رأي : مقارنة بين الباثفندرواكسبلورر [الأرشيف]

مشاهدة النسخة كاملة : رأي : مقارنة بين الباثفندرواكسبلورر

الوزير2

10/06/2011, 06:21 PM

تحيتي لأعضاء مكشات .

هذا صديق لي محتار بين هاتين السيارتين
يريد جيب ما سكة معه ولا معه فلوس الا حدود 45-50 الف ريال
وتردد بين اكسبلورر 2006 او باثفاندر 2005
يحب الجيب وبالنسبة للبر طلعات غالبية الشتاء والصيد وجلسات النفود أحيانآ
فما الحسن من حيث
: التحمل - قلة الخراب - الصرفية - القوة والتحمل - أسعار قطع الغيار والصيانة

Tamimi.fars

10/06/2011, 07:50 PM

الباثفندر قير عادي

محطم عنيد

10/06/2011, 09:23 PM

باثفندر والله موتر لكن اغلبهن فيه غشش

وشركة فورد قليلة الخبرة بالمناطق الصحراوية

الباثفندر 3.5

10/06/2011, 10:48 PM

اخوي من صجك اكيد الباثفندر افضل و أجود لكن اهم شي انه الموتر نظيف
اما الاكسبرورر مشاكل بالقير ما تفتك منها و اسرع موتر يغرز بالبر

باسل نجد

10/06/2011, 11:33 PM

حراااام عليك ما يحتاج مقارنه
الياباني لا يقارن بالامريكي
رغم ان سياراتي كلها امريكي الا انني اقول لك الباث وبقوة بس حاول تصيد لك سياره نظيفه
والله ماردني عن الجيب الا سعره
خخخخخ ذكرتني بمقولة واحد مصري يوم عرف ان سعر اللاند ٢٠٠الف قال ياعم دي عماره متحركه خخخخخ

الوزير2

11/06/2011, 10:31 AM

أشكر الجميع على ردودهم والخيرة فيما اختاره الله ..
ويبدو اتفاقكم على الباث
ولكن هل صحيح أن الباثفاندر كثير الخراب ويخبط وقطع غيار نار ..

Tamimi.fars

11/06/2011, 01:34 PM

أشكر الجميع على ردودهم والخيرة فيما اختاره الله ..
ويبدو اتفاقكم على الباث
ولكن هل صحيح أن الباثفاندر كثير الخراب ويخبط وقطع غيار نار ..

اذا صار نظيف مامنه خوف بإذن الله اما اذا صار ماشي فوق ال200 فماتدري عنه يمكن يخبط زي حق اخوي والقير العادي يدوم واصبر بس انه قليل

المنيعي1

11/06/2011, 02:06 PM

أشكر الجميع على ردودهم والخيرة فيما اختاره الله ..
ويبدو اتفاقكم على الباث
ولكن هل صحيح أن الباثفاندر كثير الخراب ويخبط وقطع غيار نار ..

نعم صحيح كثير خراب والسبب عيوب مصنعية تحديداً في مسامير الثلاجه والرديتر
أذا تعدله يظبط معك أن شاء الله .
التخبيط بسبب نقص الزيت وهذا حاصل ببعض السيارات يعني يبيلك تراقب نقص الزيت بأنتضام .
أذا تتبع الخطوات السابقة يظبط معاك أن شاء الله ,أنا ماشي معي الأن 316000كلم والحمدلله بدون أي مشاكل .
بنسبه لقطع الغيار أنها غالية هذي أشاعة غير صحيحة,مثله مثل قطع السيارات الثانية.

الوزير2

11/06/2011, 03:40 PM

الشكر للجميع مرة أخرى ............

برق العز

11/06/2011, 08:35 PM

مسير عليهم

11/06/2011, 09:46 PM

اذا خويك رجله شديده ويكرف المورت ياخذ باث

اذا هو راكد ويمشي مع الدروب المطروقه ولاهو راعية مطامر الاكسبلور ترى دواه واحرص على النظيف

ونش

11/06/2011, 10:32 PM

انا كان عندي اكسبلورر 2005 وبعته خايس يغرز على طول وقيره تعبان ورمان الكفرات خايس هذا ونا فاكه جديد

السليطين

11/06/2011, 10:40 PM

لاحول ولا قوة إلابالله ...
أنتبه من الباث والله ان كرهت الجيوب عقبة ..
مكينه تخبييييط دايم دايم الآن امامي 4 أمثلة .. ان اولهم طبعا آهئ آهئ..
واحد من الربع والله العظيم رقى مطب بقوة خبطت المكينة له 4 أيام من الآن..
ما أظلم الموتر الصراحة شكل سكبببة والمشي بالنفود يطربك ..
بس المكينة والقطع ناااار موقدة..
يا أخوي انا يوم خبطت سألت عن التشليح المكاين من 10 آلاف إلى 14آآآآلف
ركبت مكينة يابانية ب7 ألآف ودوووس المعارض بعد خسارات رهيبة ..
والله اني اكتب من قهر .. وعلى الفكرة حتى القير خبط ..
لا تقولي موترك مب نضيف .. موتري شريتة قبل 9أشهر تقريبآ ماشي 129 ألف كيلو..
وبعته قبل شهر..
الله يكتب لك الخير..

ضربت مطب وخبط ؟؟؟؟؟؟؟؟؟؟؟؟؟؟؟؟؟؟؟
ياشيخ روقنا الله يرحم والديك ... قل شئ ثاني اوما انك تضرب مطب ويخبط !!! حشى مهوب موتر اللي معك ..

اقول ياراعي الموضوع خذ باث وتوكل على الله ومدامك تبي تاخذ مستعمل عاد انت وحظك ياراحه ياورش .. المواتر المستعمله ماتظمنها حتى لو فحصتها ..

الوزير2

11/06/2011, 11:59 PM

جزيل الشكر والإمتنان للجميع والله يكتب اللي فيه الخير وما قصرتوا
ولعله يستخير ويتوكل على الله بعد ما يسمع ردودكم ..

تحيتي لكم جميعآ ..

.أبوعبدالرحمن

12/06/2011, 08:25 AM

أخي الكريم

الباثفندر تقريبا صار مثل الشروكي توافيق

ولكن من ناحية المقارنة فالباث أفضل وصحيح أن الاكسبلورر فيه مميزات أفضل من الباث

ولكن الباث يكون أصبر ، بس لا زم تصبر وتدور على راحتك لأن أغلب اللي في السوق يكون تعبانات مرة

وبعدين تدخل في متاهات ولا تثق في كلام راعي السيارة لأنه الشريطية الله المستعان الذمة وسيعة الا من رحم

ربي وانتبه لا تثق في أحد وإذا شرا خويك على طول تنزل موضوع أنه شرا باثفندر لأن فيه أمور لا زم يسويها

مثل مسامير الثلاجة وغيره ، والله يرزقه بالموتر النظيف والطيّب

على رمشي تمشي

12/06/2011, 08:40 AM

ابن عمي يملك باثفندر 2004 شاريه وكاله والان ماشي حدود 400 ألف ماشاء الله تقول ماشي 400كيلو - كل روحاته وجياته عليه مايوقفه ابد ولا اذكر انه اشتكي من شى غير انه يغير القطع الاستهلاكيه المعروفه - اذا طاح بالنظيف والجديد يبي يرتاح والله يكتب له إلى فيه خير وصالح

المنيعي1

12/06/2011, 11:38 AM

لاحول ولا قوة إلابالله ...
أنتبه من الباث والله ان كرهت الجيوب عقبة ..
مكينه تخبييييط دايم دايم الآن امامي 4 أمثلة .. ان اولهم طبعا آهئ آهئ..
واحد من الربع والله العظيم رقى مطب بقوة خبطت المكينة له 4 أيام من الآن..
ما أظلم الموتر الصراحة شكل سكبببة والمشي بالنفود يطربك ..
بس المكينة والقطع ناااار موقدة..
يا أخوي انا يوم خبطت سألت عن التشليح المكاين من 10 آلاف إلى 14آآآآلف
ركبت مكينة يابانية ب7 ألآف ودوووس المعارض بعد خسارات رهيبة ..
والله اني اكتب من قهر .. وعلى الفكرة حتى القير خبط ..
لا تقولي موترك مب نضيف .. موتري شريتة قبل 9أشهر تقريبآ ماشي 129 ألف كيلو..
وبعته قبل شهر..
الله يكتب لك الخير..
الله يجزاك خير يا برق العز أنت موترك مصدوم وتقول نظيف