ما هو السر في سست السييرا ؟ هندسة عجيبة .!

[أحمد الدهمشي]

بسم الله الرحمن الرحيم

ما هو السبب في هذه الهندسة العجيبة
عدد سست أقل مقابل تحميل أكبر والراحة موجودة
يعني لو حملنا السييرا 1500كجم والشاص 1500 كجم الشاص ينزل من الخلف
رغم أن عدد السست فيه أكثر
بنظري ليس لمكان السست فوق أو تحت الدفرنس سبب لأن بعض السيارات سستها فوق
مثل الهايلكس لكنها مع كم كيلو تنزل
لذا أود معرفة السبب
وهل من الممكن تركيب سست الجمس على الشاص ووضعها فوق الدفرنس
والحصول على نفس النتائج راحة وتحمل .!!

صورلسست شاص تويوتا عددها 11

http://www.m5zn.com/uploads/2011/6/18/photo/061811110640hqv05ct.jpg

صور لسست شاص نيسان عددها 10

http://www.m5zn.com/uploads/2011/6/18/photo/061811110640xhmnnao3eku1l3gzlzu8.jpg

سست سسيرا غمارة ونص وعدد السست 3 فقط !!


http://www.m5zn.com/uploads/2011/6/18/photo/0618111106404w87xmuqa7hj6f.jpg


تحياتي ,.,

[ذئب اليل]

اعتقد علشان اطول واعرض

[yazn2322]

حتى فئه الـ3500 بعد عدد السست فيها قليل

http://www.gmc.com/content/dam/GMC/global/master/nscwebsite/en/home/Vehicles/Current_Vehicles/2011_Sierra_3500/Photo_Gallery/Exterior/01_images/2011-sierra-3500-exterior-towing-capacity-mm-gal-1-880x380-02.jpg


وهذي صوره تفصيليه لسست الـ3500

http://prod.gmc.gmgssm.com/images/common/hotspots_sm/2011sierra/GMC_2011_Sierra3500_rear_suspension.jpg

[حسن الشمالي]

سست السييرا
تحتها قطعه مربعة تقوم مقام السست ...
هذا سبب قلتها ...

وننتظر اهل العلم والخبرة

بارك الله فيك
واشكرك لطرح مثل هالموضوع المفيد والقيم..

تحياتي....

[YUKON_GMC]

أعتقد ان السبب :

1- لأن سست السيرا عريضه وقويه ثلاث بالسيرا تعادل 8 في الشاص
2- طريقة التقويس للسست حيث انها في الشاص مقوسه للاعلى ومع التحميل تتعدل بينما هي في السيرا ليست مقوسه
3- توجد ربله في السيرا او الجمس بين السسته والشاص تلمس في الدفرنس في حالة التحميل ويتحمل عليها الموتر بدلاً من السست وتمنع نزوله


http://thumbs2.ebaystatic.com/m/mKs1CYgEQN9YO8HSibIw3Xw/140.jpg


بالنسبة لقوة المطب من عدمه يعتمد على وجود السسته الاميّه من عدمه ..

دائماً في الجموس والدداسن والهليات ينزلون السسته الاميه لتخفيف المطبات

[* ابو باسل *]

موضوع قيم وننتظر اهل الخبره واشك لاحض وجود المساعد في السست الي تحت يكون معها بس في السست الي فوق يكون مكانه في محل ثاني وبيعد عنها اما الراحه صراحه لاتقارن انا جربتها كلها الشاص والهايلكس الدبل والجمس والله ان الجمس علاج ومن ركبه ماعاد يفكر في غيره راحه وقوه وفخامه وتكنلوجيا صدق من قال تصميم قشران النوايا والافعال وانا شفت عدة دعايات له يحطون فيه طن بلك تخليل ويرمونه بعد في الحوض يمكن من مسافه 20 سانتي او اكثر يضرب في الحوض ينزل الموتر ثم يرتد فوق ويدعس له ولاكنه جاه شي .
اما الشاص 11 سسته يادافع البلا والله ماعد يقر عمرك كل جسمك يتنافض يعني حاطين معه مساج مجانن هههههههه

[.أبوعبدالرحمن]

انتظر أخي القدير والخبير لن أمل من العطاء

[عكس التيار]

موضوع جميل جدا

ممكن تكون نوع الحديد ويكون مخلوط معه معادن اخرى وسماكة السسته !! ومثل ماقال احد الاخوان طول السسته نفسها

[سوبر152]

الهلكس شل الامية واقلب الصغيرة تصير تكس

[* ابو باسل *]

الهلكس شل الامية واقلب الصغيرة تصير تكس


تصير تكس بس ماتقدر تحمل عليها الا مايشيل التكس .
بس الجمس حمل وامش وماعندك مشكله وهنا الفرق بدون ماتقلب بدون ماتحط والا تغير .

