

عالعموم بانتظار ردودكم يالمكشاتيه :l:f:good2:

رحّال 9
سليم ابن سلوم
31/05/2011, 07:29 PM
iiiiiiiiiiiiiiiهههههههههههههههه والله امن الفضاوة
رحّال 9
31/05/2011, 07:46 PM
iiiiiiiiiiiiiiiهههههههههههههههه والله امن الفضاوة
هلا بابن سلوم .

ايه والله من الفضاوه :D

بس شكل الخياطين خايفين يوم قلت لهم بن لادن اثر فيهم :D

شاكر مرورك

رحّال 9
مكشات سعودي
31/05/2011, 07:48 PM
تلقاهم بالشميسي ب 70 ريال تفصيل صح وقماش صح ويطلع بنفس اليوم اذا جيته الصبح
بدري
الوصف
طريق الملك فهد تدخل مع تركي بن عبدالله غرب كأنك تبي المستشفى تلقاهم على اليسار عند اول مديور
أميرالعشاق
31/05/2011, 08:28 PM
....يفيدونك الاخوان....ومن رأيي تسأل اخواننا الباكستانيين من وين يشتروا اويفصلوا ملابسهم..وفقك الله..
abo_hoor
31/05/2011, 08:37 PM
هلا والله اخوي العزيز ترا لبس مريح انا في الكويت لما اروح سوق جمعه عندنا فيه شباب يلبسونه
تباشير
31/05/2011, 09:12 PM
خلاص اذا حصلت اعطن خبر وان اطلع لك اقامه يعني مارايح احد يقولك ليش معاك اقامه ومورك زينه

بس ياخوف قلبي تدخل على اهلك وتسبب لهم ذعر بالبيت
رحّال 9
31/05/2011, 10:58 PM
تلقاهم بالشميسي ب 70 ريال تفصيل صح وقماش صح ويطلع بنفس اليوم اذا جيته الصبح
بدري
الوصف
طريق الملك فهد تدخل مع تركي بن عبدالله غرب كأنك تبي المستشفى تلقاهم على اليسار عند اول مديور

واضح الوصف يالذيب وباصبح عليهم باكر ان شاء الله :good2:

ما قصرت .

رحّال 9
رحّال 9
31/05/2011, 10:59 PM
....يفيدونك الاخوان....ومن رأيي تسأل اخواننا الباكستانيين من وين يشتروا اويفصلوا ملابسهم..وفقك الله..


ما قصرت على الافاده .

شاكر مرورك .

رحّال 9
رحّال 9
31/05/2011, 11:00 PM
هلا والله اخوي العزيز ترا لبس مريح انا في الكويت لما اروح سوق جمعه عندنا فيه شباب يلبسونه
صادق وهذا اللي سمعته وان شاء الله نجرب ونشوف :l

ماقصرت على الافاده يالذيب .

رحّال 9
رحّال 9
31/05/2011, 11:02 PM
خلاص اذا حصلت اعطن خبر وان اطلع لك اقامه يعني مارايح احد يقولك ليش معاك اقامه ومورك زينه

بس ياخوف قلبي تدخل على اهلك وتسبب لهم ذعر بالبيت
الاقامه طالعه وقاضيه اصلا :D

بس باقي الكلاش وبعض الامور الجزله :D

ومن ناحيه الاهل غاسلين يدينهم مني :D

رحّال 9
ساحووق
31/05/2011, 11:14 PM
ههههههههههههههههههههههه
ياخوي الله يرجك

بس يبغالك دنيا تصير بشتوني خالص هههههههههههههههههههه امزح يالغالي

البشتوني هي((قبيله افغانيه خخخخ
ابن مزعل ضرغط
31/05/2011, 11:26 PM
السلام عليكم
اخوي رحال فية خياطين يفصلون بحي الوزارات عند الإدارة العامة للسجون وأنا مفصل عندهم قبل سنه بـ80 ريال
فارس الحربي1
31/05/2011, 11:30 PM
هههههههههههههه وش هالمسكه

تحصلها بالبطحى عند محلات الهنود والخواجه
ذيب الشفا
31/05/2011, 11:36 PM
شف وانا اخوك .... اللبس الباكستاني مريح جدا لانه قطن صافي وبارد .... الافضل رح للبطحاء وخذلك قماش

المتر من 9 ريال الي 13 ريال ... ورح للخياطين وخصوصا خياطين الحريم..... وقله تفصيل بدله بنجابي وهي

