استشاره في شوزن ام حبه أيطاليه (يوجد صوره)

[bedwizar]

السلام عليكم
يا اخوان حاب تفيدوني في شوزن عرضة علي
أم حبه ايطالية
طول ماصورتها 28 انش
بـ 2500 ريال
وهذي صورتها
http://store2.up-00.com/May11/vQp63201.jpg (http://www.up-00.com/)
هل هي طيبه ولا
واشلون شغلها ،و سعرها مناسب ولا غالي ولا رخيص

ودي تفيديوني باسرع وقت قبل لا ترح علي ، وشكرا مقدما

[الصقري2000]

يخوي اذا تبي الصدق اشترها وريح راسك
لانك متى في هالزمن تلقا شوزن تشريها وان لقيت تبي تلقاها بغالي
لكن انا بعلمك بشي
الشوازن ام خمس الردي منها ينسام على 5000 و6000 ريال
وهذي ام حبه اكيد بتكون نص السعر
وبعدين الشي الثاني
قليل من الصناعات الايطاليه انها تكون رديئه
بالعكس انا الى الحين ما مرت علي شوزن ايطاليه رديه

لكن قبل ما تسأل عن الصناعه افحصها فحص جيد لان بعضهن مكسرات ولحمات تلحيم الله بلخير ولا
مواصيرها فيها ميلان..الخ
......
لكن انت ان شفتها زينه وجايزتلك فاستخر واشرها ولا تشاور
وسعرها اشوف انه مناسب
...
والله يوفقك ويرزقك الصيد الحلال
لكن عليك بالفحص

[bader_max]

حبيبي فيه منها عدة انواع

ازينها الي مالها ديك

الي لها ديك اقلبها وعاين في الاصبع حق الكسر بتشوف السسته واضحه تراها تطيح عليك وتضيع

وفيه نوع مرسوم على حنبها نجوم اقصر منها بعد لاتاخذها

اذا السسته مخفيه خذها ولاتشاور بس ترا عليها ندف يكسر اليد

[الخِيال]

ام حبه الايطاليه فيها عيب واشوف انه عيب كبير وتراها مامدحت واجد

انك من يوم تحط الفشقه تكون جاهزه يعني على خط النار غير آمنه
ان كان اللي عندك كذا اقطع الشر وغنيله

[أبوعبدلله99]

28 ما تلاحظ انه قصيره

الشوزل ام حبه افضل شي سوقه

وطول الماصوره

واذا انت تبي ام حبه خذلك ام سيلان

32 وسوقه زين شف الرابط ذا

http://www.mekshat.com/vb/showthread.php?t=395085

[العبوب]

اخوي الشوزل ماتنفع لانها قصيرة @ وبعدين قميتها تجيب لك ام سبع أو ام سيلان @ احسن منها بواجد

[bedwizar]

أشكرك الصقر الأشقر
لكن خويك عليمي ، ما يعرف يعاين الشوازل من طيبها من عدمه

bader_max معلوماتان دقيقتان ومهمتان أيضا
أفدت يالغالي

الخيال كلامك صواب ، فعلا عيب ، فشكرا على التنبيه

أبو عبدالله لو تكرمت عندك خلفيه عن أسعار أم سيلان ، وهل هي تجي موحده و تجي أم خمس ، وكم سعر الموحده وكم سعر أم خمس منها
لأن الي فهمته منك أنها أفضل من الإيطاليه
وهل الأمريكيه الي تجي بدون تشكات أفضل من الإيطاليه؟
إذا كانت أم سيلان والأمريكيه أفضل من الإيطاليه ، فالسؤال هنا مالأفضل أم سيلان أم الأمريكيه؟

مشكور يا لعبوب ، لكن أم سبع أي نوع هذي من أم سبع ب 2500

[مكشاتي2010]

غااليه وخصوصا ماصورتها 28 ماتنبغا

دورلك امريكيه او ايطاليه ماصورتها 32 ان كانك بغيت السوق

والبيكال طيبه بعد

[الهديف]

الشوزل اللي في الصور صناعة تركية تقليد على الايطالي
لا أنصح حتى بالايطالية لانها ترمي من نفسها وندفها قوي جدا
نفس الكلام موجود في الروسية القديمة والجديدة
ومكمن الخطورة أنها ترمي من نفسها

أذا تبي أم وحده أختر من التالي :
1ـ أم سيلان وأسمها التجاري ستيفنس أمريكية صنعت بالخمسينات
2ـ أم سبع أبر وأسمها التجاري ونشستر وتجي أنجليزية وأمريكية صنعت بالستينات
3ـ أم كلتش وأسمها التجاري هارتون ريتشاردستون أمريكية صنعت بالثمانينات وهي أحدثهن
الاخيرة ماغنوم ترمي حتى 50 غرام
بينما الاولى والثانية عادي ترمي حتى 36 غرام