[فارس الحربي1]

لو تلاحظون فيه قطعه تحت السست علشان ترفعها
http://www.m5zn.com/uploads/2011/6/18/photo/0618111106404w87xmuqa7hj6f.jpg

ولو تلاحظون فيه حاجه مثل الياي شكله تمتص الصدمات والضغط الزائد

[مسير عليهم]

هذا اذا قالو لك ناس تصنع السيارة بجودة عاليه وعندهم مبداء راحة السائق في المقام الاول والجودة في التحمل للسيارة


قبل كم يوم كنت ماسك خط ويمر جنبي شاص جديد راكبين فيه اثنين والشارع مستوي وجديد

المصيبه اشوفهم يناقزون في الغمارة كنهم يرقصون وانا معي جمس ومرتاح في المركب لاهز ولا وز

[Hwer]

حمولة الشاص اكثر من حمولة الجمس 1500
حمولة الشاص 1950 كيلو بينما الجمس 1500 حمولته 1000 كيلو
بالنسبه لطريقة تركيب السست والفرق بينهم الحموله بالشاص عن التحميل 1950 تكون حمولتك ثابته حتي بالطرق الوعره وحتي لو تطلع عقم بسرعه ثابته بينما طريقة سست الجمس فوق الدفرنس تكون مهيئة للانكسار في الحموله القصوى 1000 كيلو مع الطرق الوعره او في حالة ارتفاع الموتر عن الارض والارتطام لاكن في حالة عدم الحموله الجمس اريح

[Hwer]

هذا اذا قالو لك ناس تصنع السيارة بجودة عاليه وعندهم مبداء راحة السائق في المقام الاول والجودة في التحمل للسيارة


قبل كم يوم كنت ماسك خط ويمر جنبي شاص جديد راكبين فيه اثنين والشارع مستوي وجديد

المصيبه اشوفهم يناقزون في الغمارة كنهم يرقصون وانا معي جمس ومرتاح في المركب لاهز ولا وز

تايوتا شينه ولاتبي تصنع بجودة وسياراتهم شينه ووكيلهم شين بس يازينك ساكت

[سيف الظفير]

بإذن الله تعالى راح انقل تجربتي للسياة الجديدة 2500HD غمارة ونص 2011

http://www.distrocar.com/wp-content/uploads/2011/04/2011-GMC-Sierra-2500HD-Front-Side-590x442.jpg


http://rahmadi.com/wp-content/uploads/2011/02/2011-GMC-Sierra-2500-HD-SLE-02.jpg

[نفود حائل]

الشاص نزوله أقل من السييرا بالتحميل

من واقع تجربة

واذا حملت الشاص والجمس نفس الحولة يصبح الشاص اريح وارسى واقل نزول ( بعكس كلامك )

يكفيك حطابين النفود يحملون الحطب ويصل ارتفاع الحطب فوق غمارة الشاص بمتر الى مترين بدون مبالغة

ويرقون الطعوس وهم مرتاحين

ولكن كل هذا له ضريبة وهي الراحة

[سديرديارالخير]

مشاء الله بالتوفيق اخوي

[مسير عليهم]

تايوتا شينه ولاتبي تصنع بجودة وسياراتهم شينه ووكيلهم شين بس يازينك ساكت


انا جبت طاريك او طاري احد تعرفه او سبيتك

الى هذي الدرجة تستهين فيني وتقولي يازينك ساكت يوم ابديت رأيي في السيارة بحكم تجربه

العقل زينه الرجال



واذا حملت الشاص والجمس نفس الحولة يصبح الشاص اريح وارسى واقل نزول ( بعكس كلامك )



نفود حائل كلمنا بالعقل جب لي جمس حجم 1500 وحمل عليه 10 اكياس شعير وجب شاص وحمل عليه نفس الحمول وقارن مستوى الارتفاع

