تكفون .. وش رايكم في بطل الدروب .. اشتري ولا اهون

[ابوياسر5]

ياجماعه الخير شوري علي اشتري بطل الدروب ولا اهون

انا ناوي اشتري سياره دفع رباعي لاول مره في حياتي
ورحت وكاله نيسان وشفت الباترول الجديد
وبصراحه والله فخم خاصه من الداخل

بس ابغي نصيحة اهل الخبره واللي جربوه

وشكرا للجميع

[جزاء الشمري]

الله يكتب لك اللي فيه خير لك

[آبونآصر]

ماشاء الله


شوري عليك خذلك لاند كروزر جي اكس آر 8 سلندر قير تماتيك بـ 194 الف
وإذا تبي ونش بـ 201

هذي اسعار الوكاله بس اتوقع المعارض ارخص


آسختر واتكل على الله وخذ اللي ترتاح له والله يوفقك

[ابن عكاش]

الله يدلك ترى بتضيع يالغالي شوي ويمتلي الموضوع واحد يمدح وواحد يذم
إذا معجبك الموترانصحك تجربه واسأل اللي يستخدمونه واستخر وتوكل على الله

[خليفان]

مبروك والله يطعمك من خيره ويكفيك شره

[أميرالعشاق]

الله يكتب لك اللي فيه الخير..ويرزقك ماتتمنى .......وفقك الله

[أبوعبدالرحمن0]

هــلا ابو ياسر

الموتر من ناحية الفخامة ما عليه كلام

لكن ما يستاهل سعره في نظري

وأذكر أول ما نزل قالوا فيه عيب ـ وهذا أكيد ـ

لكن الدفعات الجديدة ما أدري

[المنيعي1]

يارجال لنا أسبوعين ندور بالمعارض مالقينا مسحوب كله مافيه الا فل أو خليجي

[حبل الوريد]

يا رجال طرق انه اموتر شيوخ وقوه
موتر سليم راحت عليك يالتايوت
عموما انت ما راح تستفيد
هنا بمكشات ربما تقوم مظاهرات

[الباثفندر 3.5]

ما انصحك لانه سعره مبالغ فيه و قطعه ناااااار و غير متوفره
طبعا هذا اللي عندنا بالكويت و ما ادري عن المملكه

[مهند الثبيتي]

الله يكتب لك اللي فيه الخير..ويرزقك ماتتمنى .......وفقك الله

[رسيس نجد]

توكل على الله ولايردك شي

[المصباح السحر]

انت ناوي ولا تمزح

كاش ولا اجار

يعني بلغتنا قلبك يتحمل انك تطرق 200 الف كاش على ماصة المصري

اذا المبلغ موجود ومتوفر وربي رازقك خذا الموتر للي يعجبك وترا كلها سواا نفس الشيء بس نصيحه لا تجور عليها بالبر لان الجديدد ما يتحمل سواء تايوتا ولا نيسان

واذا الدعوه ديون واقساط انصحك تبتعد عن الثنتين وشف لك امريكي تراه سيارة ويتحمل ومريح ويمشي

[ابوياسر5]

ماقصرتوا يااخوان وجزاكم الله خير علي هالنصايح الطيبه وعسي الله يرزقنا واياكم من واسع فضله .
ودنا نشوف المزيد من المشاركات ونستفيد . وخاصه من اللي مجربين الموتر الله يبارك لهم ولا يحرمنا من خبرتهم

جزي الله الجميع كل خير

[درباس فرناس]

