الاجازة الصيفية

[قصيمي وأفتخر]

السلام عليكم أبارك لجميع الناجحين وعقبال التخرج


بالنسبة للصيفية وين بتكون وجهتك وين ناوي تسافر وهل تحب تسافر بشهر رمضان أو تفضل إن تقعد بديرتك


والله يوفق الجميع في حله وترحاله


لاهنتم نبغى تفاعل مع الموضوع

[* ابو باسل *]

اشوف ان موقع هالموضوع هو خيمة المواضيع المكشاتيه المتنوعه او خيمة اخرى مناسب له وليس خيمة الاحوال الجوية.
ولاكن ابي اجاوبك بالنسبه لي على طووول الصيف على الجنوب وابها البهيه تغيير جو لي وللاسره اما بالنسبه لشهر رمضان مايصلح السفر وخاصه التمشيه لانك بالنهار صايم ويروح يومك وافضل شي تبقى في بيتك تعبد ربك . وبالنسبه لي هذي السنه غير مصيف جالس بالمنزل لضروف خاصه .

[حزوبر]

بالنسبة لي فالبيت أفضل بكثير، لأن هذا الشهر شهر عبادة
لكن لو كانت هذه العبادة في مكه أو المدينة المنورة ، فلا شك أفضل

[قصيمي وأفتخر]

[QUOTE=* ابو باسل *;6887196]
اشوف ان موقع هالموضوع هو خيمة المواضيع المكشاتيه المتنوعه او خيمة اخرى مناسب له وليس خيمة الاحوال الجوية.



ولاكن ابي اجاوبك بالنسبه لي على طووول الصيف على الجنوب وابها البهيه تغيير جو لي وللاسره اما بالنسبه لشهر رمضان مايصلح السفر وخاصه التمشيه لانك بالنهار صايم ويروح يومك وافضل شي تبقى في بيتك تعبد ربك . وبالنسبه لي هذي السنه غير مصيف جالس بالمنزل لضروف خاصه .


مشكور لانك نبهتن عن مكان الموضوع
وثانيا بالنسبة لسفرتك حلوه وأحسن شي تروحله الحين أبها ورمضان البيت


ويعطيك الف عافية على المشاركة

[قصيمي وأفتخر]

بالنسبة لي فالبيت أفضل بكثير، لأن هذا الشهر شهر عبادة
لكن لو كانت هذه العبادة في مكه أو المدينة المنورة ، فلا شك أفضل


صدقت جزاك الله خير بس ماعلمتنا باقي الشهرين وين تبي تروح

[قصيمي وأفتخر]

وين تفاعلكم مع الاجازة الصيفية

[سلمان العوفي]

اخوي قصيمي
شكلك مدرس لغة عربية تخصص (تعبير) ههههه
ذكرتنا بالمدرسين في اول يوم دراسي وسوالهم اللي ماله (----)
س| اين قضيت اجازتك الصيفية ؟

[كشّات شتوي]

أول الاجازة بلاشك نشارك الأقارب أفراحهم بحضور حفلات الزواج المهم القريبه
وبعد ذلك لابد من السفرة المعتاده بإذن الله للجنوب بالعايله .
أما رمضان فعني فالبقاء في البيت (الديره) مناسب كثير ما عدا رحلة العمرة
او سفر ضروري . فهو شهر عباده والاستقرار يعطيك مساحه كافيه للاكثار من العباه
نسأل الله القبول وأن يعيننا على أنفسنا .

[قصيمي وأفتخر]

اخوي قصيمي
شكلك مدرس لغة عربية تخصص (تعبير) ههههه
ذكرتنا بالمدرسين في اول يوم دراسي وسوالهم اللي ماله (----)
س| اين قضيت اجازتك الصيفية ؟




هههههه مقبوله منك بس مشاركت وين تبي تسافر

[أميرالعشاق]

في العادة أهل الشمال والشرقية والغربية والوسطى يتوجهون للجنوب..
أما نحن أهل الجنوب......فإلى أين نتوجه؟؟؟
:):):)




بالتأكيد ما عندنا غير ديرتنا...والله المستعان

[ابا الصلابيخ]

انا ابصلح الكنديشا مهوب المكيف هههههه
وين تبينا نروح طال عمرك الحرميه فاتحين اثاميهم من الطمع
الشقق المفروشة تدبل الاسعار مرتين ولا مراقبة للأسعار

وشقق الله يعزكم وسخه وغلاء معيشة
وان فكرنا با الدول اللي حولنا كلها انقلابات وحوسه ودوسه

افضل شيئ بيتك وتمردغ با الصاله قدام الكنديشا

وسلامتك

[mshmsh343]

انا ابصلح الكنديشا مهوب المكيف هههههه
وين تبينا نروح طال عمرك الحرميه فاتحين اثاميهم من الطمع
الشقق المفروشة تدبل الاسعار مرتين ولا مراقبة للأسعار

وشقق الله يعزكم وسخه وغلاء معيشة
وان فكرنا با الدول اللي حولنا كلها انقلابات وحوسه ودوسه

افضل شيئ بيتك وتمردغ با الصاله قدام الكنديشا

وسلامتك
ههههههههههههههههههههههههههههههههههههههههه اضحك الله سنك يالغالي :D
والله شكلك خفيف دم بقووووووووووووه ماشاءالله تبارك الله :p
بس والله انك صادق في كل كلمة قلتها :D
لكن انا بالنسبه لي ولأني من اهل الرياض فاأحب اسافر للشرقيه ولكن هالحين الله يخلف علينا الجو مايساعد عاد الشرقيه مايحتاج حرررر ورطووووووبه والله ان تصير كبسه هناك :p
يالبى البييييت بس ;)

[قصيمي وأفتخر]

أول الاجازة بلاشك نشارك الأقارب أفراحهم بحضور حفلات الزواج المهم القريبه
وبعد ذلك لابد من السفرة المعتاده بإذن الله للجنوب بالعايله .
أما رمضان فعني فالبقاء في البيت (الديره) مناسب كثير ما عدا رحلة العمرة
او سفر ضروري . فهو شهر عباده والاستقرار يعطيك مساحه كافيه للاكثار من العباه
نسأل الله القبول وأن يعيننا على أنفسنا .


