الحذر من النصابين في مع قصة صارتلي

[Tamimi.fars]

(تعديل العنوان النصابين في الورش)
السلام عليكم تذكرون موضوع نزلته بعنوان (الحذر من تعاملاتك مع الدركسون سبب لي مشكله) في هذا الموضوع قلت لكم ان هدروليك الدركسون خرب لكن صار يلعبون علي ماخرب وش الي دراني القصة هنا:

بعد المشكلة بيوم راحت الرجة وزان الدركسون والهدروليك ما صار يخر زيت قمت ورحت لواحد في ورشة (قد قالي ان الهدروليك خربان) وقلت له اني ركبت هدروليك مستعمل شف هو زين وشرايك فيه قام الرجال يحوس ويدوس عند الموتر ويلفلف به ماخلا شي يوم خلص قال ماشاء الله (هدا كويس مره)
قلت والله انت مخ مافيه هذا حق امس قديم انت قلت خربان اللحين تقول زين ها وشلون لو صلحته بـ400 وطلع بعده مشاكل وغرابيل (عشان الهدروليك بين اسلاك وحوسه وموتر قديم يعني الي بيصلح الهدروليك اكيد بيمزع سلك والا بيخرب شي ثاني) بتعوظني عن كلامك يا مخ مافيه يا مهندس خربان ثمن رحت للعضيب ودخل موتري واقول انه كان فيه ومافيه بعدين قامو علطول صلحو شي مدري وشو كنت غافل يوم قال الحساب 190 (انا عطيت موتري العامل يشوف وش فيه ما قلت يصلحه) ثمن قلت طيب هدروليك حق دركسون زين قال ايه قلت ليش تصلح السيارة انا قول شوف ايش مشكله بس مافيه صلح قال مادريت قلت خلاص طيب ثمن قال رح افحص الكفرات من داخل قلت زين واروح واقول في نفسي وش السواة مامعي دراهم قلت بس ابنحاش (هو لعب علي صلحها بدون مدري) يوم شافني السوري كني بنحاش قام قعد قدام السيارة يحوس في جواله قلت وخر شوي قال الحساب قلت طيب بس عشان اوقف هنا عشان الطريق وخر يوم قال الحساااب قلت يخوي وش فيك خايف انا منيب حرامي وخر قال طيب وحط قدام موتري عقبه بإرتفاع 10 سم طويله قمت واقول الجيب مايرده شي وادعس اخر البنص الارضية حقتهم مزلقان واهج بالموتر واطير هذاك العامل واوقف (العالم كلهم يناضرون بإندهاش وشذا المجرم) واناظر ورا لين العامل قام مافيه الا العافية واكمل النحشة بس انشالله ماعلي ذنوب لأني مادريت قلتله يشوف وش في السيارة وهو صلحها وانا مدري

لكن الي في سيارته فيها خراب يتأكد عند اكثر من ورشه

[Tamimi.fars]

اظاهر ماعجبكم

[عبدالله614]

الله يرحم حال امك وابوك الي انت ولدهم
الورشة الاولى نصبت عليك وانت نصبت على الورشة الثانية وبغيت تقتل عمالهم علشان 100 ريال ,
يعنى الاولى انك تحذر الناس منك , طيب طالما مامعك فلوس وش له مزعج الورش ومضيع
وقتهم حتى لو قصدك فحص الورشة مهيب ملزومة تفحص سيارتك ببلاش لو على الاقل تفاهمت معهم وقلتلهم انا ماطلبت تصلحونها
ورجعو سيارتي زي ماكانت وطلعت منهم لاطالب ولا مطلوب , على
العموم والله حرام تخلي صاحب الورشة خصم لك يوم القيامة علشان مية ريال الله لايحدنا على ماحدك
لهاالفعل

[Tamimi.fars]

الله يرحم حال امك وابوك الي انت ولدهم
الورشة الاولى نصبت عليك وانت نصبت على الورشة الثانية وبغيت تقتل عمالهم علشان 100 ريال ,
يعنى الاولى انك تحذر الناس منك , طيب طالما مامعك فلوس وش له مزعج الورش ومضيع
وقتهم حتى لو قصدك فحص الورشة مهيب ملزومة تفحص سيارتك ببلاش لو على الاقل تفاهمت معهم وقلتلهم انا ماطلبت تصلحونها
ورجعو سيارتي زي ماكانت وطلعت منهم لاطالب ولا مطلوب , على
العموم والله حرام تخلي صاحب الورشة خصم لك يوم القيامة علشان مية ريال الله لايحدنا على ماحدك
لهاالفعل

