رايكم في الفورتشنر [الأرشيف]

فتى الرمال

15/06/2011, 12:34 AM

الاخوه الكرام ابغى رايكم في الفورتشنر لاني افكر اخذ لي واحد انا عندي شيروكي سبورت ولكن مشكلته انه ضيق وكذلك الحراره وانا افكر اخذ واحد تقسيط ولكن سعره غالي شوي ومحتار بينه وبين البرادو

ابا الصلابيخ

15/06/2011, 12:52 AM

الفورشنر يمدحونه الناس من حيث القوة والمتانه ولكن انه ضيق
والبرادو احسن من الفورشنر بنظري

صقرحايل

15/06/2011, 01:13 AM

مرحبا اخوى
والله كلهن مامن امور

قاصد_الخير

15/06/2011, 01:39 AM

انا معاي فشفش

2011 VX1

عيوبه

المطب القاسي
غير مريح بالسفر

HAS5SAN

15/06/2011, 01:39 AM

ممتاز جداً وخاصة الـستة سلندر

ابو تفليقه

15/06/2011, 02:32 AM

لاانصحك بإقتنائه
ضيق ولا فيه فخامه بالنسبه لسعره وشكله غبي مع احترامي لمالكيه
وانت تبيه عشان الي معك ضيق وللاسف بتروح للي اضيق من الي معك

رغوه

15/06/2011, 02:36 AM

اذا وصلت سعره خذ لك اكسبديشن احسن منه وحول السعر وواسع ومريح

omar 3

15/06/2011, 03:06 AM

والله انه ضيق عن تجربة وسرريع الانقلالاب

أسأل مجررب ولا تسأل طبيب قلبنا فيه بالدهنا اغبى قلبه على وجه الارض

وضيق انصحك نصيحة اخوو خذ برادو

ذيب المسآري

15/06/2011, 06:03 AM

قبل اسبوع قالب فيه

انحشششششششش

خالد Khaled

15/06/2011, 12:33 PM

السياره خلوصها الأرضي كبييير بنفس الوقت تعليقها متصل !!!!!!!!!!

ياسبحان الله كيف تجي مع بعض الله اعلم !!!!!!!!!!!!!!!!!!!!!!!!!!!!!

والأمان فيه صفرررر مثل ماقلت تعليق متصل وانضمة السلامه معدومه والصدام الخلفي فايبر بدون صاجه !!!
والراحه فيه معدومه وضيق ووسائل الترفيه صفررررر عندك مسجل غبي لونه اخضر بس
والديكورات تتفكك مع مرور الزمن والتخشيب اللي مركبه ابو جميل غبي وتقدر تحركه بالوكاله !!!!!!!!!!

غير كذا هو اساساُ Hilux SW4 يعني هايلكس مصندق بكل شيء فقط الشكل الخارجي
اللي يحمل ملامح الهايلكس

وكل هذا وسعر نااااار

ابو جميل استغل استعباد الشعب

بروق ساق

15/06/2011, 01:12 PM

والله أنه براسي ولو عندي فلوس ما شاورت عليه ،،،،،،،،، يكفيك إنه تويوتا ولا يهمك كلام الناس ضيق سريع الأنقلاب وغيره
بس لا تأخذ إلا 6 سلندر دفلك مثبت سرعه مكيف ألكتروني ورخيص بعد 112500 ريال

مواسي الطعوس

15/06/2011, 02:14 PM

الراحه صفرين ((للمرتبه الثانيه))

** مطبه غريب ...يخليك تهتز يمين يسار .....اكثر من فوق تحت ((مطب السيارات العاديه ))

** الصدامات امامي وخلفي ((عله)) كبس ويخترب دائم .

**القير العادي مع البطناج ((يفضي)) وكل ملاكه في تويوتا العربيه يقولون عادي (امسكه)ولا يفضي هههه.

** لو فيه خير كتب عليه ((لاند كروزر))

Tamimi.fars

15/06/2011, 02:30 PM

**القير العادي مع البطناج ((يفضي)) وكل ملاكه في تويوتا العربيه يقولون عادي (امسكه)ولا يفضي هههه

هههههههه امسك القير لا يفظا مع احترامي لملاكه موتر عفن صناعته بدائيه وشذا القير الي مع الرج في البران يفظا قيره

القير يفظا هذا من وسائل السلامة الاندنوسية<<<< ههههههههه

hgvfdu

15/06/2011, 02:35 PM

سلام عليكم ورحمة الله وبركاته

سؤال لجميع من لا يوئيد امتلاك الفورتشنر
بماذا تفسر انتشار الفورتشنر الواسع خلال الخمس سنوات الاخيرة؟
طبعا ما بعد تكلمنا عن مواصفاته الرائعة والتي قد لا تجتمع في سيارات افضل منه سمعه

يعني هل اللي مشترينه كلهم ما يفهمون (ولاحظ اني اقول الخمس سنوات الاخيرة وليس سنه ولا ثنتين)

مواسي الطعوس

15/06/2011, 02:39 PM

نعم الناس في السيارات معلوماتهم قليله جدا ...........والموتر كان رخيص ...واكثر من اشتراه اول مره يملك جيب ....وانا اعرف كثير اشتروه بعد لاند وباترول ((وباعوه))يقولون مهب موتر .

رمز الوفا

15/06/2011, 02:40 PM

ممتاز بس خذ 6 سلندر اناا معي واحد
مااشا الله عليه 2011عااادي

خالد Khaled

15/06/2011, 02:50 PM

اول واهم شيء شعار تويوتا اللي يعمي العين والقلب

ثانياٌ اغلب الشعب ماعنده ثقافه عن مواصفات الأمان بشكل عام واهميتها بالسياره

همه مكيف وقير ومكينه بس

ثالثاُ ولها علاقه بالأولى الشعب ماجربوا السيارات الأخرى من نفس الفئه << لا اقصد سياره معينه شاهد المنافسين وجربهم بعيداُ عن استعبادك للتويوتا

والفل كامل شفته قبل شهرين بــ 120 الف ريال ومواصفات بدائيه منها الأريل يدوي ؟

تخيل تدفع هالقيمه وتطلع بهايلكس مصندق ؟؟؟؟؟

طيب واذا اخذته اقساط كم بيطلع عليك .... اضافة الى ارباح ابو جميل ؟؟

خالد Khaled

15/06/2011, 03:03 PM

نسيت عيب اخر بالمدعو فشفش

الفرامل جداٌ سيئه .... وياحبيبي لاوجود للـ ABS

ذيب الديماكس

15/06/2011, 03:11 PM

السلام عليكم
اخوي من واقع تجربه انا اقول لاتضيع دراهمك على موترر مش حالك
انا برايي انك تاخذ لاند كروزر ===الجي=== السياحي بقيمه الفل من الفورتشنر ويكفيك انه لاند ونشاط ووسيع وابيكم تتقبلون رايي بكل سعه الصدر
اخوك الذيب

مواسي الطعوس

15/06/2011, 03:11 PM

الناس تقيس على الانتشار ....والتويوتا لو ينزلزن دباب انتشر ....اجل الهايلكس دعايتها ((تسحب ديره))

**الكورلا .......ينزل منها 8 اشخاص .....ويجي واحد يصوت بقوه في الغماره هل بقي احد ..ههههههههههههه .صارت عماره مهب سياره .

