المساعد الشخصي الرقمي

مشاهدة النسخة كاملة : اديماكس 2005


ضلع الرقيبه
21/12/2005, 08:00 PM
بسم الله الرحمن الرحيم


السلام عليكم ورحمة الله وبركاته

وش رايكم يا جماعه في يسوزو الديزل اللى يسمونه ديماكس ]دفرنسين
زين ولا مهوب زين
لقيته عند اليميني الفل كامل 77000

واللى تحته 63000

وش رايكم عطوني راي ونصيحه
خالد20
21/12/2005, 08:21 PM
ضلع الرقيبه
وعليكم السلام ورحمة الله وبركاته
الصراحه موتر
بس لو الدبل قير مهب زرار مثل الحين
وفيه معرض بجده اخبر يبيعهن ارخص بحول4000ريال
اذا انت جازم ارسل على الخاص واعطيك رقمه
وبعدين عندنا في المنتدى ابو حمود الله يجزاه خير
اذا جاء طاري الاسوزو تلقاه قريب وهو يفيدك اكثر مني
* الـكـشّـات*
21/12/2005, 08:44 PM
السلام عليكم ورحمة الله وبركاته
الأخ ( ضلع الرقيبة) أنا بشريه إن شاء الله وسعرته من عند العيسى
- فل كامل قير عادي 73000 ألف.
- فل كامل قير تماتيك 77000 ألف.
زاد سعره قبل أسبوع كان أقل بـ 1000 ريال.
أخوي (خالد 20 ) أنا بشري إن شاء الله أرسلي رقم المعرض إلي في جدة على الخاص
وجزاك الله خير والله لا يهينك.
ضلع الرقيبه
22/12/2005, 03:16 AM
خالد20
اشكرك وجزاك الله خير لكن اذا جاء الدبل زر مهوب زين وش المشكله يعني خرابه الزر اكثر يا ليت توضح لي
وارسلي االرقم الله يعافيك

الكرامه

الله يعافيك

ياليت العضو اسووزو يعلمنا وش الزين دامه راعي بخص ونظر في ها النوع
فتى الدهناء
23/12/2005, 04:45 PM
سبقتني أخوي الكرامة

أخوي ضلع الرقيبه


مشكلة الدبل الزر ( تقدر تحلها )

والطريقة انك تروح لكهربائي ... ويحط لك فاصل بزر .... بحيث أنه لو أحد ضغط زر الدبل مايشتغل .... لأنك فاصله بزر آخر موجود في جهتك مثلا ..

واختيار موفق بإذن الله ... وترا اللون اللؤلؤي زين ;)
العنقري
23/12/2005, 11:43 PM
السلام عليكم ورحمة الله وبركاته عندك النيسان = التا يوتا 0000لاتعدها :cool:
دسم الشوارب
24/12/2005, 11:10 PM
ارجوك إقرأه كاملاً
يالله حي ضلع الرقيبه
عرفتني؟
هذا أنا
امتنع عن الديزل وانتبه واياني واياك تبعد عن الددسن والهايلكس البنزين
مع اني أفضل الددسن
لأنه معروف وقطع غياره متوفره ورخيصه هذا إذا إذا إذا خرب
قوي ومتماسك والكلام هذا عن تجربه شخصيه
الددسن رفيقي من يوم سقت إلى اليوم إلى بكره إنشاء الله
وكما بلغني قطع غيار الايسوزو غاليه وغيرمتوفره أصلاً
ولاتلقا أحد يصلحه مالك الا الوكاله وبينتفونك هناك
خل نقول ان ايسوزو قوي ومتماسك ولاراح تنشب في المشاكل هذي كلها
ماهي بعيده يجيك واحد مقرود ويصفق موترك الاه منعدم ..الله يستر
وبعدين الديزل غثيث حتى لو كان اقتصادي
1ـ صوت مزعج
2ـ يحتاج إلى تحميه وقت طويل جداً
3ـ يدخن زياده وريحته كريهه وقويه
4ـ في الخط الصفات السابقه تتضاعف
5ـ حتى بعد الانتهاء من المسافات الطويله لاينتهي الموضوع يحتاج إلى الانتظار قبل الاطفاء ليرتاح حضرته
6ـ في المحطات طرنبات الديزل بعيده وتتطلبهم علشان يجون يعبون لك ووصخه وتوصخك وفي آخر الدنيا كنك جربان وقدامك تريله ووراك دنه وجنبك باص وبهذله انت في غنى عنها
وانت شاري موتر علشان يريحك ولاانت تريحه؟
الديزل تداريه وتعذب نفسك علشانه والنتيجه:
1ـ دخان الديزل يسبب امراض الصدر
2ـ صوته المزعج يعطب الاذن والدماغ
3ـ الانتظار عند التحميه وفي المحطات يرفع ضغط الدم... والنتيجه!
الفلوس اللي وفرتها من اقتصادية الديزل تدفع دبلها في العلاج
ويقول الواحد ساعتها ياليتني ارخيت ريالي ووفرت صحتي... وكل شيء بيدالله
ضلع الرقيبه
25/12/2005, 01:30 AM
فتى الدهنا شكر اخوي وعطيتني دفعه معنويه