يارجل انا قلتله (شوف ايش مشكله )بس ماقلت صلحها بعدين هو يوم شاف ان سيارتي فيها بلا ليش ماقالي وعطاني كم سعر التصليح (يعني صلحها وانا ماقلتلها ولا بعد ماقالي وش بلا السيارة وزيادة على كذا ماعطانا السعر والله وسيع وجه وحرامي)

[Tamimi.fars]

بعدين تقول كل ذا عشان ١٠٠ كلهذا عشان ٥٥٠ واحسبها مب بخل بس احط ٥٥٠في محلها وبدون مايلعبون علينا الاجانب×ولا ال٥٥٠ صارفها صارفها اليوم ولا بعدين

[ksa03]

السلام عليكم
والله العماله احيانآ ترفع ضغطك
بس من صوب الله ( لا تحط شي بذمتك )
شوري عليك ..
رح لهم مع احد من اصحابك وحاول تحل الموضوع معهم
وقل لهم ماكان عندي دراهم .. وليش تصلحونها وانا ماطلبت منكم .
وتسامح من العامل الي ( لعبته في قطار الموت ) .
والله يسهل امــــــــــــــــرك ..

[.أبوعبدالرحمن]

وعليكم السلام ورحمة الله وبركاته


والله وانا أخوك مالك حق الصراحة أولا بغيت تخرب سيارتك بالحديدة اللي تقول ارتفاعها 10 سم وبغيت تدعس العامل وسويت إزعاج في الورشة وسببت قلق لنفسك ودخلت الآن في تأنيب ضمير وهذا واضح من تنزيلك للموضوع


ألحين أنت سويت شي حلو يوم رجعت للورشة الاوله وقلت افحص وقالك السيارة سليمة وعطيته من الكلام


وسويت شي والله يضيق الصدر يوم رحت للورشة الثانية المفروض إنك طلبت مدير الورشة وقلت له ما راح أعطيكم ولا ريال لأنك قلت له افحص ما قلت صلح فيه فرق بين افحص وصلح والمفروض إنك ما طلعت من الورشة الا وانت راضي وهم راضين بدون ما تدفع ولا ريال ، واللي المفروض تسويه الان تروح لأبوك والا عمك والا خالك أو أحد كبير في السن شوي وعاقل يروح يتفاهم معهم ويوضح لهم المشكلة عشان تبرا ذمتك كل شي ولا الذمه وانا أخوك ، و أنا عارف أن الحق معك لكن الفلم إللي سويته مالك حق

[زقم]

تبي الصراحه

الورشه غلطانين ما شاوروك

لكن غلطك اكبر بفعلك هذا

يخوي الدنيا تبي والآخره تبي ’’ اخشى أن تبتلى بخساير اكثر بسبب ما فعلت

النصيحه

أرجع للورشه وتسامح منهم وأشرح لهم وجهة نظرك وتفاهم معهم على المبلغ ( صلح ) ولا تكابر

أنت مخطي وعارف انك مخطي

[وايل11]

عطهم قروشهم وادفع البلا ترا الظلم ظلمات يوم الحساب ولو انت مغلوب

[Tamimi.fars]

جزاكم الله خير على النصيحة ماقصرتو

اراظيهم وعلمهم وش المشكله بس من ناحيت الدراهم مالهم حق فيها

[gomr-15]

هههههههههههههههههههههههههههههههههه

والله من الافلام الي تتابعها يا خوي والله وانا اقرى القصه احس اني بنصدم وانا مالي دخل

بس اذا تبي الحل الزين يا خوي ارجع للورشه اذا هم ضبطو العله الي كانت في موترك

وانشدهم وش صلحو وعطهم على قولتهم نصف المبلغ وقل انا ما طلبت منكم تصلحون

انا طلبت منكم تشوفون وش العله وبكذا تكون ارتحت ولا لك ولا عليك شي ان شاء الله بس ارجع لهم وتفاهم بهدوء

[ابو99]

راح زمن العجراء وحنا فى زمن هيئة التحقيق والا دعاء العام

[عااادي]

كان المفروض تطلب الشرطة اذا انك ماقلتهم يصلحون شي وصلحوه غصب والحق معك
بس انت بتصرفك هذا قلبت الحق عليك من وجهة نظري

[حسن الشمالي]

خيرا فعلت...
واخوانا السعودين طيبين بالحيل بالحيل
انت يأنبك ضمير على من على حرامي على سروق يبي يلهف دريهماتك مثله مثل اللي طاب في بيتكم....
قلي وش الفرق,,,,

عموما:::
عزالله انك مخطي
الواجب ترجع وتوطاه اكثر وتشب في المحل بعد
عقبها يحرم ينصب على احد.....

