المساعد الشخصي الرقمي

مشاهدة النسخة كاملة : لعشاق الشاص !! ولأول مرة بالمملكة .... وداعا لألام الظهر


نسناس نت
15/06/2011, 01:50 AM
السلام عليكم ورحمة الله وبركاته


تم الانتهاء ولله الحمد من تحويل السست الخلفية للشاص الى يايات واستغرق العمل به تقريبا شهر رايح جاي من الصناعية ومن تعديل وفك وتركيب وتغيير واعادة الى ان وصل ولله الحمد الى المستوى المطلوب ,,وقبل تنزيله ونشره تم تجربته لمدة شهرين بالنفود والجلد ولله الحمد ماشفت منه اي مشاكل ..
وانا من الناس اللي لايمكن يستغني عن الشاص
وخصوصا في طلعات البر والقنص
فكرتي به انه جميع الاعمده والقواعد يمكن انك تشيله وتركب السست خلال دقائق .



ومن حيث الراحة والتحميل فيعتبر مثل راحة وتحميل الـ GX


في الصور تانكي الصدر 250 لتر والخلفي 60 لتر وهن مليانات ماء ..
وممكن يشيل العزبه ومقاضي البر بكل راحة دون نزول


ويمكن استخدام البالونه وسط الياي اذا صرت تحمل زيادة مثل شعير او غيره ( يعني باختصار اعتبره GX )


والورشة اللي سويت الشغل عنده موجودة بحايل وعلى اهبة الاستعداد




واليكم الصور


وقفة الموتر بعد تركيب اليايات


http://www14.0zz0.com/2011/06/12/21/841109439.jpg



http://www14.0zz0.com/2011/06/12/21/725291300.jpg



http://www14.0zz0.com/2011/06/12/21/267181055.jpg


http://www14.0zz0.com/2011/06/12/21/417025564.jpg


http://www14.0zz0.com/2011/06/12/21/489349460.jpg


http://www14.0zz0.com/2011/06/12/21/111427039.jpg


http://www14.0zz0.com/2011/06/12/21/767906191.jpg


http://www14.0zz0.com/2011/06/12/21/773693992.jpg


http://www14.0zz0.com/2011/06/12/21/749551992.jpg


http://www14.0zz0.com/2011/06/12/21/514721837.jpg


http://www14.0zz0.com/2011/06/12/21/773693992.jpg


http://www14.0zz0.com/2011/06/12/21/367550089.jpg


http://www14.0zz0.com/2011/06/12/21/113200109.jpg



في النهاية اتمنى انه يعجبكم


اخوكم / نسناس
ابو ناصر2020
15/06/2011, 02:02 AM
ماشاء الله تبارك الله
مشروع ناجح ميه ميه بس عندي سؤال عن القطع
المستخدمه هل هي ل جي اكس ؟
وكم تكلفه من قطع وشغل ؟

والله يطعمك خيره ويكفيك شره
جارح1
15/06/2011, 02:06 AM
وعليكم السلام ورحمة الله وبركاته

اشهد بالله انه موضوع دسم

وسلمت يدك يالغالي

والله ينور دربك وين مارحت

عندي جيب ربع 2006 قصم ظهري وابي اضبطه مثل موترك

لكن ماقلت لنا التكلفة كم

علماً ان الربع مابيكون علية حمول ثقيلة


ياليت ترسل التكلفة على الخاص
مهاجر1
15/06/2011, 02:07 AM
ماشاء الله تبارك الله

ويعطيك خيره ويكفيك شرهـ
قرناس صلا
15/06/2011, 02:42 AM
ما شاء الله تبارك الله

تعديل وابتكار رائع

لو اعرف ياباني كان ترجمت موضعك وارسلته لتويوتا اليابان

تقبل اعجابي وتقديري

الف شكر
((ابوملاك))
15/06/2011, 11:14 AM
كم كلف عليك

وانا اخوك ووين الورشه انا من حائل

ووشلونه بالتحميل البسيط ( مثلا دباب عزبه حطب خيمه )

جزاك الله خير

وليتك ترد علي هنا علشان يستفيدون الاعضاء ماله داعي الخاص ^_^
جلوبلستار
15/06/2011, 11:45 AM
وعليكم السلام ..

ماشاء الله تبارك الله .

الله يوفقك ويجزاك خير على الموضوع .

// ياليت توضح التكلفة .. .
نسناس نت
16/06/2011, 02:37 AM
ماشاء الله تبارك الله



مشروع ناجح ميه ميه بس عندي سؤال عن القطع
المستخدمه هل هي ل جي اكس ؟
وكم تكلفه من قطع وشغل ؟



والله يطعمك خيره ويكفيك شره




ياهلا وغلا بابو ناصر


وعذرا على تأخر الرد لظرف سفري


بالنسبه للقطع اول ماحطيت قطع gx (ماعدا اليايات فالافضل يايات جيب الربع


لاني جربت اكثر من سبع انواع من اليايات ومالقيت افضل منهن وتقص اللفة الصغيرة)


ولكن مع الاعادة والقص بعض القطع خربن بعضهن ( اللي هن قواعد الاعمدة )


وتم التعويض عنهن بمبسط او لاعبات سست بس الافضل مقاس 8ملم..


ويفضل اذا تقدر تحصل دفرنس gx (يعني خربان من التشليح او محلات بيع الحديد اللي يجمعون الخردة بس يكون القواعد سليمات وتقص جميع قواعد الاعمدة والرباطات


ومن ناحية التكلفة قص علي تقريبا حول 8500 ريال بسبب كثرة شراء واعادة التصميم والتعديل وتجريب بعض القطع وتبديلهن يعني لاول مرة يكلف . لكن الحمد لله واتوقع ان التكلفة بعد الانتهاء ومعرفة المقاسات تكون اقل واقل بكثير من هالقيمة . ولا اقدر احكم على السعر فصاحب الورشة اللي اشتغل لي يمكن يقدر يفيدك عن السعر
وهي ورشة توارن وتقدر تتصل عليه تستفسر عن التكلفة لاني من كثر مااشتريت من القطع واليايات عجزت اجمع عن اسعارهن ورقم جواله ؟؟؟؟؟؟؟؟؟؟؟؟
الرقم على الخاص فقط
سوبر vtc


اتمنى اني افدك واذا لزم شي انا بالاستعداد


الف شكر على مرورك الكريم
نسناس نت
16/06/2011, 03:11 AM
وعليكم السلام ورحمة الله وبركاته

اشهد بالله انه موضوع دسم

وسلمت يدك يالغالي

والله ينور دربك وين مارحت

عندي جيب ربع 2006 قصم ظهري وابي اضبطه مثل موترك

لكن ماقلت لنا التكلفة كم

علماً ان الربع مابيكون علية حمول ثقيلة


ياليت ترسل التكلفة على الخاص



ياهلا بك اخوي جارح


بالنسبة للربع اتوقع يكون التصميم عليه ناجح 100%


لكن من ناحية التكلفة مااقدر افيدك لانه اغلب الشغل يكون شغل يد


والقطع تقدر تحسبه من قيمة الاعمدة واليايات بس يفضل اعمدة gx من 97 واقل
على شان تقدر تغير بعدين الربلات بس لازم يقص العمود ويقصر شوين... لان الموديل الجديد اذا انتهت الربلات لازم تغييرالعمود كامل .واغلب القطع تحصله بالتشاليح ماعدا
قواعد اليايات اللي فوق بالشاص واللي على الدفرنس فهذي لازم فني على شان وزن الياي
ومثل ماقلت لاخوي ابو ناصر والله اني ماادري كم تكلف بعد معرفة الورشه للمقاسات


