النصيحه بجمل وانا ابى اقولكم ببلاش لوجه الله

[راعى شاهين]

من واقع تجربه خلال 17 سنه بشراء والبيع لاتشرى الطير الا على نظرك والاهم تشوف طياره بعينك اذا قالك البايع فارط يمكن بعينك مو فارط غير الى يبيعون طيور ويشرطون السبق وهى ياللله تطير والثقه زينه بس هالايام الله يكفينا شرها مامن ثقه الا بشوف عينك لطير وشوف جناحه سوى على حمامه او على ملواح وتقبلوووو تحياتى

[@السيف@]

الله يجزاك الجنه وبيض الله وجهك لا عدمناك الله يستر علي الناس من شر الناس وكذبهم لكن الطير الفارط عليه عدد والكل يذكره

[طير غرقة]

راعي شاهين بيض الله وجهك

عز الله انك كفية ووفيت وعلى قولهم كلا ونظرته والي يطيب لك ما يطيب لغيرك وخصوصا في هذا الزمن الي راحت فيه الامانة.
وتقبل مروري وخالص تقديري

[منصور العاطفي]

بلا شك كلامك في محلة والإنسان يكون حريص ولا يخون
والحق ما يزعل أشتر على نظرك وبع على نظرك وأترك الحسوفة ليتني وليتني
والله يجزاك خير وبيض وجهك

[محمد النعيمي]

راعي شاهين
بيض الله وجهك يوم تبيض وجوه وتسودوجوه وجزاك الله خيراشهدبالله انها نصيحه تسوى كثير ولوني عندك حبيتك على راسك

[روزفلت]

شيء اكيد
ومن العاده كل سنه العروض بالربطه كلها طيور سباق وفارطه
هنا منتدى ومالك قبيل بين باغلب البيعات ولو قال اشرط سم سومة مجهول الا كان وصلت البايع عن طريق معرفه ولو ان المعارف نوب والله انه
انا ماادري بس وينهم عن اللي عرض يشري الطيور الي تلحق الدحل بميه للحر وخمسين للشاهين
ابسال بالله اذا احد يعرفه
هل راح له احد من المهايطيه عقب ربطة العام؟

[راعى شاهين]

الله يجزاك الجنه وبيض الله وجهك لا عدمناك الله يستر علي الناس من شر الناس وكذبهم لكن الطير الفارط عليه عدد والكل يذكره وجهك يالغالى مرورك اسرنى

[راعى شاهين]

راعي شاهين بيض الله وجهك



عز الله انك كفية ووفيت وعلى قولهم كلا ونظرته والي يطيب لك ما يطيب لغيرك وخصوصا في هذا الزمن الي راحت فيه الامانة.

وتقبل مروري وخالص تقديري
وجهك يالغالى ماقصرت

[راعى شاهين]

بلا شك كلامك في محلة والإنسان يكون حريص ولا يخون

والحق ما يزعل أشتر على نظرك وبع على نظرك وأترك الحسوفة ليتني وليتني
والله يجزاك خير وبيض وجهك

وكلامك فى محله وماقصرت يالغالى

[مخاوي ذيابه 9]

والله اللي مايحلف بعزمنه انه شرطلي السبق الفارط
وانه ينفجله حمام الدحول وانه وانه من الكلام اللي يروع
( المشكله انه شايب لحيته بيضاء ) وحلف بالله ماحده
على البيع غير انه كبير ولاله بمجاهد الطير
زبدة الكلام
الطير مايطير ابد ١٠ متر ان كثر وادق عليه مايرد
طبعا شاريه من سوق الرياض
ارجة الانتباه ولو تزود الف او الفين او خمسه بس تشوف
فعله قدام عينك

[أبو أمين]

شيء اكيد
ومن العاده كل سنه العروض بالربطه كلها طيور سباق وفارطه
هنا منتدى ومالك قبيل بين باغلب البيعات ولو قال اشرط سم سومة مجهول الا كان وصلت البايع عن طريق معرفه ولو ان المعارف نوب والله انه
انا ماادري بس وينهم عن اللي عرض يشري الطيور الي تلحق الدحل بميه للحر وخمسين للشاهين
ابسال بالله اذا احد يعرفه
هل راح له احد من المهايطيه عقب ربطة العام؟


ابشرك المهايطيه راحو وصادت طيورهم ولا شافوا شئ

حكمت انهم مهايطيه الله يحيك ليه؟

حطو ميه الف واجيكم الموسم الجاي ونشوف هل فيه ناس تدفع دراهم ولا مهايطيه !!!

[ابوسمرى]

مشكور راعي شاهين وماقصرت
وهذي عوايدك....

