المشورة

[اليارم]

يالربع عندي ف اكس ار مو 97 نظيف ومهتم به بس خاطري اجهزه واخليه مكتمل من جميع الادوات بس مدري وش اضيف له تكفون ناخيكم ياخوان وترى الميزانية تمام

[Tamimi.fars]

http://www.google.com/m/url?client=safari&ei=x1bzTYC7FomD8AOzgtePAw&hl=ar&oe=UTF-8&q=http://www.assayyarat.com/forums/thread123263.html&safe=active&ved=0CCYQFjAJ&usg=AFQjCNFlr4_Zlgqv0p0sl7-3JzCUlLTlvw

السوافي رحله وبتعرف وش تحتاج كلش عندهم شف وشعندهم والي يعجبك سوه.

عندهم كلش ماهب ودب

[شبح الصحراء]

بعطيك الأساسيات :
- جهاز نداء
- جهاز تحديد المواقع كالجارمن والماجلان .
- تانكي ماء سواءً داخلي او خارجي تحت السيارة
- تلبيس مؤخرة السيارة قماش تنازاني مع جيوب .
- شنطة عزبة متكاملة .
- واير سحب قماش من النوع القوي.
- شنطة عدة متكاملة واحرص على وجود طقم رقعة كفرات التيوبلس اذا كفراتك تيوبلس .
- شنطة اسعافات اولية .
- محول كهرباء 300 واط .

ومن الممكن وضع بعض الكماليات كالثلاجة والبطارية الإضافية خصوصاً اذا السيارة اتوماتيك وممكن اضافة دعامية مزودة بأكباس انارة وكذلك ونش مع انه غير ضروري عند اغلب الناس وكذلك بالون رفع للسيارة وانصح باللذي يمكن نفخه بالمنفاخ العادي مع اني لم اجده .
وان شاء الله بقية الأعضاء يعطونك معلومات وتفاصيل اكثر واتمنى لك التوفيق .

[حسن الشمالي]

انت واحجتك ياخوي
لكن عموما لاتكثر من الخمام والعفش
وكثر الجرابات تغث :::
واذا تبي الوناسة صز خل عنك الترتيب الزايد:::
حنا نكشت في اخر الشعبان على كسرة ونيت وبريق وشاهي وسكر والحمدلله

تحياتي:::

[Tamimi.fars]

انت واحجتك ياخوي
لكن عموما لاتكثر من الخمام والعفش
وكثر الجرابات تغث :::
واذا تبي الوناسة صز خل عنك الترتيب الزايد:::
حنا نكشت في اخر الشعبان على كسرة ونيت وبريق وشاهي وسكر والحمدلله

تحياتي:::


والله انك صادق اونس واوسع صدر من هالعفوش والعزب

[اليارم]

اقسم بالله اني مهما قلت فيكم فان شهادتي مجروحة ويعلم الله اني يوم شفت الردود منكم
ارتحت وحسيت ان الدنيا للحين بخير واسال الله ان يبلغكم الجنة وسلامي واشواقي لاهل المملكة ديرة الكرم والجود