من يدلني عليها حلوه وقويه

[fadda3]

[سلام عليكم الاخوه الاعضاء

اول مشاركه لي انا من هواة السفر والرحلات البريه

وكنت امتلك سيارات امريكيه مثل الجمس والفورد الخ

طبعن غماره ونص علشان اشيل الاغراض والعفش

الحين شريت جيب ودور على مقطوره يعني قلص

ولقيت وحده بالانترنت بس وين مكان الي يبيعونها

مدري وبي الي يعرف يدلني عليها الله يجزاه خير وهذي صورتها بالرابط ادناه هم خمس انواع الي ابيها الصوره الثانيه من اليسار مكتوب تحتها m13 لها اربع كفرات

http://www.jss.cc/pages/loc/ProductPages/trollys.html

[ذئب اليل]

إذ انت بالرياض رح لمحل القاضي النسيم طريق ال100 وتحصل الي تبي

[fadda3]

lمشكور ياذيب الليل انا بالكويت

اذا الخفجي او الحفر او الدمام موجود فيها ياليت تقولي انوعيه هذي بذات الي ادور عليها
مشكور علا اهتمامك ماقصرت غيرك يدخل ويطلع ماكتب حرف

[ذئب اليل]

الحقيقة ما اعرف الا الي بالرياض وذ تبي اروح للقاضي واسئلك عن المقطورات واسعارة وايذ كان لهم فروع في الدمام او الخفجي او الحفر

[أميرالعشاق]

920000323
هذا هو الرقم الموحد لمحلات القاضي......أتصل عليهم واستفسر عن الفروع ...وهم يدلونك....
اتمنى اكون افدتك

[قناص*07]

http://www.mekshat.com/vb/showthread.php?t=98813
شوف ذا الموضوع وراح تلقى تلفوناتهم واستفسر منهم هل بالامكان شحنها الى الخفجي او الكويت

[رسيس نجد]

في الرياض عند العليان

[.أبوعبدالرحمن]

هذي تجي غالية مرة وتتعدا أسعارها بعض الاحيان 10 آلاف ريال


ولكن رح للصناعية وفصل المقاس اللي تبيه مع الرفع اللي تبيه مع اللون اللي تبيه وبسعر أقل بكثير

[العنابي 616]

تلقاها في محل القاضي بالدمام على طريق الميناء

[عضى]

أذكر فيه محل على طريق الدمام الدائري الشمالي بالرياض

وأنت متجه شرق قبل مخرج خالد بن الوليد (أنكاس )

مليان أشكال كثيرة وأكر فيه مواضيع في مكشات تكلمت

كثيراً عن عربات السحب بشكل مفصل لكن تحتاج بحث.

[شلفا تبوك]

اسال في الدمام عند القاضي للخيام

[fadda3]

الحقيقة ما اعرف الا الي بالرياض وذ تبي اروح للقاضي واسئلك عن المقطورات واسعارة وايذ كان لهم فروع في الدمام او الخفجي او الحفر

مشكور وماقصرت انا كلمت صديق لي بالرياض واعدني يروح مشكور علا الاهتمام

[fadda3]

هذي تجي غالية مرة وتتعدا أسعارها بعض الاحيان 10 آلاف ريال


ولكن رح للصناعية وفصل المقاس اللي تبيه مع الرفع اللي تبيه مع اللون اللي تبيه وبسعر أقل بكثير

الله يبارك فيك انا لو ابي الصناعيه رحتلهم انا ابي المنيوم صناعه اوربيه فيها
وسائل الامان اكثر والمان من الله

[fadda3]

اخواني ماقصرتم بس خبركم قديم رحنا للقاضي والا عندة ولا عربه ويقول كان عندنا وماحنى جايبين شي