لاني اشتغل عندهم واجرب الموتر وارجع مرة ثانية واغير واعدل واجيب قطع ثانية وانقض الشغل من جديد ويالله الحسابة بتحسب الى ان وصلت الى تعديل جميع العيوب
ان شاء الله والمستوى المطلوب .
واذا استعصى عليك شي ابشر بسعدك
والمعذرة يالغالي على تأخر الرد
نسناس نت
16/06/2011, 03:14 AM
ماشاء الله تبارك الله




ويعطيك خيره ويكفيك شرهـ




ياهلا بأخوي مهاجر

لاهنت يالغالي

الف شكر على مرورك الكريم
نسناس نت
16/06/2011, 03:24 AM
ما شاء الله تبارك الله


تعديل وابتكار رائع


لو اعرف ياباني كان ترجمت موضعك وارسلته لتويوتا اليابان


تقبل اعجابي وتقديري



الف شكر




ياهلا وغلا باخوي قرناس

هههههههههههههههههههههه

المفروض ان كل شبة ماتخلى من ياباني يجمع افكارهم

ويرسله لليابان

والاهم انه اعجبك

الف شكر على مرورك الكريم
نسناس نت
16/06/2011, 04:44 AM
كم كلف عليك

وانا اخوك ووين الورشه انا من حائل

ووشلونه بالتحميل البسيط ( مثلا دباب عزبه حطب خيمه )

جزاك الله خير

وليتك ترد علي هنا علشان يستفيدون الاعضاء ماله داعي الخاص ^_^


ياهلا وغلا باخوي مجهول

والله ياجدي اني ماادري كم يكلف عند ورشة توارن .. من ناحيتي يمكن القطع اللي جربتهن

ولا استفدت منهن فوق 4000 ريال من غير شغل الورشة عليه من الصبح الى العصر يعني كلفن حول 8500 ريال

وهذا ماهو دليل على انه يكلف هالقيمة بس تخبر التعديلات كل شوين جايهم ومعي قطع

ابي اعيد تركيبه واعدل عيب طلع به . ويالله حاسب الف وخمس مقدم وبعدين الف وبعدين اصبر ماضبط ويالله على هالحاله...

واتوقع بعد ماانتهيت وعرفت وش الحاجات اللي تركب ان القطع

يمكن ماتكلف 1000ريال هذا من غير شغل الورشة

ومن ناحية التحميل شف وقفة الموتر بالصورة به تقريبا اكثر من 300 لتر ماء

واعتقد انه اثقل من الدباب وبكل راحة ياخذ العزبة والخيمة مع نزول لا يذكر

ودام انك قريب بحايل حياك الله بأي وقت تجي وتشوف الموتر وتجربه

والتجربه خير برهان والبيت طال عمرك بحي الغربي قريب من محطة الشعلة اللي على

الدائري قدام ثلاجة الحوطي واذا بغيت الجوال ارسله على الخاص

وذا لزم اي شي ابشر بسعدك
نسناس نت
16/06/2011, 05:00 AM
وعليكم السلام ..

ماشاء الله تبارك الله .

الله يوفقك ويجزاك خير على الموضوع .

// ياليت توضح التكلفة .. .


ياهلا والله بأخوي جلوبلستار

لاهنت يالغالي ويوفقك ربي

وسعر الورشة والله اني مااقدر احكم على كم شغلهم او بكم يشتغلونه

لكن يمكن افيدك ان القطع حول 1000 ريال او اقل شوين

على حسب حصولك على الاعمده واليايات

الف شكر اخي لك على مرورك الكريم

واذا لزم استفسار مستعد
نسناس نت
16/06/2011, 05:15 AM
ملاحظة للاخوان

بالنسبة للاكواب اللي تركب عليها اليايات

المناسب له هي اكواب الباثفندر او اي كوب مشابه له وبنفس مقاس دائرته

لانه نفس مقاس دائرة الياياي ليايات الربع او الشاص بس تشيل اذا به ربل

وتاخذ الكوب الحديد فقط
مخاوي دابذريع
16/06/2011, 05:49 AM
لا تعبت ,, شغل متعوووب عليه خيي نسناس وتستاهل تثبت بخيمة السيارات ,,,

بالنسبه لتحميل الشعير هل هو نفس السست ؟!! .....
fhd1
16/06/2011, 02:53 PM
ماشاء الله تبارك الله
المرقب العالي
17/06/2011, 02:49 AM
ماشاء الله اخي نسناس وتستاهل بوسه على الرأس شغل متعووووووووب عليه

يعافيك ربي ودااااااااااااااااعآ للجموس

يستاهل تكلفته
المغيري-
17/06/2011, 03:15 AM
ما شاء الله عليك

ابدااع
سوبر VTC
17/06/2011, 02:33 PM
بارك الله فيك
بالاذن اخوي نسناس نت
ينقل لخيمة السيارات
ksa03
17/06/2011, 02:50 PM
للررررررررررررررررررررررفع
مكتفي
17/06/2011, 10:11 PM
الله يبيض وجهك والله إن عندي شاص لي شهرين موقفة كسر ظهري.
إن زانت الامور والله غير ندعي لك
سديرديارالخير
17/06/2011, 10:22 PM
ياهلا وغلا باخوي مجهول

والله ياجدي اني ماادري كم يكلف عند ورشة توارن .. من ناحيتي يمكن القطع اللي جربتهن

ولا استفدت منهن فوق 4000 ريال من غير شغل الورشة عليه من الصبح الى العصر يعني كلفن حول 8500 ريال

وهذا ماهو دليل على انه يكلف هالقيمة بس تخبر التعديلات كل شوين جايهم ومعي قطع

ابي اعيد تركيبه واعدل عيب طلع به . ويالله حاسب الف وخمس مقدم وبعدين الف وبعدين اصبر ماضبط ويالله على هالحاله...

