هل فيه ضرر اني اشغل المكيف والسيارة تمشي ؟

[Tamimi.fars]

لاني قد شغلته وانا امشي عقبها صار يطلع ريحه اول ما اشغله بعدين تروح

ريحة فستق محروق مع شويت خياس مع ريحة غبار خفيفة

[ماجد الحايلي]

ياساتر كل هالروائح تطلع
وانا اللي اعرفه واللي اعمله
مع سيارتي اشغل المكيف
على أي سرعه اللهم اني ارفع
رجلي عن البنزين واشغله
ولا ضره شي ولا شفت شي
والاكيد اني ( ماشميت شي )

بس ماشاء الله عليك
عليك وصف مجنون

[Tamimi.fars]

ياساتر كل هالروائح تطلع
وانا اللي اعرفه واللي اعمله
مع سيارتي اشغل المكيف
على أي سرعه اللهم اني ارفع
رجلي عن البنزين واشغله
ولا ضره شي ولا شفت شي
والاكيد اني ( ماشميت شي )

بس ماشاء الله عليك
عليك وصف مجنون


نصيحة جيدة والله يجزاك خير

بس رحت لكم ورشة الي يقول نظف ثلاجة المكيف والي يقول التماس بس ماصدقتهم كلهم

[ترنيدو k.s.a]

كان معي فورد 97 ماركيز
شغلت المكيف وانا امشي 140 انقطع السير وخرب الرمان
وكلف علي مبلغ وقدره
انا اقول كلها ان طالت الوقفه نصف دقيقه وانت مشغل مكيف السياره ومن احسن مايكون
هذا من وجهت نظري وعلى قولتهم انت ابخص
شكرا

[لاتكب البيالة]

انا دايم اشغل المكيف وهي تمشي لكن اكون ضاغط على الكلتش الى ان يشتغل الفريون

[بن نويشر]

إذا كان موترك عادي فضه وشغله وما عليك إلا العافية ، وسمعت أن إذا كان السير كامل على المكينة والكمبرسر فشغله ، بس أنا في كل الأحوال أشغله وأنا رافع رجلي عن البنزين وعلى سرعة 80 كم .

وبالله المستعان ،،،،،

[abo tayyar]

ابقول لك مثال قاله لي واحد فاهم بالسيارات :


(أذا كنت واقف على رجليك وشايل فوق ظهرك كيس رز 10 كيلو مثلا
وجا واحد وزاد كيس ثاني 10 كيلو وانت واقف ,
هي نفسها لا صرت تركض وفوق ظهرك 10 كيلو وجاواحد وزاده بكيس ثاني ..؟؟ أكيد لا ):p


فاذا موترك قير عادي اتوقع والله اعلم لا ضغطت الكلتش وصارت الموتر فاضي وانت تمشي وشغلته كأنك واقف والله اعلم انا معي كورلا سابقا قير عادي سنه ونص وانا اسوي هالطريقه ولا شفت شي منها والحين معي باثفندر اوتوماتيك ما اشغله الا وانا واقف او ما تعديت 40 وارفع رجلي من البنزين ولا لاحضت شي الحمد لله ....

[Tamimi.fars]

جزاكم الله خير على نصايحكم وتجاربكم الي فادتني

لكن وش الحل مع هاريحة ذبحتني تكحكح من خياسه ما اقول الا الله لايوريكم مكروه ولا تجيكم هاريحة المميته

[أبوعبدالرحمن0]

الله ييسر لك الحـل

لكــن بالنسبة لتشغيل المكيف والسيارة تمشي فوق الأربعين غلط
إلا إذا فضيت القير حتى لو كان تماتيك

لأن الكمبرسر مع سرعة حركة المكينة أحيانا يضرب
لأنه مرتبط بهــا

فشيّك على الكمبرسر

[عرفات محمود]

تشغل السيارة وهي تحت 60 افضل

[الصايخة]

غير سير المكيف لان الريحة منه غالباً

[ابراهيم_999]

بالذات الفرود ماتصلح تشغله وانت تمشي ماعمري سويتها وجا مره اخوي الكبير يتفلسف يقول مايضر السياره واخذت بكلامه وصار يطلع صوت ما انصح تشغله وانت تمشي مثل ما اقال احد الاخوان ماتاخذ منك نص دقيقه وقف وشغله وفك نفسك من الخساير

[التعـ King ـديل]

الافضل تهدي السرعه او توقف ولكن اذا مضطر مره ولا فيك توقف لاتزيد سرعتك عن 80 حمايه لموترك

[يريور عيمان]

طيب يا اخوان بما ان اخونا تميمي تطرق لموضوع المكيف
هل في ضرر اني ابند المكيف و الموتر ما شي سرعة عالية ؟
لاني مرة في احد الليال و نحن راجعين الديرة اتجمدت من البرد فطفيت المكيف وعلى سرعة 140
صاحبي قال لي ان الحركة ذي خطيرة مثلها مثل انك تشغل المكيف على سرعة عالية
صح هالكلام و لا يتفلسف الرجال ؟

[أبوعمران]

اخي الحبيب ..