فتى الرمال

15/06/2011, 03:24 PM

مشكورين اخواني كلكم الان الصوره وضحت

بروق ساق

15/06/2011, 09:10 PM

نسيت عيب اخر بالمدعو فشفش

الفرامل جداٌ سيئه .... وياحبيبي لاوجود للـ ABS

لا تقول وشيء وأنت ما تدري VX2 يجي به ABS ومراتب جلد ومراتبة السائق تمكم ألكتروني

إذا قيمته معك لا تشاور ـــــــ أعقلها وتوكل

ن.ن.د

15/06/2011, 10:29 PM

0)"]السلام عليكم[/C][/SIZE
[SIZE="4"]انا من رأيي انه كل واحد انقلب يقول لنا تجربته كيف انقلب بالتفصيل عشان نعرف هي (غشامة) منه او من الموتر و اذا متوفر صور للقلبة يحطها بعد .[/C[/SIZE
[SIZE="4"]0)"]و انا انصحك لا تاخذ شور من الانترنت ، استشر احد تعرفه] كبير بالسن[][d"] له خبرة في هذه الامور [/SIZE

الجندي2005

15/06/2011, 11:27 PM

هايلكس بطريقة ثانية ،،،،،،،،،،،،،،،،،،،،،،،،،،،،،

قيمته جديد تجيب GXR نظيف

,

abuslman88

16/06/2011, 12:03 AM

يكفي أنه تويوتا
واذا معك شويت فلوس زيادة أنصحك بالاند يا حبي له

خالد Khaled

16/06/2011, 03:41 AM

لا تقول وشيء وأنت ما تدري VX2 يجي به ABS ومراتب جلد ومراتبة السائق تمكم ألكتروني

إذا قيمته معك لا تشاور ـــــــ أعقلها وتوكل

مصيبه اذا الــ Vx مافيه abs :D

لعلمك الـ ABs لازم يكون قياسي او على الأقل غير موجود بالأستاندر

طيب وماذا عن بقية مواصفات الأمان مثل منظم الإستقرار الديناميكي او نظام التحكم بالجراو نظام توزيع قوة المكابح وكم عدد الإيرباقات ؟
وكيف مقاعد الجلد ؟؟؟
وكيف حرية التحكم الالكترونيه المحصوره بالسائق ؟؟؟
ومارديت عن الكلام اللي قلته بالمشاركة الاولى

خالد Khaled

16/06/2011, 03:44 AM

يكفي أنه تويوتا
واذا معك شويت فلوس زيادة أنصحك بالاند يا حبي له

خلاص يعني اذا شعار تويوتا بخشم السياره وبذنبها تكون السياره نازله من السماء

ولايصيبها الخلل ولا الزلل ولو طار سعرها بالعلالي بالرغم من شحها بالمواصفات

تبقى تويوتا مقسده عن الشعب السعودي !!!!!!

ياعجبي

4x4ofroad

16/06/2011, 11:22 AM

بقيمته لو تاخذ vxr 2006 احسن ب 1000 مره

محطم عنيد

16/06/2011, 11:46 AM

أنا ماجربت الموتر ولا شيء لكن خذ كلامي بخبرتي بالمواتر (يهايط هههه )

أرى إنه الهلكس بس مصندقة

واشوف بعض الردود يقولون وش سر إنتشاره مع الناس

إقسم بالله إن الناس ماتدري وين رايحه اللي يمشي مع الناس أخذوه إلا من رحم ربك

الشعب عندك غبي والله لو ترفع سعر مثلا الهالكس شارينه شارينه همج ماعندنا سياسة إقتصادية

ياخي عندنا شركات والله مبدعة لكن ماخذت حقها بسب غبائنا

المهم ماودي أكثر عليك

إذا تبي شوري خذ لك باثفندر أو إكسدبينشن

بس ترى الباثفندر قوي وواسع ومريح بس عيبه فيه غشش يعني كثثير يقولون تخبط مكينته وأنا والله ما إستخدمته إستخدام شخصي بس الموتر معروف وقد جربته

الإكسديبنشن يمدحونه ناس خبرة بالمواتر

والله يرزقك من واسع فضله ويرزقك السيارة اللي تريحك

ALBDRANE

16/06/2011, 01:18 PM

أمحق من سيارة تاكلك جنوبك منها تحس أنها بتنكبك في أي لحظه .....

دروب الذكريات

16/06/2011, 02:21 PM

0)"]السلام عليكم[/C][/SIZE
انا من رأيي انه كل واحد انقلب يقول لنا تجربته كيف انقلب بالتفصيل عشان نعرف هي (غشامة) منه او من الموتر و اذا متوفر صور للقلبة يحطها بعد .[/C[/SIZE
[SIZE=4]0)"]و انا انصحك لا تاخذ شور من الانترنت ، استشر احد تعرفه][SIZE=6] كبير بالسن[][d"] له خبرة في هذه الامور [/SIZE

ما أوافقك الرأي أبد فأنا أكثر مقتنياتي شريتها بمشاورات من الأنترنت والمواقع اللي فيها رجال شروا رجال مكشات
يكفيك أنه يجمع خبرات وأفكار من كل ناحية وصوب مستحيل تلقاه في مكان غير الأنترنت

أما بالنسبه للفورشتنر فما أنصح به لأن طبلون طبلون هايلوكس
وكفراته قريبه لبعض بالعرض مما يجعله ينقلب أكثر من السيارات الواسعه
أنصحك بالبرادوا 6 سرندل وأنتبه من 4 سرندل
أو أكسبلولر راحة وقيمة معقولة
أو فتك بطل الصحراء

وبقولك شي مستحيل تلقى سياره كامله
يعني أذا فلوسك كيويسه يمديك على البرادوا الـ6 بس يعيبه الضيق و الغلا وقد يعيبه أنه اقل أرتفاع
وإذا اكسبلولور قيمة معقوله ولا يعيبه ألا ماهو ذاك الصبر في الصحراء
يعني كانك حق طلعات ما هي كثير خذه ولا تشاور
وكانك تبغى موتر بر ومدينه وكشخه خذ الفتك
مشكلته قطع غياره غالي وبيقولون لك مشاكل بالمكينه وأنا مستخدمه والله ماشفت منه إلا العوافي
ومن بغى شيء يرخص بشيء

خالد Khaled

20/06/2011, 11:45 AM

[SIZE="5"]0)"]السلام عليكم[/C][/SIZE 
[SIZE="4"]انا من رأيي انه كل واحد انقلب يقول لنا تجربته كيف انقلب بالتفصيل عشان نعرف هي (غشامة) منه او من الموتر و اذا متوفر صور للقلبة يحطها بعد .[/C[/SIZE 
0)"]و انا انصحك لا تاخذ شور من الانترنت ، استشر احد تعرفه] كبير بالسن[][d"] له خبرة في هذه الامور [/SIZE 
 

السياره خلوصها عالي وبنفس الوقت تعليقها متصل كيف تفسر هذا الشيء ؟؟؟؟؟

وبعدين كبار السن وش بيعرفهم بالتقنيه الحاليه والتطور ؟؟؟

كل اللي بيقول لك .... تايوتا تايوتا

مايدري انها ماصارت مثل اول

والأنترنت مليان ناس خبيره بس شف كلامهم ودقق فيه وشوف الواقع

خبرتي كلها والله من النت كل شيء اكتسبته من النت

بدون النت من وين بتاخذ الخبره والمعلومات ؟؟؟؟؟؟؟

الحمد لله على النعمه

asxz

20/06/2011, 12:20 PM

باجيرو افضل منه

سليمان الربيعان

20/06/2011, 12:30 PM

خذلك باثفندر احسن لك واوسع

ابوجويعي

20/06/2011, 02:25 PM

[مع احترامي الي مايطول العنب المهم الفشفش معي له سنتين تقريبا وماشتكيت منه وللاه الحمد السياره سياره بر+سفر+مدينه بتاع كلو اما بالنسبه للمواصفات السيارات ارضا الناس غايه لاتدرك رح اشترلك ماي باخ وريح راسك ولو انك قايل ابي باث فاندر قالولك وش تبيبه نيسان فاشل ياعمي خذ الموتر الي براسك وماعليك من احد ونصيحه مني من واقع تجربه استاجر واحد وجربه والسلام؛؛؛؛؛[/