واتوقع بعد ماانتهيت وعرفت وش الحاجات اللي تركب ان القطع

يمكن ماتكلف 1000ريال هذا من غير شغل الورشة

ومن ناحية التحميل شف وقفة الموتر بالصورة به تقريبا اكثر من 300 لتر ماء

واعتقد انه اثقل من الدباب وبكل راحة ياخذ العزبة والخيمة مع نزول لا يذكر

ودام انك قريب بحايل حياك الله بأي وقت تجي وتشوف الموتر وتجربه

والتجربه خير برهان والبيت طال عمرك بحي الغربي قريب من محطة الشعلة اللي على

الدائري قدام ثلاجة الحوطي واذا بغيت الجوال ارسله على الخاص

وذا لزم اي شي ابشر بسعدك





يالبا حايل وهلها
عدى معدي
17/06/2011, 10:26 PM
بيض الله وجهك يالغالي
أبوعابد 22
17/06/2011, 10:47 PM
مشاء الله شغل مرتب ونضيف
بس ضنتي وانأخو ماينفع مع تحميل الشعير
فيصل التميمي
17/06/2011, 11:01 PM
فكرة رائعة وتفتك من مطبات الشاص ووجع الظهر
راعي الصنف
17/06/2011, 11:13 PM
السلام عليكم ..
شغل متعوب علية الله يعطيك العافية ...
سؤال : وش لون الموتر معك في النفوذ بعد التعديل راسي والا يخوف ...
ماجد الحايلي
17/06/2011, 11:38 PM
ابداع ياجاري علمت الوالد وجايك بكرى
واناعرفتك من الوصف والبيت
من داخل
سيف 11
17/06/2011, 11:50 PM
ما شاء الله
فكره حلوه
رسيس نجد
18/06/2011, 12:04 AM
بارك الله فيك على هالابتكار الذكي
Bader-M
18/06/2011, 12:12 AM
مشاء الله تبارك الله شغل سنع و مرتب

تحياتي اليك
عكس التيار
18/06/2011, 12:19 AM
ماشاء الله تبارك الله شغل متعوب عليه وان شاء الله الدراهم اللي دفعتها ماتضيع

لكن ماتلاحظ مافيه مثل شد البلد ؟؟ يعني ماتدري يمكن ينفك لحام ولا ينكسر شي وانت في البر ثمن تبلش !!
قدر مكتوب
18/06/2011, 12:49 AM
اخوي جرب عليه حمل ثقيل وشوف وش يبي يصير بشغلك !!! لابد من اختبار المنتج قبل ان تطرح الفكره للعموم

لكل شي مساؤي وانا واثق انك راح تتغلب عليها والله يعوضك بخسايرك
بريق الحسام
18/06/2011, 01:14 AM
والله مبدع ...فعلا مايحتاج الواحد لهسست وأكثر أغراضه ماتعدى عزبة وموية ومادام انك جربتها ومية مية فأهنيك على تصميم فكرتك ...السؤال كيفه في الخط ؟؟؟؟؟؟؟؟؟؟
- ممكن تغلب على ثقل الحمولة إن وجدت بمساعدات استرالية قوية تتحمل حمولة أكثر فالك النجاح في هالخطوة ان شاء الله وموفق باذن الله وأبصم بالعشر إنك شجيع ومبدع وشكرا لك
ولاانسى ان الواحد يعرف استخدامه للموتر ومدى احتياجاته للشد البلد فهو مصمم لتحمل أكثر من 2000طن هناك ناس ياخذون الموتر للتحميل الثقيل دائما
وهناك ناس يبي الموتر للكشتات ولايعوقه شي بس يبي في نفس الوقت موتر مريح وياخذ أغراضه اللي يحتاجها وفكرتك ذي تخدمهم كثير شكرا لك يالذيب
المنيعي1
18/06/2011, 01:22 AM
شغل معلم ما شاء الله عليك
HAS5SAN
18/06/2011, 01:56 AM
انا اشهد انك مبدع
تم اللطش
عبدالله الموسي
18/06/2011, 02:07 AM
عز الله انه شغلن مرتب

تسلم يدك يانسناس
وعز الله انك وفيت وكفيت وريحت
اهل الشواص من المناقز....

والله يخلف عليك بما صرفت ودفعت

تحياتي
أبو أسامة
18/06/2011, 04:24 AM
أول شيء مبروك والله يعطكيك خيره ويكفيك شره ......

ثانياً أخي الكريم أنا من زمان الفكره تراودني بس المشكلة اللي كانت تزعج تفكيري ليست أعمدة التوازن ولا حتى مسامير التوازن ولاحتى القرص حق الياي السفلي المشكلة في قرص الياي العلوي كيف حليته وليش ما ركبت يايات أستراليه عشان الحموله تكون معقولة ولن تكون مثل السست ولكن مثل ما قلت معقوله ......

عندي سؤال وهو كيف مرونة الموتر بالأماكن المتعرجه وأيضا ً شديدة الوعورة ؟؟؟؟؟؟؟؟؟

وبالتوفيق
ابوحسن ...
18/06/2011, 05:45 AM
ماشاء الله لاهنت على الفكرة الرائعة...
RB3_2010
18/06/2011, 08:09 AM
ماشاء الله تبارك

صراحه شغل ابداع

انصحك اخوي تفتح لك ورشه في هالمجال
عاشق المخيله
18/06/2011, 08:31 AM
حياك الله يا نسناس ان لي نية امر عليكم بحايل
1/ هل ابلقى القطع عند الورشة متوفرة والا اوفرها واجيه ؟
2/ وكم بتأخذ وقت تقريبا ؟
وممكن ترسل لي رقمك على الخاص او رقم راعي الورشة لاهنت
وجزاك الله خير عز الله انك بتفك ازمة
همس الغدير
18/06/2011, 11:35 AM
مشاء الله تبارك الله
ابو عاذر
18/06/2011, 01:16 PM
ما شاء الله تبارك الله
شغل صح ،،،، ممبدع ياخوي بأتقان ،،،،، لابد ان يكون في العمل بعض الاخطاء التي تتلاشى مع كل تجربة التي تطور به الى الاحسن ،،،،،،،،،،،،، الان زان مركب الشاص

مع تحيات اخوك ابو عاذر
عبادل المالكي
18/06/2011, 01:46 PM
ابداع الله يعطيك العافيه
سليمان الربيعان
18/06/2011, 01:59 PM
بارك الله فيك وجزاك الله كل خير , مشكور على الفكره الاكثر من رائعة والتي سوف تخدم الكثير...
ساري 111
18/06/2011, 02:00 PM
شغل نظيف ومتعوب عليه يعطيك العافيه ويهنيك بشغلك

بس فيه اماكن عليها حمل واشوف فيها قص ولحام وخوفي مع الحمل والوعر ينكسر اللحام ؟؟


الشي الثاني ماحاولت تجيب دفرنس جي اكس واتركبه على طول تبي تسلم من كثر الترهيم والقص واللحام والقواعد ... الخ
قرم العيال
18/06/2011, 03:18 PM
شغل نظيف ومتعوب عليه يعطيك العافيه ويهنيك بشغلك

بس فيه اماكن عليها حمل واشوف فيها قص ولحام وخوفي مع الحمل والوعر ينكسر اللحام ؟؟


الشي الثاني ماحاولت تجيب دفرنس جي اكس واتركبه على طول تبي تسلم من كثر الترهيم والقص واللحام والقواعد ... الخ

ما يجي يالغالي

دفرنس الشاص غير الهدد أقصد مقاسات الكارونه !!

والهدد ماله دفرنس قدام !!