[سليمان الربيعان]

مع اني من عشاق التايوتا لكن الصراحه كل الامريكي مريح يكفيك موديل 78 و79 شف الراحه
والصراحه انا شفت شاص 2006 خليجي محمل 50 كيس شعير مستوي عدال عمي معه شفر 2000 غماره 1500 محمل 30 كيس شعير نازل شوي والوالد مع هلي 2008 دفرنسين خليجي محمل طن و50كيلو ما شاء الله كانه دينه
مشكور على الموضوع

[yazn2322]

يا أخوان حطوا بعين الإعتبار ان الـ1500 مو حق تحميل وتراه يايات
الـ2500 هو اللي يقارن بالشاص

الـ2500 الغمارتين يشيل أكثر من 2800 كليو ,
وبعد مو أي 2500 يقارن بالشاص , قارنوا فئه الـWT حقت الكررف اللي مافيها مواصفات كثير

[خليفان]

الشاص للمهمات الشاقه ويحمل اكثر وصبور لاكن غير مريح اذا فاضي بدون تحميل
الجمس مهمات محدوده وحمولات محدوده ويهربد بسرعه لاكن مريح
الشاص نرص عليه خمسين كيس شعير ويشق عروق الدهنا بالاسبوع 3 مرات ويردح ردح ولا اشتكي من شي
لاكن الجمس يوهق ولازم معك موتر ثاني ولايتحمل الجور

[blbl]

السلام عليكم
كلام اخوي خليفان
صحيح
بختصار(الشاص ينغزابه لاكن السيرا لا لابدسياره احتياط)
والعمرالأفتراضي واضح الفرق
قدام الكل الشاص موديلات قديمه ورايح جاي ونشوفه في وسط البران لاكن الجمس لاعندالباب اومشاويربسسسيطه

[مكشآتي للآخر]

غلطانين ياخواني هاذا واحد من الربع عندة شاص 2008 طاق عليه الدبل.! وفصل العمود وفك عمرة

وانواع القرشعة بالموتـر والموتر توة مامشى 100 الف!!
تبي تجرب الجمس والتحمل خذ لـك 3500 واشتر لك تيدر وحط فية 200 كيس بدون مبالغة واقلصها وراح يتحمل ولا يقول شي

[((ابوملاك))]

^^^^
حدث العاقل بما لا يعقل فان صدق فهو لا يعقل

اجل شاص طاق عليه الدبل وانواع القرقعه ؟

والله لو حنى بزران ياخوي ما صدقناك

شف الشيصان مع قطاع الطرق واللي بالربع الخالي والطوارق بالصحراء الكبري

ما يسوقون الا شيصان وانواع الكرف والجور ويروحون فيها لكل مكان

وتقول شاص خويك ما مشى 100.000 وكل هذا فيه

والله لو هو منقلب ما صار له كذا !!!

يعني يوم صار عندك جمس قمت تمدحه بمبالغه عجيبه

انا دخلت على مواضيعك ومن شفت ان عندك جمس 2003 على ماقلت ماشي 200.000 قلت ايه بس علشان كذا !

[عكس التيار]

الموضوع بدى يأخذ منحنى اخر


الرجال صاحب الموضوع ماقال وش الاريح وعطونا خبراتكم !!!

سؤال الرجال ليه الجمس سسته قليله والشاص كثيره بسسسس

[أطلال نجد]

لا أزيد على رأي الأخوة
السييرا سيارة أهتم صانعوها كثيراً براحة الراكب وضحوا مقابل ذلك بوزن الحمولة الزائد عكس الشاص تماماً الذي أهتم صانعوه بالحمولة أكثر من الراحة
أعتقد أيضاً بأن الكعكة أو القطعة والتي أعتقد أنها من الربل القوي فوق الدفرنس في السييرا حلت مكان تعدد السست في التويوتا والنيسان وتعطي مرونة أكثر
وهذه نقطة تسجل لجي أم ولا ننسى أخي بأن مساعدات السييرا والجمس عموماً أضخم وأكبر حجم من مساعدات الشاص التويوتا والنيسان .

