فزعه للبيع

[الدركتل]

ياهل المقناص في وقت الهدادي
ازهم فزعه على صيد الخريشه
فعلها معروف في وقت العنادي
شوف عيني خربها منتوف ريشه



ما نوع الطير جيرشاهين
ماعمرالطير ؟؟ : تنقل ثالث
ما(قياسه او وزنه)؟؟ : العرض 17 والطول 16.5
وحش(الدوله المطروح بها ) ؟؟ : بريطانيا
تفريخ (الدوله والمزرعه)؟؟: نيوكولس
تهجين (الدوله و نسبة التهجين والمزرعه)؟؟؛:
أين مكان الطير حاليا (المنطقه / المدينه)؟؟: الكويت
هل يوجد توصيل داخل اوخارج دولتك؟؟: نعم
ماهي الحاله الصحيه للطير؟؟ : جيده
علوم الطير ؟؟ (للقرانيس البيتيه) صايده
هل صاد الطير الحباري؟؟ نعم
هل صاد الطير الكروان؟؟ لا
هل صاد الطير الارنب؟؟لا
هل الطير طلاع على الحباري؟؟ نعم
هل الطير راكد على التكايه ؟؟ نعم
بـدون بـرقـع ( مفرع ) ؟؟نعم
هل الطير يمسح على التلواح او يلاعب الشلو(خالي ) ؟؟ نعم
هل توجد في الطيرعيوب (الارتفاع,الكوشه,نقل العلف,الصياح)؟؟ لا
هل توجد عيوب اخرى لم تذكرها؟؟لا
ماهو حدك في الطير أو اخر سومه للطير ؟؟؟ الي الله يجيبه


تلفون0096566057772





http://up.ftahilah.com/up/uploads/b3b03598fc.jpg (http://up.ftahilah.com/up/)







http://up.ftahilah.com/up/uploads/089028921f.jpg (http://up.ftahilah.com/up/)

[اخو رفعه]

كم بقا فيه من الريش

[الدركتل]

3/3 ياخو رفعه

ومربوطه عند بدر محارب

[صقارمكشات]

الدركتل كيف حالك وحال الوالد واخوك العود والربع كلهم ياخوي اقتحمتنا اقتحام بيوم وليلة ما يصير

[الموافي1]

صح لسانك يالذيب اذا فيه توصيل للخفجي
بسم الله نقول 4000 ريال وصامل وان ماعجبتك السومه اعتبرها فتحت باب
والقليل يجيب الكثير

[راعي مرعوب]

السلام عليكم السوم علي ٥٥٠٠ ريال والرقم علي الخاص

[أحمد س العنزي]

6000 وصامل وراسلني عالخاص اذا معتمد .. والله يبعث بوو الخير

[راعي جالود]

كانها تجزم على طرد السوادي
من نقلها ، التوجد ما يعيشه

ما تصد ! إعن المفزع والمنادي
قبل تفتح سبقها ، فك الدريشه.


الله يرزقك عدد ريشها ، شدني البيتين ولقيت نفسي اغني معها

واسفين ع المداخله

[راعي عزام1]

سلام عليكم
الله يوفقك بالبيعه الطيبه
اخوي استفسار بسيط فزعه هي شاهين الامير سعود بن عبدالرحمن والا اسم ع اسم

[الدركتل]

صقار مكشات يامرحبا


ابشرك على ماتحب وكلهم طيبين

[الدركتل]

الموافي لاهنت

ونطلب من الله الزود

[الدركتل]

راعي مرعوب لاهنت

ونطلب من الله الزود

[الدركتل]

احمد العنزي لاهنت

ونطلب من الله الزود

[بو غازي]

السلام عليكم ورحمه الله وبركاته
ب10000 ريال شرط ماذكرت وشرط الصحة واستلمها منك بالخفجي
وهذا رقم جوالي 0555862600
ملاحظة:
اخوي بالنسبة للبيع والاستلام طبعا يكون بعد معاينة الطير على الطبيعة في محلك

[طلاع 1970]

اخوي اشلونه مع الحمام القوي مثل الدحل

[النـادر]

يالدركتل يوم فزعت المنادي
والطيور بخير في في العريشه
قبل لاناصل لحزات الطرادي
بعد نتف الريش هوحصلت عيشه

والله ان ابو غازي غالي
لكن حلال المسلم بالمزاد
بـ 10000 ريال واستلمها بالكويت عند النقله بشرط الفحص وشروط المذكور من كلامك

[راعي تويوتا]

الله يرزقك ...

[بو غازي]

السلام عليكم ورحمه الله وبركاته
وانت عزيز وغالي يابو عماد
ب12000 ريال شرط ماذكرت وشرط الصحة واستلمها منك بالخفجي
وهذا رقم جوالي 0555862600
ملاحظة:
اخوي بالنسبة للبيع والاستلام طبعا يكون بعد معاينة الطير على الطبيعة في محلك

[بو غازي]

اخوي دركتل!!
الله يعطيك العافيه في لك موضوع ثاني المغتر المزيون ترد عليه وهذا مهمله ماترد علينا
جعل من جابك للجنة ان كان السوم ماجاز لك ياليت تبلغنا وانا واخوك وان كانك بعتننا جينا شفنا الطير لاني الاحظك ترد على ذاك الموضوع وهذا ماترد عليه!!
اتمنى انك ترد علينا
والله يعطيك العافية والمعذرة وانا اخوك

[أميرالعشاق]

الله يرزقك البيعة الطيبة ويبارك لمن يشتري...
ماشاء الله تبارك الله

[صقارمكشات]

