هل انا غلطان ولا لا

[wutr]

السلام عليكم


كيف حالكم


ان شاء الله بخير


قصتي يا اخوان بختصرها لكم


حنا عندنا قلت مواتر

فا واحد من عماني عنده سياره زايده وما يستخدمها

فكان مفاتيحها مع جدي

فقالي جدي خذها استخدمها فسافرت عليها واخذت عليها مخالفه ( ساهر )

ورجعت وكلمت عمي واخذت منه رقم الاحوال عشان اسددها ولاكن نسيت اسددها

وبعد اسبوع وانا رايح اسلم على جدي وجدتي الا وعمي توه داخل

فقالي يا فلان عط ابوك رقم الاحوال خله يسدد المخالفه ( الصراحه انحرجت قدامهم حتى جدي قال انا اسددها )


فرجعت البيت (( وارسلت له مع احد اخواني المفاتيح والاستماره ومبلغ المخالفه ))


فهل انا المخطأ ام هو :(

[الوزير 111]

من دون أي تعليقــــــــــــ........

[انسانه؟]

انت اخطيت وهو أيضا
يمراسبوع ولاسددت كان وضعت لك تذكير ورقه ولاوصيت احد يذكرك
مع ان عدم النسيان صعب هالايام لكن انت ماتعذرت
وهو الله يهديه ماعنده اسلوب قدام الكل جاء يقولك كذا خبط لزق
كان سألك بالاول سددت اولا؟
بس تصرفك بالنهايه غلط ارسلتهالجدك لانك اخذتهامنه..
وبالتوفيق والله يغنيك بفضله عمن سواه.

[wutr]

انت اخطيت وهو أيضا
يمراسبوع ولاسددت كان وضعت لك تذكير ورقه ولاوصيت احد يذكرك
مع ان عدم النسيان صعب هالايام لكن انت ماتعذرت
وهو الله يهديه ماعنده اسلوب قدام الكل جاء يقولك كذا خبط لزق
كان سألك بالاول سددت اولا؟
بس تصرفك بالنهايه غلط ارسلتهالجدك لانك اخذتهامنه..
وبالتوفيق والله يغنيك بفضله عمن سواه.



مشكووور اخوي على ردك

وبالنسبه للتسديد صحيح اني غلطان لاني ما سدتتها في وقتها

ولاكن يوم ارسلها له (( ابيهه يعرف غلطه ))

انا والله لو انه ماسكني على جنب وقالي تراك ما سددتتها ما راح اشيلها بخاطري

[فهد العوني]

الغلط وارد ومافيه احد معصوم من الخطا يارجال كلها يومين ويرضا كانه زعلان ونت خل وضعك معه عادي ماكن شيئ صار وإنشاء الله غمامة صيف وتعدي ولو تروح له يكون افضل على أنك مسير وزاير

[مكشات واحد]

يمكن يبي يحسسك انك غلطان انك اسرعة وانك غير مبالي بسداد المخالفه
ولا تاخذ بخاطرك يمكن له وجهة نظر
والمفترض منه انه شيك على المخالفة ورفع السمعه عليك وقال وراك ماسددت المخالفه
واذ ما معك تسدد اسددها عنك يعني من باب التذكير فقط
الحمد الله على كل حال ولا تاخذ باخاطرك الدنيا ما تستاهل كل هذا خذ الامر بروح رياضيه وعمك ما تقدر تقول شي كان اكبر او اصغر منك عم

[قوافي ( أم نهار )]

حياك الله اخي الكريم
الله يهدينا وياك
اخي :انت بنفسك قلت امام جدي وجدتي والمتحدث عمك
اين الاحراج يا عزيزي والدووالده ومن هو بحكم الاب
لو راجعت نفسك قليلا لعرفت انك انت الغلطان فالمسئله مسئلة مبدء وتحمل السئوليه بالسداد لايحتاج كل هذه الايام حتى تتذكر والنسيان لايعفيك ابدا من الغلط بحق عمك وهذا اولا..
ثانيا اخي الكريم :
طريقة ارجاع المفاتيح والاستماره لا تليق بك ابدا مثل مااخذت المفاتيح من بيت جدك ارجعها وفلوس الغرامه لابد ان تذهب انت بنفسك لاترسلها لعمك
وصدقني ان ماحصل من خلاف بينكم هذا شيئ لايذكر ولايستحق التفكير به وتكدير نفسك او عمك
نصيحتي ان تذهب لعمك كزياره وتغتذر وتاخذ فلوس الغرامه وتذهب بنفسك
والاعتذار او التعبير عنه بشيئ يليق بعمك سيزيدك فخرا بنفسك.
تحياتي
..قوافي..