[يريور عيمان]

موضوع مفيد و نقاش هادف
يا ريت لو اصحاب العقليات الصغيرة ما يتدخلون و يخربون الموضوع
متابع للاستفادة

[rpk]

بالنسبه للجمس 1500 التحميل عليه محدود اما اذا تبون التحميل فخذ 2500 وبس موتر صبور ومريح ودبلاته ومكينه ودفرنساته قويه والسعر 98 الف لا ومعه دفلك يعني باقي ونش ب4000 ويصير ما يحتاج اما الشاص ما احد ينكر انه صبور بس السعر لك عليه وصل فوق 130 الف للفل الجمس مع تجهيزاته ما يوصل الا 125 مع اطلق التجهيزات وانتم الحكم

[أطلال نجد]

يا أخوان حطوا بعين الإعتبار ان الـ1500 مو حق تحميل وتراه يايات
الـ2500 هو اللي يقارن بالشاص

الـ2500 الغمارتين يشيل أكثر من 2800 كليو ,
وبعد مو أي 2500 يقارن بالشاص , قارنوا فئه الـWT حقت الكررف اللي مافيها مواصفات كثير

:good::good::good:

[* ابو باسل *]

ياشباب 50 كيس شعير يعني 50 في 50 2500 كيلوا وش هالكفارات الي بتتحملها يعني خلونا نفرض ان الموتر يشيل هالحجم من الحموله بس الكفارات تبي تتحمل والا تنفجر الكفارات لها حموله معينه ان شاء الله كانت السياره تشيل 20 الف كيلوا بس لما تحط عليها كفارات اكثر تحملها يصل 400 كيلوا بعدها رايح تنفجر والشاص خلو كفاراته سبع طبقات اخر حد له 1500 كيلوا وبعدها مايتحمل الكفر ينفجر خلونا نتكلم بشوي عقلانيه وبعدين الشاص حق السياره برضه مايتحمل الحموله ومع المطبات والنفود على قولتكم بينطعج اذاك محمل عليه 50 كيس شعير صار دينه ودبل تاير بعد .

[* ابو باسل *]

يا أخوان حطوا بعين الإعتبار ان الـ1500 مو حق تحميل وتراه يايات
الـ2500 هو اللي يقارن بالشاص

الـ2500 الغمارتين يشيل أكثر من 2800 كليو ,
وبعد مو أي 2500 يقارن بالشاص , قارنوا فئه الـWT حقت الكررف اللي مافيها مواصفات كثير



2500 يعادل شاصين مافيه مقارنه لافي قوة لاتحميل ولامكينه الاتش دي 8سلندر 6000 سي سي تقارن بمكينة الشاص 4000 سي سي مستحيل .

[خليفان]

ياشباب 50 كيس شعير يعني 50 في 50 2500 كيلوا وش هالكفارات الي بتتحملها يعني خلونا نفرض ان الموتر يشيل هالحجم من الحموله بس الكفارات تبي تتحمل والا تنفجر الكفارات لها حموله معينه ان شاء الله كانت السياره تشيل 20 الف كيلوا بس لما تحط عليها كفارات اكثر تحملها يصل 400 كيلوا بعدها رايح تنفجر والشاص خلو كفاراته سبع طبقات اخر حد له 1500 كيلوا وبعدها مايتحمل الكفر ينفجر خلونا نتكلم بشوي عقلانيه وبعدين الشاص حق السياره برضه مايتحمل الحموله ومع المطبات والنفود على قولتكم بينطعج اذاك محمل عليه 50 كيس شعير صار دينه ودبل تاير بعد .


حمولت الشاص من المصنع 2 طن 2000 كيلو

[أطلال نجد]

2500 يعادل شاصين مافيه مقارنه لافي قوة لاتحميل ولامكينه الاتش دي 8سلندر 6000 سي سي تقارن بمكينة الشاص 4000 سي سي مستحيل .





أخي الكريم أبو باسل
الموضوع يتحدث عن السست وليس عن قوة المحرك
ومقارنة HD مع شاص التويوتا والنيسان في رأيي المتواضع أنها معادلة صحيحة من هذه الناحية .
تحياتي

[سليم علي]

السلام عليكم


اعتقد والله اعلم ان السبب في ان سست الشاص تحت الدفرنس بينما سست السسيرا راكبة فوق الدفرنش

[قناص*07]

يا شباب سمك السسته وبس بالاضافه ان لعاب الجمس ماهو بمثل اي سياره اخرى

ف
ق
ط

[بدوي جنوبي]

السست فوق الدفرنس تعطى راحه أكثر وليونه
السست تحت الدفرنس تكون قاسيه ومخصصة للتحميل أكثر
على حساب الراحه .

