الرجه الرجه الرجه ....وش حلّها يا ناس ؟؟

[قيصومي فتك]

السلام عليكم ورحمة الله وبركاته ..

اخواني اعضاء المنتدى الاضخم والاجمل .. مساء الورد ..

أنا بصراحه عندي جيب فتك 2005 واتعبني بالرجّه اللي تجي على سرعات مختلفة يعني احيانا امشي 70 تجي واحيانا 80 و100 واحيانا يكون ممتاز وانا مسرع ولكن ان مرّيت بحفيرة صغيرة على الازفلت أو المسار الايمن اللي تاطاه التريلات يجيه الرجه وأحيانا اذا مسكت بريك بعد سرعه تجي قويّه ..

وش الحل يا عالم .. افيدوني .. مع العلم اني رصصت الكفرات وغيرت مساعدي الدركسون والترصيص كان ارضي وعادي وليزر وكل شي .. وسوست بصراحه ..

اللي عنده علم .. يرد العلم ..

وشكراً ..

[قيصومي فتك]

افا !

مامن الوالي هنا ؟

يا جماعه أقل حاجه قولوا مرحبا حياك الله لأني عضو جديد ..

عموما .. شكرا على النظر للموضوع فقط ..

[صاحب الذئب]

حياك الله يالغالي
مدام انك متاكد من الترصيص والكفرات هل هي محبله ام لا
لان هذه هي اهم شي في الرجه وسببها
اكشف على العمود ترى سوااا فيني علوم وخاصة عندما تكون متكرره
بالرغم اني استبعد هذا السبب
والجنوط كيف لاتكون فيها ضربه تغير مسار حركتها وقت السرعه
الاذرعه اكشف عليها ومساميرها والجويزات انتبه وانا اخوك

[خالد433]

وعليكم السلام
اخوي انا كانت معي الرجه وبهذلتني كثير وكل يوم ترصيص ماخليت احد عند العضيب والطيار0000
والحل غيرت الكفرات وضبط الموتر والحمدلله
خاصه اذا كانت كفراتك بريد جستون

[نيتروجين xp]

احسن حل جرب كفرات وجنوط ثانية باستعارتها من أقرب راعي باترول حولك

وإذا أنت رافع الموتر مره بكعكات فتكون المشكلة من عامود القير لازم يرفعونه لك ويضبط إن شاء الله

موفق خير أخوي ..

[s3ed]

الحل عندي ان شاء الله

المشكلة في عمود الدركسون الخارج من الدكسون صندوق الدركسون فك العمود وشوفة بيكون فية اعوجاج

[عاشق الربع313]

للرفع للرفع

[_TOYOTA_]

شف صليب الدركسون ممكن فيه فضاوه

[comابوسليمانwww]

حياك الله اخوي قيصومي وعندك الرابط هذا ان شا الله بيفيدك
http://www.mekshat.com/vb/showthread.php?t=251739&highlight=%C7%E1%D1%CC%C9+%C8%C7%CA%D1%E6%E1

[وليد46]

نصيحه خذه من غير مساعدات قدااام وركب امساعدات تيوتا قسمن بالله نسيت الرجه عقبهن مع العلم انه كانت عندي هالرجه الي تقول بس عقب المساعدات ماشاءالله

[راعي ضويانه]

المشكله في الرجه خذوها مني من الجلاب غير جلاب السياره الامامي والخلفي وده عند ميزان وقله يغيره لك واشتر جلابات اصليه من الوكاله بس اشتر الجلابات الكبيره مو الصغيره لان الجلاب نوعين

[اورنس الشمري]

سابقاً عرضت هذه المشكلة ,, لعل الرابط يفيدك

http://www.mekshat.com/vb/showthread.php?t=165134

[الحنومي]

الجة اذا كان علية بالون
غير كذا لازم تغسل الجنط وجرب

[ABU-MSH3L_001]

الاشياء اللي تسبب الرجه كثر منها


1- الكفرات البالون اذا كانت بارده تسوي رجه وتروح اذا سخن الكفر وخصوصا وقت الصباح
واذا بغيت تسوي للجيب ترصيص لازم ارضي في الصناعيه الكبيره عند الدرع اوغيره بــ 70 ريال (الاربع كفرات)
2- الهوبات ( اذا كانت تحتاج خرط ) تسوي رجه وخصوصا اذا مسكت فرامل وتسوي بعدين مسحيه في الكفر
وتخلي الرجه مستمره

[سوبر152]

فيه ذراع توازن بالدفرنس الأمامي بالنص من الأمام اربط عليه أوغير جلبته

[مدمن باث]

ركب فرارات ورصص عند العضيب يمكن اكون افتك وشكرا ً

[دمعة الفرح]

حبيبي إذا أنت بالرياض رح العضيب الي بطريق سعد بن عبدالرحمن ( المية) أنا كانت نفس المشكلة عندي وحليته .

[abohmad]

انا راعى فتك وكنت اعانى مثلك ونصحنى واحد عندة فتك جزاة الله قالى ركب تواير ناعمة وشوف وفعلا ركبت تواير ناعمة وراحت الرجة

[عاشق الاكستري]

خذ العلم الي يجمد على الشارب اذا انت كفراتك متأكد من ترصيصه. دبل مساعد التركسون ورح لورشه تضبطه اذا انت من بريده رح لموسى السيف بالشارع التجاري انا مثلك ركبت بالون والرجه تزود كل يوم حتى صرت مااقدر اتعدا 60 رحت لمه ودبلي مساعد تركسون وضبطه والحين الحمدلله مافيه شي حبيت افيدك لانك مثل الي مريت فيه وخل عنك الكفرات مافيهن الاالعافيه وبالتوفيق

[تميم2222]

هلابك ...مشكله الرجه حلها ...محل الباديه بالرياض 400 ريال تقريبا ... وراح تنسااااها مره ..واترك عند العضيب وربعه نصييييييحه اخوووو

[«نجم الخير»]

تفقد الجلب الاماميه للشدادات والعمدان