إلا إذا كان يبي يغير حقات الشاص الامامي والخلفي بـ حقات جي اكس ديزل


امامي وخلفي
أبا مجاهد
18/06/2011, 03:46 PM
والله موضوعك دسم اخوي

ويحقلك براءة اختراع


وفقك الله ورعاك
ماجد الحايلي
18/06/2011, 08:55 PM
الى المشرفين
ليش مايثبت الموضوع
اوحتى ينقل للمواضيع المميزة
وصاحب الفكرة اعتقد يستاهل
التكريم لانه قام بعمل كبير ومدروس
والاهم من كذا قا بعمل
( شجاااااااااااااااااااااااااااااااع جدا)
عاشق الخلاءم
18/06/2011, 09:45 PM
الله يعافيك ماقصرت
abuslman88
18/06/2011, 10:45 PM
شغل متعوب عليه
مشكووووووووووووووووووووووووووووووووور
ولدحمد
18/06/2011, 11:14 PM
مشاء الله تبارك الله ..
بصراحه مشروع قوي جدا جدا جدا ولحد الان ماشفت اي شخص قام بهالمشروع وانصحك اخوي انك تحتفظ بكل معلومات الشغل .. يعني ماحد يجي وينسب الشغل لنفسه ويقول انا الي مسويه شي يقهر .!!
لكن عندي سؤال : العامود الي طويل القاعده حقته الي بالشاصي هي نفسه حقت السست صح .؟
وغير هذا ابي اعرف وش نوع اللحام الي استخدمت لانه فيه اكثر من نوع وانتبه يكون نوع اللحام خفيف .!!
ومثل ماقالو اغلب الاخوان جرب موترك بالاشياء الثقيله الي تقدر تخليه تتحمل بمثل لو هو محمل بالسست عشان تثبت قوة اللحام والعمدان الي مركبهن ..
شغلتك قوي قوي والله يطرح فيه البركه ..
وطريقتك هذي تسمى تعليق خلفي مثل الباترول اكبر مثال واقعي للتعليق ..
ولكن نصيحه وكلن يقولها لك جرب بالاحمال الثقيله حتى تثبت للجميع قوه التحمل وقوة اللحام ..
ونصيحه ترا اللحام انواع وللاسف بعضهم مايعرف هالشي لاني اشوف الي يعدلون ع المرهمات خاصه من تعديل سست الا عامود وشي لاتقارنه بسياره عاديه ..
بالتوفيق لك واسف ع الاطاله ..
علي العساف
19/06/2011, 06:25 AM
بالتوفيق بس يا زييييين الشااااص ومطباته
واللي يبي الراحة يشري كامري هههه
يعني أنا مع صناعة اليابانيين وهم ادرى بالشغله ولو انه افضل كان سبوقنا بالشي هذا..
يعني حرام ارهم موتر بحدود المية ... وجهة نظر .. وبالتوفيق أخوي
ساري 111
19/06/2011, 10:26 AM
ما يجي يالغالي

دفرنس الشاص غير الهدد أقصد مقاسات الكارونه !!

والهدد ماله دفرنس قدام !!

إلا إذا كان يبي يغير حقات الشاص الامامي والخلفي بـ حقات جي اكس ديزل


امامي وخلفي


حياك اخوي قرم

طبعاً من البديهي والمعروف ان دفرنس الـ جي كس البنزين ماراح يركب بحكم انه اعرض

لكن انا اقصد بكلامي دفرنس الديزل
اعتقد راح يكون قريب من دفرنس الشاص بشكل كبير .. هذا الم يكن نفسه بس هذا تعليق ياي وهذا سست ..

وبالنسبه لمقاس الكاورين مسأله سهله تغير بنفس المقاس وتنتهي المشكله ..
راعي ذرف
19/06/2011, 10:35 AM
ابداع يانسناس نت (http://www.mekshat.com/vb/member.php?u=212327)
والله يوفقك
نفود حائل
19/06/2011, 11:32 AM
ياولد طلعت بحارتنا :D :D

حياك الله اخوي

بصراحة شغل مرتب ومتعوب عليه

وإبتكار يسجل باسمك

الف الف شكر لك وبيض الله وجهك
خليفان
19/06/2011, 01:37 PM
مبروك والله يعطيك من خيرة ويكفيك شره لاكن كل شيء له ايجابيات وله عيوب
الايجابيات الراحه فقط
العيوب ماتقدر تحمل عليه حمولة الشاص المعروفه 2 طن
عيوب الياي الخطوره اثناء انحراف السيارة بالرمل وهي محمله
كذلك يضيع عزم الموتر اثناء صعود المرتفعات لان الياي متحرك صعودا ونزولا
وبالنسبه للاخوان الي بيرسل لليابان يعلمهم بالاختراع احب اقوله الشاص مصنوع للحمولات الثقيله موب مصنوع للراحه ومعروف ان السست للحمولات الثقيله والياي للحمولات الخفيفه
عاشق السيل
19/06/2011, 02:07 PM
بيض الله وجهك يالذيب عز الله إنك كفيت ووفيت ومايعرف للذيب إلا الذيب !!!

هذي بالنسبة لليايات باقي عاد المرتبة شفلها حل ،، لأني بصراحة دخلت الموضوع وأنا متوقع إنك معدل على المرتبة ولقيت الشغل دسم أكثر مما توقعت !!!!!
مجتهد***
19/06/2011, 05:53 PM
تسلم اخي الغالي موضوع دسم و مفيد
هذا التعديل ينفع اهل الكشتات و ما ينفع اهل الأبل و أو من يستعمل الشاص للأحمال الثقيله
بس شغل متعوب عليه
بارك الله في جهودك
المرقب العالي
19/06/2011, 06:13 PM
وداعآ للسيارات المريحه بوجود طريقتك

الف شكر اخي نسناس على جهودك
* ابو باسل *
19/06/2011, 08:33 PM
شغل عدل وفقك الله بس المشكله التحميل رايح يضر الدفرنس ويصير الحمل عليه وهنا المشكله اما الي مايحمل كثير اكيد انه اعلاج .
بدران الدوسري
19/06/2011, 08:59 PM
مشاء الله تبآرك الله ..

فكرتك عالميه ,, بيصير مشاء الله موترك جمس ,, في راحته ,, وشاص بقوته وصبره ...
بس السست مشكلتها في الحموله ... يعني لو تحمل معك شي بسيط نزل الموتر ,,

والمشكله الثانيه ماكن تكلفتها عآليه جداا ..؟ 8500 والله مبلغ مهوب سهل

الله يوفقك
ويبارك لك
مفتون الضبي
19/06/2011, 09:20 PM
والله حلاه الشاص بالمناطط
المدير1
19/06/2011, 11:25 PM
يازين الشي علــــــــــــــــــــــــــــي طبيعتــــه
نسناس نت
20/06/2011, 09:30 PM
لا تعبت ,, شغل متعوووب عليه خيي نسناس وتستاهل تثبت بخيمة السيارات ,,,

بالنسبه لتحميل الشعير هل هو نفس السست ؟!! .....



