وش الافضل تاهو دبل او بدون دبل [الأرشيف]

فتى السمار

13/06/2011, 07:48 PM

السلام عليكم ورحمة الله وبركاته

كيفكم ياشباب حبيت اخذ مشورتكم

انا ناوي اشتري تاهو 2011 بس احترت دبل او بدون دبل

وش الا فضل دبل او بدون دبل تكفون ابي ارئكم الحلوه

baaasss

13/06/2011, 08:05 PM

وعليكم السلام ورحمة الله وبركاته
والله ياخوي اتوقع انت اللي تحدد هالشي ... تحتاج الدبل والا لا وبعدها قرر؟

وادي حويره

13/06/2011, 08:56 PM

اذا انت راعي طعوس وبر وجبال فالدبل انسب خيار لك
لكن اذا انت راعي مدينه وسفر فبدون دبل انسب لك

abo_hoor

13/06/2011, 09:55 PM

اذا انت راعي طعوس وبر وجبال فالدبل انسب خيار لك
لكن اذا انت راعي مدينه وسفر فبدون دبل انسب لك

مثل ماقال اخوي وادي حويره شوف اللي يناسبك وانت بعد اخوي فتي سمار شوف اللي عنده بدبل اسال عنه هل فيه خربات اولا والف مبروك مقدماا

ابو وكر

13/06/2011, 09:59 PM

الدبل افضل وانت ورايك

أبوحمزه

13/06/2011, 10:16 PM

اكيد دبل يجي يوم وتحتاجه شكرا لك وبتوفيق

Tamimi.fars

13/06/2011, 11:11 PM

ذكرتني بأبوي الله يطول فعمره على الطاعة يوم جينا نشتري تاهو يقول منيب شاري الا دبل الي بدون دبل تيسٍ مخصي ومنيب شاري الا جديد اول من ي.... على مرتبته انا ههههه

انا اقول دبل يجي يومه الي تشغله

بنزرت

13/06/2011, 11:16 PM

السلام عليكم
اخوي تبي نصيحه لله؟؟ ترا الدعوى واضحه مثل الشمس الصلاة خير من النوم
اشتري دبل حتى لو ما انت راعي بران وطعوس

baaasss

14/06/2011, 12:38 AM

انا اخالف اخواني الاعزاء
اولا ليش تدفع مبلغ وقدره
ثانيا من ناحية الصيانة
ثالثا من ناحية الخفة بدون دبل اخف
اذا انت مانت راعي بر لا تاخذ دبل
واحد من الاخوان اخذ برداو .. وش غير البرادو.. باعه ما عمره طلع بر والا شغل الدبل
ارجع واقول انت اللي تقرر هالشي ... راعي بر ولو كان قدر بسيط خذ دبل..ما انت راعي بر لا تاخذ

مواسي الطعوس

14/06/2011, 01:31 AM

الدبل خوي طيب .....لو توقف تصلي وانت في خط ((تبعد شوي عن الناس))

** لو تحتاج ترقى رصيف .
** يساعدك ويفتح لك مجال للنزهه ولاستمتاع في البر ومن لايحب البر .

**الفرق 10الاف ريال فقط .....وعند البيع يقل الفرق الدبل اقل خساره ب 5000الاف ريال اقل شي .يعني الفرق صار 5000الاف .

((انا اعتبر الدبل موتر ثاني)) اثنين ...في ....واحد

بوراشد

14/06/2011, 01:48 AM

السلام عليكم ورحمة الله وبركاته

كيفكم ياشباب حبيت اخذ مشورتكم

انا ناوي اشتري تاهو 2011 بس احترت دبل او بدون دبل

وش الا فضل دبل او بدون دبل تكفون ابي ارئكم الحلوه

عسى الله يوفقك ويعطيك خيره ويكفيك شره مقدماً

بالنسبة للدبل
لا صارت مراويحك للبر صيف وشتا وجايز لك التطعيس واذا كنت من ربعي تدخل الريضان بليل توكل على الله واخذه دبل وعسى الله يبارك لك

بالنسبة لبدون الدبل
لا صارت مراويحك للبر مغير الشتا ودروبك بينة وواضحة ومالك فالتطعيس واغلب ممشاك على الطريق المعبد اخذ بدون دبل وعسى الله يبارك لك

بالنسبة لي انا معي بدون دبل لكن مالي فالتطعيس لكن وجود الدبل ابرك من عازته

فارس الحربي1

14/06/2011, 02:04 AM

يارجال اذا تبي رائي خذلك دبل
يمكن تروح للبر وتغرس وماعندك احد لسمح الله ينفعك الدبل باذن الواحد الاحد

اما اذا كنت راعي ديره وحق خطوط خذ بدون دبل لان الدبل ثقيل شويه على الموتر

شقردي الجبيل

14/06/2011, 02:21 AM

وعليكم السلام ورحمة الله وبركاته

ومبروك مقدما على شريت الجيب وهذا رابط هديه لك ومبرك مره ثانيه:good2:

http://www.youtube.com/watch?v=fLS90mccrhU (http://www.youtube.com/watch?v=fLS90mccrhU)

.أبوعبدالرحمن

14/06/2011, 10:05 AM

وعليكم السلام ورحمة الله وبركاته

عني أنا سقت يوكن 2007 الشكل الجديد بدون دبل

وسقت تاهو 2009 بدبل والله ما فيه أي فرق يذكر وإن كان هناك فيه ثقل فهو ما يتجاوز من 1 الى 2 %

يعني مافيه فرق وبعدين الدبل إن نفعك وإلا ما ضرك وبيجي يوم وتقول ليتني شاري دبل

خصوصا إذا غرزت على الخط او طلعت بر خفيفة تكره السيارة والدبل زين

ولا تنسى الاستخارة

الجبل الراسي

14/06/2011, 10:21 AM

تاهو بدون دبل الددسن اطلق من شاربه نصيحه اشتر دبل وتوكل على الله

شبح الصحراء

14/06/2011, 10:45 AM

مافيه مقارنة خذ دبل سواءً كنت راعي بر ولا خطوط يجي يوم تحتاج الدبل والله يكتب لك التوفيق .

