يوسف الخليفة1
17/06/2011, 01:15 PM
بسم الله الرحمن الرحيم
السلام عليكم ورحمة الله وبركاته
البارحه جتني عن النوم جفوه=مزكوم واموهدن وعضدي بمركاه
احس باعظامي من الجمر دفوه=والقلب كالطقاق والهيم باقصاه
ما تشتهي نفسي قدوعن وقهوه=حتى الغدا بالجوع يا كود نشهاه
كني صويب سباع من كف لبوه=يبي يلوذ وخطوة الليث تتلاه
هذا حكم ربي رجيناه عفوه=ومن لا صبر خسر الاجر والمجازاه
نهج النبي نسلك بالامراض حذوه=نرجي طهور الحال وقت المعاناه
حزات ما ينفع طبيبن وعزوه=حتى ولو طال المدا بالمداواه
والعافيه للادمي خير كسوه=ندرك ملذة وقتها لافقدناه
يا سامعي باوصيك بافعال حلوه=داوم عليها فيها مكسب ومكفاه
ترا الذكر كافي لكفيك عروه=كما الحبال اللي للانسان منجاه
والصبح سبع التمر وافضلها عجوه=واحرص على فرض الفجر لا تعداه
وارقد زمان القايله لو هي غفوه=وصية اللي رب الاكوان يرعاه
كانك تريد لجنة الخلد خطوه=داوم على البردين حذرا تناساه
عاشر جليس الخير للروح نقوه=الطيب منهاجه على الطيب شرواه
منزال الاجواد ارتقا فوق ربوه=الصالحين الروس طلقين الاجباه
واليا لقيت من المجاميع ندوه=فاحرص على اللي شيخها زان مغزاه
حذرا من اللي يفحم الفكر غثوه=مجالس الغيبه مداليق الافواه
ما يستوي ذيب الغداري وقطوه=ولا يستوي صدق النبا والمراواه
من يشتري عير المفالي بفلوه=مثل الذي بدل محبيه باعداه
ترا الخضار اليا عثا فيه سروه=يصير فاسد ما توقيه الامواه
والضيف ما تكفيه عشوه وغدوه=لا بد من سمح الحكي بالملاقاه
والسجه بعرض الخلا فيها سلوه=يلقا الفتى فيها ملذات مسراه
يشب ناره والمطر صار حروه=والبن الاشقر يختفي بين الاشفاه
عنده معاميله ومركا وفروه=والصاجه لقرص المعيه محماه
بالباذر الخلفات يتلاها حشوه=تلقا النبات الزين باحزوم مفلاه
حليبها يظهر من الديد رغوه=اليا ضوت للذود حزة معشاه
الطاسه تعادل من القوت عشوه=تكفيه ليله عن طعامه ومغذاه
يوسف الخليفة ( أبو عبد الله )
السلام عليكم ورحمة الله وبركاته
البارحه جتني عن النوم جفوه=مزكوم واموهدن وعضدي بمركاه
احس باعظامي من الجمر دفوه=والقلب كالطقاق والهيم باقصاه
ما تشتهي نفسي قدوعن وقهوه=حتى الغدا بالجوع يا كود نشهاه
كني صويب سباع من كف لبوه=يبي يلوذ وخطوة الليث تتلاه
هذا حكم ربي رجيناه عفوه=ومن لا صبر خسر الاجر والمجازاه
نهج النبي نسلك بالامراض حذوه=نرجي طهور الحال وقت المعاناه
حزات ما ينفع طبيبن وعزوه=حتى ولو طال المدا بالمداواه
والعافيه للادمي خير كسوه=ندرك ملذة وقتها لافقدناه
يا سامعي باوصيك بافعال حلوه=داوم عليها فيها مكسب ومكفاه
ترا الذكر كافي لكفيك عروه=كما الحبال اللي للانسان منجاه
والصبح سبع التمر وافضلها عجوه=واحرص على فرض الفجر لا تعداه
وارقد زمان القايله لو هي غفوه=وصية اللي رب الاكوان يرعاه
كانك تريد لجنة الخلد خطوه=داوم على البردين حذرا تناساه
عاشر جليس الخير للروح نقوه=الطيب منهاجه على الطيب شرواه
منزال الاجواد ارتقا فوق ربوه=الصالحين الروس طلقين الاجباه
واليا لقيت من المجاميع ندوه=فاحرص على اللي شيخها زان مغزاه
حذرا من اللي يفحم الفكر غثوه=مجالس الغيبه مداليق الافواه
ما يستوي ذيب الغداري وقطوه=ولا يستوي صدق النبا والمراواه
من يشتري عير المفالي بفلوه=مثل الذي بدل محبيه باعداه
ترا الخضار اليا عثا فيه سروه=يصير فاسد ما توقيه الامواه
والضيف ما تكفيه عشوه وغدوه=لا بد من سمح الحكي بالملاقاه
والسجه بعرض الخلا فيها سلوه=يلقا الفتى فيها ملذات مسراه
يشب ناره والمطر صار حروه=والبن الاشقر يختفي بين الاشفاه
عنده معاميله ومركا وفروه=والصاجه لقرص المعيه محماه
بالباذر الخلفات يتلاها حشوه=تلقا النبات الزين باحزوم مفلاه
حليبها يظهر من الديد رغوه=اليا ضوت للذود حزة معشاه
الطاسه تعادل من القوت عشوه=تكفيه ليله عن طعامه ومغذاه
يوسف الخليفة ( أبو عبد الله )