في حال المشاور الناس لا تعرفك ولاتعرف حالك
لذلك لا بد أنك تبين بعض الاشياء حتى تكون المشاور مبنية على شور صحيح ماهو تخرص مثل شغل بعض الاخوان الله يهديهم
من الاشياء المهمة أنك تبين عدة أمور منها :
1 / هل أنت كثير الخروج للبر يعني تقريبا كل اسبوع لك طلعة أو طلعاتك متوسطة أو أنك ما تطلع للبر الا نادر
2/ هل أنت صاحب عائلة كبيرة أو عائلة صغيرة أو أنك رجل شبابي ما معك الا ربعك
3/ ميزانيتك بالضبط هل لديك قدرة مالية عالية أو أنك متوسط الحال أو ستقوم بالشراء عن طريق التقسيط .
هذه الأمور مهمة في المشاور بالشراء
يعني أنا عندي مجموعة من الاقارب أحدهم شاروني في سيارة دفع رباعي فأشرت عليه أن يشتري هايلكس دفع رباعي لأن وضعه يصلحه هذا الشي والآخر نصحته بشراء سيارة سكويا دفع رباعي والثالث نصحته أن يشتري جيب لكزس آخر موديل
وكل شخص منهم تختلف ظروفه عن الثاني
فلذلك أنت أول من يتخذ القرار في الشراء ولا تعتمد كثير على النصح الانترنتي لأن المبلغ الذي ستقوم بدفعه كبير جدا إن كانت حالتك ميسورة فلا تخاطر بالشراء الا بعد القناعة التامة
والله يوفقك ويختار لك الصالح ...

[التعـ King ـديل]

ماشاء الله


شوري عليك خذلك لاند كروزر جي اكس آر 8 سلندر قير تماتيك بـ 194 الف
وإذا تبي ونش بـ 201

هذي اسعار الوكاله بس اتوقع المعارض ارخص


آسختر واتكل على الله وخذ اللي ترتاح له والله يوفقك



اللي يشوفك تكتب هالاسعار يقول ابو جميل ملبق المواتر عند الباب ياعمي الناس تحجز وتقعد بالشهرين والثلاثه من قبل الزلزال

فما بالك الحين زلزال وغلا اسعار .. والمعارض نهابه عارفين الوكاله حجز يرفع السعر 20 الف ريال على ايش طيب مادري

ابو ياسر اشتر وراح تعرف قيمه كلامي بعد استخدامه انا شريته 2010 والشاهد الله شريته تجاره مب استخدام لاني بتكسب فيه

ولو قيمته عندي شريته وانا مغمض موتر مركب شيوخ قوه وعزم وفخامه ورزه قدام الناس بس الله الله بالاستخدام الحشمه

والله يطعمك من خيره ويكفيك شره

[شلون مغليك]

انصحك بلاند كروزر

[ابوياسر5]

في حال المشاور الناس لا تعرفك ولاتعرف حالك
لذلك لا بد أنك تبين بعض الاشياء حتى تكون المشاور مبنية على شور صحيح ماهو تخرص مثل شغل بعض الاخوان الله يهديهم
من الاشياء المهمة أنك تبين عدة أمور منها :
1 / هل أنت كثير الخروج للبر يعني تقريبا كل اسبوع لك طلعة أو طلعاتك متوسطة أو أنك ما تطلع للبر الا نادر
2/ هل أنت صاحب عائلة كبيرة أو عائلة صغيرة أو أنك رجل شبابي ما معك الا ربعك
3/ ميزانيتك بالضبط هل لديك قدرة مالية عالية أو أنك متوسط الحال أو ستقوم بالشراء عن طريق التقسيط .
هذه الأمور مهمة في المشاور بالشراء
يعني أنا عندي مجموعة من الاقارب أحدهم شاروني في سيارة دفع رباعي فأشرت عليه أن يشتري هايلكس دفع رباعي لأن وضعه يصلحه هذا الشي والآخر نصحته بشراء سيارة سكويا دفع رباعي والثالث نصحته أن يشتري جيب لكزس آخر موديل
وكل شخص منهم تختلف ظروفه عن الثاني
فلذلك أنت أول من يتخذ القرار في الشراء ولا تعتمد كثير على النصح الانترنتي لأن المبلغ الذي ستقوم بدفعه كبير جدا إن كانت حالتك ميسورة فلا تخاطر بالشراء الا بعد القناعة التامة
والله يوفقك ويختار لك الصالح ...


