تحذير لأخواني في الله من عمال غسيل السيارات في المواقف !!!

[ابوديما]

من حرصي على سلامة سياراتكم وخاصة الجديده من عمال غسيل السيارات داخل المواقف أعرض عليكم ماحصل لسيارتي أثناء وقوفي في مواقف البطحاء بالرياض لأخذ الحيطه والحذر ..
ذهبت الى البطحاء وكنت مستعجل أريد أن ألحق على محل قبل اغلاق المحلات لأداء صلاة العشاء ووقفت سيارتي الجديده في مواقف البطحاء خلف عمائر الراجحي وجاء الي عامل بنقالي يطلب غسيل السياره وخشية من خدشها من الأدوات التي يستخدمها وخاصة ان لون السيارة أسود فقلت له ( لا ) لأني مستعجل وسوف أرجع خلال خمس دقائق ، المهم رجعت وكانت المفاجأه ضرب حلق الباب بجوار الزجاجة الأماميه بطنب من شدته كأنه استخدم الدريل وطبعاً هرب ولم أجد في الساحة أي عامل حسبي الله ونعم الوكيل
أخواني اذا جاءك مثل هذا العامل فعطه ولو 5 ريالات لإتقاء شره وخاصة اذا كان المكان يعج بالعماله .
مع تمنياتي لكم بالسلامه

[دحيم الفزعة]

لا حول ولا قوة ألا بالله
الله يعوض عليك
ما لك ألا قولة حسبي الله ونعم الوكيل
لكن عندي رأي =يمكن= يكون أحسن وهو أذا جاك العامل وأنت ما تبيه يغسل موترك أبتسم له أبتسامه بسيطه وقل له == شكرا محمد == بدون ما تعطيه فلوس

[volcano]

الله يعوض عليك

لكن اسمحلي اللي يدفع جبان ويعملهم على البلطجة لو يحرق الموتر كله ما يشوف هللة. سو مثل ما قال دحيم والا اطلع من المواقف .

[zulfi]

طيب هل من المعقول ان يكون هو !!!!

[ماون ماركز]

ما أتوقع أنه العامل .. ما أظن بسويها وهو رايح يشتغل كل يوم بنفس المكان
لأن العامل أكيد من أشهر او سنوات وهذا محله .. مو معقولة أنه كل يوم بيضرب
سيارة وينتقل لمكان أخر ..

هذا واحد حاقد لأن السيارة جديدة .. مر وشافها .. وأقرب ما يكون الشباب المراهقين
اللي دوران وأذية الناس وأذية محارمهم .. تحصلهم متحدين ورهان مع بعض .
وحصلت من المراهنات والتحدي أمامي على أشياء غبية يسوونها ..

طيب ليش ما رجعت ثاني يوم وبحثت عنه وسألته ..

[قرم العيال]

لو انا منك والله لا احبل له البنقالي ابن اللذين من بكرى واصيده ,, بموتر ثاني طبعا

[بيك اب 4X4]

والله انا اشك ان المواقف هذي فيها بلا
انا طلعت للرياض قبل سنه و سكنت في فندق تويلب ان ( فندق البطحاء سابقاً )
اللي في نفس عماير الراجحي
المهم موتري جديد و من قرادتي وقفت في نفس المواقف و اليوم الثاني
احصل حكه في الصدام الخلفي مع ان وقفتي صح و بين السيارات يعني ماني طارف
حسبي الله و نعم الوكيل

[بدرالرياض]

اذا مافيه امن يحميك خل فلوسك تحميك عطه لو ريالين

[عبدالله44]

لاحول ولاقوة إلابالله العلي العظيم
حسبنا الله ونعم الوكيل
"ليه مايسوى حملات وتصويت ضد العمالة السائبه"

[((ابوملاك))]

ما أتوقع أنه العامل .. ما أظن بسويها وهو رايح يشتغل كل يوم بنفس المكان
لأن العامل أكيد من أشهر او سنوات وهذا محله .. مو معقولة أنه كل يوم بيضرب
سيارة وينتقل لمكان أخر ..

هذا واحد حاقد لأن السيارة جديدة .. مر وشافها .. وأقرب ما يكون الشباب المراهقين
اللي دوران وأذية الناس وأذية محارمهم .. تحصلهم متحدين ورهان مع بعض .
وحصلت من المراهنات والتحدي أمامي على أشياء غبية يسوونها ..

طيب ليش ما رجعت ثاني يوم وبحثت عنه وسألته ..

الحين تدافع عن البنقالي النجس

وتحطها بعيال ديرتك ؟؟

كنك ما كنت شاب من قبل ؟؟؟؟

الله يهديك وانا اخوك وش هالكلام

[ابوديما]

شكراً على تفاعلكم ، واذا كان غير هذا العامل فلماذا هرب ولم أجده ؟
أستبعد تماماً أن يقوم بها أي من الشباب السعودي والحقد من العماله الوافده كفانا الله وإياكم شرهم

[ابرق المستوي]

لاحول ولا قوة إلا بالله
كان غسلتها يالحبيب وافتكيت

[ماون ماركز]

الحين تدافع عن البنقالي النجس

وتحطها بعيال ديرتك ؟؟

كنك ما كنت شاب من قبل ؟؟؟؟

الله يهديك وانا اخوك وش هالكلام


الله يهدينا جميعاً

لكن يالحبيب .. عيال ديرتي ماهم منزلين من السماء ملائكة

وأنا ما قلت كل الشباب بديرتي .. أنا حددت نوع منهم وهم المراهقين الديشير
ولا برأت العامل .. العامل حطيت له أسباب ربما لا يكون هو لأنه صعب يغير مكانه كل مرة عشان يخرب سيارة
مو مثل الداشر اللي يمر ويضرب السيارة او يكسر الأنتل او يخفس الباب برجله ويمشي
هذه أنا كلها شايفة بعيني في مواقف مدرسة ثانوية .. لأن بيتنا مقابل مواقف مدرسة ثانوية

العن ما تشوف ها الديشير بالشوراع .. تفحيط وسرقات وخطف ومضاربات وأستهتار بالنظام من عكس شوراع وتقطيع أشارات وسرعة وأغلاق الشوراع يسولفون ورفع اصوات المسجلات بالغناء والأمام يصلي ليلة القدر او يصلي التراويح .. وغزل وأذية بنات وأولاد المسلمين

من كثر ما نصحتهم بمواقف المدرسة قدام الباب صرت أخاف أطلع موتري بالشارع . لأن النصيحة برأيهم أهانة ولازم ينتقم

يعني مو خافي عليك او علي ..

[مسير عليهم]

طيب انت شايفه وهو يضرب موترك

والا جيت ولقيت الموتر مضروب وبس


المواقف خلف الراجحي اعتبرها مغامرة ان طلعت منها سليم اسجد لله شكر

[* ابو باسل *]

لاتعطونهم ولا ريال تعودن العماله على الشحاذه والتمسكن ويصير عارف انك تخاف على سيارتك منه وبتالي الي مايعطيهم يخربون له سيارته وتصير ضاهره الا اكرشه ولا شفته عند السيارة توط في بطنه بعد والله ماشفنا من هالعماله غير السرق والنهب وافساد الممتلكات.

[ابو محمد 98]

السلام عليكم
لو انك استودعتها الله ماكان جاها شي باذن الله
والله البنقالي يجي منه هاالحركات فيهم حقد غير طبيعي

[راعي الصطحة]

يارب ان ينتقم منه شر انتقام آمين
يارب العالمين الله يعوض عليك

[ماون ماركز]

شكراً على تفاعلكم ، واذا كان غير هذا العامل فلماذا هرب ولم أجده ؟


أرجع للمكان أكثر من مرة بأوقات متفاوتة .. وأبحث عن العامل
اذا حصلته أطلب الدوريات وسلمه لهم بأنك متهمه بتخريب سيارتك
وهم بطلعون الأعتراف منه

لا تخلي حقك .. حتى لو قالك سامحه قل لا .. قل حوله للقسم وأنا أتفاهم وياه هناك
خله بالسجن لين يعرف الله حق ..

[الطرس ممدوح]

لا حول ولا قوة ألا بالله
الله يعوض عليك

[ابوديما]

السلام عليكم
لو انك استودعتها الله ماكان جاها شي باذن الله
والله البنقالي يجي منه هاالحركات فيهم حقد غير طبيعي

صدقت يا ابو محمد العجله نستني كل شئ ...
والله الواحد كأنه غريب في بلاده من كثر العماله ، اذا صليت في أي مسجد تحصل السعوديين ينعدون على أصابع اليد الواحده هذا بالنسبه للعماله المسلمه ، وماخفي كان اعظم ، والبارحه رحت لمحلات بيع الكمبيوترات في العليا ماهوب معقول كل السوق اجانب ويوم طلعت للدور الثاني أدور كيبورد للابتوب كأنك في الهند أو بنجلاديش تمشي وأنت تخاف لاتسرق والغش هناك على ودنه على ماقال اخوانا المصريين ما أدري وين وزارة التجاره عنهم وهيئه المواصفات .. وغيرها ... الله يعينا

[سليمان الربيعان]

الله يقلعهم من ديارنا مهنا انجس منهم ولا تعطيه ولا ريال تساعدهم على الاذيه
رح للمكان ثاني مره بسياره ثانيه ودوره

[ابوعقل]

من جدك اعطيه خمسه ؟؟!!

والله ولا ريال

واذا صار شي لسيارتي

حسبي الله ونعم الوكيل

بكر بيجيك يطق الباب ويقولك وين فلوس !!!!!!

وانت تبي تعطيه ؟؟

لا ياخوي الفلوس ما لقيتها بالشارع علشان اعطيه بدون مقابل

الله يصلح الحال

[سوسة حطب]

كلامك صح انا مواقف مستشفى العسكري طلب مني بنقالي يغسل سيارتي فرفضت خوفاً من تمخيش سيارتي رجعت ولقيته كاسر الاسطب
فقط معلومية : هذولا يحقدون وحقدهم واضح ونصيحه لك يا أخوي إذا تذكر وجهة ارجع ودور عليه علاج ذول بيدينا نحن لو كل واحد أدبه كان ما تجراء على أحد
مشكور وما قصرت

[قرناس صلا]

ازين حل ,اذا شكيت فيه, طلع الجوال وصور خشته وقله شكرا
على الاقل تعرف شكله اذا خرب السيارة او يهاب ترجع له

[GMC 111]

الحين انت شايف الرجال يومك حاط موضوع عنه

تلقى ذا السملق الي في الشوارع هم الي مسوينها فيك

[YUKON_GMC]

مافيه دليل على العامل ولاتظلم حضك ..

اكثر اللي يخربون هم الدشير المفتونين بالسيارات ومن القهر لما يشوف سياره جديده يروح يمشخها او يكسر قزازها لأن ماعنده زيها

خصوصاً الدشير المراهقين اللي اكثرهم خريجين سجون وعارفين النون ومايعلمون ويمكن واحد حاذفها بحجر من نافذة احدى البنايات القريبه لأنك وقفت مكان سيارته او قدام بيته

العمال اغلبهم جبنان ولايسوها يخاف اي واحد مار من الشارع يشوفه ويمسكه بأذنه !

[الحصان 1]

لاحول ولاقوة إلابالله العلي العظيم
حسبنا الله ونعم الوكيل

[نمر977]

ترى الكلمه الطيبه صدقه والإبتسامه لها دور في إزالة مافي نفس الحاقد ، ترى مافيها شيء لو قلت له (صديق شكراً ) كما قال احد الزملاء سابقاً وكذلك اللي ضرب السياره ممكن يكون حاقد كما حصل معي . وكنت أوصل سيارة لمديري وهي من نوع كدلك 2011 جديده وجاء واحد راعي افلانشر ويبغى يتجاوز من اليمين جنب الرصيف ولما ضربت له بوري جن جنونه وصار ينطل بالسياره امامي ويضرب فرامل وحركات حقد وإستهبال

وآسف على الإطالة

[الجبل الراسي]

يمكن مضروب قبل ونت ماشفته ويمكن العامل المروح

[Tariq9988]

السلام عليكم
صراحة انا اذا رحت للبطحاء او اماكن زحمة وتخاف على سيارتك
وشفت اللي يغسلون اخليه يغسلها لاني عارف انه راح يجلس عند الموتر حتى ارجع له وياخذ فلوسه
فانا استفدت منه انه يحرس السيارة اكثر من تنظيف السيارة
هذي الحركه تعلمتها من شايب حكيم
ومن تعلمتها الى الان وانا اطبقها خصوصا في البطحاء

[مواسي الطعوس]

اذا موترك مامسك غبار مطر ....ونظيف شوي خله يمسحه ....مارايح يخترب البدي عليك .

[abuslman88]

لا تعطيه ولا ريال
واذا ثبت أنه هو تصيده في اليوم الثاني وأعطه بيسارك ( إكراما لليمين ) كفين واطلب 999
نحن في بلد الأمن والحمد لله ومثل هذا وأمثاله نأخذ على أيديهم

[القحطانى1]

الاحول ولا قوة الا بالله

[ابوديما]

السعوديون ما يخربون السيارات يسرقونها ممكن من
اجل التفحيط ، والي يخربونها الأطفال مثل حكه سيكل أو ولد شقي ودائماً تكون مشوخ مهيب ضربات وقد يحصل حكه من سياره بجانب سيارتك

[لكزس_جيب]

السلام عليكم
صراحة انا اذا رحت للبطحاء او اماكن زحمة وتخاف على سيارتك
وشفت اللي يغسلون اخليه يغسلها لاني عارف انه راح يجلس عند الموتر حتى ارجع له وياخذ فلوسه
فانا استفدت منه انه يحرس السيارة اكثر من تنظيف السيارة
هذي الحركه تعلمتها من شايب حكيم
ومن تعلمتها الى الان وانا اطبقها خصوصا في البطحاء

^
^
رأي سديد


عسى الله يعوض عليك ..

[aboibrahim74]

السلام عليكم
صراحة انا اذا رحت للبطحاء او اماكن زحمة وتخاف على سيارتك
وشفت اللي يغسلون اخليه يغسلها لاني عارف انه راح يجلس عند الموتر حتى ارجع له وياخذ فلوسه
فانا استفدت منه انه يحرس السيارة اكثر من تنظيف السيارة
هذي الحركه تعلمتها من شايب حكيم
ومن تعلمتها الى الان وانا اطبقها خصوصا في البطحاء

فكرة رائعة .. الله لا يظرك

[aboibrahim74]

جزاك الله كل خير أخونا صاحب الموضوع
وتعليقاتكم كلها على عيني وراسي
بس نسيتو أهم شي

الاستعانة بالله ... وقراءة الاذكار دائما
وثق تماما بأنك لو كنت مع الله فلن يضرك أحد
حتى لو اجتمعت الانس والجن

الله يستر علينا جميعا من شر السيارات
ويعطيكم خيرها ويكف عنكم شرها

[aboibrahim74]

اذكرو الله
سبحان الله وبحمده سبحان الله العظيم

:s