شنطة عده

20/06/2011, 02:51 PM

والله ما عرف عنه شي
ولا عمري ركبتها ولا جربتها

بس والله اني ما اشترية لا كاش ولا تقسيط
سياره شكلها ما ينهضم وتصميمها غبي

ابو سمسم

20/06/2011, 03:53 PM

مالك ومال كلام الناس خذ الفورشنر وباذن الله تدعيلي ثاني افضل سيارة في تايوتا من ناحية الصيانة هذا الكلام من 2006 الى يومك هذا واي واحد تحصل معه فورشنر روح واسالة عن السياره راح يقولك خذ ولا تشاور مايخرب ويتحمل
الي جرب وشاف بعينة غير الي سمع

الحمد لله انا ومعاية 6 اشخاص معهم فورشنر 2006 و 2007 الين الشهر الي راح ماقد غيرة فيه شي وكل شهر وانا مسافر علية 600 كيلو رايح وزيها جاي الحمد لله ماعمره يوم طلب قطع غير القماشات

فنصيحه روح لشركة تايوتا واسال عن الصيانة راح يقولك الفورشنر مايجي الا لصيانة فقط خربات نادر جدآ كلام موثوق بالف دليل لو بغيت

اما الي يقول يقلب بسرعة فهذا شي طبيعي في السيارات الكبيرة بحجم الجيب وسببها (((( السرعة )))
للمعلومية الجمس اخطر واسرع سيارة في الانقلاب وهذي الاحصائية سوتها شركة ارمكو السعودية في 2008

توكل على الله واستخيرة ان فيه خير الله بيكتبة لك

خالد Khaled

20/06/2011, 04:34 PM

[مع احترامي الي مايطول العنب المهم الفشفش معي له سنتين تقريبا وماشتكيت منه وللاه الحمد السياره سياره بر+سفر+مدينه بتاع كلو اما بالنسبه للمواصفات السيارات ارضا الناس غايه لاتدرك رح اشترلك ماي باخ وريح راسك ولو انك قايل ابي باث فاندر قالولك وش تبيبه نيسان فاشل ياعمي خذ الموتر الي براسك وماعليك من احد ونصيحه مني من واقع تجربه استاجر واحد وجربه والسلام؛؛؛؛؛[/

مع احترامي لك لكن ماتشرفت ادفع مبلغ وقدره على هايلكس مصندق

ارضاء الناس هاه ؟؟؟

حبيبي مواصفات قياسيه لفئتها ماتفهم وش معنى قياسي ؟؟؟؟

الله يرحم والديك اقرأ ردي ورد عليه مو تجي وترمي الكلام

والنيسان تراه طيب

خالد Khaled

20/06/2011, 04:39 PM

مالك ومال كلام الناس خذ الفورشنر وباذن الله تدعيلي ثاني افضل سيارة في تايوتا من ناحية الصيانة هذا الكلام من 2006 الى يومك هذا واي واحد تحصل معه فورشنر روح واسالة عن السياره راح يقولك خذ ولا تشاور مايخرب ويتحمل
الي جرب وشاف بعينة غير الي سمع

الحمد لله انا ومعاية 6 اشخاص معهم فورشنر 2006 و 2007 الين الشهر الي راح ماقد غيرة فيه شي وكل شهر وانا مسافر علية 600 كيلو رايح وزيها جاي الحمد لله ماعمره يوم طلب قطع غير القماشات

فنصيحه روح لشركة تايوتا واسال عن الصيانة راح يقولك الفورشنر مايجي الا لصيانة فقط خربات نادر جدآ كلام موثوق بالف دليل لو بغيت

اما الي يقول يقلب بسرعة فهذا شي طبيعي في السيارات الكبيرة بحجم الجيب وسببها (((( السرعة )))
للمعلومية الجمس اخطر واسرع سيارة في الانقلاب وهذي الاحصائية سوتها شركة ارمكو السعودية في 2008

توكل على الله واستخيرة ان فيه خير الله بيكتبة لك

الفشفش وش اللي مخليه عملي لأنه اخو الهايلكس اي مبني على قاعدة الهايلكس
بمعنى ان حساساته قليله وهذا اللي مخليكم تقدسونه
عندك المنافسين فيها حساسات ومع هذا الجوده متقاربه
دائماُ اسال نفسي لو مافيهن حساسات وش اللي راح يصير للمدعو فشفش ؟

وبعدين الفورتشنر معروف بسرعة الإنقلاب ياشيخ

اكرر الكلام للمره المليون
تعليقها متصل وخلوصها الأرضي كبير كيف يركبن مع بعض يابن الحلال !!!
وسستم الفرامل نفسه ضعيف وهذا معرووووف

واللي عنده نيه يرد يرد على كلام اللي يعارضون السياره بالصفحات السابقه اول شيء

دافع عن موترك بغض النظر عن تويوتا المقدسه
ولا تحذف نكوث وتقول خويي وزميلي واطامر بالخطوط ومابه شي

يريور عيمان

20/06/2011, 04:45 PM

يا اخي ابعد عن اللي اسمه فشفش هذا
لا مقاعد مثل الناس و لا تصميم مثل الناس و لا امان مثل الناس

في الجيوب لا تتجاوز اثنين الباترول و الكروزر

خالد Khaled

20/06/2011, 05:00 PM

يا اخي ابعد عن اللي اسمه فشفش هذا
لا مقاعد مثل الناس و لا تصميم مثل الناس و لا امان مثل الناس

في الجيوب لا تتجاوز اثنين الباترول و الكروزر

كلامك كله صحيح بالإضافه الى :

ميتسو باجيرو - مازدا CX9 - سوزوكي فيتارا - سوبارو فوريستر

التعـ King ـديل

20/06/2011, 08:32 PM

سلام عليكم ورحمة الله وبركاته

سؤال لجميع من لا يوئيد امتلاك الفورتشنر
بماذا تفسر انتشار الفورتشنر الواسع خلال الخمس سنوات الاخيرة؟
طبعا ما بعد تكلمنا عن مواصفاته الرائعة والتي قد لا تجتمع في سيارات افضل منه سمعه

يعني هل اللي مشترينه كلهم ما يفهمون (ولاحظ اني اقول الخمس سنوات الاخيرة وليس سنه ولا ثنتين)

افسر لك ان الانتشار للاربعه سلندر لرخص قيمته ابوي معه 2011 مشتريه ب 83 الف قبل خمس شهور

لكن من ناحيه الامان والفخامه مايعرفها ابد ومااقولك يقولون ابوي معه قير عادي والله كنه هايلكس اللهم

مكتوب ورا فورنتشر .. غير مريح لانه سست مثل الهايلكس .. اما الفرامل حدث ولا حرج ماكنه 2011

كنك على سيكل تعال وامش 70 ثم فرمل تلاقيه يرج .. والله ان الباترول على كفرات بالون مايسويها

((ابوملاك))

21/06/2011, 12:41 AM

نسيت عيب اخر بالمدعو فشفش

الفرامل جداٌ سيئه .... وياحبيبي لاوجود للـ ABS
لا يجي منه اي بي اس

المنيعي1

21/06/2011, 02:09 AM

والله انه ضيق عن تجربة وسرريع الانقلالاب

أسأل مجررب ولا تسأل طبيب قلبنا فيه بالدهنا اغبى قلبه على وجه الارض

وضيق انصحك نصيحة اخوو خذ برادو

والبرادو كذلك سريع الأنقلاب

جبل راف

21/06/2011, 02:45 AM

كل سيارة لها عيوب ومميزات
ماخاب من استشار
اتمنى لي ولكم التوفيق

يريور عيمان

21/06/2011, 07:30 AM

افسر لك ان الانتشار للاربعه سلندر لرخص قيمته ابوي معه 2011 مشتريه ب 83 الف قبل خمس شهور