جزي الله الجميع كل خير وعسي الله يبارك فيكم ويبارك لكم

وبالنسبه للاسئله اللي ذكرها الاخ ( درباس فرناس ) فالجواب هو
1- طلعاتي للبر متوسطه وكلها بالعائله ( مره بر ومره بحر ) لاني ساكن في جده ، بس ان جنوبي
2- عائلتي صغيره ( 6 ) الاسره كلها
3- عندنا وعندك الخير والحال طيب من فضل الله . مضطر ادفع مبلغ كبير لاني ابغي اشتري
سيارة العمر اللي توديني وين مابغيت وانا مطمئن

وجزا الله الجميع كل خير

[مدمن فتك]

اللاند كروزر اسطورة ولت خلاص بس متى الناس تنتبه
يدفعون اموال طائله على سياره ملصقه اغلبها صيني وخطوطها من جده ..ودك لاشريت سياره ماحد يلمسها لابو جميل ولابو جمال

[سيف الظفير]

توكل على الله الجيب شيخ ومركب فخم


توكل على الرحمن


الفكسار يا الغالي زين ولا به عذروب هو والجكسار ولكن لا يقارن بفخامة الباترول ابداً

[Abo gssar]

اشتر وتوكل على الله وانا اخوك ويكفيك انه يصنع باليابان يعني اللي يصنعه عمال يابانيين والسيارة مراعى في تصنيعها انها راح تستهدف مستهلكين الخليج والشرق الاوسط يعني مواصفاتها تناسب اجوائنا..
اليوم انا في شركة الحمراني وسالت عن اقل نوع لقيته 198 الف بس والله يستاهل فخم وداخليته مسكته علما انه او مانزل كان 179 وكنت ناوي اشتريه بس الله ماكتب ....
استخير الله وان شاء الله ماتندم

[ابو منور 93]

انصحك جي اكس

[غاوي قهاوي]

يا رجال طرق انه اموتر شيوخ وقوه
موتر سليم راحت عليك يالتايوت
عموما انت ما راح تستفيد
هنا بمكشات ربما تقوم مظاهرات

كلام صحيح :good2:

[المصباح السحر]

الصراحه شدني مره طالع من الخرج يوم جمعه ورايح للرياض ويوم قربت من التفتيش إلا هالموكب لامير بس مدري منهو

يمكن من عيال سلمان وفيه اثنين باترول من الجديد هذا الفخم وانا على كابرس قلت بدز معهم مسرعين الصراحه مشيت 200 ما جبتهم تقول شقتهم الارض وبلعتهم معهم غيره جموس بس طيران بس صراحه في الخط والشكل يفرق عن الاند بكثير اللاند بجنبه تقول اسلقه اللي بيشريه لا يعرضه البر ما يستاهل

[ابو عكلي]

يالغالي مايبي نشدت شيخ...
موتر والمواتر عنده قليله...
الله يوفقك ويرزقك ويرزقنا,,,,
يكفيك ان القير حقه مدى الحياه,,,
لايوظب ولايفك,,
مصمم على انه يعيش مدى الحياه,,,
مايعيبه الا قيمته لو املكها طقيته وانا مغمض,,
توكل على الله وعز الله انه بطل الدروب وبس,,,

[بوخليفه77]

هلابك اخوي ابوياسر
صراحه جربت البترول الجديد 400حصان الفل ابشن ماعليه كلام
من الفخامه ومن الراحه وفي البر قوه حلوه
بس بامانه اذا جيت للسعر مبالغ فيه
وبيني وبينك السيارات ولعن ناااااار
الله يوفقك
تحياتي

[خليفان]

لاتوهقون الرجال يدعي عليكم
ياخوك اذا انت من الجنوب وتصعد مرتفعات تراه ماينفع لان نظام التعليق الخلفي فليور
الباترول الجديد مثله مثل اليوكن حق خطوط فقط

[ابوياسر5]

جزى الله الجميع كل خير
ماقصرتوا والله علي هذه الردود التي افادتني كثيرا

الاخ ابو عكلي ذكر كلام لاول مره اعرفه وهو :

( يكفيك ان القير حقه مدى الحياه,,,
لايوظب ولايفك,,
مصمم على انه يعيش مدى الحياه,,, )