ياهلا باخوي مخاوي

لاهنت يالغالي

وبالتحميل يفرق لانه يايات

الا اذا حطيت وسط الياي بالون

الف شكر على مرورك الكريم
نسناس نت
20/06/2011, 09:33 PM
ماشاء الله تبارك الله



ياهلا وغلا باخوي فهد

الف شكر لمرورك الكريم
alwssam6
20/06/2011, 09:41 PM
الله ماشاء الله تبارك اختراع سعودي 100%
نسناس نت
20/06/2011, 09:49 PM
ماشاء الله اخي نسناس وتستاهل بوسه على الرأس شغل متعووووووووب عليه

يعافيك ربي ودااااااااااااااااعآ للجموس

يستاهل تكلفته


ياهلا وغلا بالمرقب

لاهنت يالغالي

الف شكر على مرورك الكريم
نسناس نت
20/06/2011, 09:51 PM
ما شاء الله عليك

ابدااع



لاهنت اخوي المغيري

الف شكر على مرورك الكريم
نسناس نت
20/06/2011, 09:54 PM
بارك الله فيك
بالاذن اخوي نسناس نت
ينقل لخيمة السيارات


حياك ربي اخوي

وخذ راحتك

ومشكور على الجهود
نسناس نت
20/06/2011, 09:59 PM
الله يبيض وجهك والله إن عندي شاص لي شهرين موقفة كسر ظهري.
إن زانت الامور والله غير ندعي لك



ياهلا والله بمكتفي

لا ان شاء الله ان الامور تزين

واهم شي مكان القواعد على الدفرنس

الف شكر على مرورك الكريم
نسناس نت
20/06/2011, 10:01 PM
بيض الله وجهك يالغالي


لاهنت اخوي عدي

الف شكر على مرورك الكريم
نسناس نت
20/06/2011, 10:04 PM
يالبا حايل وهلها



ياهلا وغلا باخوي سدير

وحياك ربي
نسناس نت
20/06/2011, 10:08 PM
مشاء الله شغل مرتب ونضيف
بس ضنتي وانأخو ماينفع مع تحميل الشعير



ياهلا باخوي ابوعابد

بالنسبة للتحميل ياخذ مثل حمل الـ GX

الف شكر على مرورك الكريم
نسناس نت
20/06/2011, 10:12 PM
فكرة رائعة وتفتك من مطبات الشاص ووجع الظهر


لاهنت اخوي فيصل

والحمد لله وان شاء الله يستفيدون اهل الشاص

الف شكر على مرورك الكريم
نسناس نت
20/06/2011, 10:16 PM
السلام عليكم ..
شغل متعوب علية الله يعطيك العافية ...
سؤال : وش لون الموتر معك في النفوذ بعد التعديل راسي والا يخوف ...


ياهلا وغلا براعي الصنف

الموتر مايحتاج راحه ورساوة

وجاري التفكير بالمشاركة بالرالي

الف شكر على مرورك الكريم
نسناس نت
20/06/2011, 10:20 PM
ابداع ياجاري علمت الوالد وجايك بكرى
واناعرفتك من الوصف والبيت
من داخل


ياهلا والله بالجار الغالي

وحياك الله انت والوالد بأي وقت

الف شكر على مرورك الكريم
نسناس نت
20/06/2011, 10:22 PM
ما شاء الله
فكره حلوه


لاهنت اخوي سيف

الف شكر على مرورك الكريم
نسناس نت
20/06/2011, 10:23 PM
بارك الله فيك على هالابتكار الذكي


ياهلا برسيس نجد

لاهنت يالغالي

الف شكر على مرورك الكريم
نسناس نت
20/06/2011, 10:25 PM
مشاء الله تبارك الله شغل سنع و مرتب

تحياتي اليك



لاهنت اخوي بدر

الف شكر على مرورك الكريم
wrs3975
20/06/2011, 10:29 PM
فكره رائعه وجميله... بارك الله فيك
نسناس نت
20/06/2011, 10:35 PM
ماشاء الله تبارك الله شغل متعوب عليه وان شاء الله الدراهم اللي دفعتها ماتضيع

لكن ماتلاحظ مافيه مثل شد البلد ؟؟ يعني ماتدري يمكن ينفك لحام ولا ينكسر شي وانت في البر ثمن تبلش !!


لاهنت اخوي عكس التيار

صحيح ان مافيه مثل شد البلد

وان شاء الله انه مايصير كسر

لكن انا عملت حسابي لمثل هالامور يعني المكان اللي به لحام ركزت عليه

بحديد اكبر سمك من الوكالة وبأسياخ لحام اصلية

الف شكر على مرورك الكريم
سابق الخيل
20/06/2011, 10:59 PM
شغلك ممتاز
لكن بتخسر التحميل
نسناس نت
20/06/2011, 11:02 PM
اخوي جرب عليه حمل ثقيل وشوف وش يبي يصير بشغلك !!! لابد من اختبار المنتج قبل ان تطرح الفكره للعموم

لكل شي مساؤي وانا واثق انك راح تتغلب عليها والله يعوضك بخسايرك


اخوي قدر مكتوب انا سويت الفكرة للي مايبي حمل ثقيل يعني صممته حسب تحميل

الـ GX عزبة بر مع توانك الماء والخيمة لان الاغلبية يعشق الشاص بشكله وقوته

دون النظر الى كم يحمل .... ويوم نزول القمري رحت عليه للساحل وكل واحد معه حمل

من سيارات اخوياي حملته عليه الى ان وصل العفش لحامي التندة ومشيت عليه بسرعة

190 كم والحمد لله وبعد ستره راسي مع الخط وطبعا لقيت عيب بسيط وهو مكان قاعدة

الرباط فوق الدفرنس طويلة شوين يعني مع المطبات الكبيرة وهو محمل تدق بماسورة

الكنداسة بعدين قصرته وغيرت مكانه والحمد لله ضبط باذن الله سبحانه

الف شكر على مرورك الكريم
نسناس نت
20/06/2011, 11:15 PM
والله مبدع ...فعلا مايحتاج الواحد لهسست وأكثر أغراضه ماتعدى عزبة وموية ومادام انك جربتها ومية مية فأهنيك على تصميم فكرتك ...السؤال كيفه في الخط ؟؟؟؟؟؟؟؟؟؟
- ممكن تغلب على ثقل الحمولة إن وجدت بمساعدات استرالية قوية تتحمل حمولة أكثر فالك النجاح في هالخطوة ان شاء الله وموفق باذن الله وأبصم بالعشر إنك شجيع ومبدع وشكرا لك
ولاانسى ان الواحد يعرف استخدامه للموتر ومدى احتياجاته للشد البلد فهو مصمم لتحمل أكثر من 2000طن هناك ناس ياخذون الموتر للتحميل الثقيل دائما
وهناك ناس يبي الموتر للكشتات ولايعوقه شي بس يبي في نفس الوقت موتر مريح وياخذ أغراضه اللي يحتاجها وفكرتك ذي تخدمهم كثير شكرا لك يالذيب


لاهنت اخوي بريق الحسام

وفعلا مثل ماقلت الاغراض ماتتعدى عزبه بر واذا لزم تحميل يستعمل بالون

بوسط الياي ترفع الموتر الى اي مستوى

والموتر مع الخط مايحتاج يالغالي الى 190كم او اكثر

والغريب انه يوم السست فيه

صوت هزة عند سرعة 160 وبعد اليايات اختفى الصوت

الف شكر على مرورك الكريم
نسناس نت
20/06/2011, 11:16 PM
شغل معلم ما شاء الله عليك


لاهنت اخوي المنيعي

الف شكر على مرورك الكريم
نسناس نت
20/06/2011, 11:18 PM
انا اشهد انك مبدع
تم اللطش


لاهنت اخوي حسان

وخذ راحتك

الف شكر على مرورك الكريم
نسناس نت
20/06/2011, 11:21 PM
عز الله انه شغلن مرتب

تسلم يدك يانسناس
وعز الله انك وفيت وكفيت وريحت
اهل الشواص من المناقز....