[ابوعزيز2007]

صحيح عزالله صدقت

[راعى شاهين]

راعي شاهين
بيض الله وجهك يوم تبيض وجوه وتسودوجوه وجزاك الله خيراشهدبالله انها نصيحه تسوى كثير ولوني عندك حبيتك على راسك وجهك يالغالى وانت تستاهلها وهذا ان دل يدل على معدنك الطيب الله يرفع قدرك وربى يطول عمرك

[راعى شاهين]

شيء اكيد
ومن العاده كل سنه العروض بالربطه كلها طيور سباق وفارطه
هنا منتدى ومالك قبيل بين باغلب البيعات ولو قال اشرط سم سومة مجهول الا كان وصلت البايع عن طريق معرفه ولو ان المعارف نوب والله انه
انا ماادري بس وينهم عن اللي عرض يشري الطيور الي تلحق الدحل بميه للحر وخمسين للشاهين
ابسال بالله اذا احد يعرفه
هل راح له احد من المهايطيه عقب ربطة العام؟ روزفلت الله يجزاك خير وهذا المحك

[راعى شاهين]

والله اللي مايحلف بعزمنه انه شرطلي السبق الفارط
وانه ينفجله حمام الدحول وانه وانه من الكلام اللي يروع
( المشكله انه شايب لحيته بيضاء ) وحلف بالله ماحده
على البيع غير انه كبير ولاله بمجاهد الطير
زبدة الكلام
الطير مايطير ابد ١٠ متر ان كثر وادق عليه مايرد
طبعا شاريه من سوق الرياض
ارجة الانتباه ولو تزود الف او الفين او خمسه بس تشوف
فعله قدام عينك كل طقه بتعليمه وكلامك سليم والله يعوضك بالنادر

[راعى شاهين]

مشكور راعي شاهين وماقصرت
وهذي عوايدك.... هلابك يالغالى بشرنى عنك عساك فى تمام الصحه والعافيه وعوايدك الطيب يالطيب

[راعى شاهين]

صحيح عزالله صدقت

يطول عمرك ويرحم والديك

[عبدالرحمن بن ذياب]

اي والله انك صادق
بيض الله وجهك

[falcon 1]

راعي شاهين
كفيت ووفيت جزاك الله خير وكلامك صحيح

[الـسـاطـع]

جزاك الله الف خير على الكلام الصحيح وفعلاً انا صارت لي في المنتدى مرتين لكن كل دقه بتعليمه
والحمدلله الله عوضني بأخير منها

[صاحب نوماس]

لاهنت ابيض وجهة

والدنيا باقي فيها خير

[hawwamT]

من واقع تجربه خلال 17 سنه بشراء والبيع لاتشرى الطير الا على نظرك والاهم تشوف طياره بعينك اذا قالك البايع فارط يمكن بعينك مو فارط غير الى يبيعون طيور ويشرطون السبق وهى ياللله تطير والثقه زينه بس هالايام الله يكفينا شرها مامن ثقه الا بشوف عينك لطير وشوف جناحه سوى على حمامه او على ملواح وتقبلوووو تحياتى

كلام سليم يعطيك العافية...ولكن هناك ناس يشترون الطير السبوق اللي يلحق الولع ويخربونه ويملعونه ويقولون والله مايلحق..

[عابر الموج]

انا لاكثرت الاشاوير ماشير = وحلفت ماتي بارزن مادعاني

[جـرح الشمـال]

الله يعطيك العافيه
علي التنبيه
تقبل مروري
اخوك جرح الشمال

[حامد الحنيني]

ياهلا ومرحبا
كلامك صحيح ونصيحه لوجه الله من واحد باخص وكلكم ان شاء الله تبخصون السلع
لاتشتري طيرن على وكره والحين بعض الناس لانشب الطير بحلقه ثانى
عليه سبق وذبح واليا بخصت الطير لوهو مايسوى 2000 ريال وعاد رح دوره
وانا اذكر قصه قبل العام لواحد من اخويانا راح للحفر
يدور طير ويمر هكاالرجال شريطي طيور معروووف حتى ظهر اسمه بالمنتدى
كم مره وبدون ذكر اسماء المهم قاله انا رجال ابي طير شيوخ
قال شف هالطير طير الامير فلان بن فلان وذابح العام 40 حبارى
واثاني عليه بالسبق المهم اخذ الطير الرجال وعطاه الدراهم وقال
ان ما صار على كلامك تراه مرجع قال تم
ويوم دعا الطير لو جناحه اقل من عادي قال ماهي مشكله دامه يذبح ووراه الحبارى وجنب والكروان وجنب
ودق عليه قال الطير ماهو على كلامك ونزلت الطير ورفعت وزنه نفس الحركه وديته المستشفى مابه بلا
قال طيرك وعندك ودراهمي بمخباتي وانا عادلك الصحيح
وعيا يرد الطير ويقفل الجوال ويدق خوينا ولايرد على ويروح السوق ويحمس الطير بخساره
حسبي الله ونعم الوكيل .

