ناوي اشتري اكسبلورا يا اهل الخبرة تكفون ادخلو ضروري قبل ما اطمر ؟؟؟ [الأرشيف]

مشاهدة النسخة كاملة : ناوي اشتري اكسبلورا يا اهل الخبرة تكفون ادخلو ضروري قبل ما اطمر ؟؟؟

madmad99

12/06/2011, 02:08 AM

اخواني هذي اول مشاركة واتمنى الرد والمشاركة

انا قررت اشتري اكسبلورا ، ورحت للفرع الي في خريص وقال الموظف اقل نوع ب 99 الف والفل ب123 الف . سألته عن نظام التاجير قال كم بتدفع مقدم قلت الي اقدر عليه 30 الف قال بس ترى 3000 ريال رسوم ادارية( هذا السؤال الاول هل فعلا رسوم ادارية 3000 ريال !!! طيب هالمبلغ وش هو له ؟) قلت طيب واصل في حساب الاقساط قال قسط 1300 ريال ومؤخر 25الف ريال هذا اقل نوع:::
اسألتي بارك الله فيكم : وش الفرق بين اقل نوع والفل وش انواع اكسبلورا
السؤال الثاني هل تنصحوني فيه وهل فيه دبل لجميع الفئات ؟
السؤال الثالث: كيف السيارة هل هي ونعم تكد وتخدم وتبيض الوجه
السؤال الرابع: الي يجي لونين هل هو الفل وماهي الالوان
السؤال الخامس وادري ثقلت عليكم: لو اخذ اقل نوع وش الالوان المناسبة وش مواصفاته
وسلامة الجميع

al7eran

12/06/2011, 02:13 AM

كله يجي بدبل السعودي
الاستاندر بدون حساسات وارقام سريه
الدرجه اللي بعدها حساسات وارقام سريه وتقديم وتاخير الدواسات
الفل جلد وفتحه وحساسات وبلوتوث
الايدي باور يجي لونين ما انصحك فيه شكله مو حلو لونين

السيارة رائعه واسعارها معقوله في ظل الغلاء الحالي للسيارات

الشكل الجديد بينزل قريب وطولها واعتقد راح يكون سعره شوي عالي

اختار اللون اللؤلوي زين والناس اذواق وكل شخص له لون

كاشت وحداني

12/06/2011, 02:17 AM

ان كنت راعي سفر واجد
انحش
بصراحه هو حق مدينه
وخراباته معقده
الاكسبديشن ارحم منه بكثير

madmad99

12/06/2011, 03:22 AM

al7rran
جزاك الله خير بس هل السعر مناسب وهل هذي اسعارها وسالفه 3000 ريال تبع الرسوم هل هي فعلا بهذا المبلغ لان الموظف ما حسبها من ضمن الدفعة الاولى.
بالنسبة الاستاندر الدعاسات(الدعامات) هل هي متحركة ونفس اللون ولا تجي اسود هي والجلد الي على الابواب مع الصدامات؟

كاشت وحداني
وش افضل جيب رخيص وحق سفر لاني ماني حق بر ، لاني والله دورت في هالنت الين فر راسي ما شفت غير الاكسبلورا يمدحونه ، بس ننتظر منك مشورتك
واتمنى مشاركة الجميع قبل ما اطمر بحلالي واقول ليتني سمعت كلام فلان وعلان
اشكر الجميع والله يرزقنا الجنة

صيهد

13/06/2011, 09:14 AM

madmad99

13/06/2011, 11:25 AM

الشكل الجديد حسب كلام الموظف بعد عيد الفطر المبارك ......................!!!!!!!!
بس من وجهة نظري الشكل القديم احلى وتحس من شكله القوة والهيبه والحشمة في نفس الوقت هههههه

أبو جهاد ////

13/06/2011, 11:41 AM

تبي نصيحة محب ,,

ابعد عنه نهائياً ,,

بعدين مثل هالمواتر ذي مايشرن جدد لأنه يطيييييح سعره على طول

اذا انت جازم دور مستعمل نظيف مابه خساره

والله كان معنا واحد من الموديلات الحديثه الحمد لله افتكينا منه ,,

الصمان 2

13/06/2011, 11:47 AM

فعلا ... دور واحد مستعمل ونظيف

حتى اذا ما جازلك تبيعه بأقل خسارة .