العنقري مشكور ومهوب لها الدرجه عاد ايسوزو زين بعد

الله يحيك اخوي دسم الشوارب واسعدني مرورك


وانت شاري موتر علشان يريحك ولاانت تريحه؟

حلوه الصراحه ذي


والله ماندري لكن الله يكتب اللى في الخير



واشكر مرورك مره ثانيه
فتى الدهناء
25/12/2005, 05:07 PM
حياك الله أخوي ( ضلع الرقيبة )

وأحب أرد على بعض الاشكالات عند الأخ ( دسم الشوارب )

وباختصار :

أنا معك ان الدخنة في الديزل مشكله ولكن ليس الديماكس ( الهايلكس والددسن ) فالديماكس ايسوزو وانت تعرف ان ايسوزو تخصص ديزل غير فرق المكاين

- الايسوزو قطع غيارها رخيصة وماتتوقعها ( عن تجربة مع ايسوزو 6 سلندر 2003 )
- استاجر اخوي الكرامة الديماكس وطلعت انا واياه لتجربتها .. فكانت روووووعه
من ناحية القومة ( تقول بنزين ماشاء الله )
ومن ناحية المراقى في النقود
ومن ناحية الرساوة .. وتراها تجيب الطبلون على فكرة

معليش دخل وقت الصلاة
ضلع الرقيبه
25/12/2005, 10:29 PM
فتى الدهنا


الله يجزاك خير على
التوضيح
فتى شنه
26/12/2005, 01:52 PM
السلام عليكم ورحمه الله وبركاته

اخوي ضلع الرقيبه الديماكس موتر بما تعنيه الكلمه من
1 من ناحيه القوه اتحداء اي واحد معه ديزل يقوم في الزفلت والى المراقا
2 من ناحيه الدخان مادخن الى شي بسيط لا يذكر عند التشغيل
3 من ناحيه افضل سياره من الهايلكس والددسن لان شركه ايسزوزو تعمل في الديزل من 30 سنه مو زي الثانين اي بمعنى الخبره وتلافي الاخطاء في الديزل من دخان وغيره وضعف عزم
4 من ناخيه الراحه اريح من الباقيه
5 ويكفيك نظام abs وايرباقات مو زي الباقيه
6 ويكفيك ان المحرك تيربو 3000cc
7 وبعدين الكفرات عراض والجنوط كروم موزي السلق للدسن والهايلكس
8 ومن ناحيه الممشى تمشي 175 تنزل شوي على 180 لكن انبير الظغط ياصل الحمر وامش 2000 كيلو وقف وطف السياره
ولا يضر المكينه لوجود نطام جديد فيها على كلام مهندس من العيسى وكلام واحد يقاله الزهراني في المبيعات عند العيسى
9 من ناحيه مسكت السعر تلقاها غاليه المستعمله لكثره رغبه الناس عليها

10 من ناحيه قطع الغيار غاليه مره اجل مسروق الاسبير عندي وادور لك في التشاليح مالقيت النظيم والحاير والغرابي قالوا ماتلقاها

قلت اروح لليمني والعيسى واحصل الجنط 1400 ريال والكفر برى 400 يعني 1800 ريال مسكت راسي
وهذا اللي عندي والسلام عليكم

