افضل ورشة في توضيب السفاري

[أبو الذيابه]

السلام عليكم ورحمة الله وبركاته


اطلب من الأخوان اصحاب التجربة والخبرة الفنية الميكانيكية
ارشادي إلى افضل ورشة سيارات في توضيب السفاري الموديلات
من 91 حتى 94 في الرياض أو القصيم



والله يجزاكم خير ولا تشوفون شر

[التعـ King ـديل]

ورشه ابو صالح في الصناعيه القديمه - الرياض

0504118191

[أبو الذيابه]

لا هنت كنق التعديل

ما ادري كم حراوي التكلفة الإجمالية قطع غيار وشغل يد

والله يحفظك ولا تشوف شر

[faisal400]

صحيح ورشة ابو صالح .. واللي يعجبـك
ان الورشه مافيها غير جيوب سفااري فقط ..

[قدر مكتوب]

اخوي انطل كل مكينته مافيها خير , ركب مكينه ثانية وشف وشلون تبي تحب الباترول زووود

لكزس رخيصة وحلوه و8 سلندر وبخاخ

[أبو الذيابه]

أبو فيصل ، قدر مكتوب ........ لا هنتو

واخوي قدر مكتوب ، رايك زين .. بس مكينة اللكزس بكم وأنا اخوك
وبيني وبينك ،، أنا ماني راعي لا كشخة ولا تطعيس ولا سرعة
راعي تمشي بالبر ومقناص وسعة صدر لعيالي ولا يمنع إنك تقول
كم تكلف الدعوة كلها .. مكينة لكزس وشغل يدهم
يمكن الله يرزقنا من واسع فضلة
وننتحر بمكينة لكزس على سفاري 91 يمشي الحال

ولا تشوفون شر يا رجال

[faisal400]

ابو الذيابه .. خذ هالرقم
0506441130
اسمـه .. عبد الكريم << تراه راعي شروكيات وله بالباترول
من 97 وتحت هذا كلامي لي ومكاين فقط
وهو بصراحه يركب مكينه لكزس 400
ويمـــــــــــدحها >> من ناحية عزم وقووه وأقتصـادية بنزين
وانا والله ماجربت لكن الرقم عنـدك وخذ من راسه
وبالتوفيق ..
صحيح ترا مـوقعه مخرج 17 الرياض عند معارض السقوس

[أبو الذيابه]

فيصل

الله يجعل يخدمك المال والبنون والزوجة الحنون

وما تشوف شر

[يريور عيمان]

اخوي اكبر غلظ تسويه انك تركب مكينة لكزس على جيب
مكينة اللكزس ما فيها تورك لكن فيها هورس باور فقط يعني سرعة بدون عزم
و انت راعي بر و مقناص و التورك هو اللي يفيد في البر
خذ النصيحة يا توضب مكينة الوكالة و هذا افضل من وجهة نظري
و اذا مصمم على تغير المكينة ركب مكينة فيها تورك
مثل مكينة فتك ( وهذا اللي افضله في حالة تغير المكينة ) او الكروزر او مكينة امريكية مثل الدينالي او الال اس

[شاص نيسان 93]

نصيحه يالغالي لا تروح لابو صالح التركي

وظبت عنده مكينه باترول وشلح نص الموتر

ثاني شي بعض القطع مافيها شي وقلي انها خربانه وشريت جديد


وبعض القطع تجاري ويحسبها لك اصي ويعطيك فاتوره
اكثرمن واحد قالي هالكلام عنه

ابوصالح شغله زين لكن لا تخلي الموتر عنده

كانكتبي احديوضب مضبوط عندي اكثرمن ورشه عماله فلبينيه مضبوطه

[خليفان]

انصحك بترهيم مكينة لكزس ارخص بواجد من مكينة الباترول وقطع التوضيب وصرفية البنزين نص صرفية الباترول وفي حالة خبطت مكينة الكزس احلتها وطق غيرها وسعرها مايتعدي 2500 ريال

[قدر مكتوب]

اخوي مكينه الكزس حلوه مره بخاخ وتفتك من خربطة الكاربريتير ومكينه 8 سلندر وقوية يعني بقوه مكينه البلد بالبر او احسن بعد

وتركيبها سهل وزينتها الرخص العظيم حيث انها تجاب من دبي (يابانية) بــ 1500 وهنا يبعونها بـ 2000 ريال الى 2500

عن نصيحة جربها قبل التركيب عشان ماتتحسف وبعدين هي احسن بكثير اشياء صرف بنزين وبخاخ(من ناحية صفاوه الموتر) وبالخط تعجبك مره مكينه مممتازه وتويوتا ماتعرف الخراب ورخيصة ايضا