[سفير الحيا]

كلكم على خطا الضحيه العود ( الشآيب اللي هو جدك ) والله يهدآكم

[أبوسعد111]

السلام عليكم ورحمة الله وبركاته
أسمحلي أخوي
حتى لو أنه غلطان
الرجال جزاه الله خير أنه فك أزمتك وأعطاك السيارة وأقل شئ أنك تفلل له السياره بنزين وتغير له الزيت وتشكره على ماسوى معك
وموضوع المخالفه
حتى لو تكلم قدام جدك عادي وين المشكلة يمون
وبالعكس المفترض أنك صدقت معه وقلت له أنك نسيت تسدد المخالفه
وطريقة إرجاع المفاتيح والإستمارة

تبي الصراحه

شكله تاب إنه يعطيك السيارة مره ثانيه

وحاول إنك ترضيه بشئ

وإذا أنا أخطيت بردي السموحه
موفق أخوي

[بوعلى ال شقاق]

الغلط وارد ومافيه احد معصوم من الخطا يارجال كلها يومين ويرضا كانه زعلان ونت خل وضعك معه عادي ماكن شيئ صار وإنشاء الله غمامة صيف وتعدي ولو تروح له يكون افضل على أنك مسير وزاير

:good2: :good2: :good2:
اؤيد اخوي فهد والله لايجيب زعل بين الاهل
روح لعمك وراضيه وانا اخوك وبتأجر ان شاء الله

[wutr]

الغلط وارد ومافيه احد معصوم من الخطا يارجال كلها يومين ويرضا كانه زعلان ونت خل وضعك معه عادي ماكن شيئ صار وإنشاء الله غمامة صيف وتعدي ولو تروح له يكون افضل على أنك مسير وزاير



مشكوور اخوي فهد


وكلامك صحيح ما فيه احد معصوم

[wutr]

يمكن يبي يحسسك انك غلطان انك اسرعة وانك غير مبالي بسداد المخالفه
ولا تاخذ بخاطرك يمكن له وجهة نظر
والمفترض منه انه شيك على المخالفة ورفع السمعه عليك وقال وراك ماسددت المخالفه
واذ ما معك تسدد اسددها عنك يعني من باب التذكير فقط
الحمد الله على كل حال ولا تاخذ باخاطرك الدنيا ما تستاهل كل هذا خذ الامر بروح رياضيه وعمك ما تقدر تقول شي كان اكبر او اصغر منك عم


اخوي لو اني مو مهتم ما كان جيت لمه بعد ما رجعت واخذت رقم البطاقه

كان اقدر اسكت ولا كأن سويت شي



ومشكوور على ردك

[wutr]

حياك الله اخي الكريم
الله يهدينا وياك
اخي :انت بنفسك قلت امام جدي وجدتي والمتحدث عمك
اين الاحراج يا عزيزي والدووالده ومن هو بحكم الاب
لو راجعت نفسك قليلا لعرفت انك انت الغلطان فالمسئله مسئلة مبدء وتحمل السئوليه بالسداد لايحتاج كل هذه الايام حتى تتذكر والنسيان لايعفيك ابدا من الغلط بحق عمك وهذا اولا..
ثانيا اخي الكريم :
طريقة ارجاع المفاتيح والاستماره لا تليق بك ابدا مثل مااخذت المفاتيح من بيت جدك ارجعها وفلوس الغرامه لابد ان تذهب انت بنفسك لاترسلها لعمك
وصدقني ان ماحصل من خلاف بينكم هذا شيئ لايذكر ولايستحق التفكير به وتكدير نفسك او عمك
نصيحتي ان تذهب لعمك كزياره وتغتذر وتاخذ فلوس الغرامه وتذهب بنفسك
والاعتذار او التعبير عنه بشيئ يليق بعمك سيزيدك فخرا بنفسك.
تحياتي
..قوافي..



