أشيــــروا عــــــليّ أيــــــــه الأخـــــوة في مســـاعدات البــاتــــرول

[فياض الشمال]

السلام عليكم ورحمة الله وبركاته
مالي بعد الله إلا أخوتي في مكشات
سيارتي باترول ومساعداته جيدة ولكن كما تعرفون أنها لينة مما تفقد
رساوة وثبات الموتر في الخطوط وقررت تغيرهن إلى مساعدات تكون جيدة و سعرها مقبول
فلا أريدها عضلة مرة كما لا أريدها لينة مرة
لست راعي صيد ولكن راعي كشتات في الشتاء بالصمان و الشمال
فما رأيكم يا دكاترة مكشات

[vtc.6]

هلابك اخوي انا معي فتك ومثل مشكلتلك غيرتها بمساعدات جيب شاص قيمتهن 470 ريال والله ممتازات ومطبهن حلو وحتى الموتر يتغير بكثير بس مدري عن المساعدات الثانيه انا جربتهن وحلوه طبعا غيرت الاربع ولاتنسى حط ليات على اليايات من فوق وتحت بيطلع موترك انشاء الله ممتاز واتمنى اني افدتك

[مدمن فتك]

عن تجربه مساعدات الجبريل الزيت ممتازه وسعرها حلو اربع ب 390 ريال

[شاص نيسان 93]

لا تتعدى مساعدات الشاص تويوتا 2002 وتحت

لها 5 سنين معي من ابدع ما يكون

[ماهقيت]

باسم الله الرحمن الرحيم
طبعا كلامي من خبره قديمه جدا جدا الا وهي
الوالد له بالميكانيكا قرابة ٣٠ سنه واستشرته قبل ٦ سنوات عن هالموضوع قال لي انهم ركبو جميع المساعدات بالجيوب حقت العمل ولا نجح منها الا المونرو الصفراء غاااز طبعا الباقي يايجيك قاسي والا اوكاله لين . المهم ان لي مركب على ددسن دفرنسين مونرو لها ٦ سنوات طبعا غاز وربك الى الان مثل العسل وخف مطب الموتر واحمله الين تمسك النسافات وانتو بكرامه الرمل ويمشي بالنفود مثل العجين ميخرطبهطوش ههههههههه وركبته بعد بالجمس والان ركبته على موتري الاف جي كروزر وباسم الله ماشاء الله تلقاها عند الكابلي الوكيل بالصناعيه ولو اخذته من عند الموزعين مثل الجمعان اللي بالنسيم مثلا كان احسن يكون ارخص تلقاها الاربع ب ٧٠٠ تقريبا
حتى اهلي لاحضو الفرق..... فيه بالسوق استرالي ورانشو وجبريال الابيض ولكن كلها جربت ولم يصمد للربع الخالي الا المونرو كلام الوالد حفظه الله ووالديكم ووالدي جميع المسلمين لااعني فشل المساعدات ولا اعيبها ولكن وجهة نظر مجربين اثنين
اعذروني عالاطاله ×

[فياض الشمال]

بارك الله فيكم وجزاكم الله خيرا
مشكورين على هالردود و الإجابات
ذهبت إلى ورشتين
الأول أشار علي أن أركب قدام مساعدات ربع وفي الخلف مساعدات فاكس آر
والثاني أشار علي قدام مساعدات مرسيدس و في الخلف مساعدات فاكس آر
ما رأيكم

[رحّال 9]

طقم مساعدات مونورو صفراء ولا عاد تسال عن مساعدات باذن الله .

واؤيد كلام الاخ ما هقيت .

بالتوفيق .

رحّال 9

[التعـ King ـديل]

مساعدات شاص خلفي وامامي وكاله

عن تجربه في باترول سابق لي

[ماهقيت]

الله يبيض وجيهكم جميع بس لاحظ يالغالي انك لو ركبت مساعدات المرسيدس والفكسار على الباترول مالها ضمان ابدا لاسمح الله وقت حصل شي حاول انك تركز شويتين قبل تركب وعسى الله يوفق الجميع ورحال عطرت اسمي بذكره على لسانك فديتك.

[مقلع الرمث]

انا ركبت قدام مرسيدس ووراء بلد

وجيبي السابق قدام مساعدات ربع تايوتا انفقع معي مرتين الامامي

والخلف شاص مضبوط لكن فيه مطب اشوي

وانصح بتركيب امامي مرسدس لاني جربته ويتحمل مع اني صبخت فيه كم مره والله ممتاز جدا


والخلف خلها بلد وركب ياي استرالي راح ترتاح

[مواسي الطعوس]

المساعدات بلشتهن بلشه :

** افضل شي ((الرانشو))ابو خمس دقات (وضعيات) تحطه على الوضع اللي يريحك .
** وبعد تجربتهن تبين لي امور (لو ماحصلت معي )كان مااصدق لو تقال لي ...وهي:

1/ اذا وضعته على اقوى شي تروح الرجه اللي على سرعة 80 وجربت بنفس الوقت اضعه على وضع ضعيف رجعت الرجه .