السست فوق الدفرنس مع المطبات يكون لين لان الدفرنس يجبر السست للأنضغاط
http://www.m5zn.com/uploads/2011/6/18/photo/0618111106404w87xmuqa7hj6f.jpg



بخلاف سست الشاص ،، لا يوجد عليها ضغط من الاسفل ،،،، يمسكها فقط حامل السست
الفراغ هذا مع التحميل يختفى لذلك لا يوجد ليونه
http://www.mekshat.com/pix/upload05/images220/mk32037_22.jpg
والله اعلم

[عااادي]

موضوع نقاش رائع وجميل
واثراءات رائعة من بعض الاخوة واخص الاخ بدوي جنوبي يشكر عليها

ولو ان الموضوع تشوبه بعض الشوائب ،، ولكن العاقل يعرف مايريد

اشكر صاحب الموضوع على طرح هذا الموضوع الجميل

[مكشآتي للآخر]

^^^^
حدث العاقل بما لا يعقل فان صدق فهو لا يعقل

اجل شاص طاق عليه الدبل وانواع القرقعه ؟

والله لو حنى بزران ياخوي ما صدقناك

شف الشيصان مع قطاع الطرق واللي بالربع الخالي والطوارق بالصحراء الكبري

ما يسوقون الا شيصان وانواع الكرف والجور ويروحون فيها لكل مكان

وتقول شاص خويك ما مشى 100.000 وكل هذا فيه

والله لو هو منقلب ما صار له كذا !!!

يعني يوم صار عندك جمس قمت تمدحه بمبالغه عجيبه

انا دخلت على مواضيعك ومن شفت ان عندك جمس 2003 على ماقلت ماشي 200.000 قلت ايه بس علشان كذا !



يالغآلي .صحيح عندي جمس 2003 ماشي 200 الف وعندي سييرا 2010 ماشي 40 الف
وكلهم ماعانيت منهم شي والحمد لله


وبخصوص الشآص ماعندك مشكلـة ..
تبي صور ولا تبي فديـــــو

إثبآت ؟؟
ولا شرآيك يالغالي تسير علينا حيآك عندنا في الخفجي وتشرفنا يالغالي
وإبد سق الشاص وإحكم عليـــه

وراح تشوف بعيـنك:D

[عبادل المالكي]

مشكووووووووووووور اخوي على الملاحظه القيمه

[* ابو باسل *]

ياشباب اتوقع التفرق نفس الفرق في الياي حتى يعني لو تشوفون اليوكون والتاهو مهما تحمل عليه ماينزل من الخلف بس التايوتا والنيسان من يوم تحمل عليه عفشك وعيالك تحصله نازل وخشته مرتفعه اكيد انها حول بعض .

[ساري 111]

يقال ان الجمس الحوض مع الحمل ينشعر شاصيه صحيح هالكلام ؟؟

[D.luffy]

انا اعرف شخص راعي بر وراعي قنص وشرى شيصان واجد ثمين شراء جمس يقول الجمس ممتاز في كل شي ولا يقارن في الشاص الافي التحميل الشاص افضل بوااااجد يقول احمل الجمس وادخل النفود يفرق عزمه وتحس انك محمل اما الشاص يقول ما تحس انك محمل ويمشي ممشى مهبووول والدليل ناضر البدو يحمل شعير ويدخل الدهنا ليه ما يشتري جمس معنا الجمس ارخص وشكرا...

[yazn2322]

يقال ان الجمس الحوض مع الحمل ينشعر شاصيه صحيح هالكلام ؟؟

ابغاك بس تشوف كيف الأمريكان يرمون طن البلك رمي بالحوض :)

لا لقيت المقطع رح احطه هنا

[أحمد الدهمشي]

شكرا للجميع على المرور والمشاركة وبانتظار المزيد من الاراء
تحياتي ,.,

[sa-z71]

معي يوكون ربع سست ماشاء الله تبارك الله
والله أريح من بعض السيارات اللي كلها يايات مثل الباترول ..

تصدق السؤال هذا طرحته قبل كذا على الوالد وش الفرق بين السست فوق الدفرنس والا تحت الدفرنس ..