لكن من ناحيه الامان والفخامه مايعرفها ابد ومااقولك يقولون ابوي معه قير عادي والله كنه هايلكس اللهم

مكتوب ورا فورنتشر .. غير مريح لانه سست مثل الهايلكس .. اما الفرامل حدث ولا حرج ماكنه 2011

كنك على سيكل تعال وامش 70 ثم فرمل تلاقيه يرج .. والله ان الباترول على كفرات بالون مايسويها

فقط للتصحيح اخوي كنق التعديل
الفورتشنر يايات و ليس سست
و مع هذا مش مريح ابدا و اتحس انك راكب موتر سست

.أبوعبدالرحمن

21/06/2011, 01:20 PM

أغلب إللي يذمون الفشفش أبصم بالعشرة أنهم ما جربوه ولا قد ركبوه اكتفوا ان الشكل ما اعجبهم بس وشبوا على السيارة

خالي معه 2006 سته سلندر وولد عمي معه 2006 اربعة سلندر وولد خالتي معه 2010 اربعة سلندر وكلهم يمدحونها وبعدين ما هوب معقول كل اللي معهم فورنتشر في الشارع شارينه غباء والا عشانه رخيص مثل ما قال بعض اخواني

السيارة عملية وصبورة ويكفي انها قليلة خراب وتم تجربة السيارة في منعطفات قوية وبتلقاها في اليوتيوب وأثبتت جدارتها وأثبتت ثباتها ومن ناحية الانقلاب جب لي جيب ما ينقلب يا شيخ لو تجيب لي مرسدس ML ولا اودي Q7 كلها معرضة للإنقلاب وحتى السيارات الصغير ولكن الجيوب أخطر فشفش وإلا غيره

ومن ناحية الباث الجديد دائما يشتكون من تخبيط المكينة وخراب فرار الدبل والدبل إذا احتر فصل هذا من ناس أعرفهم

أرجو إنك تصلي الاستخارة وتفكر جيدا وتسأل إللي جربوه فقط ولا تسأل إللي يقول سمعت ويقولون

كشات الصمان

21/06/2011, 03:12 PM

http://www.toyotaclub-sa.com/vb/showthread.php?t=21696

المقطع خير شاهد على الفورشنر

طلال 2010

21/06/2011, 06:02 PM

السلام عليكم

http://www.youtube.com/watch?v=47yBylJ8ths&feature=related

http://www.youtube.com/watch?v=rGhfcMsKWN4&feature=player_embedded

طلال 2010

21/06/2011, 06:18 PM

http://www.youtube.com/watch?v=rWfa8o2g_og

ابوجويعي

21/06/2011, 07:31 PM

مع احترامي لك لكن ماتشرفت ادفع مبلغ وقدره على هايلكس مصندق

ارضاء الناس هاه ؟؟؟

حبيبي مواصفات قياسيه لفئتها ماتفهم وش معنى قياسي ؟؟؟؟

الله يرحم والديك اقرأ ردي ورد عليه مو تجي وترمي الكلام

والنيسان تراه طيب

ياعمي الكلام لصاحب الموضوع وش تبي انت داخل عرض
وبعدين هايلكس مصندق يطربك طرب والله يقويك على النيسان

أبوريتال

21/06/2011, 07:43 PM

حياك اخوي ماااااااا انصحك فية فاشل شريته من الوكالة وبعتة وهو ما مشى 4000 كيلو ما انصحك لاتضيع فلوسك في عربانة

خالد Khaled

22/06/2011, 02:30 AM

ياعمي الكلام لصاحب الموضوع وش تبي انت داخل عرض
وبعدين هايلكس مصندق يطربك طرب والله يقويك على النيسان

هههههههههههههههههههههه
لاتصرف الموضوع ورد على كلامي اترك عنك حركات الطفوله المرحه

ملاحظه : صاحب هذا المعرف لايمتلك سياره نيسانيه

خالد Khaled

22/06/2011, 02:40 AM

اخ طلال

ياخي خلك واقعي

هالمقاطع راح تكفي اني احط 120 الف على هايلكس ؟؟؟؟

ياخي السياره فيها ... ( ارجع للمشاركات السابقه )

المصيبه كلها حركات مراهقين وتعرضك للخطر انت قبل السياره نفسها !!!!!

المهم يا اخوان ماحد رد على كلامي اللي بالموضوع كل واحد يجي ويرمي كلام ويطلع

ياقال موتر جيد ياقال عمو معاه فشفش ولا قال ماعليك ولا انا ماكلمتك !!
ولا خذها لأنها تويوتا المقسه الخاليه من الخلل وكاملة المزاية وخالية العيوب !!!!

ردوا على كلامي للمره المليون

للأسف اثبتوا استعبادكم المطلق للتويوتا

ن.ن.د

22/06/2011, 10:59 AM

السلام عليكم
اذا تبي هايلكس مصندق و 6 سلندر <<< هايلكس 6 سلندر يلعن ام الطرب
خذه ولا تشاور
بس خذ vx2 لانه فيه abs

.أبوعبدالرحمن

22/06/2011, 05:11 PM

لا (http://www.youtube.com/watch?v=rWfa8o2g_og&feature=player_detailpage) تنسى الاستخارة

خالد Khaled

22/06/2011, 09:02 PM

السلام عليكم
اذا تبي هايلكس مصندق و 6 سلندر <<< هايلكس 6 سلندر يلعن ام الطرب
خذه ولا تشاور
بس خذ vx2 لانه فيه abs

وبكم راح يشتريه ؟؟؟؟

انت تدري انه وصل 120 الف غير عن العيوب اللي ذكرتها بالموضوع ؟؟؟؟؟؟؟

اذا الهايلكس نفسه قيمته مبالغ فيها فكيف اخوه المصندق ؟

وبعدين الـ Vx2 هو الفل كامل واعلى فئه هل هو الوحيد اللي فيه ABS ؟؟؟

خالد Khaled

22/06/2011, 09:03 PM

لا (http://www.youtube.com/watch?v=rWfa8o2g_og&feature=player_detailpage) تنسى الاستخارة

جزاك الله خير ..

اكدت على الإستخاره مرتين :D

ن.ن.د

23/06/2011, 01:09 PM

وبكم راح يشتريه ؟؟؟؟

انت تدري انه وصل 120 الف غير عن العيوب اللي ذكرتها بالموضوع ؟؟؟؟؟؟؟

اذا الهايلكس نفسه قيمته مبالغ فيها فكيف اخوه المصندق ؟

وبعدين الـ Vx2 هو الفل كامل واعلى فئه هل هو الوحيد اللي فيه ABS ؟؟؟

طيب اذا لقيت موتر بنفس مواصفاته و بنفس قيمته و ياباني و الدبل قير مو فرار تعال قلي

ابوجويعي

23/06/2011, 03:12 PM

هههههههههههههههههههههه
لاتصرف الموضوع ورد على كلامي اترك عنك حركات الطفوله المرحه

ملاحظه : صاحب هذا المعرف لايمتلك سياره نيسانيه
طيب انت يابو الحركات الرجوليه ياشنب انا معي فشفش2010وش تبيني اسوي فيه ابيعه
بس من كلامك اخاف مايجيب قيمه ولا اعطيكياه هديه اقول ليتهم رقدو

خالد Khaled

25/06/2011, 07:12 AM

طيب اذا لقيت موتر بنفس مواصفاته و بنفس قيمته و ياباني و الدبل قير مو فرار تعال قلي

؟؟؟؟
الفورتشنر مافيه مواصفات يابن الحلال انت ماقريت ردي بالصفحات الأولى !!!
والدبل قير مدري لكن الوحيد اللي اطلعت عليه الرانجر من جيب والباقي مدري لكن ما اظن
وبعدين لو << لاحظ لو
لو ان الفورتشنر هو الوحيد اللي الدبل قير
تدفع مبلغ ضخم ومبالغ فيه وشحيح بالمواصفات والأمان صفر لأجل ان الدبل قير فقط ؟؟!!