بالنسبه لتشغيل المكيف على أي سرعة لايأثر سواؤ كنت حاط رجلك على البنزين او لا .. ^_^ .. !

والسبب المقنع من وجهة نظري :

الكمبروسر يفصل كل فتره عشان مايثلج .. واصلا لما تشغل المكيف وتمشي تشوف ان الكمبرسر يفصل ويرجع يشبك مره ثانية وانت تمشي .. وهذا كأنك طفيت المكيف وشغلته .. ^_^ .

[الضاري]

الحمد لله ما صار معي مشاكل من قبل

لكن اللي اعمله اذا اردت تشغيل المكيف وانا امشي على الموتر

اخفف السرعه اقل من الـ 100

واضغط على دواسة الكلتش واشغل المكيف

واكمل طريقي

[Abo gssar]

اتوقع اذا كانت السيارة في الفاضي ماراح يضر المكيف .
وانا دايما افضي السيارة واطق المكيف وارجع اعشقها حتى لوماشي فوق المية

[Tamimi.fars]

يعطيكم العافيه على التفاعل

بس ظنكم ها ريحة السامة المهلكة للجهاز التنفسي من خياسها من وشو وش الحل معها

[ماهقيت]

سريعي سريعي بما اني بالمطار
يالغالي كلام اخوي ترنيدو هو النتيجه لاكثر من واحد من ربعي ولكن افضل طريقه انك تهدي الين 60 ثم تشغله خذ العلم الاكيد وانا ماأجيب الا كلام متأكد منه واذا ماني متأكد ماأكتب ابدا. >>><<<< متحمس ههههههههه

[ماهقيت]

ولكن يابوعمران يالغالي لمايفصل من نفسه يرجع وهو مكيف نفسه على السرعه المناسبه ولكن لما تشغله بيدك يكون مفاجئ عالسيور ....
ولك مني ارق التحايا

[ابرق المستوي]

الله ييسر لك الحـل



لكــن بالنسبة لتشغيل المكيف والسيارة تمشي فوق الأربعين غلط
إلا إذا فضيت القير حتى لو كان تماتيك


لأن الكمبرسر مع سرعة حركة المكينة أحيانا يضرب
لأنه مرتبط بهــا



فشيّك على الكمبرسر



ماقصرت يأبو عبدالرحمن كفيت ووفيت

[ماون ماركز]

طيب وش الفرق !!

المكيف اذا بردت الغمارة تفصل الثيرموسات ويفصل الكمبورسر
واذا أرتفعت درجة الحرارة بالغمارة شوي .. تشبك الثيرموسات ويشبك الكمبورسر
وأنت تمشي 200 مثلا ..

وش الفرق ؟

الفرق يكون بمستوى الضغط بنظام التكيف ..

اذا كان المكيف مطفىء من وقت يكون الضغط مختلف داخل النظام بين الجزء الأمامي
الأوفبريتر والجزء الخلفي الكوندسر في نظام التكيف

ولما تشغله وأنت على سرعة بالسيارة .. ربما يتسبب أرتفاع الضغط فجأة بعدة مشاكل ..
@ مشكلة في بلوف الكمبورسر
@ مشكلة في المحامل الداخلية للكمبروسر
@ مشكلة في كلتش الكمبورسر
@ مشكلة في جلب المواسير
@ مشكلة في الفلاتر الموجودة بخزان الغاز
@ مشكلة في الأوفبريتر الموجود داخل الغمارة
@ مشكلة في الكوندسر الموجود بواجهة السيارة
@ مشكلة في سير المكيف

بعكس لما يكون المكيف يشتغل ويفصل والسيارة مسرعة .. يكون الضغط متقارب

لذلك يستحسن تهدئة السيارة اذا هي أتوماتيك .. أو فصل سرعة الماكينة بالكلتش اذا هي عادي
( يعني تنزل سرعة دوران المكينة الى حدود 1000 دورة بالدقيقة )

أقرب مثال .. المكيف المنزلي .. عليه تحذير لا يعاد تشغليه الأ بعد 3 دقائق
وذلك حتى يتساوي الضغط بين الأوفبريتر و الكوندسر ..