ياليت يوضح لنا الصوره

والاخ خليفان يقول :
(ياخوك اذا انت من الجنوب وتصعد مرتفعات تراه ماينفع لان نظام التعليق الخلفي فليور
الباترول الجديد مثله مثل اليوكن حق خطوط فقط )

اللي اعرفه ان الباترول الجديد نظام التعليق مستقل لكل كفر . وهل الفليور له تاثير لهذا الحد في صعود المرتفعات

وجزاكم الله خير

[التعـ King ـديل]

لاتوهقون الرجال يدعي عليكم
ياخوك اذا انت من الجنوب وتصعد مرتفعات تراه ماينفع لان نظام التعليق الخلفي فليور
الباترول الجديد مثله مثل اليوكن حق خطوط فقط

من زماااان عن دخلاتك العرض في مواضيع النيسان منور اخوي خليفان .. طبعا انت تتكلم عن تجربه زي العاده ولا من جماعه يقولون ؟؟؟؟؟؟؟؟

عزيزي اتمنى قبل ترد على الرجال تجرب الموتر في الجنوب ولا في الشمال وبعدين تدلي بدلوك بدون خشات عرض اجل مثل اليوكن حق خطوط

[مزن الغيث]

ياخوان لاتطلعون عن الموضوع ويصير هواش
شوف اخوي النيسان الجديد روووووعه ماشاء الله وذا انه خاش مزاجك ووعندك قروش توكل على الله وخذه
لكن انا الا حظ انه مو منتشر فعشان كذا يمكن ماحد يدري عن عيوبه وايجابياته
وفي موتر ثاني اللي هو اللاند كروزر انت شوفه وقارن وش يصلحلك ووش يعجبك
عموما اذا تبي جيب مالك الاباترول او لاندكروزر

[شرقااااوي]

اخوي صراحة انصحك تاخذ لكزس ابرك لك قوه وفخامه أو لاندكروزر حسب فلوسك
أما بالنسبه للباترول مبالغين في سعره بقوه
واللي سمعته ان القير اقوى من المكينه

[ابو عكلي]

جزى الله الجميع كل خير
ماقصرتوا والله علي هذه الردود التي افادتني كثيرا

الاخ ابو عكلي ذكر كلام لاول مره اعرفه وهو :

( يكفيك ان القير حقه مدى الحياه,,,
لايوظب ولايفك,,
مصمم على انه يعيش مدى الحياه,,, )

ياليت يوضح لنا الصوره

والاخ خليفان يقول :
(ياخوك اذا انت من الجنوب وتصعد مرتفعات تراه ماينفع لان نظام التعليق الخلفي فليور
الباترول الجديد مثله مثل اليوكن حق خطوط فقط )

اللي اعرفه ان الباترول الجديد نظام التعليق مستقل لكل كفر . وهل الفليور له تاثير لهذا الحد في صعود المرتفعات

وجزاكم الله خير

بالنسبه لكلامي عن قير الباترول
انا معي التيما 2010 ورحت للوكاله قسم الصيانه
اشيك عليها وسألت الفني عن الباترول الموجود
وقالي بالحرف الواحد ان الباترول الجديد
يكفيك ان القير حقه اذا خرب احذفه
لانه مصمم على انه يعيش مدى الحياه
لايفك ولايوظب انتهى كلامه,,
فهل تعتقد ان الشركه راح يصممون قير اي كلام
اكيد انه مصمم على انه يحتمل ويعيش مده طويله

[أبو سندس]

اشتر النيسان وراح تحس الفرق قوة وأداء وفخامة ومواصفات خيالية صراحة موتر ولو تدخل الفيس بوك على صفحتي عبدالرحمن الرضمه شف مقطع لي منزله تجربته بالطعس خيال وأنا أتوقع الجيب هذا كل كفر فيه ماكينه ولعلمك ترى فيه فئتين من الباترول
1- 400 حصان 7 غيرات هذا اللكزس مايخاويه
2- 320 حصان 5 غيرات لايقل قوة عن ال 400
والله يرشدك للموتر الزين تقبل مروري

[ابوعزيز2007]

ارشح الباترول انا لوعندي دراهم والله ما أركب الاهو