اخوي قوافي


انا يومين اشوف عمي واسلم عليه

سواء عند الباب او بيت جدي

فكل هل ايام اللي مرت ما جاب طريها

وبصراحه حطني في موقف محرج امام جدي وجدتي


لو انه قالي بينه وبيني ما راح تكون هالمشاكل



صحيح انا غلطان في ارسال المفاتيح والاستماره



ومشكووور اخوي وما قصرت

[wutr]

السلام عليكم ورحمة الله وبركاته
أسمحلي أخوي
حتى لو أنه غلطان
الرجال جزاه الله خير أنه فك أزمتك وأعطاك السيارة وأقل شئ أنك تفلل له السياره بنزين وتغير له الزيت وتشكره على ماسوى معك
وموضوع المخالفه
حتى لو تكلم قدام جدك عادي وين المشكلة يمون
وبالعكس المفترض أنك صدقت معه وقلت له أنك نسيت تسدد المخالفه
وطريقة إرجاع المفاتيح والإستمارة

تبي الصراحه

شكله تاب إنه يعطيك السيارة مره ثانيه

وحاول إنك ترضيه بشئ

وإذا أنا أخطيت بردي السموحه
موفق أخوي



اخوي ابو سعد

السياره موقفه ياخيي

ما حد يستخدمها تجلس بالاسابيع وبعض الاحيان بالشهور


اما بالنسبه للزيت


فانا مغير الزيت بعد ما اخذته منه بكم يوم


اما بالنسبه للاستماره والمفاتيح

اخوي انا جتني الاستماره والمفاتيح

قبل شوي

(( عطاني اياهم جدي الله يطول بعمره ))


وقالي ما عليك من كلامه



مع العلم يا اخواني اني ما راح استخدمها


:mad:




تحياتي للجميع ومشكورين

[سليمان الربيعان]

هي عند جدك ما عليك من عمك يزعل يومين ويرضى

[تاج المودة]

هلابك أخوي

أعتقد عمك أخطأ الله يهديه لما كلمك بهذه الطريقة قدام جدك وجدتك وأحرجك وبالنسبة لحركة الإستماره والفلوس لما ارسلتها أنا أعتقد مافيها شي لأنها تمثل رد وعتب بسيط ومهذب

وإللي يقول مافيها شي أقول غلطان لأن الموقف بكل أمانه محرج مهما كانوا الأشخاص إللي قدامك ومهما كانت الموانه بينهم لأنه هنا يطالبك بحق له وهنا تقع المشكلة يعني ماتقول إنه يمزح معك

عموما هو عمك ومهما كان له إحترامه وترى كبار السن تعاملهم صعب بالعادة وتوقع إنه يحرجك في أي لحظة لكن علينا إنا نتحملهم ونصبر عليهم

وفقك الله لكل خير

[ابومشعاب]

لاينكد عليك الشيطان .. تعوذ منه

ورح لعمك .. وإعتذر منه وصدقني راح يسبقك بالعذر وأنت المخطئ وأعميتها بطريقة السداد ..!

وهالمشكله .. حطها تحت أقدامك واصعد عليها للقرب من عمك ..!

وحلها قبل الخميس ..!

انت الكسبان ياصاحبي ..!


قلتلك ما أقول لنفسي ..!


وشكرا

[ابوارياف]

لاينكد عليك الشيطان .. تعوذ منه

ورح لعمك .. وإعتذر منه وصدقني راح يسبقك بالعذر وأنت المخطئ وأعميتها بطريقة السداد ..!

وهالمشكله .. حطها تحت أقدامك واصعد عليها للقرب من عمك ..!

وحلها قبل الخميس ..!

انت الكسبان ياصاحبي ..!


قلتلك ما أقول لنفسي ..!