2/ يعطي الموتر قوه في الرمل والتطعيس بشكل عجيب ..مايضيع العزم .

3/ الرساوه وهذه يمكن معروفه للبعض .وكذلك زيادة السرعه شوي ..لانه مايهتز ولايرتفع وجه الموتر .


** اذا ماحصلتها : ركب قدام مرسيدس ...افضل من التويوتا ....التويوتا اكثر مطب في الازفلت اذا اقبل عليك الموتر من بعيد تشوف نوره يلعب تقل شاص ...لكن اذا جاء الجد في النفود مايمسك .

** المرسيدس :مريح في الخط واذا صرت في البر يكون اقوى مسك .

[الوسام889]

طقم مساعدات مونورو صفراء ولا عاد تسال عن مساعدات باذن الله .

واؤيد كلام الاخ ما هقيت .

بالتوفيق .

[فياض الشمال]

كل التحايا والشكر لكم يا شباب
ما قصرتم بإجاباتكم و مرئياتكم
إجابات وافية ، لكنني وقعت في حيرة ، الله يدبر الي فيه صالح
جزاكم الله خيرا و بورك فيكم

[_دربيل_999]

اخوي إذا سيارتك بيايات الوكالة فأفضل شي مساعدات الوكالة..


وفقك الله

[فياض الشمال]

طيب يا شباب وين القا االمونورو الصفراء في بريدة

[فياض الشمال]

اخوي إذا سيارتك بيايات الوكالة فأفضل شي مساعدات الوكالة..





وفقك الله

أهلا أخوي دربيل
نعم يايات الوكالة والمساعدات كذلك ، لكن رساوة الموتر لك عليها وإذا ضربت مطب يموج شوي

[ابو عود]

اسال مجرب

مساعدات شاص قدام وورا وريح بالك

لا مطب ولا شدة موتر وراسي في البر

[نيتروجين xp]

قدام مساعدات ربع
و ورى مساعدات شاص وهذا أفضل شي حسب تجربة الزملاء ..

[مواسي الطعوس]

انا شخصيا جربت الربع والمرسيدس ...

** الربع مايعطي ليونه في الخط ((يهتز الموتر هزه خفيفه بسرعه تقل شاص)) وفي البر اقوى من البلد لكنه اضعف من المرسيدس .

**المرسيدس: مريح في الخط ....وفي البر يعطي مجال خفيف للهزه ثم يمسك الموتر مايطب وجهه .

[فهم العدواني]

شباب بالنسبه لمساعدات المرسدس اي موديل ،،وهل فيها انواع او احجام

[خليفان]

المرسدس اول عثمور تنفقع عليك بعطي الله مساعدات الشاص والربع رخيصه وتعيش اطول

[فياض الشمال]

شكلي ابغير المساعدات إلى المونورو الصفراء والله يكتب الي فيه الخيرة
بس كم سعرهن

[رحّال 9]

اخ فياض الشمال .

هذا رقم المحل 4485485

بالتوفيق .

رحّال 9

[mamsdt]

المونرو ما اذكر اني جربت غيرها
سعرها زين وصبوره ومريحه

[ابوخالد2004]

قدام ربع 2002 تايوتا
وخلف فكسار 2008 تاخذهن معك لسيف ببريده وهو يضبطهن لك لان حقات الفكسار يحتاجت قص وتلحيم
والسيف لعبته المساعدات

[نفود حائل]

انا مجربها بموتر خوش مساعدات

الأمامية مساعدات شاص

والخلفية مساعدات استرالية الصفر

لن تندم

[الطرس ممدوح]

طقم مساعدات مونورو صفراء ولا عاد تسال عن مساعدات باذن الله .

واؤيد كلام الاخ ما هقيت .

بالتوفيق .

رحّال 9


كلام اخوي صحيح
انا مجربهن وازودك من الشعر بيت تراه عليهن ضمان سنه

[فتك بوسعود]

طال عمرك
(اولد مان) الاصلي //// وانت تقول راعي كشتات
تجربه على باترول 97 و فتك 2003 و 2004 ممتاز
و حمل على موترك اللي تبي

[سوبر VTC]

اخوي تحصلهن عند محل الغنام لقطع الغيار بشارع الملك عبدالعزيز
محله عند حقين الكفرات شمال عمارة العويضة