وجه نظر*
تحياتي::::

[عبادل المالكي]

ياخوي وليش تشرد انت ماقلتله يصلحها وصلحها خله يايفك اللي ركبه يا يلبخ على شحم

[بواسامه]

قال تعالى00((وقد خاب من حمل ظلما00)
نصيحتي لك
تتأسف من العامل اللي بغيت تذبحه وماله ذنب
ثانيا تقولهم وش صلحتو وليش ما علمتموني السعر قبل واصلح معهم فكن عبد الله المقتول ولا تكن القاتل وحقك ماراح يضيع
ثالثا تاخذ حقك من الاول اللي خذ فلوس بغير حق
رابعا لا عاد تتعودها

[ذئب عوا]

بعلمك بسالفتي


نويت ارش بطن الموتر ( رشة ضد الصدأ )


سألت الشباب دلوني ع ورشة وهي الوحيدة إللي ترش هالمادة


مريت عليهم قبل صلاة العصر واتفقنا على كل شيء قال تعال الساعه عشره بالليل


قلت له وراه .. قال : عشان تنشف ولايعلق فيها شيء .. قلت له زين .. وقفت الموتر


ومشيت لم البيت ويوم صليت المغرب قلت خل امر واشوف الموتر ..


تخيل يوم جيته واناظر السياره ولاني مصدق .. اثريه راش الموتر بويه سوداء


وانا اجيه قلت وش ذا تلعثم قال هذا ضد صداء .. قلت له بس انا ماقلت لك رش بويه


قلت لك رش المادة .. قال هذا كله نفر رشه هذا .. قلت الله لايهينك مابي اشوفها


من هنا ومن هناك قلت تشيلها غصب وإلا بدق ع الشرطه .. تعوذ من الشيطان وجاب


له 10 لتر بنزين وجلى الموتر من تحت يوم قضى من شغله .. قلت له كم حسابك


قال جيب اي شيء قلت له ماني معطيك شيء قال مافي مشكلة .. قلت تدري خذ


هذه خمسين ريال تكفيك قال الحمدلله .. شغلت موتري وتوكلت ع الله


وتندمت والله بس قهر وربي يضحكون ع الناس .. وبالنهاية عرفنا ان الورشة


ترش بويه سوداء وثمين يرشون عليها شوية غبار وتطلع كأنها ( رشة قار )


في النهاية اذا قلك العامل رح وتعال .. إعرف إنه بيسرقك .. عاد انت الله لايهينك تنشب عنده


وين مايروح خلك معاه وإلا الله يعينك ع المسراح والمرواح ع الصناعيه كل شوي



مايستفاد


لابد الواحد يطول باله ولايعصب عشان مايندم ع اللي يسويه


احذر التفحيط عشان مايقفطك ساهر


لاتخلي شيء بذمتك


بالتوفيق

[Tamimi.fars]

جزاكم الله خير على نصيحتي يخوان

بس الي خلاني انحاش قلت منيب فاضي انزل وقعد انا وياهم شيل وحط وغثى والحق معي ميه في الميه والي كنت ابيه ابي اطلع بسلام لكن ذا السوري طولها هههه وازعجنا وحط عقبه بس والله الي صدمته بالغلط وانشاء الله ماعلي ذنب

[عبد الله 99]

خيرا فعلت...
واخوانا السعودين طيبين بالحيل بالحيل
انت يأنبك ضمير على من على حرامي على سروق يبي يلهف دريهماتك مثله مثل اللي طاب في بيتكم....
قلي وش الفرق,,,,

عموما:::
عزالله انك مخطي
الواجب ترجع وتوطاه اكثر وتشب في المحل بعد
عقبها يحرم ينصب على احد.....

وجه نظر*
تحياتي::::


هههههههههههههههههههههههههههههه استغفر الله
اجل يرجع له
الا والله الي سواه بالعامل المسيكين يكفي
ابد يا ابوي الفلوس تروح و تجي و لو ترجع له و تعطيه نص المبلغ على الاقل
بس رح انت و خوياً لك بموتره و بيخافون و يبون الفكه بس من باب الذمه عطه نص السعر
و الله يوفقنا وياك