والله يخلف عليك بما صرفت ودفعت

تحياتي



ياهلا بك ولد الحويطات

ومن قال يسلم

وان شاء الله انه تفيدهم الفكرة

الف شكر على مرورك الكريم
mifleh
20/06/2011, 11:37 PM
ماشاء الله عليك يانسناس
شغل متعوب عليه
نسناس نت
20/06/2011, 11:47 PM
أول شيء مبروك والله يعطكيك خيره ويكفيك شره ......

ثانياً أخي الكريم أنا من زمان الفكره تراودني بس المشكلة اللي كانت تزعج تفكيري ليست أعمدة التوازن ولا حتى مسامير التوازن ولاحتى القرص حق الياي السفلي المشكلة في قرص الياي العلوي كيف حليته وليش ما ركبت يايات أستراليه عشان الحموله تكون معقولة ولن تكون مثل السست ولكن مثل ما قلت معقوله ......

عندي سؤال وهو كيف مرونة الموتر بالأماكن المتعرجه وأيضا ً شديدة الوعورة ؟؟؟؟؟؟؟؟؟

وبالتوفيق



الله يبارك فيك اخوي ابو اسامة

والحمد لله انه انحلة المشكلة عندك

وللمعلومية عن قاعدة الياي العلوية للجهة اليسرى لازم تزيح ماسورة الكنداسة

تقريبا 3سم

ومن ناحية نوعية الياي والله ان ودي اركب ياي كرسيدا

هههههههههههههههههههه

متنا من هالمناقز من طلعة الشاص الـ 89 وانا ماالزي على الارض


خلنا نعوض سنين هالمناقز بالياي اللين وبعدين اركب اي ياي!!

ومن ناحية مرونته والله اني جربته مع طلعة طويلة بأحد جيلان الساحل

ماشفت منه اي مشكلة ويمكن انه افضل من السست بسبب ان الكفر ينزل اكثر

بالطلعة المتعرجة ويعطيه مجال انه يلمس الارض بعكس السست تعلق الكفر

اتمنى اني افدك والف شكر على مرورك الكريم
نسناس نت
20/06/2011, 11:49 PM
ماشاء الله لاهنت على الفكرة الرائعة...


لاهنت اخوي ابو حسن


الف شكر على مرورك الكريم
نسناس نت
20/06/2011, 11:55 PM
ماشاء الله تبارك

صراحه شغل ابداع

انصحك اخوي تفتح لك ورشه في هالمجال



لاهنت اخوي RB3

وفعلا لاني بلشت مالقيت احد ينفذ الفكرة

لكن ظروف العمل ماتسمح

الف شكر على مرورك الكريم
نسناس نت
21/06/2011, 12:09 AM
حياك الله يا نسناس ان لي نية امر عليكم بحايل
1/ هل ابلقى القطع عند الورشة متوفرة والا اوفرها واجيه ؟
2/ وكم بتأخذ وقت تقريبا ؟
وممكن ترسل لي رقمك على الخاص او رقم راعي الورشة لاهنت
وجزاك الله خير عز الله انك بتفك ازمة


ياهلا وغلا بك عاشق

وحياك الله باي وقت ويسعدني حضورك

ومن ناحية القطع موجودة بس لابد انه تقص مثل اعمدة الدفرنس للي فوقه

واللي تحته

واذا القطع جاهزة الشغلة ماتاخذ ساعتين

الف شكر على مرورك الكريم
نسناس نت
21/06/2011, 12:11 AM
مشاء الله تبارك الله



لاهنت اخوي همس

الف شكر على مرورك الكريم
أميرالعشاق
21/06/2011, 12:12 AM
تقرير مفصل..وشغل نظيف..وتكلفته معقولة لمن يرغب الراحة....
وفقك الله
نسناس نت
21/06/2011, 12:18 AM
ما شاء الله تبارك الله
شغل صح ،،،، ممبدع ياخوي بأتقان ،،،،، لابد ان يكون في العمل بعض الاخطاء التي تتلاشى مع كل تجربة التي تطور به الى الاحسن ،،،،،،،،،،،،، الان زان مركب الشاص

مع تحيات اخوك ابو عاذر



ياهلا وغلا باخوي ابو عاذر

ومثل ماقلت لابد من وجود بعض الاخطاء وان شاء الله اني قدرت اعدل

على اللي لاحظته على الموتر واللي ظهرت امامي

وانا انتظر ان احد يطبقة على شان نجمع اي خطأ ونحاول اننا نعدل به

الف شكر على مرورك الكريم
سحــاب
21/06/2011, 12:19 AM
ماشاء الله
الله يعطيك خيره ويكفيك شره
ويحفظك وياه من كل مكروه
نسناس نت
21/06/2011, 12:24 AM
ابداع الله يعطيك العافيه


لاهنت اخوي عبادل

الف شكر على مرورك الكريم
نسناس نت
21/06/2011, 12:26 AM
بارك الله فيك وجزاك الله كل خير , مشكور على الفكره الاكثر من رائعة والتي سوف تخدم الكثير...




لاهنت اخوي سليمان

وان شاء الله انه تفيد

الف شكر على مرورك الكريم
نسناس نت
21/06/2011, 12:39 AM
شغل نظيف ومتعوب عليه يعطيك العافيه ويهنيك بشغلك

بس فيه اماكن عليها حمل واشوف فيها قص ولحام وخوفي مع الحمل والوعر ينكسر اللحام ؟؟


الشي الثاني ماحاولت تجيب دفرنس جي اكس واتركبه على طول تبي تسلم من كثر الترهيم والقص واللحام والقواعد ... الخ


لاهنت اخوي ساري

ومن ناحية القص واللحام لابد اني اضحي بالدفرنس واللي شفته من القص هو حصيلة

التعديلات والعيوب اللي عدلت عليها واللي يبي يطبق الفكرة ماراح يخسر شي

لان المقاسات صارت معروفه

ومن ناحية دفرنس الجي اكس مايركب لانه اطول من دفرنس الشاص بـ 25 سم

الف شكر على مرورك الكريم
نسناس نت
21/06/2011, 12:41 AM
ما يجي يالغالي

دفرنس الشاص غير الهدد أقصد مقاسات الكارونه !!

والهدد ماله دفرنس قدام !!