وشكرا
:good2::good2::good2::good2::good2::good2::good2:: good2::good2::good2:

[حسن الشمالي]

اخي الكريم
انا لم اشاهد الموقف ولا اعلم ماهي درجة الميانة بينكم
لكن سأدلي بدلوي:
اولا هذا عمك واكبر منك يعنه له قدر من الاحترام والتقدير والتغاضي
ثانيا يمكنه جايبها من حسن نية ولا توقع انها تبي تجرح خاطرك
ويمكنه ظن انك مطنش ولاحسيت بغلطك وحاب انه يعطيك درس واتوق انه حصل ولو انه ما احسن الدرس
وبعدين لاتدقق مش الامور الايام تركض والدنيا فانية
والرسول عليه السلام اوصى بحسن الظن
تعوذ من ابليس
وانس ماحصل وخل الوضع طبيعي وسينسى الجميع ماحصل
وكل سنة وانت طيب

تحياتي::::

[الليث الرهيص5]

السلام عليكم
الغلط يا ابن اخي
انك تاخذ سيارة غيرك
نصحك من اسخطك بالحق
وغشك من ارضاك بالباطل
لو تشتري سيارة
لو ماتاخذ اي سيارة
الي يخجل من العار
لايرمي نفسه بالعار
في مثل يقول
لاتدوس الجان ولاتقول بسم الله الرحمن الرحيم
حتى لو مع اقاربك اعمامك
المخالطه الي توصل للعظم
تكون موزينه ونتائجها عكسيه
اتمنى ماجرحت احساسك
الحل لاتعتذر
ولا شيئ
مشكله بسيطه صارت الحل سهل جدا
تعلن امام جدك واعمامك
انك ماتركب اي سيارة مو الك
وتتشكر منهم
وتقول لهم انك اسرعت والشيطان اغواك
فكن قويا
فالقوي الله جل شانه
ومنه القوة ول كنت مكانك
ما اركب اي سيارة
نهائيا ليست لي
صدقني
وهذا رئيي وفلسفتي الخاصه بالحياة
اخووووووووووووووك
الليث الرهيص
استراليا

[عنودالصيد]

من وجهة نظري
انت وجدك غلطانين
اولاً: جدك سلمك مفاتيح سياره ليست ملك له
ثانياً: تجاوزك لحدود حقوق الناس ولو كان اقرب الناس لك بدون إستإذان
ثالثاً: خطائك بعدم تسديد المخالفه قبل تسليمها ليتسامح معك
وكما هو معروف ساهر يتضاعف مع التأجيل وللعلم
المسأله ليست مسأله ماليه إنما مسألة إحترام كيان الشخص وذاته واغراضه الشخصيه
وعذراً
عمك لم يخطاء بقدر خطائك وردة فعله التي أمام جدك تعبيراً عما يجول في خاطره بالتصرف بأملاكه دون علمه
فهو إنسان ولو كان يملك كنوز الدنيا كلها فكل مايملكه لم يأته إلا بجهد وتعب
وليس كما يفهم البعض أن الذي لا استخدمه يتصرف به الناس كيفا شاءو لا ياأخي
هناك حدود يجب علينا عدم تجاوزها لنحضى بإحترام وتقدير من حولنا
اتمنى ان لاتكن ذو إحساس مرهف وضع نفسك الأن مكان عمك
وحاسب نفسك
اعتذر منك فهذه وجهة نظري
إحترامي لك

[ابومشعل3]

اسمع وانا اخوك رح لعمك وحب راسة وتسمح منة وقل تراني ناسي اسسد الغرامة مهما كان مقام الوالد

[إلقناصه]

لاوالله اخوي ان شاء الله انك منت بغلطااان شيء بين الاهل مافيه زعل ان شاء الله
الغلط اذا على ناااس اجناب اما الاهل مافيه مثلهم
والله لايجيب الغلط بحيااتك
اتمنى لك التوفيق وارجع راضي عمك وطيب خاطره بكلمتين وحبة راس
الله لايخليك من اهلك
ودي لك

[عطيب ومايغيب]

هذي حال الناس هالايام ولكن الدنيا فيه مصايب ومشاكل ولاكن حول لايطو الزعل بينكم انت وعمك


والله لوكان عمك في عمر جدك وعاصر ماعاصرو شيبانا لاماشال هم وين النخوه والحميه ووووالخ

[محطم عنيد]

تدري والله إن بعض الناس مايستاهل قولة عم (مع إحترامي لعمك ولك أنت شخصيا )