موتري ديماكس 2005 من عند العيسى لكن تبغى النصيحه خذها ولا تشاور احد
عليمي2000
26/12/2005, 02:17 PM
السلام عليكم ورحمة الله وبركاته
ارجوك إقرأه كاملاً
يالله حي ضلع الرقيبه
عرفتني؟
هذا أنا
امتنع عن الديزل وانتبه واياني واياك تبعد عن الددسن والهايلكس البنزين
مع اني أفضل الددسن
لأنه معروف وقطع غياره متوفره ورخيصه هذا إذا إذا إذا خرب
قوي ومتماسك والكلام هذا عن تجربه شخصيه
الددسن رفيقي من يوم سقت إلى اليوم إلى بكره إنشاء الله
وكما بلغني قطع غيار الايسوزو غاليه وغيرمتوفره أصلاً
ولاتلقا أحد يصلحه مالك الا الوكاله وبينتفونك هناك
خل نقول ان ايسوزو قوي ومتماسك ولاراح تنشب في المشاكل هذي كلها
ماهي بعيده يجيك واحد مقرود ويصفق موترك الاه منعدم ..الله يستر
وبعدين الديزل غثيث حتى لو كان اقتصادي
1ـ صوت مزعج
2ـ يحتاج إلى تحميه وقت طويل جداً
3ـ يدخن زياده وريحته كريهه وقويه
4ـ في الخط الصفات السابقه تتضاعف
5ـ حتى بعد الانتهاء من المسافات الطويله لاينتهي الموضوع يحتاج إلى الانتظار قبل الاطفاء ليرتاح حضرته
6ـ في المحطات طرنبات الديزل بعيده وتتطلبهم علشان يجون يعبون لك ووصخه وتوصخك وفي آخر الدنيا كنك جربان وقدامك تريله ووراك دنه وجنبك باص وبهذله انت في غنى عنها
وانت شاري موتر علشان يريحك ولاانت تريحه؟
الديزل تداريه وتعذب نفسك علشانه والنتيجه:
1ـ دخان الديزل يسبب امراض الصدر
2ـ صوته المزعج يعطب الاذن والدماغ
3ـ الانتظار عند التحميه وفي المحطات يرفع ضغط الدم... والنتيجه!
الفلوس اللي وفرتها من اقتصادية الديزل تدفع دبلها في العلاج
ويقول الواحد ساعتها ياليتني ارخيت ريالي ووفرت صحتي... وكل شيء بيدالله
انشهد ان اخوي دسم الشوارب صادق
السياسي
28/12/2005, 07:58 PM
انا كنت ناوي باثفندر 2005 .. وفيه موضوع عنه لي هنا ... شفتوه ... بس غالي مررة .. بصراحه
-------
وقلت ما لك الا غمارتين .. [[ هايلكس -- آيسوزو (ديماكس) -- ددسن ]]

الهلي والددسن معروفات .... بس نبي تفصيل كامل عن الديماكس الدبل 2005 ..
اليوم كلمت على العيسى وسألته عن أسعار الديماكس غمارتين ..-دبل- تيربو - بخاخ -
قال :
العادي 73000
التماتيك 78000
تقريبا

بس انا ودي بمعلومات أكثر وأكثر عنه ..
-- يزعج ولا لا ... انا خابر الديزل مزعج ..
-- يكربن ولا لا .. .. . . .. .. يكربن ..
-- يصبر ويتحمل ولا لا ؟
-- عزمه وسرعته وقومته ؟
-- ممشاه : - بالخطوط ,,, - وبالطعوس ,,, زين ؟؟

يا ليت اللي عندهم خبره فيه واللي معهم ديماكس 2005 يعلموننا ..
----------
وجزاكم الله خير
ذيب حضن
10/01/2006, 03:37 PM
أنا وأعوذ بالله من كلمة أنا أخذت ديماكس هالايام والظاهر انه زين ( عزمه وصرفيته
لكن الله اعلم عن وكالته وخصوصا في الحجاز عندنا
دسم الشوارب
15/03/2006, 07:57 AM
نبشت من بين الانقاض هذا الموضوع للتعقيب
الله يقلع الديزل مكرووووه
لكنه شر لابد منه وانتم عارفين الضروره تبيح المحضورات
.
.
.
اللي مايعرفه البعض ان الموضوع هذا صار له اكثر من ثلاث شهور وأنا اللي نبشته كما قلت لكم لأقول ما أقول
من حر مافيني والله
سلام