الافضل... طبعا هذا لبس اهل الظلع وهو مريح جدا لاكن احرص على القطن الصافي ... لك تحياتي
سفير الحيا
01/06/2011, 02:05 AM
رح للبطحاء والخيآطين اللي حول الموقف تلقى طلبك جآهز وتفصيل ..
الضيغم
01/06/2011, 09:33 AM
السلام عليكم
اخوي رحال فية خياطين يفصلون بحي الوزارات عند الإدارة العامة للسجون وأنا مفصل عندهم قبل سنه بـ80 ريال



يلبس ويختار الزنزانه هههههههههههههههههه




المهم يالرحال9 عزالله انك اقديت


انا مجربه وعندي منه لبستين


رووووووعه ومريح لابعد الحدود
من البدائع
01/06/2011, 10:40 AM
اذا لبسته علمني

عندي اجدار يبي هد تجي تهده تخصص الباكستانيه والافغانيه:D

وبعد ما تلبسه يصير غداك وعشاك خبز تميس وميرندا وجحه:D
m-a-z-d
01/06/2011, 01:56 PM
أخوي اللبس مريح وعملي اكثر من الثوب ...
لكن احذر تلبسه داخل المدينة لأنه ممنوع واعرف شخص مسك بسببه ..
وفيه واحد بشارع الكهرب بالروضة يفصله..
الصقر الحربي
04/06/2011, 04:11 PM
اللبس مريح جدا للمناقز والطرد

قبل فتره وانا رايح اتصيد ضبان مريت على تفتيش طريق المدينة القصيم
ويوم شاف اللبس قال عطني اثباتك وعطيته الاثبات
وخذلك رجه من كثر الأسئلة وين رايح.... وليه لابس ....... وخذلك بدا يرمي تهم علي ويقول والله ان في راسك شي وانا أقوله يابن الحلال انا رايح اتصيد ضبان علشان تعرف الواحد وده يناقز براحه وبالقوة واتفكك منه .
سؤالي هل هو ممنوع
المداوي2
04/06/2011, 11:37 PM
الحذر ياشباب لاتلبسونه في الاماكن العامه لان لو شافوك المباحث يغيبون شمسك في ابو زعبل


وتراه ممنوووووووووووع
قناص خلاوي
04/06/2011, 11:44 PM
مامثل لبسته بالبر خصوصا لاجيت ترقى لك ضلع
او تطرد لك جرابيع او ضبان :)
ومحلات خياطة الملابس النسائية يفصلون لك بس جب القماش
أبو محمد 3113
05/06/2011, 12:16 AM
ذاك اليوم زرت مكه للعمرة انا وبعض الشباب ولا كان وقت إجازة وكان السعوديين فيها قليل جداً وشرينا اللبس من المحلات الي حول الحرم ولبسنا وجلسنا فيها لين عودنا الرياض
ملك الاعماق
05/06/2011, 12:27 AM
انا صارلي كم سنه البسه ولا احد قالي شي
سليمان الربيعان
05/06/2011, 11:41 AM
ههههههههه ريحتن ماطلع تاشيره باكستاني
عندي وظيفه كهربائي والراتب 1500 ريال :D:D
الخياطين بالشميسي تلقاهم
والله يوفق
سليمان الربيعان
05/06/2011, 11:44 AM
اذا لبسته علمني

عندي اجدار يبي هد تجي تهده تخصص الباكستانيه والافغانيه:D

وبعد ما تلبسه يصير غداك وعشاك خبز تميس وميرندا وجحه:D
ههههههههههههههه
ورز بخاري وحمضيات والعصر شاهي حليب :D:D
أبو هاااني
05/06/2011, 12:09 PM
والله فكرة جميلة أنا ناوي افصل ما فيها اي حاجه

قبل فترة من الزمن خليت مقاسات أطفال عندنا وفصلتنالهم وفرحوا كثير

وبافصل أنا الحين جادوري
عذب الروح
05/06/2011, 12:54 PM
وعليكم السلام ورحمة الله وبركاته

في الحقيقة لباس الباكستانية مريح وساتر

والأفضل لتجنب المشاكل لبسة عند التوقف والنزول للمقناص أو الكشتة

تحيتي
FORD1969
05/06/2011, 02:50 PM
اخبر واحد من الجماعه ما يكشت الا وهو مبكس بلبسهم حتى جو بيتهم ما يعرف القمصان وسراويل السنه

المهم انتبه لايضفونك الجوازات

عندي لبس هديه من باكستاني من شهور وانا افكر البسه