قال إن السست فوق الدفرنس مع التحميل يكون الموتر عليه ثقل لأن الدفرنس يكون عليه حمل ,
وسست تحت الدفرنس يكون أخف من اللي فوق مع الحمل لأن أغلب الحمل على السست ..

والله أعلم

[خليفان]

يقال ان الجمس الحوض مع الحمل ينشعر شاصيه صحيح هالكلام ؟؟

فعلا شاص الجمس سريع الشعر الصالون تحصل الشعر بالامام واما الونيت تحصله بالخلف مثل الصور تحت

http://memimage.cardomain.com/member_images/9/web/3141000-3141999/3141068_8_full.jpg

http://i180.photobucket.com/albums/x210/v7guy/S10/P1060055.jpg

[* ابو باسل *]

فعلا شاص الجمس سريع الشعر الصالون تحصل الشعر بالامام واما الونيت تحصله بالخلف مثل الصور تحت







الموديلات الحديثه كلها اختلفت فيها الشاصات للافضل وبعدين اي واحد رايح يحمل السياره فوق طاقتها اكيد رايح ينطعج الشاص عنده لانه حمل عليه اكثر من طاقة الاستيعابيه .
حمل على الشاص 3 طن يبي يصير له نفس المشكله وتتكسر السست بعد حتى التريله لو حملتها اكثر من طاقتها رايح تضرر شي طبيعي .
لك حد تحميل محدد لاتتعده ابد لان عليه مواصفات وتجارب من المصنع وما احد اخبر منهم في مثل صنعتهم .

[الجندي2005]

يالربع الأدمي له حد معين يتحمل مو سيارة من صنع البشر




,

[ابومناحي]

ياخوك السسته فوق الدفرنس ترا ماهو حق حمل والسسته تحت الدفرنس حق حمل وتشوفها بالسكوس

[أحمد الدهمشي]

ألف شكر على التفاعل الطيّب من الجميع
حقيقة استفدت من الآراء والله يعطيكم العافية
تحياتي ,.,

[السليطين]

كل مازادت الراحه ................ قل التحميل << هذا الجمس

وكل ماقلت الراحه................... زاد التحميل << هذا الشاص


وبعدين بالعقل الشاص اكثر تحميل من الجمس .. والله انا نرصه الى التنده شعير وينزل شوي .

اما الجمس قسم بالله اذا حملنا عليه نص اللي بالشاص شوي ويحب الارض ...

[تيتشر]

ردي بيكون بشكل عام مو بالسست بس

هذا اقتباس من أحد ردود الاخوان في موضوع مقارنه بين الجمس والشاص

الرد هذا للعضو عاشقz71




شف طال عمرك لكل منه ميزات وعيوب ولكن ميزات الجمس افضل بكثير

ولكن تظل ميزه للشاص وهي الاهم وهو الاعتماديه

القصد ان نسبة احتمال عطل الموتر فالشاص ضئيله جدا بعكس الجمس

ولكن بالبر معليش الي جرب بيعرف ان الجمس افضل

وكثير ناس ماخذ فكرة ان الشاص على اسمه بالتحميل افضل !!

العكس صحيح

الشاص يكون افضل من الجمس اذا قارناه بحجم جمس 1500

ولكن نجي نقارنه بسته لتر 2500 لا

الجمس افضل بمراحل


رح املا حوض الجمس وحوض الشاص بوزن ثقيل وحاول تدخل البر خاصه الطعوس او النفود

الشاص بصعوبه يتنقل بينما الجمس عادي جدا


مقارنتي هذي بالشاص ابو مكينه 4500 فما بالك بالمكينه السيئه الجديده 4000 لان توركها اقل من الاوله

بالخط بعد املا الشاص بوز هائل وحاول تجيب سرعة معينه مثل 160 مثلا

تلاقي الشاص بالقوة يجيبها وان جابها وحب يتجاوز او لاي سبب حب يزود سرعته راح يواجه صعوبه


لكن الجمس كل الي عليك مد رجلينك شوي للدعسه }} واستمتع بأمبير عداد الطبلون وهو مطلق ساقيه للرياح متجه نحو الــ 200 بكل سهوله !!