اعتقد اخوي راح تكلف عليك (طبعا لو طحت بيد احد يخاف الله , ولا هو من مبزره هالاستراحات اللي يلعبون على العالم ) طبعا لو سعيت انت بقطعها ودورت احد يركبها لك وتركيبه رخيص وكويس راح تكلف 8000 ثمان الاف ريال

[أبو الذيابه]

(( شُكر لأهل الفضل والمعروف // وطبعاً هو ’’ منقول ’’ ولكن لم أجد ما يفيكم حقكم إلا هذه الأبيات ))


أبحرت في بحر الكلامِ لأقتفـــي **** أحلى كلماتٍ وأحلى الأحــرفِ
لكنها الأمواج أردت قاربــــــــي **** فتحطمت خجلا جميع مجادفــي
لو أنني أنشدت الف قصــــــــيدة **** لوجدتها في حقكم لا لن تفــي
أسرجت شعري لـِ زحول مكشات **** ونسجته شعرا يقرّ عواطفــــي
ونظمته نظما يدّر مشاعـــــــــرا **** من كل قلب قد أبت أن تختفـــي
سيروا الى العلياء واقتادوا المنى **** ومضوا الى الإبداعِ دون توقفِ
واُهنىء نفسي لأني قد حظـــيت **** بجمع أخوانٍ كظــــــــــلٍ وارفِ
شكرا لكم يرعاكم رب السمــــاء **** كونوا كجسمٍ واحدٍ متكـــــــاتفِ

ـــــــــــــــــــــــــــــــــــــــــــــــ
ـــــــــــــــــــــــــــــــــ

ونبي نستخير الله ،، أسأله أن يكتب لنا ما فيه خير وصالح
ولا تشوفون شر

[الحظ المدحدر]

نصيحه يالغالي لا تروح لابو صالح التركي

وظبت عنده مكينه باترول وشلح نص الموتر

ثاني شي بعض القطع مافيها شي وقلي انها خربانه وشريت جديد


وبعض القطع تجاري ويحسبها لك اصي ويعطيك فاتوره
اكثرمن واحد قالي هالكلام عنه

ابوصالح شغله زين لكن لا تخلي الموتر عنده

كانكتبي احديوضب مضبوط عندي اكثرمن ورشه عماله فلبينيه مضبوطه
والله انك صادق وضبت عند جيب 91 والله أنهم حراميه وخاصه السوداني رامي هو اللي يروح يجيب القطع الله لايبيحه

[محسن اليامي]

وعليكم السلام ورحمة الله وبركاته

نصبحتي لك انك تخلي الموتر وكاله وضب المكينه وستانس انت وعيالك

الترهيم مشاكله واااجد وانت قلت لانت راعي كشخه ولا تطعيس ولا سباق

اجل خلك على شغل الوكاله

هذي وجهة نظري والقرار لك

[ابوعبدالله 32]

الله يستر توني مطلع سيارتي من ورشة التركي ومكلفه حول 2250
مغيرين الكرتير ويقول انه اصلي شاريه 700 ريال

[abo naser 1]

السلام عليكم

أخوي انصحك لا توضب قطع النيسان الأصلي غالي اذا انت بتوضب من الصرة الى الصرة بيكلفك بحدود 7000 ريال تزود وتنقص

حقين الترهيم يبيعون مكاينهم السابقة دور على مكينة مشروطة بكامل أغراضها ماتزود عن 5000 ريال وتبيع مكينتك وتطلع التكلفة في حدود 3000 ريال بنص قيمة التوضيب ووفر مالك وشغل التوضيب المطرسة عندنا

ادخل على قسم بيع السيارات قسم نيسان وبتلقا واجد عارضين مكاين نظيفة بقصد تركيب لكزس او امريكي

ومن ضمنهم انا عارض مكينتين 4200 بكامل أغراضها فيها نقص زيت
وكذلك عارض مكينة 4500 من موديل 98 وطالع نظيفة وكذلك تركب على موترك بدون ترهيم

[مطر وسم]

وضب مكينتك احسن لك اترك عنك الترهيم كله خساير وتعب ووجع راس خراط فاضي

بالتوفيق لك

[هيصم]

سبحان الله و الحمد لله

[wepone]

انا بعد عندي نيسان ودي اوضبه ولا دري وين اروح ؟

[طاوي فراشي]

لا تقرب ابوصالح تراه وسط

[أحمد محمد1429]

وضب مكينت ورجعها جديده واترك عنك المكاين المقفله اللي ماتدري عن حالها