إلا إذا كان يبي يغير حقات الشاص الامامي والخلفي بـ حقات جي اكس ديزل


امامي وخلفي



الله ينور عليك اخوي قرم

وفيت وكفيت

الف شكر على مرورك الكريم
نسناس نت
21/06/2011, 12:47 AM
والله موضوعك دسم اخوي

ويحقلك براءة اختراع


وفقك الله ورعاك




لاهنت اخوي ابا مجاهد

وان شاء الله تعم الفائدة

الف شكر على مرورك الكريم
نسناس نت
21/06/2011, 01:01 AM
الى المشرفين
ليش مايثبت الموضوع
اوحتى ينقل للمواضيع المميزة
وصاحب الفكرة اعتقد يستاهل
التكريم لانه قام بعمل كبير ومدروس
والاهم من كذا قا بعمل
( شجاااااااااااااااااااااااااااااااع جدا)



تسلم اخوي ماجد

والله مانشرت الموضوع الا ابي الاجر من الله

وانا من عام 1413هـ وانا ودي اجرب وانفذ الفكرة وطوال السنين

اللي راحت اجلس تحت الموتر ومعي المتر اقيس المسافات واقسم واجمع

ومكان الياي وين والحمد لله اني نفذته وان شاء الله انه تحصل الفايدة

وتسلم ياغالي على المداخلة
نسناس نت
21/06/2011, 01:03 AM
الله يعافيك ماقصرت


لاهنت اخوي عاشق

الف شكر على مرورك الكريم
قلب الداهية
21/06/2011, 01:11 AM
يعطيك العافية فكرة حلوه
نسناس نت
21/06/2011, 01:27 AM
شغل متعوب عليه
مشكووووووووووووووووووووووووووووووووور


لاهنت اخوي ابو سلمان

الف شكر على مرورك الكريم
نسناس نت
21/06/2011, 03:45 AM
مشاء الله تبارك الله ..
بصراحه مشروع قوي جدا جدا جدا ولحد الان ماشفت اي شخص قام بهالمشروع وانصحك اخوي انك تحتفظ بكل معلومات الشغل .. يعني ماحد يجي وينسب الشغل لنفسه ويقول انا الي مسويه شي يقهر .!!
لكن عندي سؤال : العامود الي طويل القاعده حقته الي بالشاصي هي نفسه حقت السست صح .؟
وغير هذا ابي اعرف وش نوع اللحام الي استخدمت لانه فيه اكثر من نوع وانتبه يكون نوع اللحام خفيف .!!
ومثل ماقالو اغلب الاخوان جرب موترك بالاشياء الثقيله الي تقدر تخليه تتحمل بمثل لو هو محمل بالسست عشان تثبت قوة اللحام والعمدان الي مركبهن ..
شغلتك قوي قوي والله يطرح فيه البركه ..
وطريقتك هذي تسمى تعليق خلفي مثل الباترول اكبر مثال واقعي للتعليق ..
ولكن نصيحه وكلن يقولها لك جرب بالاحمال الثقيله حتى تثبت للجميع قوه التحمل وقوة اللحام ..
ونصيحه ترا اللحام انواع وللاسف بعضهم مايعرف هالشي لاني اشوف الي يعدلون ع المرهمات خاصه من تعديل سست الا عامود وشي لاتقارنه بسياره عاديه ..
بالتوفيق لك واسف ع الاطاله ..


ياهلا والله باخوي ولد حمد

ومن ناحية الحقوق

والله ثم والله ان لي اشياء مسويه قبل سنوات طويلة وقبل ظهور

الانترنت والان تستخدم مع عامة الناس . والاهم انه تفيد المسلمين

بغض النظر عن الحقوق .

ومن ناحية العمود الطويل صحيح راكب بقاعدة السست

واللحام المستعمل هو الماليزي مدعم بلحام ستيل مع الربط بالبراغي في الاماكن الممكنة

الف شكر على مرورك الكريم
نسناس نت
21/06/2011, 04:04 AM
بالتوفيق بس يا زييييين الشااااص ومطباته
واللي يبي الراحة يشري كامري هههه
يعني أنا مع صناعة اليابانيين وهم ادرى بالشغله ولو انه افضل كان سبوقنا بالشي هذا..
يعني حرام ارهم موتر بحدود المية ... وجهة نظر .. وبالتوفيق أخوي




وجهة نظر احترمه ولا يختلف عليها اثنين

والشاص اصلا صنع للتحميل لكن اذا كنت تعشق الشاص ومن المستحيل

انك تستغني عنه , والبر مايزين الا بالشاص ليش ما احوله ياي لاصرت

مانا راعي تحميل ...

هههههههههههههههههههههههه
ولو معي كامري ماطلعت للبر من الاساس

الف شكر على مرورك الكريم
نسناس نت
21/06/2011, 04:07 AM
ابداع يانسناس نت (http://www.mekshat.com/vb/member.php?u=212327)
والله يوفقك


تسلم اخوي راعي ذرف

الف شكر على مرورك الكريم
نسناس نت
21/06/2011, 04:35 AM
ياولد طلعت بحارتنا :D :D

حياك الله اخوي

بصراحة شغل مرتب ومتعوب عليه

وإبتكار يسجل باسمك

الف الف شكر لك وبيض الله وجهك




ياهلا وغلا بنفودنا

والله والحلا لاصرت بالحارة :):):):)

اجل انتظر منك زيارة منه نتقهوى وتشوف الموتر وتجربه

لاهنت يالغالي والف شكر على مرورك الكريم
نسناس نت
21/06/2011, 05:02 AM
مبروك والله يعطيك من خيرة ويكفيك شره لاكن كل شيء له ايجابيات وله عيوب
الايجابيات الراحه فقط
العيوب ماتقدر تحمل عليه حمولة الشاص المعروفه 2 طن
عيوب الياي الخطوره اثناء انحراف السيارة بالرمل وهي محمله
كذلك يضيع عزم الموتر اثناء صعود المرتفعات لان الياي متحرك صعودا ونزولا
وبالنسبه للاخوان الي بيرسل لليابان يعلمهم بالاختراع احب اقوله الشاص مصنوع للحمولات الثقيله موب مصنوع للراحه ومعروف ان السست للحمولات الثقيله والياي للحمولات الخفيفه



الله يبارك فيك اخوي خليفان

وانا معك ان الشاص صنع للتحميل . وكل واحد عنده شاص يعرف مدى استخدامه

لموتره هو راعي تحميل او لا وانا حطيت الموضوع للي يرغبون التبديل لان الاغلبية

من الناس قليل تحميلهم على الشاص يعني موتره لطلعات البر والقنص والتمشي

والاغلبية يسحب سست على شان يرتاح الموتر وهو يرتاح من المطبات.