اما بالنسبه للبنزين معليش اخالف كل من يقول ان الشاص اوفر

هذا الكلام سابقا الجموس كانت تصرف

لكن من بعد موديل 2000 الجمس اوفر بكثير


الجمس تعبي تانكيه بنزين 91 باقل من 60 ريال يمشيك بالخطوط 800 كيلو بالراحه بحدود سرعة 130

بينما الشاص تعبي التوانك الثنين ومايمشيك هالمسافه

هذا وهو فاضي بدزن تحميل وثق تمام الثقه لو مليان الحوض راح تزيد الصرفيه اما الجمسمايتاثر بالوزن بشكل قوي


نجي للراحه }} باختصار مافي مقارنه الجمس افضل ومافي اثنين يختلفون على هالنقطه

نجي للدفرنس مثلا

دفرنس الجمس 2500 قوي جدا مايقارن بالشاص ابد }} ولو في واحد عنده ورشه راح يقولك ان دفرنسات الجيوب التايوتا بشكل عام سيئه جدا

يكفيك الحجم بالدفرنس الجمس يوصل الى 10 ونص انش !
والشاص ماعتقد وصل لتسعه انش حتى !


نجي للتسارع :

الجمس شد بلد يجيب الميه بحدود 8 ثواني }} والمواتر النشيطه تجيبها باقل بعد


بينما الشاص مع تزويد المكينه فلتر هدرز ومراوح ممكن يصل لتسارع 8 ثواني !!


اما التوازن وكلنا نعرف ان التوازن بالبر مطلوب جدا

ان قلنا بالنفود فهو مطلوب لكثرة ميلان الموتر المفاجئ

وان قلنا بالبر شعبان وجلد وغيره فالتوزان مطلوب اكثر لكثرة مفاجأة الطريق مثل جرف او ردميه معارضه لخطك او او


فكلنا ندري ان الشاص صنف من اسرع المواتر انقلاب والكل بشهد بالشي هذا

لكن الجمس ثقل وزنه ينفعك بالمواقف الي كذا

ومعروف الموتر كل مازاد وزنه كل ماتحسن توازن السياره بشكل واظح



بالتطعيس مثلا :

كثير يقول ان الشاص هو حق التطعيس وبس


ولكن : ونا متاكد من كلامي

تعال للشاص او حتى الربع الكبسوله وقفه تحت خشم الطعس وادعسله


اتحداك ثم اتحداك اذا قدر يكمل طلوعه وان طلعه فهو بشكل بطيء

وبالذات هالنقطه هذي وعن تجربه

ونا اتحدا اي شاص يوقف تحت الطعس بالظبط ويقدر يطلعه او ع الاقل يقدر يطلعه باريحيه

واتحده هالمره موب حجم 2500 لا

بــ 1500

بالعربي

الشاص اذا جا يرقى طعس قدامه لازم ياطلعه بالنمره الثانيه يعني لازم يجي شاد


بعكس الجمس وقفه تحت الطعس وامش مايرده شي


وتاكد ان هاالنقطه بالذات عن تجربه


معلومه اخيره كل المقارنات الي فوق قارنته انا بجمس موديلات 2006 وتحت

فما بالك بــ 2008 وطالع صاحب المكينه الاقوى والاقل صرفيه والاريح والاقوى قير !!!



اضافه الى اني ماجبت طاري 8100 صاحب المهمات الصعبه



اخيرا لو لا اختلاف الاذواق لبارت السلع


واسف جدا على الاطاله

[نفود بريدة]

السلام عليكم ورحمة الله وبركاته ..
يا شباب بالنسبة لأقصى حمولة يتحملها كلا الموترين .. جبت لكم الأرقام الحقيقية لكلا الموترين .. من دون افتاء أو تخمين :D

نبدأ بالشاص :
أقصى حمولة : 1065 كجم بكفرات رملية .

http://www.toyota.com.sa/specs.asp?model_id=18



الجمس : وسوف أتكلم عن الغمارة فقط بصفته يستوعب حمولة أكثر من غيره من الفئات الأخرى :good:

- أقصى حمولة لحجم 1500 بمكينة 8 سلندر 5.3 لتر دفع رباعي صندوق قصير : 690 كجم .
- أقصى حمولة لحجم 2500 بمكينة 8 سلندر 6 لتر دفع رباعي : 1624 كجم :eek:

http://www.gmc.com/sierra/2500hd/features-specs/capabilities.html


- الاستنتاج :

