موتري مشى 80 الف ( لازم اغير شيء .. )

[راعي 4500 EFI]

بسم الله الرحمن الرحيم


السلام عليكم ورحمة الله وبركاته



انا عندي سؤال موتري مشى- 80 الف - ما شاء الله تبارك الله -

هل به اشياء لازم اغيرهن .. علماً اني ما دخلته الوكالة من مشى 10 الاف ,, بس اغير زيت وسيفون بمحطة .. واللهم لك الحمد ..


هل يوجد اشياء استهلاكية تحتاح الى تغيير .؟؟


الموتر / شاص , 2009 ..

[* ابو باسل *]

اكيد بواجي سيور وصفاية بنزين ولا يردك غير صوت الصفيره بالتوفيق ان شاء الله

[الباثفندر 3.5]

افادك الاخ

[اسبيدر مان]

مثل ماافادك ابو باسل وازيد عليه فلتر الهوى الى في القربه علما انه يغير كل اربعين الف
والله يبارك لك فيه ونعم الموتر

[سوبر VTC]

انا انصحك بنصيحة
البواجي لا تغيره اذا اختلف عليك الموتر بمعنى اذا ظهر على المكينة تقطيع او تفتفة بسيطة
و اذا كنت تبي تغيرهن باحتفظ بالقديمة خلف المرتبة
بواجي البلد افضل من حق السوق بمليون مرة حتى و قال لك انه اصلي
اما
سير المكينة واضح جدا اذا كان به تجرح و تشققات قوية فغيره
و احتفظ بالقديم لربما تلقى احد متعطل و تفرج كربته سواء بسفر او ببر
السيور تمشي حتى ال150الف و اكثر

رابط

إحذر من بواجي (دينسو) لسيارات تويوتا (http://www.mekshat.com/vb/showthread.php?t=376235)


بواجي البلد تمشي حتى 150 او 200الف
حتى لو كتب بالكتالوج ان تغيرهن كل 30 او 40الف

عندك فيه طرمبة بنزين حقت فكسار تجي بكرتون تويوتا احمر من الوكالة ب530ريال تقريبا
فيه ناس و حتى كهربائي ركبوها و اضربت عليهم السوق مضروب
حتى
ان الكهربائي يقول تبي طرمبة مضمونة للفكسار و احسن من الوكالة رح وفكه من التانكي من التشاليح
اضمن لك لانه شد بلد مع الموتر

احرص على تنظيف فلتر الهواء بشكل دائم

[mr.قهد]

اخوي شيك على البواجي وشوف اذ عزم الموتر ضعف نوعا ما او الموتر يتفتف غير بواجي وشيك على جميع زيوته من زيت دفرنس وزيت الدبل الخ... اما اذ كنت حاس ان في موترك شئ متغير واو شئ طالع جديد مثل رجه صوت في مكان ما ... اقرب مركز صيانه والله ولي التوفيق

[رسيس نجد]

ما يحتاج تغير شي الى اذا لاحضت على السياره خلل 0

[بيق مان]

ما يحتاج تغير شي الى اذا لاحضت على السياره خلل 0
هذا الكلام اذا خرب شي صلحه او غيره ليش البعزقة

[ساري 111]

انصحك اخوي ماتغير شي الا فلتر هواء وفلتر بنزين فقط لاغير
وبالنسبه للبواجي واسلاكهن لاتغيرهن ولاتلمسهن الا اذا صار الموتر يقطع

واذا انت راعي حمل وخطوط وسرعه شيك على زيت الدبل والقير
واذا احتاج الامر تغير غير بزيت عيار 90 مع اني مااعتقد راح تحتاج تغير اذا استخدامك عادي

[من يخاويني]

لازم تغير فلتر القير

[ابوانس20111]

اهم شي شيك عل الفحمات لا تخرب عليك الهوبات وزيت الدفرنس والقير لاتلمسه

[القحطانى1]

مثل ماقال الاخ

[القحطانى1]

اذا جلست خايف على السيارة و تصلح الشيئ قبل يخرب
انت تخرب موترك بنفسك
مثل ماقالو الاخوان حسيت بتفتفة السير في تشققات غير
ولا نصيحة لا تعدم السيارة