موتري فتك يبي ينفجر فيني اية يوم

[واثق الخطوه-]

السلام عليكم ورحمة الله وبركاته

معي فتك 2009 اذا جا الظهر في عز الحر اسمع التانكي يغلي ويطبخ طبخ واذا كان فيه النص وفوق يرشق رشق برا اذا فتحت الغطا من قوة الغليان هل هذا طبيعي ولا موتري فيه بلا الله يستر هذا بنزين مهوب لعب

[ولدعبدالرحمن]

احتمال عندك القربه حقت التبخير ممكن فيه مشكله تحصله اذا فتحت الكبوت تحصله يمينك فيه 3 ليات واحد جاي من التانكي والثاني جاي من المكينه

[ابوفاضل2]

لا تخاف طبيعي...
ولوتمسك خط طويل وقت الظهر لافتحت الغطا ياخذ حوالي 5 دقايق يبخر ماتقدر تعبي...
تحياااااتي

[ALBDRANE]

أتوقع طبيعي واي سيارة لازم يكون فيها طريقة للتهويه يعني التنفيس عن الضغط الي الي يحصل في التانكي مع الحرارة ~ والحركة . لكن أفحص التهويه ممكن يكون فيها سدد

[باثفندر]

عندي اخو موترك

تعودت على الوضع

مايضر بإذن الله ( وتراه بس ايام الحر )

[بواسامه]

الله يحفظك من كل سوء
كان عندي واحد ايام الحر كني راكب في التانكي ريحه مزعجه

الله يصبرك عليه ويكافيك شره
يازين الباترول في الشتاء

[شلون مغليك]

ان شاء الله مبه خلاف

[سيف الظفير]

انصحك مر على الوكيل

[قرم العيال]

إذا كان على الضمان انشب للوكاله

واتوقع انه من ليات التبخير يمكن مسدود

[شيحاوي]

الا به بلا ونص انا صار علي نفس المشكله ونفس موترك رحت لورشة التركي بالصناعيه القديمه بوسط الرياض وصلحه ب80ريال صار البلا من البلف حق التنفيس للتانكي موجود بالمكينه مايجيه الماص ويصير قافل على طول وينضغط التانكي ضغط غير طبيعي وهالحين بعد الاصلاح صار الضغط عادي حتى الظهر بعز الحر

[الحويزي1]

الحرارة اقل من النصف عادي لكن اكثر مشكلة
ممكن الطقات

[dheem]

شيحاوي تسلم تسلم هنا الخبره تتكلم

واثق الخطوه اسمع كلام شيحاوي

[YUKON_GMC]

لي التبخير مسدود

[((القناص))]

ممكن التهويه حقت التانكي فيها سدد

[abumohammad99]

ياخي ما ينلام

الحرارة تصك 45 وانت تضحك ولا في الليل وشلون في عز القايلة.

والمكينة شف كم حررتها والتانكي تحت حول الزفت شي طبيعي يطبخ خخخخخخ

اذا طفيت الموتر انواع الاصوات من الحرارة تستسة وقرقرة وطبخ وكلش

[مقلع الرمث]

الا به بلا ونص انا صار علي نفس المشكله ونفس موترك رحت لورشة التركي بالصناعيه القديمه بوسط الرياض وصلحه ب80ريال صار البلا من البلف حق التنفيس للتانكي موجود بالمكينه مايجيه الماص ويصير قافل على طول وينضغط التانكي ضغط غير طبيعي وهالحين بعد الاصلاح صار الضغط عادي حتى الظهر بعز الحر

طيب انت غيرت القطعه ولا تم التصليح فقط

[عكس التيار]

ياخي ما ينلام

الحرارة تصك 45 وانت تضحك ولا في الليل وشلون في عز القايلة.

والمكينة شف كم حررتها والتانكي تحت حول الزفت شي طبيعي يطبخ خخخخخخ

اذا طفيت الموتر انواع الاصوات من الحرارة تستسة وقرقرة وطبخ وكلش










هههههههههههههههههههه ههههههههههههه ههههههههههههههههههههههه
خطر ماتشم ريحة القراره هههههههههههههههه

انا معي شاص اذا فتحت الغطا كب البنزين في وجهي ويطول لكن اذا عبيته فل

اذا موترك تانكيين وعبيتهن فل لا تملاهن مره مره يعني اسعمل من ذا شوي ثم حول للثاني واستعمل منه شوي

[a1s1am]

أسلم عليكم أخوي أتوقع يكون من غطاء التانكي لأن يوجد فية تنسيم عند ضغط موعين مثل البلف الحراره

[YUKON_GMC]

اليوم بالحساء الساعه 2 ونص الظهر

http://www.mekshat.com/pix/upload05/images217/mk177274_49-2.jpg

[الخفاره]

اللا البلا بين اضلوعه دير بالك ياخوي هذا بانزين ماهي قهوه انا عندي اخو موترك ولافيه اللي انت تقول شيك على موترك وانا اخوك

[مغرم بالفتك]

ماااااااالي خبرررررررررررره

[سعود الحربي]