انت تدري وش اكثر سبب يخلي الفورتشنر ينسدح على ظهره مع الناس ؟؟؟

خلوصه الأرضي عالي وتعليقه متصل .... قمه بالغباء والإستغفال

اخي الكريم اجعل نقاشك علمي وهادف للطرفين لو سمحت

خالد Khaled

25/06/2011, 07:13 AM

طيب انت يابو الحركات الرجوليه ياشنب انا معي فشفش2010وش تبيني اسوي فيه ابيعه
بس من كلامك اخاف مايجيب قيمه ولا اعطيكياه هديه اقول ليتهم رقدو

ما احتاج شهاده منك ...

فقط رد على كلامي ...

واجعل استعبادك للفشفاش وتقديسك للتويوتا خارج الموضوع

ن.ن.د

25/06/2011, 02:06 PM

؟؟؟؟
الفورتشنر مافيه مواصفات يابن الحلال انت ماقريت ردي بالصفحات الأولى !!!
والدبل قير مدري لكن الوحيد اللي اطلعت عليه الرانجر من جيب والباقي مدري لكن ما اظن
وبعدين لو << لاحظ لو
لو ان الفورتشنر هو الوحيد اللي الدبل قير
تدفع مبلغ ضخم ومبالغ فيه وشحيح بالمواصفات والأمان صفر لأجل ان الدبل قير فقط ؟؟!!

انت تدري وش اكثر سبب يخلي الفورتشنر ينسدح على ظهره مع الناس ؟؟؟

خلوصه الأرضي عالي وتعليقه متصل .... قمه بالغباء والإستغفال

اخي الكريم اجعل نقاشك علمي وهادف للطرفين لو سمحت

وهل تظن عدم وضع التعليق المستقل في اللاند كروزر والنيسان إكستيرا، كسلاً أو توفيراً للمال؟ تويوتا هي أول من صنع جيب دفع رباعي تعليق مستقل وجسم أحادي بدون شاصيه، وأول من أنتج مفهوم سيارات الكروس أوفر، وذلك متمثلاً في التويوتا راف فور، منذ عام 94. لكنها لا تضع هذه الأشياء في السيارات المخصصة للإستعمال الشاق.

التويوتا سيكويا الجديد حجم كبير جداً وتعليق مستقل بالكامل، لأنها صنعت كسيارة عائلية، مثل الفورد إكسبدشن والنيسان أرمادا، لأن كل نوع من التعليق مفيد في حالات معينة. لكن اللاند كروزر الجديد، بالرغم من إعادة تصميمه بالكامل، بما فيه تغيير جذري للشاصيه، إلا أنهم ما زالوا على المحور الخلفي الصلب بسبب عمليته.

حتى لو كان التعليق المستقل في الباجيرو أكبر عيب، رح تمدحه ميتسوبيشي لأنها هي الصانعة.

منقوووول من موقع السيارات
:)

هذا الكلام اللي يجمد على الشارب

ن.ن.د

25/06/2011, 02:12 PM

يعني التعليق متصل لان الفورتشنر دفرنس من الخلف << والدفرنس معروف حق كرف
اما من امام التعليق حقه منفصل لانه من قدام عكوس

متصارح

25/06/2011, 03:02 PM

أخوي الفورشينر
هو بقايا الحديد من اللاند يصنعون منها المدعو فورتشينر ، يعني مثل بقايا العجين يطلع منها خبزة

السيارة هذي ما فيها أمان إلا إذا كنت تحب أبو جميل أكثر من نفسك هذا شي ثاني

السيارة هذي ما تدخل أمريكا ولا أوربا ، لاحظ دول متقدمه مو متخلفة

السيارة هذي ليتها مصنوعة بكوريا وإلا الصين كان نمشيها ، لا مجمعة من دول يجون عمال عندنا وشغالتهم ما تعرف تشغل مكنسة الكهرب.

سيارة فل كامل ومراتب جلد والفشيلة تطلع يدك عشان ترفع الإريال وتسمع الإذاعة!! ودافع 120 ألف وموديل 2011

موفق

الباثفندر 3.5

25/06/2011, 04:23 PM

أخوي الفورشينر
هو بقايا الحديد من اللاند يصنعون منها المدعو فورتشينر ، يعني مثل بقايا العجين يطلع منها خبزة

السيارة هذي ما فيها أمان إلا إذا كنت تحب أبو جميل أكثر من نفسك هذا شي ثاني

السيارة هذي ما تدخل أمريكا ولا أوربا ، لاحظ دول متقدمه مو متخلفة

السيارة هذي ليتها مصنوعة بكوريا وإلا الصين كان نمشيها ، لا مجمعة من دول يجون عمال عندنا وشغالتهم ما تعرف تشغل مكنسة الكهرب.

سيارة فل كامل ومراتب جلد والفشيلة تطلع يدك عشان ترفع الإريال وتسمع الإذاعة!! ودافع 120 ألف وموديل 2011

موفق

:good::good::good::good::good::good:

يريور عيمان

25/06/2011, 06:25 PM

^^^
ههههههههههههههههه
بقايا الحديد من اللاند
اعجبتني العبارة

السليطين

25/06/2011, 10:50 PM

أغلب إللي يذمون الفشفش أبصم بالعشرة أنهم ما جربوه ولا قد ركبوه اكتفوا ان الشكل ما اعجبهم بس وشبوا على السيارة

خالي معه 2006 سته سلندر وولد عمي معه 2006 اربعة سلندر وولد خالتي معه 2010 اربعة سلندر وكلهم يمدحونها وبعدين ما هوب معقول كل اللي معهم فورنتشر في الشارع شارينه غباء والا عشانه رخيص مثل ما قال بعض اخواني

السيارة عملية وصبورة ويكفي انها قليلة خراب وتم تجربة السيارة في منعطفات قوية وبتلقاها في اليوتيوب وأثبتت جدارتها وأثبتت ثباتها ومن ناحية الانقلاب جب لي جيب ما ينقلب يا شيخ لو تجيب لي مرسدس ML ولا اودي Q7 كلها معرضة للإنقلاب وحتى السيارات الصغير ولكن الجيوب أخطر فشفش وإلا غيره

ومن ناحية الباث الجديد دائما يشتكون من تخبيط المكينة وخراب فرار الدبل والدبل إذا احتر فصل هذا من ناس أعرفهم

أرجو إنك تصلي الاستخارة وتفكر جيدا وتسأل إللي جربوه فقط ولا تسأل إللي يقول سمعت ويقولون

لا ياخوي ... الفور تشنر مجربينه 4 سلندر والله انه ضعيف لابعد درجه .. وقاسي مطبه جدا .. مع اني افضل جيب البر يكون قاسي احد الزملاء كان معنا بالنفود ودعس يبي يرقى طعس وضرب مطب قبل الطعس وطاحت ربلة الصدام الامامي والموتر جديد :mad: ... اما 6 سلندر فهو قوي لكن ماياصل لقوه الباث الجديد ..
وقوله الباث يخبط فكلامك مردود عليك وغير صحيح .. الباث مجربينه اللين مشى 200000كم ولا صيانة وكل شغلنا بالنفود والبران .. وقسم بالله العظيم انه صبور وحمار مكده ولا عمرنا صار لنا ولا لجميع من نعرفهم عن كلام الدبل يفصل .. كله هرج مجالس .. مثل اول مانزل الشاص ابو مكينة 4000 وقالوا بالمجالس انه يخبط وطلع هرج فاضي ...

نصيحه لاتتكلم بما يقال بالمجالس ... ترى نصف السيل زبد ...

