.... معك فلوسك وجالس تشخذ ....

[الجندي2005]

بسم الله الرحمن الرحيم
السلام عليكم ورحمة الله وبركاته ،
اسعد الله أوقاتكم بكل خير


نعم العنوان صحيح وانت لست مخطئ بالقراءة معادلة عريبة عجيبة
معك( ولله الحمد ) فلوسك ومع ذلك تشخذ ( تتسول ـ تطر .... الخ )
هذا ما حصل معي صباح هذا اليوم :


القصة : كان يا.... ماكان الجندي 2005 جالس يفكر :) بسيارة عائلية محترمة :p
قرر..... :good2: ( بطل الدروب 2011 se رقم 1 ) اتصل على كلً من :
1ـ وكالة نيسان بالقصيم فرع بريدة
2ـ وكالة جدة
3ـ معرض البحر العربي ببريدة
اتفقوا على الإجابة غير متوفر .. السعر السابق 178 السعر الحالي 198 :hot:


ذرفت عيانا .................. الجندي 2005 وقال : الله المستعان :confused:

[قرناس صلا]

هههههههههههه

خيره ان شاء الله ,,
وجهة نظر
السيارة لا تستاهل دمعة جندي غالي علينا

وانحش عنها ,, تراها منظر وسيارة زفلت

وعليك مثل اللي فى توقيعك بابين

تقبل تحياتي

[الجندي2005]

هههههههههههه


خيره ان شاء الله ,,
وجهة نظر
السيارة لا تستاهل دمعة جندي غالي علينا


وانحش عنها ,, تراها منظر وسيارة زفلت


وعليك مثل اللي فى توقيعك بابين



تقبل تحياتي




الله يسلمك وانتم اغلا

بس والله قهر تلاعب هالوكالات أول الواحد يقول لو عندي فلوس كان شريت هالحين عندك وجالس تشحذهم ..... تشرفت بمرورك

[~ Abo Rashed ~]

هههههه
كان الله في عونك يالجندي 2005
الله يرزقك ويرزقنا من واسع فضله

[~ Abo Rashed ~]

نصيحتي لك يالجندي الصبر ثم الصبر ثم الصبر

وللمعلوم ان في هذا الوقت ارتفعت اسعار السيارات بأسعار جنونية وخياليه بسبب فيضانا هوكوشيما في اليابان
أجل هايلوكس غماره ب70000 حشا

[ابوصالح77]

إذا كان معك موتر ثاني
أنصحك تصبر
وإذا أنت من الناس اللي يعبرهم إي شيء
خذلك كسرة سيارة لين يفرجها ربك وترخص الأسعار


يمدحون الـ 200 إل عملية أكثر من الـ 240
هههههههه

الله يرزقك

[عبدوش]

الله يعينك

[يالبى الهلا]

خذ لك مستخدم نظيف افضل من الجديد الجديد حق كشخه ماهو حق كرف وعطاله الايعرف له كله حساسات وكمبيوتر واتاري
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ اتاري والاكمبيوبر العائله الله يرحم زمن اول تخيل عندي طفل يقول ابغى اي باد
ههههههههههههههههههههههههههههههههههههههه :::::::: وابوه معه جوال ابو كشاف

[سرطوقا]

اصبر شهر بإذن الله يفرجها الله

[الجندي2005]

إذا كان معك موتر ثاني

أنصحك تصبر
وإذا أنت من الناس اللي يعبرهم إي شيء
خذلك كسرة سيارة لين يفرجها ربك وترخص الأسعار



يمدحون الـ 200 إل عملية أكثر من الـ 240
هههههههه


الله يرزقك



اضحك الله سنك ,,,,,,,,,,,,,,,,,,,,,,,,,, أجل 200إل

[_TOYOTA_]

يدور له سياره ثانيه ولا يزعل نفسه

[ابن عكاش]

خذ لك تاهو مستعمل اخو الجديد 2010م وتعبر به لين تهدأ العاصفة وينزل 2012م وتنزل الدفعه الثانية
الله يوفقنا واياك لكل خير

[رسيس نجد]

مثل ما قالو الاخوان اصبر وان شاء الله يطيب خاطرك من مديل 2012

[الجندي2005]

مثل ما قالو الاخوان اصبر وان شاء الله يطيب خاطرك من مديل 2012



الله كريم
شاكر مرورك العطر



,

[عاشق السيل]

ههههههه وليش تسميها شحاذة ؟؟ هذي سياراتهم وهم حرين فيها خلهم يرفعونها زي مايبون ماراح يشتري منهم مغصوب !!!

وأنت فلوسك عندك محد غصبك تشتري من واحد قاهرك بالسعر اسحب عليه وأنا اخوك وفكر بسيارة ثانية أقل سعر وتشتريها وأنت مبسوط ومرتاح نفسيا وإلا انتظر لين تطيح الأسعار وهذا قريبا إن شاء الله لأن المسألة استغلال التسونامي ،، وبلاش دموع ياراقل ...!!!!

[سيف الظفير]

نصيحة محب

5.7 سبير علاق لؤلؤي خذلك أخوي الجديد

[خليفان]

ياخوى الرياض مليان وكالة نيسان بالعليا من كثر الباترول الجديد بالمستودع والله موقفينها بالشارع كل يوم طريقي للدوام جنب الوكاله
امس الجمعه كنت بمعرض نجد يوجد لايقل عن 19 باترول جديد بمعرضهم وكل معرض لايقل عن خمس سيارات جديده موجودة
دق سلف وتعال للرياض وجب دراهمك معك وبشرط ترجع بالموتر معك وعلى قولة المهتوى يقطع المستوي ومبروك مقدما

[FORD1969]

يعيش اليوكن ويسقط بطل الدروب

دمعتك ما تسوى عليه