:: محتآر ما بين هانكوك وشاهين :: ؟

[قناص الصمان]

سلام عليكم يالله حيه كلن باسمه
انا عندي هايلوكس دبل 2008 وبكره بروح الغرابي حق الكفرات
ومحتار مابين شاهين الي كنها بوالين ولا هانكوك ..من ناحية التحمل والقوة وعدم الارتجاج فالطريق
وبالنسبه للجنوط اللي بركبها على الكفرات ( هـلل )

رآيكم يفيدنـي ؟؟

[قناص الصمان]

وييييييينكم والله اني بحاجة لردودكم

[حسن الشمالي]

انا جربت الهنكوك والي اسمه اوبتيما على هايلكس جنط 15
لين مريح لكن غثني في الحصى والشوك وكل يوم اويومين القى فيه شق صغيرررررر وينسم
الزبدة ان كل اسبوع لازم ازيد الكفرات هوا ولا امشي الابرقع التيوبلس
اما اذا كان فيه نوع اخر من الهنكوك فما اعلم عنه وعن تحمله...

وجربت الشاهين على شاص عرض 75 اللي يشبة البالون هو كذالك لين واتوقع انه ازين من الهنكوك
لكن عقب شهرين من شراهن كنت مسرع في الدايري وضربت فجئة فرامل.... وحصلت الكارثة...
الجهه الي تحت من يم الزفت تقطعت وانمسحت وصار قطر الكفر مب دايري
وخذ وخل من الرجة اللي تدوخ
والصراحة تحسفت ارميهن وحطيتهن ورى لكن لازالت الرجة ....

واعذرنا على الاطالة
واتمنى انك فهمت شي
تحياتي:::

[قناص الصمان]

جزاك الله خير وما قصرت على هالمعلومه الثمينه

[رااعي الفزعات]

من وجهةنظري ومن واقع تجربه الهانكوك أفضل . .
تقبل مرووري . .

[قناص الصمان]

لاهنت ونبي بقية الشباب ..
س/ هل تضبط الهانكوك على جنوط الهلل يعني تركب عليها ممتاز دون مشاكل ؟

[sna-651]

بلا هانكوك بلا هم خذلك شاهين او دنلوب لان الهانكوك صيني كوري اما الشاهين والدنلوب ياباني 100%

وانا مركب دنلوب على موتري اللي بالتوقيع ممتاز بالنفود والخط مريح لا رجه ولا شي

واتمنى اني افدتك

[ساري 111]

ركبت هانكوك دعسه شاهين قبل سنه تقريباً الكفر مش بطال بس حده سنه ونص وبس

ركبت الان دنلوب نفس المقاس الكفر الحقيقه افضل والين واريح وافضل فرامل من الهانكوك بواجد

لكن كلهم فيهم عيب الجنب سواليف اي شي يشقه

فيه ميزه للهانكوك حسب كلام راعين الكفرات يقولون ان شفته مصممه عشان يكون تيوبلس
اما الدنلوب والشاهين فتصميمه لجنط الشنبر لكن يقولون اننا نركبه تيوبلس ولا شفنا منه خلاف

[هواوووي 666]

من واقع تجربه انا معي هلي 2007 ركبت هانكوك 235/85 حلووه ومافيها كلالام بس عيبها الثقل ولا مايظرها لا شوك ولا حصى ولا اي شي
والحين مركب امريكي (( كوبرا )) 245/75 كووويس ونفس تحمل الهانكوك بس الفرق الخف
وبالنسبة للهانكوك نقشة شاهين حلوووووووووووووووووووووووووووووووه بالحيل خذها ولا تشاااور
تقبل مرووووري

[ALBDRANE]

الي يقول كوري صيني الحين أكثر الكفرات تجينا من تايون وتايلند والصين وكوريا وش غير تايوتا اغلب سياراتها الجديده من هذي الدول كفراتها وأشوفهم طاحو في برجستون ومنول يوم برجستون ما فيه الا ياباني ما كان يستعملونه الحين الفوشنر برجستون تايوان الكورلا برجستون تايلند الونيتات تايلند معادك شايف الياباني في السوق اليابان معادهم فاضين للكفرات عندهم الاهم منها

[عاشق المخيله]

عندك هانكوك نقشة شاهين حلوووووة وما فيها كلام هواها من سنة 25 وماشي زي الحلاوة نفووووذ يمشي وزفلت يمشي ووعر يمشي
ما اعبيه 30 الا لين صرت ابمسك خط الف كيلو
لكن عيبه شئ وااااحد استخدامه سنة فقط وعقبه غيره على طول والا بتكثر البناشر

[قناص الصمان]

أبشركم تم تركيب كفرات هانكوك 235/85

نقشة شاهين على جنوط هلل .. يعني تتوقعون سنه وأغيرهآ ؟

[ابوصالح77]

يا علهن مبروكات

[سوبر VTC]

الله يطرح بهن البركة

خبرة رجال راعي كفرات يقول
طبعا الكلام عن البالون نقشة شاهين هانكوك دنلوب

الهانكوك ثقيل كله اسيام و اذا كنت بالغراز و رديت الموتر لنمرة 2 برد العزم على طول
و السبب ثقله من كثر الاسيام بوسطه
ينفض الموتر نفض

الشاهين اساسا مصمم و ناجح لجنوط الشنبر لستك فقط مثل الشاص و الربع
عيبه لجنط التيوبلس
انه مهما تعبيه هواء بزيادة فان الكفر مكرش مع الجنب يعني تحس ان الهواء ناقص
ايضا عيبه يحتمي بالخط
عيبه يحبل مع نص او منتصف الدعسه بمعنى انه بعد فترة من استخدام الكفر
يبدا الموتر ينتفض و انت مسرع مثل ظهور رجه بالموتر و السبب من دعسه الكفر

الدنلوب ما يحتاج لك و للزمن خصوصا تيوبلس

[K.S.A.A]

عز الله أن كلام أخوي VTC عن الهانكوك صحيح 100 %
معي في سيارتي غاثتني والله لكن الكفرات جديده مركبها المالك اللي قبلي
وانا الله يصبرني لحد ماتنتهي صلاحيتها وأنطلها نطل .

[الحمدآن]

دنلوب يا طويل العمر وبـس ...

[تركي98]

الله يبارك لك ياخوي قناص ويعطيك من خيرهن ويكفيك شرهن..
انا لي 3 شهور مركب هانكوك نقشة شاهين 245/85/16 والحمدلله ماشيات معي ولا شفت منهن خلاف..على جنوط هلل طبعا
وانا ماركبتهن الا لان واحد من ربعي مركبهن على موتره من سنه ونص ولا شاف منهن خلاف وماشيات معه نفود ووعر ولكن عيبه اذا صار فيه ماء في المزفلت ترفق ولف على هونك لان نقشتها ناعمه مره
وفي النهاية كل شي على حسب الاستخدام مو بس الكفرات.ومافيه شي ضد الخراب.
واكثر شي يعدم الكفر ( نقص ظغط الهوى) يعني حط اقل شي 35 ونم
لاينقص لان النقص يقلل عمره ويخليه يتاكل بسرعه واذا مسكت خط والهوى ناقص يضرب على طول
اتمنى اكون افدتك ...وتحياتي للجميع