استفسار يالربع عن توضيب القير للجمس بكلتشات وطنجرة رياضية !!

[أبا مجاهد]

أصبح على جميع اعضاء ومشرفين منتدانا العزيز مكشات..

عندي استفسار ياطويلين الاعمار..

قدر الله على البليزر 99 تبعي وطق قيره(خبط) والحمدلله..ماله معي الا 5 اشهر تقريبا>>>قصه حزينه :D


المهم ياجماعه والحمدلله على كل حال ودي اوضب قيره طبعا..لكييييييين<<بالسوداني

ودي اركبله كلتشااات رياضيه وطنجرة الزيت الرياضيه كذلك..لاني سمعت انها تستحمل الحرق والدعس وعمرها اطول..


طيب السؤال اللي محيرني ببساطه :


وش هي الماركه الممتازه لهذه القطع الرياضيه واين تبااااااع في السعوديه؟؟او طلبيه؟؟

وماهو المحل اللي يوضب القير ويوزن هذه القطع بالشكل الصحيح


علما اني ساكن في جده..واتواجد احيانا في القصيم للعمل



وسلامتكم يالرفاقه :good:

[محرين باالخير]

اولا حياك اخوي
ومعوض خير باالنسبه للكلتشات الرياضيه متوفره باالرياض ويمكن بجده انت تحتاج كلتشات بروق ورنر جيده ورخيصه يعني سعرها معقول وكذلك شفت كت وزيت جي ام اصلي ولازم تحط مبرد زيت رياضي يعني مستقل عن اديتر السياره بس راح يكون غياره خشن شوي لو ما عندك مشكله يعني لا غير تحس الموتر يطق ...
اما باالنسبه للطنجره ما انصح بها دام الي عندك شد بلد ما هي مجدده تكفيك باالراحه لأن الطناجر تجي احجام للستول حقها ودام مكينتك ستندر يعني بلد ما تستفيد منها ...ز
اتمني اني افدتك حسب معلو ماتي وعسي يجي احد الأخوه يفيدنا اكثر واتمني لك التوفيق

[أبا مجاهد]

بيض الله وجهك اخي الكريم محرين بالخير ماقصرت يالذيب..

حبذا تذكر لي اسم المحل اللي بالرياض اذا كنت تعرفه عزيزي


اخيرا حبيت اسالك اخوي..هل تظن ان الكلتشات الرياضيه عمرها الافتراضي اطول من كلتشات المصنع(الاصليه)

وسلامتك..

[محرين باالخير]

حياك ابا مجاهد عندك محل الحمد باالرياض باالصناعيه جمب ترايستار والغامدي حق البويه
وباالنسبه للكلتشات الرياضيه نعم افضل من البلد لنوعية الخامه المصنوعه منها وحقات البلد خا ما تها اقل لتكون انعم عند التبديل بس شوف لو كان تبديل القير عندك كهربائي لا زم تفصل نضام التبديل لأنه يرجع الديلكو عند غيار النمره عشان الموتر ما ينتل يكون اكثر نعومه بس يكون عزمه ضعيف ولاكن لو الغيت النضام بتشوف الفرق كبير تمنياتي لك باالتوفيق

[أبا مجاهد]

عزالله ماقصرت اخوي محرين بالخير


يعطيك الف عافيه

[متعب377]

السلام عليكم
أخوي محرين بالخير
كم تكاليف التوضيب بقطع رياضية ؟؟؟؟

[Magellan]

هذي كلتشات رياضية
http://image.superchevy.com/f/17709291+w750+st0/sucp_0904_07_z+chevy_4L60E_transmission+clutch_pac ks.jpg

ما أدري ركبت ترانزقو يابو مجاهد عشان يعطي لتغييرات القير طعم
http://www.qmp-shop.com/wp-content/uploads/up/products_img/trg-4l60e-hd2_w.jpg

ماذا لوكانت متوفرة منتجات TCI الجاهزة قطعها للتوضيب الرياضي
http://image.vetteweb.com/f/31184349/vemp_1001_03_o+rebuilt_4l60e_transmission+tci_rebu ild_kit.jpg