تقريبا نفس الخطة والله يوفقك

[قصيمي وأفتخر]

في العادة أهل الشمال والشرقية والغربية والوسطى يتوجهون للجنوب..

أما نحن أهل الجنوب......فإلى أين نتوجه؟؟؟
:):):)





بالتأكيد ما عندنا غير ديرتنا...والله المستعان



ما شاء الله تبارك الله

الله أنعم عليكم بالاجواء الزينه

بس ودي أسالك هل تتضايقون بالصيفية من ناحية الزحمة

[قصيمي وأفتخر]

انا ابصلح الكنديشا مهوب المكيف هههههه
وين تبينا نروح طال عمرك الحرميه فاتحين اثاميهم من الطمع
الشقق المفروشة تدبل الاسعار مرتين ولا مراقبة للأسعار

وشقق الله يعزكم وسخه وغلاء معيشة
وان فكرنا با الدول اللي حولنا كلها انقلابات وحوسه ودوسه

افضل شيئ بيتك وتمردغ با الصاله قدام الكنديشا

وسلامتك


صح لسانك وبعض كلامك صح وأسمحلي من ناحية الشقق فيه نظيفه كثر التراب بس أنت شكلك من النوع اللي مايدور

[دل البحار]

وجهتي لو الله كتب لي عمر
على الجنوب وبالتحديد تكون الخطه كاالتالي
جده طريق الساحل مع البحر الاحمر الين اوصل ابها مع عقبة ضلع المسافه يمكن 600كم
ومن ابها سييييييييده على السوده والتخييم في السوده شاء من شاء وأبا من ابا لو الشقه ببلاش ماطبيتها بعد الحر الي جانا هناك في السوده أضمن لك أحلى جو وجلسه وفلة حجاج مابعدها فله وفي الصيف طرب بزياده وأترك عنك ابها وزحامها وشققها وحرها بالنهار يكوي اعرفها الشمس قريبه من الارض مرتفعه عن سطح البحر ب10الاف قدم تكون الشمس اعمدتها قويه على ابها خاصة بالنهارمن الساعه ال 8،5الى 4 عصراَ حر
الخيمه والعزب وماطور كاتم صوت وحطب وتيس فل كامل لون لؤلوي او عنابي من تيوس محايل عسير كاملة الخطوره ، الين رمضان وبعدها جده ومكه و مكه وجده رايح جاي لأجل الاهل على مكه في رمضان كل سنه ورحم الله الوالد والدي ووالديكم وأسكنه فسيح جناته كان من المعتكفين بالحرم،

[عسل كوكو]

يا لبى الطائف والله ..

[عسل كوكو]

يا لبى الطائف والله ...

[قصيمي وأفتخر]

وجهتي لو الله كتب لي عمر

على الجنوب وبالتحديد تكون الخطه كاالتالي
جده طريق الساحل مع البحر الاحمر الين اوصل ابها مع عقبة ضلع المسافه يمكن 600كم
ومن ابها سييييييييده على السوده والتخييم في السوده شاء من شاء وأبا من ابا لو الشقه ببلاش ماطبيتها بعد الحر الي جانا هناك في السوده أضمن لك أحلى جو وجلسه وفلة حجاج مابعدها فله وفي الصيف طرب بزياده وأترك عنك ابها وزحامها وشققها وحرها بالنهار يكوي اعرفها الشمس قريبه من الارض مرتفعه عن سطح البحر ب10الاف قدم تكون الشمس اعمدتها قويه على ابها خاصة بالنهارمن الساعه ال 8،5الى 4 عصراَ حر
الخيمه والعزب وماطور كاتم صوت وحطب وتيس فل كامل لون لؤلوي او عنابي من تيوس محايل عسير كاملة الخطوره ، الين رمضان وبعدها جده ومكه و مكه وجده رايح جاي لأجل الاهل على مكه في رمضان كل سنه ورحم الله الوالد والدي ووالديكم وأسكنه فسيح جناته كان من المعتكفين بالحرم،





والله السودة روعة وتستاهل العنوه والله يتمم عليك في سفرك وترحالك

[ALNO4U]

ولاية كيرلا بالهند مطر ضباب نظافة بشاشة تعامل وووووو شهر محفول مكفول لعائلة 4 اشخاص عشرين الف وزود طبعا شهر 7 ميلادي
شهر 8 ميلادي صيام وقيام والحمد لله رب العالمين

[قصيمي وأفتخر]

ولاية كيرلا بالهند مطر ضباب نظافة بشاشة تعامل وووووو شهر محفول مكفول لعائلة 4 اشخاص عشرين الف وزود طبعا شهر 7 ميلادي
شهر 8 ميلادي صيام وقيام والحمد لله رب العالمين


اللي فهمت من كلامك إنك تبي توجه للهند الله يوفقك