والله يوفقك .

.

النوخذة الشرقي

13/06/2011, 11:49 AM

هلابك أخوي الموتر انا شاريه من سنه موديل 2006 ماعليه كلام
وانا ساكن بالدمام ودوامي بالجبيل يومياً عليه ولله الحمد مستهلكات السياره العاديه
لخطوط مريح فى الرمل والله نعم خفيف والسعر أخالف أخوي الي قال انه طايح سعره
لا والله انا عجزت لنظيف سعره غالي مره
من ناحية المواصفات الزم ماعليك ياخوي يكون الموتر دبل ثلاث كراسي مكيف عام
على الثلاثة كراسي وعلى فكره مكيفه مره ممتاز والله وانت عارف جونا بالشرقية
توكل على الله الى يومك معي ولله الحمد ماعليه خلاف

madmad99

13/06/2011, 10:07 PM

هلابك أخوي الموتر انا شاريه من سنه موديل 2006 ماعليه كلام

وانا ساكن بالدمام ودوامي بالجبيل يومياً عليه ولله الحمد مستهلكات السياره العاديه
لخطوط مريح فى الرمل والله نعم خفيف والسعر أخالف أخوي الي قال انه طايح سعره
لا والله انا عجزت لنظيف سعره غالي مره
من ناحية المواصفات الزم ماعليك ياخوي يكون الموتر دبل ثلاث كراسي مكيف عام
على الثلاثة كراسي وعلى فكره مكيفه مره ممتاز والله وانت عارف جونا بالشرقية
توكل على الله الى يومك معي ولله الحمد ماعليه خلاف

تنصحني بالجديد ؟؟؟؟؟؟؟؟وهل سعره فيه حتى لو بالاقساط
هل تنصحني بالاستاندر ولا ابو حساسات وارقام على الابواب ............

النوخذة الشرقي

14/06/2011, 08:54 AM

ياعزيزي حسب أمكانيتك الماديه
لكن تبي الشي المضبوط خذ أستاندر وفيه هذي المواصفات
1_ دبل
2_ مكيف مركزي
3_ ثلاث كراسي والتكيف عليها مركزي
الاقساط أكيد فوق سعره وانا أخوك لكن اذا انت من النوع البياع
خذ مستعمل اما استخدام جديد بعد ممتاز

KENANI

17/06/2011, 06:40 AM

شوف 2010 اكيد انت شايف شكله كيف .. وسعر الفل منه 122 ألف ريال ممكن تزيد او تنقص ..
2011 تغير الشكل كليا والمواصفات .. شكل السيارة الامامي مشابه للرنج روفر..
الجنط 19 ..
لايوجد دبل .. وتم استبداله بمفتاح تحكم رهيب تضعه على حسب جغرافية الارض اللي تمشي عليها ( مطر _ بر _ جبال ) ..
هذي اهم مواصفه تم تغييرها مع الشكل ايضا ..
انا عندي 2004 سعودي فل ماعدا فتحة السقف .. اشتريته وكاله ..
وسافرت فيه من الشمال الى الجنوب مايتجاوز 20 سفره ..
ويشهد الله على كلامي ان ماعمري رحت صناعية إلا لتغيير اقشمة الفرامل او بواجي او اشياء مستهلكه و صبغت الصدام الامامي يوم من الايام بسبب غبار وعواصف ترابية هائله اجتاحت طريق الجوف - تبوك .. فقط ..
وانت استخر ربك .. والله يوفقك ..