ياخي العم ستر وحجاب وعز وذخر وفخر وللشدايد ذرا وسد ونوماس وعزة (حتى أنا مثلك أفتقد لعم كذا بس ما أنكر إن العم لازم صفاته كذا )

تدري والله مافيها خطأ بس دنيانا قشرا

المهم طالع عمرك زين ماسويت إنك أرسلت الفلوس والإستمارة أعجبتني بذي وأنت بكذا أخطيت وصلحت خطاك وأعطيته وحده ع الجبهه عشان يحس (خشمك والله إن عليه الشحم )

إعذرني أن ما أعجبك كلامي

واتمنى أن يبدل الله حالك إلى أحسن حال قل أمين وللأخوان جميعا

وإعرف خويك جاك منه موقف والمؤمن مايلدغ من الجحر مرتان ^_*
دمت بود

[escape_man]

منت غلطان ولا عمك غلطان

العم مثل الوالد ويمون وانت ماتعمدت الغلط والشيطان احرص عنصر بهالدنيا انه يستغل مواقف صغيرة مثل هذي ويخليها تاكل معك وتشرب.

يمكن قرصته لك يعني بها خطاك في السرعة مهوب قل منه ولا قصر بيده.

واقولك وانت توك شباب .. ترى بيجيك عيال وتشيب لحيتك وياما بيجيك من الهرج الي مايعجبك من ابوك وعمامك ويعدونك ورع امس :)

[محب الخيال]

الله يخليك جدك بس العمده

[suliman1]

اخوي الضايع بالمزرعه

وعمك بمقام والدك ورضاه من رضى والديك

وفقك الله لما يحب ويرضى

تحياتي

[wafi4sa]

ياخي الكريم لاتزعل ولاشي
اولا انت غلطت بأنك نسيت بعدم السداد
وعمك غلط بطريقته
لكن انت البادي لازم تتحمل رده فعل غلطك
وترا الدنيا ماتستاهل الزعل على عمك من اجل شي بسيط كهذا
اتمنى من الله ان يوفقك
لكن من القصه اكتشفت انك انسان لبق ومحبوب
والدليل جدك ......!!!

[**عاشق الشواهين**]

لاتجعل للشيطان مدخل بينكم هذا عمك مهما كان وخذها قاعدة وانا اخوك
صبرك على نفسك ولاصبر الناس عليك
والله يغنيك وييسر رزقكك

[نديم القهوة]

الله لا يجيب الزعل وسع صدرك والكبير ترى له معزة واحترام حتى وان اخطأ عليك أو ما صبر عليك ..

[قدر مكتوب]

لا تصير حساس ووسع صدرك , وبعدين انت مخطئ بالتاخر بالسداد

وسع صدرك هذا عمك مقام ابوك لو يصير مايصير عمك

[alrsash911]

الحق عليك .. عمك ما قصر اعطاك سيارته ولم يبخل بها لقضاء حاجتك .. وأنت قمت بالتقصير بحاجة سهله ومعلوم ان الكبار لا يحبون تأخير هذه الأشياء مثل فواتير او قسائم .. والشئ الثاني ارسال المفتاح والفلوس .. أنا أعتبرها مع احترامي لك قلت خاتمه .. عمك لا أعتقد بأنه يقصد بمواجهتك طمعاً بمبلغ القسيمه وإنما التأخير بعدم التسديد هو ما (شب كبده) ولو عرف بأنك ستتأخر لقام هو بتسديدها ولم يطلب منك ارجاعها.. الخطأ راكبك من راسك لحد رجليك

أرجو أن تحب على رأس عمك وتعتبر الموضوع عادي .. الشيبان حارين (ودم اضروسهم التميهن) بتنفيذ مطالبهم !!!
أرجو ألا تزعل من وجهة نظري .. تحياتي لك

[الخيمة والذرا]

أولاً ....... تعوذ من الشيطان

ثانياً ...... هالموضوع يعتمد على وش العلاقة اللي كانت بينك وبين عمك قبل تاخذ السيارة منه ,يعني هل الرجال حبيب ويمون وهل جربته بحاجة من قبل وهل انت شخص محبب للرجل وتاريخك معه زين ؟؟

إذا كانت علاقتك معه قوية ولا فيها تكلف وطبعه كريم ,,,فترا الموضوع ما يستاهل الزعل ويمون ولو اني مكانه ما دام اني اعرف انك رجل ماضيك معي ممتاز وتقدر وانت بحاجة والله ما احرجك حتى بتسديدها .