1- شركة GM لم تخصص حجم 1500 للتحميل والعمل الشاق .. بل قالت من يريد التحميل والعمل الشاق فـ وفرنا له حجم 2500 وسوف يلبي احتياجاته .. أما حجم 1500 فهو ليس للعمل الشاق .. بل بين هذا وذاك .. :good2:

2- هذا أكبر دليل وهو قطعي بلا شك .. ويفيد بأن الجمس حجم 2500 لا يقارن بالشاص اطلاقا من ناحية التحميل والاستيعاب .. فالفرق بينهما يفوق 500 كجم لصالح الجمس بلا تأكيد وهذا ذكر سابقا .. :)

3- الغريب مع أن الجمس حجم 2500 يتفوق على الشاص في التحميل .. الا أنه وفي نفس الوقت أريح من الشاص في المطاب والليونه والمطانيج .. شي غريب فعلا .. وتشكر عليه شركة GM وهذا بكل تأكيد يعود الى الهندسة الابداعيه الموجود في شاصي الجمس .. وأنا رأيي الشخصي أتوقع أن السست فوق الدفرنس لها دور كبير أيضا في عملية صنع الراحة .. :good2::good2:



وآسف على الاطالة .. ولكن لتوضيح الحقيقة فقط ..:)

[عبدالعزيز-1]

السلام عليكم ورحمة الله وبركاته ..
يا شباب بالنسبة لأقصى حمولة يتحملها كلا الموترين .. جبت لكم الأرقام الحقيقية لكلا الموترين .. من دون افتاء أو تخمين :D

نبدأ بالشاص :
أقصى حمولة : 1065 كجم بكفرات رملية .

http://www.toyota.com.sa/specs.asp?model_id=18



الجمس : وسوف أتكلم عن الغمارة فقط بصفته يستوعب حمولة أكثر من غيره من الفئات الأخرى :good:

- أقصى حمولة لحجم 1500 بمكينة 8 سلندر 5.3 لتر دفع رباعي صندوق قصير : 690 كجم .
- أقصى حمولة لحجم 2500 بمكينة 8 سلندر 6 لتر دفع رباعي : 1624 كجم :eek:

http://www.gmc.com/sierra/2500hd/features-specs/capabilities.html


- الاستنتاج :

1- شركة GM لم تخصص حجم 1500 للتحميل والعمل الشاق .. بل قالت من يريد التحميل والعمل الشاق فـ وفرنا له حجم 2500 وسوف يلبي احتياجاته .. أما حجم 1500 فهو ليس للعمل الشاق .. بل بين هذا وذاك .. :good2:

2- هذا أكبر دليل وهو قطعي بلا شك .. ويفيد بأن الجمس حجم 2500 لا يقارن بالشاص اطلاقا من ناحية التحميل والاستيعاب .. فالفرق بينهما يفوق 500 كجم لصالح الجمس بلا تأكيد وهذا ذكر سابقا .. :)

3- الغريب مع أن الجمس حجم 2500 يتفوق على الشاص في التحميل .. الا أنه وفي نفس الوقت أريح من الشاص في المطاب والليونه والمطانيج .. شي غريب فعلا .. وتشكر عليه شركة GM وهذا بكل تأكيد يعود الى الهندسة الابداعيه الموجود في شاصي الجمس .. وأنا رأيي الشخصي أتوقع أن السست فوق الدفرنس لها دور كبير أيضا في عملية صنع الراحة .. :good2::good2:



وآسف على الاطالة .. ولكن لتوضيح الحقيقة فقط ..:)




يعجبني اللي يدعم كلامه بالادله والبراهين

على اني عانيت من الجموس بشكل عام بسبب الاعطال ولم اجرب الشاص نهائياً ولم اركبه حتى

الا انك دعمت كلامك واثبت بما لايدع مجالاً للشك ان الجمس اقوى

[ابن عكاش]

اللي اشوفه ان المقارنه فاشلة بين الشاص والجمس وفيها ظلم لذيب الصحاري
معليش الجمس اريح واوسع واقوى مكينه لكن ترى الشاص غيييييييييييييير
قارن الشاص بالشاص النيسان او اللاند روفر اللي يجي حوض ام الجموس والفروت وماشابهها
لاتقارن ابد به مع احترامي لردود الأخوه الأعزاء
وشكراً