سؤال للمبتدئين في الصيد

[مشكات البر]

السلام عليكم ورحمة الله وبركاته

اول شي انا ابي افضل طريقة للمبتدئين في الصيد وماهو افضل للمبتدئين هل الصيد بالصقور ام بالسلق ام بالبنادق ؟

ارجو ان تفيدوني وشكرا

[العبوب]

وعليكم السلام ورحمة الله وبركاتة


الصيادين كلن له هاوي بعضهم من البداية هواية الصيد بالصقور وبعضهم بالرماية وبعضهم بالسلق الهويات متفاوته عند كل شخص@@ تقبل مروي

[أبو غدي1432]

والله أنا أفضل بالبنادق

لأن ديرتي ما تصلح للصيد بالسلق أو بالصقور

يعني كل له هواية وكل هواية لها ديرة.

تحياتي

[bedwizar]

أشوفه بالبندق
لا سلق ينحط في بيت ولا صقر بآلاف مألفه ينتف روحك لا قدر الله عندما يمرض أو يموت لا سمح الله
والله يوفقك في مبتاغاك ،،، اللهم آمين

[زجاج رخيص]

انا افضل البنادق عن الصقور والسلق

[صلللوح]

افضل طريقة يكمل دراستة
واذا قضى يجربهن كلهن
ويستاااااااااانس

[أبو سيف]

انا افضل الصيد بالبنادق لانها اكثر متعة ومنها تتعلم على الرمي

[ibrahim.k.s]

كل واحد وهوايته

[عاصفة نجد]

بالنسبه للمبتدين وحاب بالطيور
يبدأ بأول شي يتعلم الصيد بطير الصبري ( السرد ) ثم الباشق او الباز ثم يتجه للصقور بس مو لحاله يتعلم من الكبار اللي سبقوه لأن الصقور مشكلتها مشكله ويبيلها سالفه اي غلطه الله يخلف على دراهمك
نجي الحين لتعلم بالرمي
اول شي بالمقلاع ثم النباطه ثم ساكتون 27 ثم شوزن ربع لا ربع حرام الرمي فيه وحرام اسم شوزن فيها ثم الشوزن ام حبه وفشق رقم واحد ضغط 60 خخخخخخ خله يتعلم زين ويش ساعده
بالنسبه لسلق زينه شينه يبيلها مكان غير البيت وتنظيف قلق و
انت حر باللي تبي
وترى الصيد البحري ازين اجل وزبط الشاي وسوالف وانت جالس يجيك رزقك

[دوربيل]

لا تسئل عن الهوايه فهي ولع ورغبه وماتميل له النفس


وكأنك تسئل , للي يبي يبدأ في تشجيع الرياضة , وش يشجع احسن الكوره ولا الطائرة ولا كرة اليد ولا الرالي ؟؟


وذا تبي النصيحه من قلب يبغيلك الخير , كن زائرا لهواية الصيد ولا تتخصص فيها فهي في زماننا هذا اين كانت نوع


تلك الهواية بالصيد فهي مضيعة للوقت والجهد والمال والعمر دون مقابل لانقراض الصيد وغلاء ادواته الفاحش


وبعد دياره المتعب وصعوبة مزاولته للتشدد وبعد الديار والاماكن .

[سدير سديرك]

هاذي هواية الواحد فيه ناس تهواء الصقور وفيه ناس تهواء السلق وناس البنادق

وانا هوايتي البنادق وتقدر تقول وراثه من الوالد الله يطول عمره واللي الحين 20 سنه باهل هوايه .

وانا انصحك بالبنادق بس تكون حذر السلاح خطر الله يبعد الشر

الطيور عثاها واجد وتبي من علف وعلاجات ومربطه ويبيلها واحد يعرفلها مو اي واحد ومشاكل

السلق نفس الشي ومامنها فايده بس اذا ارانب .

انصحك تاخذ ام صتمه ساكتون هوائيه وتتعلم عليها اليين مره بعدين تطور تاخذ خرازه ولا شوزن وشوي شوي

اللى انت محترف ان شاء الله

تقبل مروري وتحياتي لك .

[رسيس نجد]

كل واحد له رغبته في الصيد ونوع الاداه الي يستخدمها فيه 0