ابي مشورتكم بكفرات الفتك

[عشق البر]

السلام عليكم

ياأخوان انا عندي فتك 2008 جنط 17 والكفرات نوعها برجستون وتقول اعتقني تكفى
وانا راعي خطوط وكشتات شتويه بس اغلب وقتي بالرياض

وانا محتار بين دنلوب او برجستون (تكفون لحد يقولي بالون :D) البرجستون ميزته يتحمل ويككككككرف ومايهمه حجرة ولا شي ويرسي الموتر بالطرق واللفات بس مشكلته قاااسي بالحيل.
الدنلوب مجربه على VXR حليو ولين بس مايتحمل بالحيل.
وابو يمن يقول فيه انوع لنقشة الدنلوب؟ مدري وش الفرق بينهن

وترى خويكم (اللي هو انا :)) الله يهديه اذا مسك خط يثبت على 180

وابي منكم اللي جرب الأثنين على نفس الموتر يعطينا الفرق ووش نصيحته بس اهم شي كيف استخدامك لها يعني انت راعي نفود ولا شعبان خطوط وووو , ترى ياجماعه سعر الطقم بيصير ضربه عشان كذا جاي استشيركم والله يكتب اللي فيه الخير.

اهم شي مابي اسمع كلمة يقولون.

[كشات 5]

خذ لك كفرات يوكوهاما أنا مجربها ما شاء الله لينة وراسية بالخط ولاتطلع صوت مثل مايقلون
هذا الكلام عن تجربة صحيح إن سعرها شوي مرتفع ولاكن تكد معك مركبة على باترول
أول ما فكيت كفرات البلد برجستون وركبت يوكوهاما حسيت بفرق كبير صار الموتر أرسى ولينة كثير
وتراها صناعة يابانية
برجستون كفرات تعيش معك وتتحمل لابعد حد ولاكن ماتنفع للطعوس لازم تنسم كثير
دنلوب........ما جربتها يفيدونك الاخوان

[عشق البر]

خذ لك كفرات يوكوهاما أنا مجربها ما شاء الله لينة وراسية بالخط ولاتطلع صوت مثل مايقلون
هذا الكلام عن تجربة صحيح إن سعرها شوي مرتفع ولاكن تكد معك مركبة على باترول
أول ما فكيت كفرات البلد برجستون وركبت يوكوهاما حسيت بفرق كبير صار الموتر أرسى ولينة كثير
وتراها صناعة يابانية
برجستون كفرات تعيش معك وتتحمل لابعد حد ولاكن ماتنفع للطعوس لازم تنسم كثير
دنلوب........ما جربتها يفيدونك الاخوان

مشكور بس ماعندك علم كم اسعارها
وبالنسبه للشكل تجي كتابتها بالاسود ولا ابيض؟

[راعي البا]

اذا تبي كفرات لينه ولا لها صوت وشكلها حلو مع الكتابات خذ هانكوك
تعشق شي اسمه نفود بس الحصى ما تصلح
واذا تبي نفود وحصى خذ دنلوب بس تراه اقسى من الهانكوك
اتمنى اني افدتك

[patrol vtc]

أخوي عاشق البر ,,
الله ييسرلك وتاخذ الكفرات اللي تناسب لك ,,

عن تجربه وانت بررضه مجرب البرجستون قآآآآسي لكنه يعيش ويفكك السيارة ,,
أنا معاي دنلوب عالباترول ربع حلوااااات بالنفوود فررق عن البرجستون , لكن اذا ضربت فرامل بقوه ماهي ذاك التماسك ولا تنسى انا ما عندي اي بي اس ممكن عشان كذآآ ,,

وفي الهانكوك زي ما ذكر أخوي راعي البا ,,
حلوات للخط مرره ,, أنا مركبها للجمس حقنا ,,
مريحات جداً , لكن ما جربتها ف البرر ,,
واذا اعجبك الهانكوك , انتبه وانا اخوك ,
فيه يجي منها نوعين , نوع قليل ف السوق والنوع الثاني منتشر ,
تقدر تفرق بينهن ان المنتشر نقشته تشبه باالون الشاهين وهذا النوع يندمر بسرعه وتدخل المسامير فيه بالراحة ,
النوع الثاني هو الزين اللي نقشته ماهي زي بالون الشاهين ,<<<< عن تجربه يالغآلي
واستخر ووالله يكتب لنا ولك الخير ,,

ولا تنسانا من دعاك نلاقي السيارة الطيبة ,,

والسلام عليكم ,, ^ــــ^

[ALBDRANE]

السلام عليكم
أسمع الكلام الي يضرب على الشارب

توني فاك البرجستون من سيارتي وأفضل الكفرت الي مرت علي هي البرجستون على سيارتي الفتك فقط مثل ما ذكرت قويسيه شوي خصوصاً أذا تمت السنه وأشوف أنها أفضل شكل ودعسه وتحمل من الدنلوب على قولتهم ( كد ومد ) وأذا بتاخذ برجستون أعرف أن فيه نقشتين وحده الي تجي شد بلد وشكلها ما أعجبني وثقيله في الرمل والثانيه أجمل شكل وأفضل للرمل لأن خطوط النقشه مستقيمه .

من حدود شهرين تم أحالتها للتقاعد النظامي ....:D ووظفت بدالها ميشلان بعد ما شفت الكثير يمدحونها والصراحه أرتحت لها كثير وخفت علي البطانيج والمطبات وأشخص عل السيارة ولا يجي فيها كتابات بيضا على الجوانب والسيارات الفخمه الحين نفس الشي ما يجي في كفراتها كتابات بيضا مثل بطل الدروب ( الباترول) وغيره من السيارت وترتاح من مشكلة الأرصفه والحصى الي تقطع الكتابات البيضا وتلقى الكفر كله بقع بيضا ....
والميشلان من دون ما تلمعها تطلع لمعتها فقط بالغسيل ورساوه وثبات عند المنعطفات والبريكات .ولا تقول لاحد أني قلت لك تراها تحب الصياح لراعي الفزات :eek: وهذي تجربتي والسلام عليكم

[عشق البر]

كل الي ردو جزاكم الله الف خير
والميشلان كنه داخل مزاجي يبيلي اشوف اسعاره :)
ننتظر المزيد من التجارب