اما إذا كان الرجل علومه لك عليها ولا هو كريم ....فلا يهمك وفرقاه عيد

من الموضوع انك محتاج وضروفك سيئة المفترض انه يقدر هالشي ويستحي على نفسه (لكن لا تكون من الناس الغير مبالين )فهنا انت الغلطان .

[مركز الثقل]

الموضوع مايستاهل انك تكتبو بهالمنتدي لالالالالالالالالالا تعليق

[Barakuda]

درس مفيد لك عشان تستغني عن اللي بيد الناس والحمدلله انها جات على مخالفة مرور بس

صحيح هذا عمك وزي أبوك لكن كل أنسان حقه غالي عنده وأنت لازم تراعي الشي هذا والناس مهي نسخة من بعضها....يمكن عمك أستحى من أبوه يوم عطاك المفتاح ....وأنت أحسنت التصرف يو ما رحت لأبوك وقلتله يقولك عمي سدد المخالفة ولا كان الشغلة يمكن تاخذ أتجاه ثاني وتصير علوم
أنا من رايي تعتذر لعمك عن النسيان وتقوله بيض الله وجهك وما قصرت وأنا قضيت لزومي على السيارة ولا تعودها

عندي لك سؤال
من أكبر في السن عمك ولا أبوك؟؟

[صبي غلباء]

بسم الله الرحمن الرحيم
اولا الرساله ما كانت لك كانت لجدك الله يطول بعمره لانه أعطاك السياره وهي مهب ملك له على الاقل كان قال لعمك يافلان السياره واقفه والولد بحاجه له هذا اولا
ثانيا هذا عمك وانا أخوك في مقام أبوك يمون على رقبتك وصدقني ياما شديت على عيال خواني وخواتي ويوم كبرووو استوعبو ليش كنت اشد عليهم وهم والله لو يجوعون لقطع من لحمي لجل يشبعون
فلا تصير حساس زياده لانه هذا مهب صديق دراسه او معرفة حاره واسأل أبوك عن تصرفك ويجيك العلم
والله لا يفرق شملكم ويبدو لي أنكم عايله وحده ومترابطه عشان كذا احمد ربك وشف غيرك اللي ما يعرفون بعض ما كانهم اخوان كله بسبة حريم ومال الله يتمم عليكم هذا الترابط

[abdulaziz_1414]

الله يعطيك العافيه

[ملك الفكتوريا]

يا رجال هذا عمك حسبة أبوك وعااااادي والله عادي


المشكلة اللي تضرر بالاخير الجد مثل جدي ياخذ سيارتي وترجع فل هههههههههههههههه




على العموم سددها ولا تقول شئ لعمك عادي واذا فتح الموضوع قل انك نسيت

[O.S.7]

الله يكون بعونك

[ابوضيف الله]

انت غلطان ونص
المفروض يوم عمك تكلم قدام جدك كان قلت له ياعم انا دقيت عليك واخذت رقم بطاقتك ابي اسددها ونسيت او انشغلت مالك الاطبية الخاطر ابشر ياعم وانت بيض الله وجهك ماقصرت عطيتني السيارة وفكيت ازمتي لكن ابشر اللحين اروح اسددها وحب راسه وبتنتهى السالفة كلها ويمكن عمك قال هالكلام لانه من ميانه عمك مثل ابوك ومايقصد انه يحرجك وانت شكلك حساس بزيادة والكبار بالعمر اذا لهم شغلة لاتاخرها لهم ينجنون
وعمك حتى لوتكلم عليك او قال لك شي تراه عمك يعني ابوك ولوحدتك الدنيا الله لايقوله عمك بيجيك يركض فازعن لك تعوذ من ابليس والعن الشيطان ورح لعمك وسمح خاطرة

[كحيلان تميم]

من وجهه نظري انت الي لازم تتحمل المخالفه بلا شك .. واحملك الخطا بالنسيان وان كان اكيد غير متعمد .. لاكن انت بالاخير صححت خطأك والحمدلله على كل حال ..