والا ليش الاغلبية تركب بالشاص يايات ربع قدام او تدور على شاص خليجي

على شان انه اقل سست واريح من السعودي

وعلى العموم كل واحد وله ميوله اما سست او ياي

الف شكر على مرورك الكريم
sa-z71
21/06/2011, 06:05 PM
ماشاء الله تبارك الله والله شغل مرتب

الله لا يخيب تعبك

....
طيب أخوي لو استخدمت نظام سست الجمس والفورد الحوض
يكون ضربت عصفورين بحجر
1- راحه
2- عدم الأستغناء عن السست

تقبل تحياتي
abu fares
21/06/2011, 06:16 PM
ماشاء الله تبارك الله


يعجبني الشخص اللي يفكر ويبتكر


الله يبيض وجهك
ابوصالح77
21/06/2011, 11:51 PM
الله يبيض وجهك
على هالشغل والترهيم
قمة في الهندسة والروعة
تعجز الكلمات عن وصف ما يجول بخاطري
ما شاء الله تبارك الله
بالتوفيق
راعي سهوه
22/06/2011, 12:32 AM
لو تحمل عليه اكياس شعير حول 40 وتعلمنا بالنتايج تصير احسن واحد:D
رسلان الوايلي
22/06/2011, 11:59 AM
الله يعطيك العافيه
خ الفياض
22/06/2011, 12:42 PM
ماشاء الله
يعطيك ربي العافيه
اهنيك على تفكيرك وشغلك وحبك للخير للكل
والله يكتب اجرك
صراحة شغل وكااااااااااله

لكن لو تحتكر الهرجه وتحط سعر معقول وضمان على الشغل راح تعين خير من دعوات الشيبان ومستخدمين الشاص بشكل عاااااااااام
في امان الكريم وبالتوفيق
عاشق الحيسية
22/06/2011, 01:41 PM
ما شاء الله عليك

مبدع



تجربه سيستفيد منها الكثير
أبو زياد الحنيني
22/06/2011, 02:36 PM
يعطيك العافيه أخوي نسناس نت

تسلم والله على هالموضوع
زيــآدِ
22/06/2011, 03:22 PM
للتحميل الافضل السست :good2:

وللصبر والقوة ما فيه مثل شغل الوكالة ,, وشغلك التلحيم ممكن ينفك بالبر وعاد ابلش بالموتر الله يعين ;)

لحل آلام الظهر خذ لك ونيت جمس اريح لك من الشاص :p

الشاص ما مثله وكالة بمطبه القاسي :f.

وشكراً على التجربة
شاص99
22/06/2011, 06:50 PM
فكرة رائعة اشكرك عليه
المرقب العالي
23/06/2011, 02:29 AM
ياجماعة الموتر مايبيله كلالالالالالالالالالالالالام انا مجربه بنفسي مدة يومين

تصدقون يفرق كثير عن ال GX بالراحه

وداعآ لالام الظهر والدسك
أطلال نجد
23/06/2011, 02:44 AM
ما شاء الله تبارك الله
صحيح الحاجة أم الأختراع
ساري 111
25/06/2011, 01:25 PM
اخوي نسناس ودي لو تشوف دفرنس الجي اكس الديزل

عندي احساس كبير انه نفس الشاص بالضبط
أبو نـآيف
25/06/2011, 10:30 PM
انا اقول قدم على برائة اختراع لاينوخـذ منك

ماشاء الله يكفي طولة بالك ,,
العنيد952
26/06/2011, 03:45 AM
مشاء الله شغل حلو
فيه جيب شراع 84 صاحبه مضبطه يايات قدام و ورا والصراحه الجيب مريح مع اليايات وتقريبا الان له ثلاث سنوات
ادليلة
26/06/2011, 01:00 PM
عزالله انك فنان ماشاء الله عليك لا كن رساوة الموتر وهو مسرع في اللفات ماادري عنها -- تقبل تحياتي
باطل
27/06/2011, 09:22 PM
الله ماشاء الله تبارك اختراع سعودي 100% ممتاز مشاء الله تبارك الله
شفت
29/06/2011, 10:23 AM
ماشاء الله عليك اخوي نسناس الظاهر انك ياباني مرهم سعودي ههههههه بدون زعل الدعوة مزح واخذ وعطاء
سعد النفيعي
29/06/2011, 01:39 PM
ماشاء الله تبارك الله
ابداع وشغل جميل والله يعطيك العافيه
سارى بالنهار
13/07/2011, 10:17 AM
ماشاء الله شغل متعوب عليه وفقك الله بعد مضى هذه المده نبى العلوم والنتائج وهل تنصح عشاق الشاص بهذه الخطوه ولو تعبناك معنا القطع اللى تحتاجها من التشليح ياليت بالصور
نايلات11
20/07/2011, 05:03 PM
للفائدة العامة
سلكي نت
21/07/2011, 01:17 AM
عزالله انه شغل معلم
اتعبت من بعدك يا نسناس

موفق وياليت رقم الورشة على الخاص
اسبرين
11/11/2012, 03:49 AM
مشاءالله تبارك الرحمن
شغلك مرتب وبطل
وعز الله انها تنحسب لحسابكـ
-----------------------
شاووش
11/11/2012, 04:57 PM
ماشاءالله تبارك الله
انشهد انك جبتها مشكلة الشاص الراحه معدومه فيه بسبت السست
وبيض الله وجهك والله يعطيك العافيه
YUKON_GMC
12/11/2012, 01:34 AM
الله يعطيك العافيه


لكن مافكرت تخفف السست بدلاٍ من القص والتلحيم و الترهيم
خالد البشري
12/11/2012, 02:15 PM
الفكرة ممتازة ...


لكن اللي يبي يحمل ولا يبي مطاب للشاص وش يسوي ؟؟؟ هههههههههه


مثل ما يقولون الشيبان خل الموتر على حاله لا تحرك فيه مسمار !!!
(( الياباني ابخص منك )) <<< دايم الشيبان يقولونها
منصور الحجي
12/11/2012, 02:40 PM
فكره جميله وشغل متعوب عليه

بارك الله فيك اخوي
عبدالله سالم
16/11/2012, 11:05 PM
يعطيك الف الف عافيه ع الموضوع كنت بحاجه له
ابو مالك حائل
16/11/2012, 11:39 PM
نسناس نت
س/ ليش رجعت موترك سست ليش ما نجح الاختراع او ناوي بيعت الموتر
بن شمروخ
26/05/2014, 09:12 AM
فكرة جبارة مبدع ماشاء الله عليك
التويجري1991
26/05/2014, 03:10 PM
لاتعب ،، شغل الصراحه مزبووط بس حلاة الشاص بالمناقز واذا صار مايناقز برجعه للوكاله بقولهم موتركم خربان 😁
اليامي قطر
26/05/2014, 09:46 PM
يانسناس هل الشغله فيها لحام او فك وتركيب فقط ؟؟؟
الدليله1
26/05/2014, 10:52 PM
سبحان الله شغل مكلف وخطر الي يبي الياي وشاص نيسان شدبلد مهوب ترهيم
العاطفي M
27/05/2014, 07:05 PM
انا اشهد النيسان حاط لك جميع الخيارات ياي وسست وثلاجة وبدون ثلاجة وكلها دف لوك

وغير المكينه الجبارة 4800
عاشق الددسن92
28/05/2014, 03:56 AM
انا اشهد النيسان حاط لك جميع الخيارات ياي وسست وثلاجة وبدون ثلاجة وكلها دف لوك

وغير المكينه الجبارة 4800

:good::good::good: