الطير هذافيه شي

[خارش الحباري]

السلام عليكم ورحمه الله وبركاته ===فيه واحد من الشباب شرا له طير من احد المرابط اليوم والغريب في الموضوع ان الطير الي شراة خوينا مصفي يعني تامريشه السوال== هل الطير هذا فيه شي من الامراض او بعض الطيور كذا ==والله يجزاكم عني بالف خير

[صقارمكشات]

الاخ خراش الحباري
الوضع عادي جدا فيه طير ربطه راعيه في شهر 12 ديسمبر والان شبه مصفي ولان اكثر الطيور باقي موس هذا والله اعلم

[ابوفلاح كويت]

هذا بيمونه ( مخولف او مخالف )


وهذا الشي ماهو عادي ولكن ماهو غريب لانه يوجد طيور مثله بس ماهي كثيره

[ابوفلاح كويت]

هذا يسمونه (مخولف او مخالف )

وهذا شي ماهو عادي ولكن ماهو غريب يوجد طيور مثله بس ماهي كثيره

الرساله تعديل للرساله الي قبلها

[ركن برزان]

مرحبا اخوي

اول شي الف مبروك الطير عليكم انشالله

وثاني شي يا ليتك مستفسر من صاحب الطير اول متى ربطه .. علشان نعرف وضعه هل هو عادي ولا لا

تحايتووو

[ابو لطس]

أخوي خارش
مسيت بالخير إنت والأخوان جميع
هذا طال عمرك إن شاء الله إنه أمر عادي
لكن الخوف إذا زادت صنعته وهو بالمربط هالحين راح يحذف من جديد ويقال لهالحال (الطير أصعد)
واللي أشوفه أنا إنه لا يزود عليه العلف لكي لا يصعد
وآسف إذا كان كلام فيه خطأ

[قرناس شماالي]

افادوك الاخوان

[ابن الاصيل]

افادك اخوي ابولط

[ماجور]

اخوي الكريم هذا مخالف


وهذا عيب فاالطير

والله يكتبلك الي فيه خير

[راعي Gsham]

اسلام عليكم ورحمة الله وبركاته
الله يبارك للجميع اما صفت اطير في هلوقت غريب الا إنكان امرقع العام بطوايل
يمكن \اطير وشنوعه حر او شيهان العام قرناس هوى ولى بيتي
وهراي حسب معرفتي والله ولي العلم ولغيب وتحياتي للجميع

[سلطان 1]

طبيعي فيه طيور الحين باقي معها المووووس 0

والطير هذا جاااااايه مهااااااد قويه واجهاااااااااااااااااد ومربووط بدري فطبيعي انه يغسل بدري 0

تحيااتي اخوي 0

[السومر]

أراء الاخوان كثيره

وأغلبها تتفق بالمعنى وتختلف بالفظ من شخص الى أخر وحاول متابعة نصايح الاخوان

و جعل ربي يبارك لك في الطير وتاكل من صيده

[سبع الصحراء]

أفادوك الأخوان قبلي

ومن خلال معلوماتي والي اكتسبته من صقاقير اكبر مني وأخبر مني
أن الطير بالوضع هذا راح يخالف معك بالمقناص ويحذف
خصوصا بأن اول النقلة تحتاج لإنقاص وزن الطير وبعدها بترفع وزنة تدريجياً وهو ما قد يجعل الطير يحذف

هذا والله أعلم
أخوك أبو تركي

[ابوميلاف]

اخوي الكريم

ان كان الطير مبدل الريش في هالربطه
فهو ماعليه اخلاف ان شاء الله وشي طيب انه يصفي قبل الطيوور
اما ان كانه قاضب بعض الريش من العام فهذا توقع منه انه يحذف
متى ما اصطنع الطير (اي متى مازاد وزنه)

تفبل تحياتي

[mr-r]

ماشالله شي طيب هذا ان الطير مصفي الحين من ارمضان طلعه
هو عصب موسه ولالا

[خارش الحباري]

الله لايهينكم ويرحم والدينا والديكم ومشكورين على الردود وما من ناحيت الطير فهو حر ومصفي ريشه تمامن وجاهز =والله يخارجنا من ذالطير يربع

[الهاجري ج]

السلام عليكم ورحمة الله وبركاته


وش رايك تخاويني لروسيا والا سيبيريا نقنص به هناك في البراد طال عمرك على الطاعه...ههههه



ماشاء الله وعسى الله يبارك لك فيه لانك سبقت العالم كلهم وصفى طيرك بدري وحنا ذالحين في 12/6/2011 يعني مابقى الا القليل على النقله ان الله احيانا واحياك


بالنسبه للطير ماقصروا الاخوان افادوك في كل شي ولا خلو لنا مجال

وهو وحده من ثنتين اما انه يمسك ريشه ولا عاد يحذف مره ثانيه وهذا هو المطلوب
واهنيك بتصفيته من ذالحين


او انه يبدا يحذف مره ثانيه من تحت يعني يبداء الحذف من جديد خلال الايام الجايه وهذا بعد ماعليك منه ولابه مشكله ويمكن يحذف ثلاث ويوقف


لكن نصيحه اذا كنت تقدر تدهله من ذالحين وتنقله في المجلس والبيت اذا كنت فاضي له بعض الوقت فترى هذي الطريقه تخليه يمسك ريشه اذا له نيه يحذف مره ثانيه


وبالتوفيق