[bedwizar]

مكشاتي 2010 كنت أرى بهذي الرؤيا عندما سمعت مشاكلها من الأخوان ، من ناحية السعر مرتفع عليها
أخي الهديف ، هدفت الصواب
برضو نفس الكلام الي سمعته عن أم سيلان يمدحونها
وجزاكم الله خير

[الكدري 2]

والله أخوي أفيدك أنشاءلله.. يجي منها أنواع على قول خوينا bader-max أنا مرت علي ثلاثه أنواع منها.. و فيه نوع طيب بالحيل حتى لو أنه 28 أنش طولها.. وشلون تدري أنا أقولك.. النوع الطيب يجي فوهت الماصوره 17 ملي.. يعني ضيقه و تسوق بعد.. و الأنواع الثانيه فوهت الماصوره وسيعه و لا تنفع بالرمي.. والله يرزك أنشاءلله الطيبه الي تطربك في الصيد..

[راعي مرزوقه]

ولي ملاحظه ان خشاب الشوزل الي في الصوره مغير ماهو خشابها الاصلي

[ابوعزيز2007]

انا اقول تصبر لان والله كانت هالشوزل عندنا ببريده ماتسوى 800ريال قبل سنتين انا اقول اصبر احسن شوي ولاتشري بوقت مواسم الصيد

[خالد030]

النوع هذا مشكلته الندف مع الرمي والشي الثاني ماصورته دايم تنفجر

[مطر وسم]

غير ام حبه سيلان وام سبع ابر لاتدور اسئل مجرب


ولك تحياتي

[bedwizar]

اشكركم على النصح
ولكن متى تنصحوني باغتناء الشوزن بحكم ان الآن هو وقت صيد كما أفادني أخي ابو عزيز؟

[أبوعبدلله99]

دخلت الرابط ملاك ام سيلان انا اقول انه افضل شوزل ام حبه

من ناحيت كل شي بس العيب الي سمعته انه يبيله تنظيف وإهتمام

[عشقي لبندقي]

ام سيلان . ام سبع ابر . بيكال روسيه .. لا دوور غيرها . الايطاليه والتركيه الخ .. ماعندك احد كلها خرطي

وتحياتي لك . . .

[bedwizar]

شكرا يابو عبدالله
عشقي لبندقي ، وش صناعة أم سبع أوبر؟

[كلنا لك]

انا اشوف 2500 كثير عليها مرررره

[رسيس نجد]

سعرها غالي شوي

[الدوسر ي]

افادوك الذيابه

[راع البنلي]

السلام عليكم ورحمة الله
غير ام حبه سيلان وام سبع ابر لاتدور
تقبل مروري...

[ابوصالح3]

البندق اللي بالصورة ماهي ايطاليه هذي تركيه او عراقيه ولاتنفع وخطرة وسعرها دابله عليك 3 اظعاف
نصيحه لوجه الله لاتاخذ الماركات المعروفه المضمونه اللي كافله شهادة القناصين بالسعوديه ام سيلان امريكيه او اسبانيه او ام سبع ابر او خذ روسيه ام حبه وبالتوفيق

[bedwizar]

مشكورييييييييييييييييييييييييين وما قصرتو
كفيتم ووفيتم يالذيابه
انا أشهد أنكم أشناب
وجزاكم الله ألف خير ،،، اللهم آمين

[ابا الصلابيخ]

والله ياولد الاجواد انا ادور روسية او تركية ام قلمتين البعض يسمونها ام روحين
وما حصلت شيئ المهم تكون الماسورة طويلة الى الان ماحصلت

يجيب الله خير

[عبرود الصيد]

الماصورة قصيره ابعد عنها

[ستيفنزالقصيم]

لاتحرص عليها وغالية قبل اسبوع انا بالسوق جت وحدة وقف سومها1700

[ابوشعيل97]

موفق لكن ام سبع ابر خذ ولاتشاور

[راعي الشاخوفه]

كم سعر ام سيلان النضيفه ?

[ابوماجد-1]

والله ياغالي انا شاري قبل شهرين ايطاليه ام طلقه

وسبطانه 28 وابشرك امورها طيبه ورميه حلو

بس المشكله الوحيده الندف وحطيت لها ربله وصارت تمام

وللعلم اخذتها بــ3000 ريال

[عابرالبر]

يفدونك الاخوان

[ابومحمد 88]

السلام عليكم انا عندي وحده ايطاليه ام حبه وودي اعرف اذا هي من الانواع المظبوطه او لا وللعلم عليها رسمة رجال ومكتوب تحته MOD DANY ومدري وش نوعها وسلامتكم