[راعي مرعوب]

الناس واجد وفيها الي يبيع ذمه ويشتري ذمه والله على كل شي رقيب
الله يعوض من خسر والله يرزق من ربح
والمثل يقول غلطت الشاطر ب١٠٠٠

[جلاد الحباري]

اول حاجه جزاك الله خير على هالنصيحة الطيبة والله يهديهم اكثر الصققاير يقول طيري لحاق ويفعل وينقط مع الحبارى واذا خذيته وشفت فعله حتى الحبارى المسوحل يصفح عنها ويدق اشاره على اقرب رجم يوكر عليه

[راعي غضبان]

مرحبا والله اخوي كلامك سليم وفي محله بس للشخص الي ماتعرفه ولابعد تعاملات معه ولابعد تعامل معه واحد من اصدقائق الي تثق بهم اما الشخص الي تعرفه وتعده من الروح هذا شي ثاني والله يعطيك العافيه والف شكر لك

[نمر الصحراء]

الله يجزاك خير

[راعى شاهين]

انا لاكثرت الاشاوير ماشير = وحلفت ماتي بارزن مادعاني
صح لسانك ولسان الشاعر والله يعطيك على قدنيتك

[راعى شاهين]

الله يعطيك العافيه
علي التنبيه
تقبل مروري
اخوك جرح الشمال تسلم طال عمرك الى زيك يتشرف كل صاحب موضوع مرورك

[راعى شاهين]

ياهلا ومرحبا

كلامك صحيح ونصيحه لوجه الله من واحد باخص وكلكم ان شاء الله تبخصون السلع
لاتشتري طيرن على وكره والحين بعض الناس لانشب الطير بحلقه ثانى
عليه سبق وذبح واليا بخصت الطير لوهو مايسوى 2000 ريال وعاد رح دوره
وانا اذكر قصه قبل العام لواحد من اخويانا راح للحفر
يدور طير ويمر هكاالرجال شريطي طيور معروووف حتى ظهر اسمه بالمنتدى
كم مره وبدون ذكر اسماء المهم قاله انا رجال ابي طير شيوخ
قال شف هالطير طير الامير فلان بن فلان وذابح العام 40 حبارى
واثاني عليه بالسبق المهم اخذ الطير الرجال وعطاه الدراهم وقال
ان ما صار على كلامك تراه مرجع قال تم
ويوم دعا الطير لو جناحه اقل من عادي قال ماهي مشكله دامه يذبح ووراه الحبارى وجنب والكروان وجنب
ودق عليه قال الطير ماهو على كلامك ونزلت الطير ورفعت وزنه نفس الحركه وديته المستشفى مابه بلا
قال طيرك وعندك ودراهمي بمخباتي وانا عادلك الصحيح
وعيا يرد الطير ويقفل الجوال ويدق خوينا ولايرد على ويروح السوق ويحمس الطير بخساره

حسبي الله ونعم الوكيل .
ياحامد الجهنى ماوقفت على الشريطى الى بالحفر بس المسائله صارت ظاهره كل من هب ودب

[راعى شاهين]

الناس واجد وفيها الي يبيع ذمه ويشتري ذمه والله على كل شي رقيب
الله يعوض من خسر والله يرزق من ربح
والمثل يقول غلطت الشاطر ب١٠٠٠ صدقت يالغالى بس الى يبيع بضمير نادر الايام بس ماتخسر شى اذا شفت مطير الطير وقلبته وفحصته تخسر 300ريال افضل من تخسر الاف الريالات

[راعى شاهين]

اول حاجه جزاك الله خير على هالنصيحة الطيبة والله يهديهم اكثر الصققاير يقول طيري لحاق ويفعل وينقط مع الحبارى واذا خذيته وشفت فعله حتى الحبارى المسوحل يصفح عنها ويدق اشاره على اقرب رجم يوكر عليه ويجزاك الله خير ويطول بعمرك وفيت وكفيت

[راعى شاهين]

مرحبا والله اخوي كلامك سليم وفي محله بس للشخص الي ماتعرفه ولابعد تعاملات معه ولابعد تعامل معه واحد من اصدقائق الي تثق بهم اما الشخص الي تعرفه وتعده من الروح هذا شي ثاني والله يعطيك العافيه والف شكر لك
الى تبخصه وتعرفه وتعرف طيره مافيه مشكله بس نتكلم على الى ماتعرفه مشكور وشرفنا مررك

[راعى شاهين]

الله يجزاك خير والجازى الله يطول بعمرك

[راعي لادن]

بيض الله وجهك كلام سليم

[abo_Majed]

صدقت ياراعي شاهين اما اشتر طيرن تعرفه والا عطي الله اللي لا ندغته هاش عليك

تقبل تحيتي

[صقار9]

كلامكم على متمه فيه صقارين مالهم ذمه والعياذ بالله وفيه صقار من هذه النوعيه شرى طير من واحد معروف بالسوق وقاله الطير معلم على حبارى وشراه ب 8500 ريال قام اللىشراه باعه لصديق لي 15000 وكذب عليه قاله الطير صايد حباروين وسبوق ويوم قابلت رفيقي علمته ان الطير اعرفه ولا صاد رجعله رفيقي قاله رد الطير قال معصي قال له نزللي من قيمت الطير قال معصي ورح اشتكني يعني كذب وقوات عين والله ياجماعه احتراما لكم وللمشرفين ولا مثل انصاف الرجال يجب ان تذكر اسمائهم ليكونو عبره لمن تسول له نفسه الكذب والغش في السلعه لانه سوف يستمر اذا لم يردع واسف على الاطاله لكم مني اطيب تحيه