وفي المكيفات الحديثة الأسبليت تسمعون صوت تسرب ضغط بعد ما تطفيه
هذا هو صوت بلف يفتح بين الجزء الداخلي والخارجي ليتساوى الضغط بينهم .. حماية من التشغيل المباشر مرة أخرى

[white heart]

نعم مضر جدا وراح تقضي على قريشاتك من واقع تجربة

[بدر الشيباني]

أنا أشغل المكيف وأمشي 150 بس أفضي القير على شان ماينقطع السير ويخرب الكمبرسر

[قناص الصمان]

اسمعني يا ذيبان . .
هذي سالفة قد صارت لنا وحنا مسافرين .. المهم جينا بنشغل المكيف
على سرعة 100 او 110 يوم شغلناه وينقطع السير على طوول ..
فا الافضل انك اذا جيت بتشغله تفضي القير وتهدي الى سرعة 70 ؛ 80 ( ثم توكل على الله )

اتمنى اني افدتك

[ابوخالد 999]

اخي الحبيب ..

بالنسبه لتشغيل المكيف على أي سرعة لايأثر سواؤ كنت حاط رجلك على البنزين او لا .. ^_^ .. !

والسبب المقنع من وجهة نظري :

الكمبروسر يفصل كل فتره عشان مايثلج .. واصلا لما تشغل المكيف وتمشي تشوف ان الكمبرسر يفصل ويرجع يشبك مره ثانية وانت تمشي .. وهذا كأنك طفيت المكيف وشغلته .. ^_^ .

السلام عليكم


هذا الكلام الصحيح لان الكمبرسر اذا وصل درجة برودة معينه يفصل والعكس صحيح

[سليمان الربيعان]

على الكلام واحد من المكانيكين تشغيل المكيف والسيارة تمشي يضر الكبروسر وانا صارلي مرتين ودقيقتين ماهيب ضاره
مشكور راعي الموضوع

[البر عشقي]

غريب والله الريحه دايم تصير من الفريون وكثير من السيارات تكوون شد بلد ماتتغير ريحة المكيف إلا بعد زمن طويل

أنت طيب لو تشغل المكيف والسيارة واقفه تطلع الريحه او بس لمن مشيت اذا وانت واقف الأمر طبيعي

واذا بس معى الممشى بسرعه عاليه مرره على مهندس

[* ابو باسل *]

اكبر مضره للكمبروسر انك تشغل المكيف والسياره تمشي يضر بساتم المكيف ويضر الرمانات تبي المكيف يعيش معك لاتشغله غير والسياره ماشيه ولاتزيد سراعة السياره عن 160 والمكيف شغال لانه مايتحمل ضغط سرعة السير على سرعة عاليه ويسير دوران السير عليه اكبر من استطاعته .

[* ابو باسل *]

أنا أشغل المكيف وأمشي 150 بس أفضي القير على شان ماينقطع السير ويخرب الكمبرسر


تمشي 150 وتفضي الموتر او تحط رجلك على الكلتش مدري كيف يطلع صوت المكينه تبي نفجر ياشيخ واكيد تشغل وترجع ثاني مره على 150 من الفاضي ههههههههههه

[مخاوي دابذريع]

لا والله الي اندمر الكمبروسر :D....

[K.S.A.A]

ياشباب ياأخوان تشغيل المكيف وهو يمشي مافيها أي شيء
والدليل أن المكيف يفصل ويشبك وأنت تمشي بأي سرعة كانت.
هذا دليل انك لو تشغل المكيف مايضره شيء إلا أن كان صدفه .
أما اللي سيارته قير عادي فهذي بسيطة للأطمئنان أدعس الكلتش وشغل المكيف ثم واصل الدعس.
والله يوفق الجميع ويحميهم من عطال المكيف خصوصا مع هالحر .

[ABO ZAIN 29]

أتوقع
ينقطع السير

[((ابوملاك))]

ابقول لك مثال قاله لي واحد فاهم بالسيارات :




(أذا كنت واقف على رجليك وشايل فوق ظهرك كيس رز 10 كيلو مثلا
وجا واحد وزاد كيس ثاني 10 كيلو وانت واقف ,
هي نفسها لا صرت تركض وفوق ظهرك 10 كيلو وجاواحد وزاده بكيس ثاني ..؟؟ أكيد لا ):p



فاذا موترك قير عادي اتوقع والله اعلم لا ضغطت الكلتش وصارت الموتر فاضي وانت تمشي وشغلته كأنك واقف والله اعلم انا معي كورلا سابقا قير عادي سنه ونص وانا اسوي هالطريقه ولا شفت شي منها والحين معي باثفندر اوتوماتيك ما اشغله الا وانا واقف او ما تعديت 40 وارفع رجلي من البنزين ولا لاحضت شي الحمد لله ....