ABO ZAIN 29

14/06/2011, 12:37 PM

انا عندي تاهو اخدته بدون دبل علشان كثرة الاعطال
وندمت لما غرزت مره في طلعه للبحر

Bader-M

14/06/2011, 01:16 PM

اكيد دبل وخاصه ان الفرق بيسط بسيط جدا لا يتجاوز 10 % من قيمة السيارة

أبوهادي

14/06/2011, 03:27 PM

عبد الله 99

14/06/2011, 05:06 PM

اخوي انت دافع دافع خذ بدبل افضل لك بيجي اليوم الي تحتاجه فيه و انت استخر وشف الي الله يكتبه

AxR979

14/06/2011, 05:13 PM

الافضل انك تاخذ دبل اذا كنت تحتاجه او التاهو هو موترك الوحيد و ما عندك الا هو ..

بس انتبه لصيانته و تسريب الزيت به ..

البيضاني

14/06/2011, 05:29 PM

الفرق واضح جداً و لايحتاج الى كثيراً من الفتاوي
دبل مثل ماقيل خوي طيب متى ماتحتاجه تلقاه

YUKON_GMC

15/06/2011, 06:12 PM

دبل لك وللزمن

فتى السمار

31/07/2011, 02:09 PM

اشكر كل من مرعلى الموضوع وابدى رايه

وتم شراء تاهو دبل 2011

صحراء الدهناء

31/07/2011, 05:06 PM

اشكر كل من مرعلى الموضوع وابدى رايه

وتم شراء تاهو دبل 2011

الله يبارك لك فيه ويعطيك خيره ويكفيك شره

youssf

31/07/2011, 06:40 PM

بدوي جنوبي

31/07/2011, 09:43 PM

اشكر كل من مرعلى الموضوع وابدى رايه

وتم شراء تاهو دبل 2011

بكم السعر اذا ما عليك احراج
ونوع الفئه ؟
لان اخوى يبي يشترى تاهو
فقلت له انتطر ممكن ينزل تخفيضات مع شهر رمضان المبارك

يريور عيمان

31/07/2011, 10:02 PM

الف مبرك
والله يبارك لك في الموتر

فتى السمار

01/08/2011, 12:30 AM

بكم السعر اذا ما عليك احراج
ونوع الفئه ؟
لان اخوى يبي يشترى تاهو
فقلت له انتطر ممكن ينزل تخفيضات مع شهر رمضان المبارك
السعر 139000 ونوعه lt

فتى السمار

01/08/2011, 12:33 AM

نصيح من اخ الى اخية لاتاخذ دبل لان بعد فترة من الزمن تهرب الصووف وبعدين ثقيل في الخط واذا تبغى تقطع الشك بالقين روح الوكلات الجميح والتوكيلات العالمية والعيسى اكثر خربات والله يوفقك لما تحب وترظى .
شرينا وانتهينا اوما ثقيل في الخط لا انا مجربه مافيه مثله خفيف ومريح يعني سيارة خط
درجه اولى ماشاء الله عليه

كم كيلو باقي

01/08/2011, 12:52 AM

افضل خيار انك أخذت بدبل الحمدلله .. غرزنا بموتر ولد خالتي على طريق الرياض الدمام مابيننا وبين الزفلت ولا متر

الساعة 2 الظهر بعز الصيف .. والله كرهنا عيشتنا واليوم اللي طلعنا فيه 3 ساعات تحت الشمس .. والموتر اللي بدون دبل مايحتاج ثقيل لوه بنفس محلنا بالخفيف يطلع

والف الف مبروك .. الله يهنيك فيه ويعطيك خيره كله ويكفيك شره كله

راعي الفورت

01/08/2011, 01:09 AM

نشارك برأينا وهناك موقف

أولا : مشكلة التاهو الدبل حساسه سريع التعليق خاصة في التطعيس أو عند الدخول في الرمال وهذا حصل لي أنا شخصيا أكثر من مرة .

ثانيا : اللي بدون دبل أعرف واحد من الشباب اشتراه ويوم من الأيام غرز على الردمية بينه وبين الخط 4 أمتار والله قهر

ومبرووووووووووك عليك الموتر

والله يطعمك من خيره ويكفيك شره

fahad marzouq

01/08/2011, 01:21 AM

انا معي تااهو 2011 دبل ؟ اشتر دبل وتوكل علي الله ... يجيك لحظات تقوول ليت الموتر فيه دبل . كاني معي يوكون بدون دبل ......... قسم بالله اني اوقف علي الخط ماااقدر انزل بالطعووس .. نزلت مره ولا عدتها من قلص لقلص لين طلعت من الطعووووس ........... العمر راايح يابعدي انبسط بس وريح راسك ؟ بقول سالفه مره اول ماطاحوو العالم بالاب توب .. كان بالاف الريالات واذكر اني كنت محتار واستشرت واحد من الشبااب قال لي : مرات تجيك لحظات تحتاجه تقول لو بعشرين الف شريت .. فاقتنعت في حكيه وشريت ؟ الله يوفقك ..
وكل عام وانتم بخير ومباارك عليكم الشهر ..