اخوي الدركتل
افزع لاخي ابو غازي تراه يعز علي شخصيا
وسلم على الربع

[بو غازي]

اخوي الدركتل
افزع لاخي ابو غازي تراه يعز علي شخصيا
وسلم على الربع

جعلك تسلم يابو عبدالله لاخلا ولاعدم
والله يعزك بالطاعه والايمان وانت عزيز وغالي
حنا بس نبي الأخ دركتل يلقينا باله شوي في هالموضوع جعله يسلم وتسلم يابو عبدالله ومن يقرا
وكلكم اخوان جعل ربي يوفق الجميع:good:
:)

[النـادر]

لاتعجل يابو غازي القيض طويل والرجال مرده يعود دربه من هنا
ماورانا شي توالقيض يبداء عداده خله يصرف الثانيات ويبرح لبيعة الجير

[مشاري العماوي]

الحمله اللي مابها فزعـــه ياقل والله حبــاريها

الجير متعدي 1700 دينار كويتي
ويبي الرجــال زود

[النـادر]

الحمله اللي مابها فزعـــه ياقل والله حبــاريها

الجير متعدي 1700 دينار كويتي
ويبي الرجــال زود


هالحين اللي عارض الجير الدركتل والا مشاري والا الاثنين في واحد
نبي نفهم السالفه الله يرضى عليكم عشان المصداقيه في المنتدى ماتضيع

[الدركتل]

يالنادرفزعه عارضها انا وهي ل مشاري العماوي
اما الطير المغتر المزيون فهو لي

[مشاري العماوي]

السلام عليكم ..
اخواني الموجودين في المنتدى..

انا اخوكم مشاري العماوي العتيبي..

ولا احب اكتب اسسم مستعار.. ولا اعرف تنزيل الصور ..وخليت اخوي الدركتل ينزلها لي ..

وانا اعتقد ان اسمي واضح ومعروف..

وجزااك الله خير يا النادر ..لاني لا اعرفك ولا اعرف من اي ناس.. وان كان ظنك سوء.. فان لله وانا اليه راجعون..

ملاحظة:-
بيعة الطيور للحاجه ..

وشكــرا للجميع..

[بو غازي]

الله يوفقكم يارب جميع
ويكتب لكم الصالح وجعلها تجيب ازود وعسى الله يربحكم

[النـادر]

الله يوفقك يامشاري انت من ناس معروفه لكن الخطا من الدركتل عارض الجير وماقال انه لك وانت بعد ماوضحت ان الجير لك وتقول انه يسام 1700 ويبي الرجال زود (قل ياخي الطير لي وابي من الله الزود ولاتترك مجال للضنون) والشي الثاني بموضوع الطير المجهم هو اللي عارض وانت ترد على الاخوان يوم سألوا عن الريش الباقي وهو بنفسه يسال من انت ووش دراك عن الريش....... لاتلومنا اخي الوضع بهذا الشكل يشكك اللي معه عقل ... عموما الله يرزقك يامشاري ويرزقك يالدركتل وطيوركم طيبة شكل وان شاء الله انكم صادقين والله لايجيب النيه السيئه

[مشاري العماوي]

السلام عليكم . جهاز كان عندي عطلان اشتريت واحد جديد علشان النادر و ياليته يرجع للصفحه الا قلت لدركال ان باقي فيه ثلاث ثلاث (قالي شدراك يالعماوي واعتقد اسمي واضح )وانت كاتب ان الدركال يقول من انت فليت تصلح غلطك الا اذا ما كنت لبس نظاره
مع تحياتي للجميع

[النـادر]

السلام عليكم . جهاز كان عندي عطلان اشتريت واحد جديد علشان النادر و ياليته يرجع للصفحه الا قلت لدركال ان باقي فيه ثلاث ثلاث (قالي شدراك يالعماوي واعتقد اسمي واضح )وانت كاتب ان الدركال يقول من انت فليت تصلح غلطك الا اذا ما كنت لبس نظاره
مع تحياتي للجميع


الله يجزاك بالخير يامشاري انا لست (رقيب عتيد) الموكل بكتابة كل مايلفظ به الانسان ولكني عابر بعقل من خلال المتصفحات واقراء مايكتب وماكتب اوجد لدي لبس ومن المؤكد اوجد لدى غيري ولانني كنت بصدد سومة الجير استفهمت ولم اعلق على الطير المجهم في حينه لانه لاحاجة لي في شراءه عموما الامر اصبح واضح وجلي الدركتل عارض جيرك فزعه وانت اللي ترد واذا في خاطرك شيئ من النقاش فانا اسف اذا كان نقاشي غير مفهوم او تسبب لك في حرج
اخوك /عبدالله الثمالي

[برزان1]

اذكور الله يالربع وخلو السوم يمشي يالعماوي رجاء اذكر لنا جناح الطير تلحق السوادي سلم

[قناص2]

السلام عليكم يالأمــــير

ماشاء الله تبارك الله

الله يرزقك من واسع فضلـــه

علي ب 14000 ريال

شرط مطابقة الطير وشرط الصحه وخلوه من العيوب الأخرى

رد لي ع الخاص

والله الموفق

[صوت الماضي1]

الله يرزقك البيعه الطيبه

[ابو طاهر]

الله يرزقك من واسع فضله

[الدركتل]

الشيهانه على ابو سعد العتيبي 18000 والله يوفق راعيها العماوي

[مشاري العماوي]

تــم البيــع..

والله يوفـق الي شراهـا.. ويعطيه خيـرها ويكفيـه شرهـا..

وشكــراا.. للمنتـدى ولمشرفـين المنتدى والمشاركين في الموضوع..

اخوكـم العمـاوي ..