بس المكيف مهو كيس رز

مدري من وين جبتو هالنظريه اهم شئ تكون سرعتك تحت 80 لو موصلن رجلك للاديتر

[جيبي جايزلي]

اقطع الشك باليقين ولا تشغل المكيف وانت مسرع

وبالنسبه للريحه امرها غريب لكن فيه طريقه يمكن تنجح اذا شغلت المكيف افتح الهوايه الخارجيه وخلها مفتوحه الين تحس ان الريحه بدات تخف واذا موترك مافيه هوايه خارجيه اسف ما اقدر افيدك بشي

[حلم البحر]

:lrتشغيل المكيف وانت مسرع مظرلان ظغط المكيف يكون عالي لضخ الفريون للتبريد اما انه يشتغل ويفصل وانت ماشي اتماتك لكي لايصل الى حالة التجمدوكثيراصحاب الورش لاينصح بالتشغيل وانت مسرع اسف على الاطالة

[Tamimi.fars]

غريب والله الريحه دايم تصير من الفريون وكثير من السيارات تكوون شد بلد ماتتغير ريحة المكيف إلا بعد زمن طويل

أنت طيب لو تشغل المكيف والسيارة واقفه تطلع الريحه او بس لمن مشيت اذا وانت واقف الأمر طبيعي

واذا بس معى الممشى بسرعه عاليه مرره على مهندس

الي يصير معي

بسم الله هذا اول اليوم اجي اشغل الموتر وروح لشغلي واول ما اشغل المكيف ينقلب مشواري خياس وريحه عفنة الين اوصل لشغلي واطفي السيارة ثمن ارجع من شغلي واشغل المكيف لين مافيه ريحه باختصار الريحه ماتطلع الا اول مشوار لي في اليوم وباقي المشاوير بدون ريحه

[ماون ماركز]

ياشباب ياأخوان تشغيل المكيف وهو يمشي مافيها أي شيء

والدليل أن المكيف يفصل ويشبك وأنت تمشي بأي سرعة كانت.
هذا دليل انك لو تشغل المكيف مايضره شيء إلا أن كان صدفه .
أما اللي سيارته قير عادي فهذي بسيطة للأطمئنان أدعس الكلتش وشغل المكيف ثم واصل الدعس.

والله يوفق الجميع ويحميهم من عطال المكيف خصوصا مع هالحر .


شف ردي السابق وتفهم ليش ما يضره وهو يفصل ويشبك والسيارة مسرعة
ويضره أثناء تشغليه والسيارة مسرعة
http://www.mekshat.com/vb/showpost.php?p=6873216&postcount=22

[القحطانى1]

بشكل عااااااااام افضل لأى سيارة بأن تهدى السرعة بحدود 60 وشغل المكيف

[مطر جدة]

من واقع مسأة احد الاصدقاء انه غير مرتين الكمبروسر بسبب انه يشغل المكيف والسيارة ماشية

مافيها شي لو قفت وشغلت المكيف ..

===

اما بخصوص الريحة .. اعتقد ياانه في مشكله صارت في الكمبروسر يا انه لازم تغير فلتر المكيف ..

وحتى تحافظ على جودة التكييف والتبريد يفصل تغيير فلتر المكيف كل ستة اشهر مع مراعاة عدم فتح التهوية الخارجية والتدخين اثناء تشغيل المكيف ..

ودمت سالم

[شيخ المواتر]

بخصوص الريحة
ما اشرط لك تروح الريحة,, بس جرب

و انت راجع من اخر مشوار قبل ما توصل البيت طف التبريدA/C و افتح الهواية .. خل المروحة شغاله وانت ماشي .

عشان الهواء الرطب يروح من مجرى المكيف ويدخل هواء جاف.

أتمنى تنحل مشكلتك

[عدد وحدد]

فيه ضرر خصوصن السيارات القديمه وحتى الجديد ومن باب الأحتياط شغل المكيف في السرعات المنخفضه او في الوقفات اما الريحه شيك على الفلتر ومجرى المكيف يمكن فيه شي ميت داخل المجرى جربوع او ماشابه وحاول انك تتبع الريحه لك يوم وتعرف مصدرها بالتوفيق

[الجندي2005]

ريحة فستق محروق مع شويت خياس مع ريحة غبار خفيفة



وصفك رووووووووووووووووووووعة


,

[Tamimi.fars]

ريحة فستق محروق مع شويت خياس مع ريحة غبار خفيفة



وصفك رووووووووووووووووووووعة


,

اشكرك

واشكركم جميعًا على تفاعلكم ونصحكم

[خنشلية]

اتوقع الامر يختلف من سيارة لسيارة. لاني مره لقيت واحد معه كيا في الصناعية قال وانا امشي فوق ال 120 شغلت المكيف وخرب الكمبروسر. طيب انا راكب مع راعي افاالون وعلى سرعة 160 شغل المكيف ولا صار اي شي. اتوقع انها تعتمد ياعلى نوعية السيارة والكمبروسر ولا على السيور
بعدين تعال انت وياه وش هالعجز؟ تبي تشغل المكيف هد وشغله كل ذي استعجال؟؟ (:

[فارس الحربي1]

يالطيب خليك معي وانا اعلمك وش مشكلة سيارتك باذن الواحد الاحد
اول شي لاكنت تمشي بالسياره والمكيف طافي يكون السير الوحيد اللي يدور هو سير المروحه
اذا شغلت المكيف راح يدور سير الكمبرسر مع سرعة الدوران المفاجئه يمكن ينقطع عندك السير وهذا خطر اذا كنت مسافر الله لايقوله
والافضل انك تضغط على الكلتش لمدة 3ثواني او 5 ثواني على ماتهدى المكينه وشغل الكبرسر وبعدها فك الكلتش تدريجياً علشان مايخرب الكمبرسر
اما الريحه غير السير حق المكيف اذا كان سيرين...... اما اذا كان سير واحد غيره
ولاتنسى يالطيب تنظف الثلاجه

[محمد القصر]

عشان الريحة <<<<<<<<<<<< تجي بعض اوقات من التتن ( الدخان )

[بلحارث]

اذا نظفت الفلتر ولاراحت الريحه حاول تاخذ ديتول بخاخ الخاص بالاسطح وليس الخاص بالغرف وترش فتحات التكييف وخل الرش يكون داخل حتى تبتل الممرات والمكيف طافي فالغالب ان الرائحة من بكتيريا تتكون بسبب الرطوبة داخل الممرات الخاصة بالمكيف

[عبدالله حماد]

اذا السيارة جديدة مافيه مشكلة بس يكون تحت الـ 120 كم

[fahd_shamary]

مايضر اذا وقفة او هدية السرعة دقيقة

[بو شوق]

شغل المكيف وانت ماشي بس السرعة خلها تحت الستين

[بروق الخريف]

لايوجد ضرر من تشغيل المكيف وانت ماشي


ومع احترامي الشديد لجميع الاراء


اذا لازم تهدي اثناء تشغيل المكيف

كيف اذا شبك وفصل تلقائيا وانت ماشي !!!

[بعيد الهقاوي9]

بالنسبه للريحه غير الفريون راح تلقى الريحه اللي تقول اول ماتنسم الفريون وزيت الكمبروسر راح يكون اسود

[DeltaMax]

اخوي بالنسبه لريحه اتوقع من الثلاجه لانو كانت عندي الثلاجه وسخه ويوم نظفتها ماصار فيه لا رريحة تراب ولا غير
وطلع منها بلاوي الله لا يوريك

اما تشغيل المكيف والسياره تمشي ما انصحك فيه لانو يخرب السير
ويعطيك العافيه

[عبدالله7777]

ان شاء الله مافيه الا كل خير

[ديفون]

يالربع انا صارلي نفس اللى صار لصاحب الموضوع رائحة غاز الفريون فجرت راسي وانا دايم اشغل المكيف والسيارة تسير

[abd135]

أنا كان معي فورد ميركوري موديل 90 قبل 15 سنة طفى علي الموتر وانا في مديور في طريق خريص وكان المكيف شغال ، ومن الربشة وراي سيارات وزحمة دقيت السلف قبل ما أطفي المكيف واحترق المكيف علي ، لكن هذه الملاحظة غالبا في الفورد ، واحد من الشباب يشغل المكيف وهو يمشي 120 وما ضره إلا يومك .

[رااس القطاه]

المكيف مايضره الا اذا كنت بسرعه عاليه يقص السير عليك

[ALBDRANE]

هذا المكيف وشفنا ردودكم وأستفدنا طيب الثلاجه لو بغينا نبرد لنا عصيرات ولا مويهه هل ينطبق عليها نفس الكلام أذا بشغلها والمكيف طافي ؟؟