وموفق

السليطين

25/06/2011, 11:04 PM

وهل تظن عدم وضع التعليق المستقل في اللاند كروزر والنيسان إكستيرا، كسلاً أو توفيراً للمال؟ تويوتا هي أول من صنع جيب دفع رباعي تعليق مستقل وجسم أحادي بدون شاصيه، وأول من أنتج مفهوم سيارات الكروس أوفر، وذلك متمثلاً في التويوتا راف فور، منذ عام 94. لكنها لا تضع هذه الأشياء في السيارات المخصصة للإستعمال الشاق.

التويوتا سيكويا الجديد حجم كبير جداً وتعليق مستقل بالكامل، لأنها صنعت كسيارة عائلية، مثل الفورد إكسبدشن والنيسان أرمادا، لأن كل نوع من التعليق مفيد في حالات معينة. لكن اللاند كروزر الجديد، بالرغم من إعادة تصميمه بالكامل، بما فيه تغيير جذري للشاصيه، إلا أنهم ما زالوا على المحور الخلفي الصلب بسبب عمليته.

حتى لو كان التعليق المستقل في الباجيرو أكبر عيب، رح تمدحه ميتسوبيشي لأنها هي الصانعة.

منقوووول من موقع السيارات
:)

هذا الكلام اللي يجمد على الشارب

مهوب صحيح ان التعليق المتصل افضل من المستقل ... ياخي الهمر سيارة مصنوعه للاستخدام الشاق يعني للبر والجبال فقط وتعليقها مستقل 100% امامي وخلفي .

http://www9.0zz0.com/2011/06/25/19/579651495.jpg (http://www.0zz0.com)

http://www9.0zz0.com/2011/06/25/20/302778015.jpg (http://www.0zz0.com)

http://www9.0zz0.com/2011/06/25/20/460234874.jpg (http://www.0zz0.com)

وعملي ولا فيه شئ يرده ....

essa2088

26/06/2011, 12:30 AM

اقول ماقصرتوا حقيقة بينتوا للرجال ان تويوتا تصنع سيارات فقط للاسم مثل الفش فش وكذلك ايكو
سيارات ماتنبلع بالمرة

خالد Khaled

26/06/2011, 05:28 AM

الله يعطيك العافيه اخوي سليطين

فعلاُ التعليق المنفصل افضل

المتصل ارخص تكلفه يا ن.ن.د

والمنفصل اعلى تكلفه

شفت كيف تويوتا وعمو جميل شايفين شغلهم معاكم ؟؟؟؟

المازدا 3 تعليقها مستقل والكامري متصل فشيله وربي ههههههههه وهذا احد الأسباب اللي خلت الناس تسب رساوتها

خالد Khaled

26/06/2011, 05:31 AM

أخوي الفورشينر
هو بقايا الحديد من اللاند يصنعون منها المدعو فورتشينر ، يعني مثل بقايا العجين يطلع منها خبزة

السيارة هذي ما فيها أمان إلا إذا كنت تحب أبو جميل أكثر من نفسك هذا شي ثاني

السيارة هذي ما تدخل أمريكا ولا أوربا ، لاحظ دول متقدمه مو متخلفة

السيارة هذي ليتها مصنوعة بكوريا وإلا الصين كان نمشيها ، لا مجمعة من دول يجون عمال عندنا وشغالتهم ما تعرف تشغل مكنسة الكهرب.

سيارة فل كامل ومراتب جلد والفشيلة تطلع يدك عشان ترفع الإريال وتسمع الإذاعة!! ودافع 120 ألف وموديل 2011

موفق

هذا هو الكلام اللي يجمد على الشارب ...

حتى مقاعد الجلد سيئه وقاسيه والتحكم الألكتروني محصور بالسائق والنظام الصوتي اجمالاٌ سيء

متى الناس تقوم من سباتها

وتعرف ان زمن التويوتا ولى على يد وراعين ابو جميل اولاٌ وعلى تويوتا نفسها ثانياُ

متصارح

26/06/2011, 01:30 PM

مهوب صحيح ان التعليق المتصل افضل من المستقل ... ياخي الهمر سيارة مصنوعه للاستخدام الشاق يعني للبر والجبال فقط وتعليقها مستقل 100% امامي وخلفي .

[/URL]http://www9.0zz0.com/2011/06/25/19/579651495.jpg (http://http://www9.0zz0.com/2011/06/25/19/579651495.jpg)

http://www9.0zz0.com/2011/06/25/20/302778015.jpg (http://http://www9.0zz0.com/2011/06/25/20/302778015.jpg)

http://www9.0zz0.com/2011/06/25/20/460234874.jpg (http://[url=http://www.0zz0.com]http://www9.0zz0.com/2011/06/25/20/460234874.jpg)

وعملي ولا فيه شئ يرده ....

الزبدة إن اللي مسويته تايوتا هو الصح وش عرفك أنت والهمر والرانج والباترول كل الناس وش عرفهم
بعد ما تسوي تايوتا التعليق منفصل يصير هو الصح هو التمام:good2: أقولك تايوتا وبس تقولي همر يكفي إنه تايوتا يمسك سعره
صحيح ما يمسك صاحبه وينقلب لكن أهم شي يمسك سعره:good2:

راعي الشروكي1

26/06/2011, 03:09 PM

السلام عليكم ورحمة الله وبركاته
ابعطيك تجربتي وما اقول يقول فلان او اتكلم عن سياره ماجربتها عشان معي سياره ثانيه منافسه لها او غيره
واتكلم بما لا اعرف

سيارتي فورتشنر 6 سرندل قير عادي
مواصفات السياره:
محرك 4000 سي سي 6 سرندل 240 حصان
الدبل عصا خفيف وثقيل
دف لوك
3 مراتب
جلد
مكيف الكتروني امامي ومكيف خلفي وللمرتبه الثالثه كذلك
وتحكم للمكيف من الخلف
مثبت سرعه
فرامل ABS
مرتبة السائق تحكم الكتروني
اللون الداخلي بيج
المسجل سي دي وكاسيت وفتحه للفلاش ميموري وسماعة بلوتوث
تحكم بالمسجل وعداد الرحله والبوصله وغيرها من الدركسون

عيوب السياره:
1-المطب قاسي ..
اما من ناحية الضيق فهو اوسع من الشروكي ولا فيه مجال للمقارنه .. لان فيه احد الاعضاء ذكر انه اضيق من الشروكي .. ويعتبر بالنسبه للجيوب الي في فئته وسيع

2- شكله نوعا ما غير مقبول مع اني اقول الشكل يبقى وجهة نظر لكل شخص .. ومع ذلك اشوف شكله عادي جدا ومافيه اي تميز

3- وفعلا هو يبقى هايلكس مصندق

مميزات السياره:
1- وذف فالديره
2- عزم وقوه ومكينه راكبه على الموتر صح .. موب لاند هذا كبره وحاط مكينه يالله تقوى تشيله اتكلم عن السته سرندل
3- يتميز بالتماسك وعدم القرقعه تسوق الموتر تحسه قطعه وحده
ويبقى العيب الكبير بالنسبه لي مركبه القاسي ..

وانا على فكره شاريه بـ 107 الاف من المعرض وكان بالوكاله بـ 110
والي يقول 120 الف ماعنده سالفه

وانا ابي اي واحد يجيب لي جيب جديد فيه مواصفات الفورشنر وبنفس القيمه
اقولها من الحين مستحيل تلقا
تلقا بنفس السعر ويكون نفس فئته
كل السيارات مرتفع سعرها واشوفه بالنسبه لباقي الجيوب لنفس فئته سعره معقول جدا
شف الاكستير بكم سعر وهو اصغر منه ولا يوجد به مرتبه ثالثه ولا دف لوك
انا لا اقلل من الاكستيرا ابد ولكن نموذج فقط لجيب من نفس الفئه وشف كم سعره
شف البرادو الجديد السته سرندل اقل نوع فيه بـ 135 الف ونفس حجم الفورشنر فقط يزيد في الطول سانتي مترات ...؟؟؟

راعي الشروكي1

26/06/2011, 03:13 PM

اما الي جاي يشخص بالاند ويقول الفورشنر اريل الرادو يدوي
يعني هو ماشاف الاند مايجي مثبت الا في الفل ..؟؟ وكم سعره
الاند ابو 180 الف 6 سرندل يجي بدون مثبت الله يفشله ..
والشماسات بعد تجي بدون مرايات كنها هايلكس ..؟؟

طبعا كل واحد ومتطلباته فيه ناس مايبي مثبت يبي موتر بر ..
وكل واحد وذوقه بس لاتدقق في سالفة اريل وما اريل
كان بيردك الاريل اليدوي هذي عاد مشكله ؟؟

ابوصنهل

26/06/2011, 03:25 PM

موتر سعره مناسب ومواصفات حلوة وانا معي واحد ومكملني وزوود .. وإذا كنت تبي تاخذ ، انصحك 6 سلندر وبقوة .. وعيوب السيارة بشكل عام هي
المطب .. والفرامل .. فقط

بالتوفيق

متصارح

26/06/2011, 04:48 PM

وانا على فكره شاريه بـ 107 الاف من المعرض وكان بالوكاله بـ 110
والي يقول 120 الف ماعنده سالفه

شف رابط تويوتا وتعرف إن سعره 120 وإن السالفة صحيحة

http://www.toyota.com.sa/modelsprices.asp?model_id=8

ابوجويعي

26/06/2011, 04:54 PM

ما احتاج شهاده منك ...

فقط رد على كلامي ...

واجعل استعبادك للفشفاش وتقديسك للتويوتا خارج الموضوع
ياخي كل ذا حقد على الفشفش خاصه والتايوتا عامه اطلع منها ياموسوس
واترك عنك الجيوب بالله وشو موترك او الموتر الي انت فاك معه ومقدسه

ابوجويعي

26/06/2011, 05:09 PM

السلام عليكم ورحمة الله وبركاته
ابعطيك تجربتي وما اقول يقول فلان او اتكلم عن سياره ماجربتها عشان معي سياره ثانيه منافسه لها او غيره
واتكلم بما لا اعرف

سيارتي فورتشنر 6 سرندل قير عادي
مواصفات السياره:
محرك 4000 سي سي 6 سرندل 240 حصان
الدبل عصا خفيف وثقيل
دف لوك
3 مراتب
جلد
مكيف الكتروني امامي ومكيف خلفي وللمرتبه الثالثه كذلك
وتحكم للمكيف من الخلف
مثبت سرعه
فرامل ABS
مرتبة السائق تحكم الكتروني
اللون الداخلي بيج
المسجل سي دي وكاسيت وفتحه للفلاش ميموري وسماعة بلوتوث
تحكم بالمسجل وعداد الرحله والبوصله وغيرها من الدركسون

عيوب السياره:
1-المطب قاسي ..
اما من ناحية الضيق فهو اوسع من الشروكي ولا فيه مجال للمقارنه .. لان فيه احد الاعضاء ذكر انه اضيق من الشروكي .. ويعتبر بالنسبه للجيوب الي في فئته وسيع

2- شكله نوعا ما غير مقبول مع اني اقول الشكل يبقى وجهة نظر لكل شخص .. ومع ذلك اشوف شكله عادي جدا ومافيه اي تميز

3- وفعلا هو يبقى هايلكس مصندق

مميزات السياره:
1- وذف فالديره
2- عزم وقوه ومكينه راكبه على الموتر صح .. موب لاند هذا كبره وحاط مكينه يالله تقوى تشيله اتكلم عن السته سرندل
3- يتميز بالتماسك وعدم القرقعه تسوق الموتر تحسه قطعه وحده
ويبقى العيب الكبير بالنسبه لي مركبه القاسي ..

وانا على فكره شاريه بـ 107 الاف من المعرض وكان بالوكاله بـ 110
والي يقول 120 الف ماعنده سالفه

وانا ابي اي واحد يجيب لي جيب جديد فيه مواصفات الفورشنر وبنفس القيمه
اقولها من الحين مستحيل تلقا
تلقا بنفس السعر ويكون نفس فئته
كل السيارات مرتفع سعرها واشوفه بالنسبه لباقي الجيوب لنفس فئته سعره معقول جدا
شف الاكستير بكم سعر وهو اصغر منه ولا يوجد به مرتبه ثالثه ولا دف لوك
انا لا اقلل من الاكستيرا ابد ولكن نموذج فقط لجيب من نفس الفئه وشف كم سعره
شف البرادو الجديد السته سرندل اقل نوع فيه بـ 135 الف ونفس حجم الفورشنر فقط يزيد في الطول سانتي مترات ...؟؟؟

كفوو كفيت ووفيت

ابوجويعي

26/06/2011, 05:11 PM

اما الي جاي يشخص بالاند ويقول الفورشنر اريل الرادو يدوي
يعني هو ماشاف الاند مايجي مثبت الا في الفل ..؟؟ وكم سعره
الاند ابو 180 الف 6 سرندل يجي بدون مثبت الله يفشله ..
والشماسات بعد تجي بدون مرايات كنها هايلكس ..؟؟

طبعا كل واحد ومتطلباته فيه ناس مايبي مثبت يبي موتر بر ..
وكل واحد وذوقه بس لاتدقق في سالفة اريل وما اريل
كان بيردك الاريل اليدوي هذي عاد مشكله ؟؟
انتا صح الصح كلام صحيح ميه بالميه

الحمدآن

26/06/2011, 05:46 PM

ابعـد عـنه مرهـ موتر سيئ مع احترامي لمالكيه والله لا هو حق خطوط ولا بر ولا راحه وفوق كل ذا سعرهـ مو طبيعي ... وشكله جدا ما يساعد ... شفلك غيرهـ نصيحه ... والله يوفقك

مفلت

26/06/2011, 07:46 PM

ياشباب اللي يقول للرجال الموتر مايسوى,يقوله عن بديل(جديد)ونبدا نقارن بينهن,انا معي فورتشنر2010 6 سلندر قير عادي واسالني عن اللي تبي فيه وابشر بالصدق(منيب عنصري بس الحق يقال).

راعي الشروكي1

11/07/2011, 09:55 PM

للرفع .. ليستفيد اخونا صاحب الموضوع من المجربين وليس المتعصبين ..

سلمان ساهر

13/07/2011, 03:38 AM

والله اللي معهم فورتشنر يمدحونه
صح عيبه مطبه شوي قاسي

بس بشوارعنا لو معك جيب لكزس لازم تحس بالمطب

ww99999ww

13/07/2011, 04:37 AM

اذا فلوسك ما تجيب لك الا هو من جيوب تويوتا اشتره واذا تقدر اللاندكروزر ترى هو الجيب فعلا اللي غيره يعتبر بديل وكلن على حسب دراهمه

كارماستر

13/07/2011, 09:03 AM

نصيحـــه ياخـــوى خــذ البــرادو أفـضــل مــــــن الـفـورشـــنر

الليث الذهبي

13/07/2011, 12:56 PM

والله واحد من ربعي اخذ 2011 وخرب عليه القير من اسبوعين وهو تحت التمرين تقريبا 19 الف بس وراح للوكله وفكو القير قطعه قطعه والى يومك وهو وياهم شيل وحط
والرجال حنين على الموتر لوه راعي كرف كان قلت من رجله
السياره مواصفاتها تحت الفل قير عادي سته سرندل

الصتيمه

21/09/2011, 07:09 PM

عزلله كل ٍ يعطي من راسه صوت

واااشيب عينك ياراعي الاستشاره

هذا سالفة الي يقول
حصلتلها رجال وقالت عورررر
اعقلها وتوكل

حنا هذا بلانااااا ياعريبيا

نظر من ثقب ٍ واحد

لاحول ولاقوة الا بالله

هههههههههه

suk

21/09/2011, 11:56 PM

انا معي واحد اربع سرندل قير تماتيك اذا مشيت فيه 160يقطع

ابن عكاش

22/09/2011, 12:57 AM

إذا تبي موتر عملي وقطع متوفره وقوي في البر وشيك عند البيع خذ الفوشنر 6سندل تماتيك ابيض وتوكل على الله بتقول وشلون شيك اقول لك دخلنا معارض الشفا قبل رمضان بأسبوع معنا فورشنر 6سرندل 2009م ابيض تماتيك ماشي 107 سيم من شريطي في خلال ربع ساعة بـ93ألف وصامل ووالله ان راعي الموتر كان حاط في باله هالقيمه وقال ابصرف النظر عن البيع اخاف ابيعه وابش وطلعنا من المعارض
نفس الموتر طلعنا عليه الأسبوع الماضي نتقنص وصلنا جنوب سعد اربعين كيلو نفود وجلد شموس وتغاريز والمكيف ماطفى ورحنى شمال حتى وصلنا حفنة الطيري نطامربه ماشاء الله تبارك الله موتر
ومع واحد من الربع 2010م نفس المواصفات رحنابه لأبها قبل رمضان وتمشينى عليه في كل منتزهاتها وندور الوعر ونروح له بصراحه موتر تعتمد عليه في البر
عيوبه قالوها الشباب
مطب قاسي ومن وجهة نظري اللي يبي جيب لايفكر في الراحه ولا يشتري صغيره ابرك له اصلاً راعين اللاند والباترول يدبلون مساعدات ويركبون ياي استرالي علشان يشد الموتر ويطربهم في البر
شكله غير مقبول هايلكس مصندق ومن وجهة نظري هي ميزه للي يبي موتر شعبي لأن بعض قطعه يشترك فيها مع الهايلكس
الفرامل لك عليها
هذي وجهة نظري وبالتوفيق للجميع

سلكي نت

22/09/2011, 01:24 AM

الموضوع قديم ويمكن الاخ اشترى سيارة وانتهي
لكن لكل من هو في نفس حيرتك وترددك
اقول:::
اخوي الفورتشنر سيارة ما فيها كلام إلا انها قاسية شوي فقط
واذا متردد استأجرها يوم او يومين وجرب بنفسك
لكن اذا بتسمعني خذها كخيار اول
اما الخيار الثاني فجرب الباجيرو ... صحيح قطعة غالية لكن التشاليح ماخلت شيء
والله يوفقك

gx-low

22/09/2011, 08:06 AM

أخوي الفورشينر
هو بقايا الحديد من اللاند يصنعون منها المدعو فورتشينر ، يعني مثل بقايا العجين يطلع منها خبزة

السيارة هذي ما فيها أمان إلا إذا كنت تحب أبو جميل أكثر من نفسك هذا شي ثاني

السيارة هذي ما تدخل أمريكا ولا أوربا ، لاحظ دول متقدمه مو متخلفة

السيارة هذي ليتها مصنوعة بكوريا وإلا الصين كان نمشيها ، لا مجمعة من دول يجون عمال عندنا وشغالتهم ما تعرف تشغل مكنسة الكهرب.

سيارة فل كامل ومراتب جلد والفشيلة تطلع يدك عشان ترفع الإريال وتسمع الإذاعة!! ودافع 120 ألف وموديل 2011

موفق

ههههههههه

بصراحة اقنعتني لو عندي فورشنر كان بعته

اجل يصنعونه شغالات ما تعرف تشغل المكنسة

ههههههههه

تصدق حتى موتر خويي منب راكبه طابت النفس

يا شباب الفشفش خذوها بروح رياضية ترى راس مالها حديد فورشنر ولا لاندكروزر ولا باترول اهم شيء الثقة في النفس

المقناص 9

20/12/2011, 11:44 PM

والله انا خابره مع ناس ماقط سمعت ان قيره يفضا
لاكن انا شفته باختصار (هايلكس دفرنسين بس مقفص)
والفرق الثاني ان فيه سته سلندر واربعه سلندر
واحد قريبي معه 2009او2010 ماخلى مكان ماراح يمه عليه ولا اشوفه اشتكى منه

ابونبيل

21/12/2011, 12:26 AM

الفورتشنر 6 سلندر عزمه جبار وموتر خفيف وشنطته وسيعه ويتحمل الجور

انصحك فيه وبقوه

اما البرادو ما احسه مثل الفوراشنر يعني كبير و اثقل من الفورتشنر

نسيت انام

28/10/2012, 03:45 PM

هههههههههههههههههههههههه والله ماهقيت ان الفشفش مكروووه لهذي الدرجه لاكن برد معن الموضووع قديم وشكل الرجال بطل من الفش فش انا امتلكت فورشنر 2012 4 سلندر بدون دبل دفع خلفي بدون لا اشاور احد معا اكثر الي ينصحون فيه 6 سلندر وهذا شريته بدون علمي لان اخويه مر با زمه وباع موتري وتحسنت اوضاعه وشرالي الفش فش صراحه مافيه شي الي ملاحظه مقاعده مع المطبات احس انها بتتفكك مدري امكن مو مشدوده لاني ملبس الارضيه نايلون وامكن ماشدوها وفعلا مطبه قااسي وكل الي اعرفهم يشوفن الجيب يقولون احسنت الاختياار وارد على الي يقولون سريع الانقلاب والله اني منزله مع الهدا امشي 130 اذى جى منعطف قوي 110 .120 وراي واحد معاه في اكس ار 2012 من بدايت الهدا ما قدر يعديني اخليه يعدي يوم يقبل على المنعطف الفكس شوي وينقلب وخليته وراي مو مدح ولا هياط بس اسردلكم تجربتي لا جل الكل يستفيد بر انسم كفرات وين ماتبي يوديك ولا يحفر ابد مدينه يعجبك خط يعجبك يكفيك الصيانه ما قد طبيتها الا 1000 و15 الف ورجلي حاره عليه تمرينه 140 .160 الحمدالله موتر وطبعاء 2012 اردى نوع فيه ABS فرامله مره ماتخيبك وصارلي مواقف بعد مره ماشي 140 وبتجاوز على اليسار شوي واحد طلعلي ومسكت فرامل وانا ماسك فرامل رجعته على اليمين ولا بعد والله على ما اقول شهيد اونا بتجاوز الي خش علي صقعني من وراى من الزاويه اليسار وتعرفون كيف خطر الدقه من زاويه السياره تخليها تقلب في السيارات الصغيره فمابالك جيب الحمدالله من فضل الله ولا تحرك حسيت السياره تحت سيطرتي والحمدالله عدت عوافي .... واسف طولت عليكم هههههههههههههه تحمست معني داخل المنتدى عشان مشكله المراتب 2012 شكله ابداع خصوصا مع تبااريز ههههههههه يعطيك :p

عزوز 2005

29/10/2012, 01:39 AM

اولاً/ شكله غبي داخلي وخارجي
ثانياً/ المطب فية قاسي وغير مريح
ثالثاً/ الصناعه اندونيسي يعني لاتعليق
رابعاً/ أعرف واحد معاه 2010 وماشي 70 ألف وعنده مشكله بالقير مع انه رجال كبير وسواقته هادية ولادخل البر×

sgl2002

29/10/2012, 04:01 AM

سريع الانقلاب وضيق ولايسوى سعره

بروق ساق

29/10/2012, 11:07 AM

أبشركم شريت فورتشنر 6 سلندر ولا علي من الهرج .... شوف ردودي السابقه ... الحمدلله موتر بمعنى الكلمة