ياخوان بعض الردود عز الله مالها داعي

الرجال يقول يطبخ وتقولون عادي اي عادي اي بطيخ لو كنت في بلد غير السعوديه ماركبته وشلته بسطحه للوكيل
ان كان عليه ضمان رح للوكيل مثل ماقال سيف الظفير وان كان ماعليه ضمان رح للتريكي اللي يقول اخونا الثاني ولاتهمل نفسك تلقاه لاسمح الله شاب فيك الاهمال سمه السعوديين وهذي مصيبه عظيمه بل هي التهلكه المنهي عنها

[شيحاوي]

مقلع الرمث اصلاح فقط مايوصل الماص وصل سلك بالمكينه على شان الماص ارجو ان تكون الصوره وضحت

[ابن عكاش]

الله يسر امرك وتلقى حلى المشكلة بأقل التكاليف

[كارماستر]

التهويه حقت التانكي فيها سدد

[واثق الخطوه-]

مشكورين ابي امر بكرا ورشة التركي واشوف وش يقول والحمدلله توني جاي عليه من الديره ولا خالف علي بس في الرياض مع الزحمات يحتر ولا في الخط مايحتر

[ابو عاذر]

تحية طيبة اخوي
المشكلة تكمن في غطاء فتحة تانكي البنزين لإنه هو الذي يوازن الضغط داخل التانكي ( لابد ان يكون الضغط في حدود معينة داخل التانكي حتى لا يكون هنالك تبخير فيضيع البنزين في الهواء بدون فائدة ،،،،، الذي بقوم بذلك ويتحكم به هو الغطاء الذي يحتوي على نابض يقوم بتنفيس لضغط عندما يصل الى نقطة معينة حسب مواصفات الصانع ) ،،،،،، لذا غير الغطاء بواحد اصلي ولا تهمل ذلك فقد يتسبب لك بحريق لا قدر الله .
مع تحيات اخوك ابو عاذر

[محمد آل مغيرة]

سبحان الله ,,,,,,,,,, لا تهمله الله يحفظك

بس أنا عكسك عندي فورد فكتوريا 2004 اذا جاء الشتاء عاقبني عند تعبئة البنزين الله وكيلك من ربع الى ثلث ساعة عند التعبئة ,, يبط القلب ماتسمع الا صوت مسدس البنزين طق طق طق طق ويااااااااالله يتعبى
وش ضنكم

[المداوي2]

شيك على غطا البنزين

[خ الفياض]

سبحان الله ,,,,,,,,,, لا تهمله الله يحفظك

بس أنا عكسك عندي فورد فكتوريا 2004 اذا جاء الشتاء عاقبني عند تعبئة البنزين الله وكيلك من ربع الى ثلث ساعة عند التعبئة ,, يبط القلب ماتسمع الا صوت مسدس البنزين طق طق طق طق ويااااااااالله يتعبى
وش ضنكم


غطاء البنزين بدون نقااااااااااااااش غيره وترتاح

[واثق الخطوه-]

رحت العصر لم ورشة ذيبان ابو صالح التركي ونعم الرجل كشف عليها صار البلف حق ليات التهويه متعطل وتم اصلاحه وانشاء الله تضبط

[التعـ King ـديل]

شيك على الليات وبتلاقي لي التنفيس مسدود .. ماله دخل الضمان مثل هالامور تحدث من الاستخدام

تصليحه مايكلف 100 ريال

[drksa]

أخوي إذا أنت تقول يطبخ وبشكل غير طبيعي ركب عازل حراري للتانكي من تحت وإن شاء الله يضبط معك

[المخبر]

ياحبيبي خذها مني غير الغطاء حق التانكي

كان معي تاهو نفس المشكله وغيرت الغطاء وانحلت المشكله

[سوبر VTC]

غطاء الامريكي مثل الجمس
بداخل الغطاء بلف بوسطه سبرنق
اذا كان البلف قافل فان التانكي ينسفط لانه مايدخل هواء
كما ان الطرمبة تنحشر
طريقة فحصه
تفك الغطاء و تجد به من الداخل بلف حط مكان البلف باثمك يعني فمك
ثم اسحب هواء منه اذا جاء الهواء معك تمام
اذا ما جاء هواء فهو قافل
تجيب مفك مدبب و تخرج السبرنق مكانه تحت البلف
طبعا اذا نفخت دفع هواء للامام فانه يقفل يكتم
و هذا نظام عمله الاساسي
يدخل هواء للتانكي لكي لا يسنفط التانكي
لكن في نفس الوقت لا يخرج هواء

[واثق الخطوه-]

المشكله نفس الشيئ اغير غطاء التانكي

[شيحاوي]

شكلكم ياشباب ماتقرون الموضوع كامل الرجال يقول تم اصلاح العطل وانتم حامين ردود:D

[واثق الخطوه-]

شكلكم ياشباب ماتقرون الموضوع كامل الرجال يقول تم اصلاح العطل وانتم حامين ردود:D

لا ما انتهى العطل :D

[رسلان الوايلي]

شف يمكن زي مقالو الربع بلف التهويه