افضل طريقة لتلميع الدفرنس والشكمان

[مراسل العيينة]

السلام عليكم ورحمة الله وبركاته


يالله انك مير تحييهم ... بشرونا عنكم

يا شباب بعطيكم بعض طرق تلميع تحتي الموتر وتلميع المعادن اللي اسفل السياره

اول حاقه :

بالنسبة لتلميع الدفرنس اذا كان موترك من المواتر الجدد ( ماشاء الله ) ولا في الدفرنس تقشير للبويه

كل اللي عليك ان تشتري ملمع بدي (كار واكس ...car Wax ) وتشري بعد قطن

وتكب الملمع على الدفرنس وقواعد المساعدات ويفركهن بالقطن واللي عنده ريشة ادريل او صاروخ احسن واحسن

وماعليه الا يفركه الملمع بالدفرنس عن طريق القطن ... وان شاء الله ترجع لمعة الوكالة ...

اما بالنسبة للاخوان اللي طايره بويت الدفرنس وطالع لون الحديد الاساسي ... لا يخاف للمشكله هاذي لها حل

كل اللي عليه انه يمغط رجليه ويروح لم ساكو ويشتري بخاخ بويه اسود ( مطفي) قيمتة 24 ريال لون العلبه اسود وعليها

رسمة لهب ...

طريقة استخدامه اول شيئ الله لا يهينه يغلف اي شيئ نـيـكـل تحت او معدن يعني سلك الجلنط ومسامير المساعدات

كلبشات السست ومدري وش الباقيات بس يحرص انه يغلف اي شيئ لونه موب اسود همين يرش البويه من مسافة

عشرين سم <<< دقيق الولد ...ويحاول انه يوزن يده ولا يثقل الرش عشان ما تدمع البويه...

وان شاء الله راح تعجبه الرشه بس على فكره تراه ما راح تصير تلمع زي لمعة البلد بتصير اقل اشوي

الشيئ الثاني الاخوان اللي راح يرشون الدفرنس لازم ما ينسون حاقه مهمه قداُ واللي هي انهم مايستخدمون

الملمع للدفرنس بعد الرش لان الملمع راح يطلع البويه ولا راح يستفيد شيئ ... يعني ماله الا يغسل بالمويه والصابون

فقط .... والطريقه مجربها واحد من صديقيني والرشه حلوه قدا قدا....

ــــــــــــــــــ

بالنسبه لتلميع المعادن ...((( كلبشات السست ... مسامير المساعد ... سلك الجلنط ... ,,,)))

المقادير : 1- اودليش ( يباع لدى محلات الزينه ) 2- قطن ...


طريقة التحظير : حط الاودليش على القطن وقم بدعك المعدن حتى يلمع بس تراه شغلانه اذا كان موترك ماقد جلي من قبل

يعني اول مره راح تتعبك اشوي ... بس بعدين بتصير شغله سهله ...



منقول للاهميه
تقبلو تحياتي
محمد القحطاني

[درجلان الشمال]

وعلى المنتدى السلام
مواضيع في غير محله

[YUKON_GMC]

طيب وما الفائد من ذلك ؟ تعب على الفاضي

وبعدين اعتقد موضوعك هذا يصلح تحطه في منتديات شباب كووول على طووول

اما هنا شيبان والحركات هذي ماتناسبهم ابد وسياراتهم ماغسلوها من براء دون تبيهم يلمعون الدفرنسات خخخخخخ ومن تحت مصديه من مطامر الشبعان والجرفه وقت الامطار

[Tamimi.fars]

طيب وما الفائد من ذلك ؟ تعب على الفاضي

وبعدين اعتقد موضوعك هذا يصلح تحطه في منتديات شباب كووول على طووول

اما هنا شيبان والحركات هذي ماتناسبهم ابد وسياراتهم ماغسلوها من براء دون تبيهم يلمعون الدفرنسات خخخخخخ ومن تحت مصديه من مطامر الشبعان والجرفه وقت الامطار

يارجال يمكن حطه بالغلط وهالحركات ان مامرت على الواحد وهو فذالعمر بتمر عليه وهو شايب هههه يعني خلهم تجيهم وتعدي والله يصلح حالنا وحالهم ويهديهم

[مراسل العيينة]

مره يالربع مالكم هم مره ثانية احكم عقلي واعرف كلامي وين محله سوري اذا ازعلتكم

[مهوس صيد]

وين الغلط في الموضوع الرجال كتب طريقه لتلميع الدفرنس اكيد كل واحد يحب يشوفه سيارته نظيفه مو شرط دايم بس افرض تبي تلمعها للعيد او عندك مناسبه وتبي ترز فيها مو معنها ان الي يلمع سيارته كووووول الواحد مو طول وقته في البر وفي ناس تحب تحافظ على سيارته وانا واحد منهم

[أبا مجاهد]

مره يالربع مالكم هم مره ثانية احكم عقلي واعرف كلامي وين محله سوري اذا ازعلتكم




ابد الله يوفقك ويعطيك العافيه


موضوعك جميل واذا فظيت ابااطبقه


ومايمنع ان الواحد اذا كان فاضي ينظف ويلمع موتره لو عمره 50


والشباب الله يهديهم اللي ردوا في الاعلى مسويين شيبان وانا اجزم انهم في العشرينات :good2:

[Turki1]

الله يعطيك العافيه،مشكور على جهدك وعلى اسلوبك الممتع.

[سلفاريو]

الله يعطيك العافيه
وشكرا لك على الطرح
وبالتوفيق

[ابونبيل]

مشكور يالذيب

[سييرا2002]

ابد الله يوفقك ويعطيك العافيه



موضوعك جميل واذا فظيت ابااطبقه



ومايمنع ان الواحد اذا كان فاضي ينظف ويلمع موتره لو عمره 50




والشباب الله يهديهم اللي ردوا في الاعلى مسويين شيبان وانا اجزم انهم في العشرينات :good2:





صحيح زهران عمّ غامد

كنت بـ أردّ نفس ردّك

لكنّي لهيت يوم شفت ردّك

الواحد منهم مسوي عمره قحمٌ :D

[بدوي جنوبي]

موضوع مخالف
يمنع نقل المواضيع لمشكات

يغلق الموضوع